Naassaanngitsumik pilluarsin­naavutit!-mi iluaqutissat

Videut apeq­qutillu atuak­kami Naassaanngitsumik pilluarsinnaavutit!-miit­tut iluaraagit? Immik­koor­tut “Oqar­toqar­tar­poq”, “Iliuuserisas­satit” aamma “Nam­mineq misis­sugas­satit” qanoq igaagit? Biibilimik ilin­niar­titseqataaninni suut allat iluaqutaasin­naap­pat? – Mt 28:19, 20.

Takutitassat: Biibili pil­lugu ilin­niar­titsininni atuagaq naqitaq atorumanerusarukku videut takutitas­sallu allat sumiif­fimmi ataatsimiitil­lugit atoriaan­naasin­naavigit? Atuak­kami digitaliusumi kapitalit sisamat arlaat toq­qaruk. Ilin­niagas­sat qulequtaasa allat­torsimaf­fianni naq­qaniip­put kapitalimi toq­qak­kanni takutitas­sat tamarmik. (Asseq 1 takuuk).

Naqitap isikkuanik toqqaaneq: Ator­tut elektroniskiusut atorlugit ilin­niar­titaqaruit misis­sueqatigiin­nis­sinni ilaan­nik­kut atuak­kap naqitaasup isik­kuanik alak­kaasar­neq iluaqutigisarsin­naavat. Ilin­niagas­samik misis­suitil­lusi tuugas­sani toor­nerit pingasut qup­per­nermi qul­ler­tut inis­sisimasut tuuk­kit taavalu “Trykt udgave” toq­qarlugu. Tamatuma isik­kua sam­misassi ilin­niagas­sami pingaar­nersatut sam­mineqar­tumut atas­suteqar­nerata eqqaamajuar­nis­saanut iluaqutigisin­naavat. Atuak­kap digitaliusup isik­kuanut uterumal­lutit toor­nerit pingasut tooq­qik­kit toq­qarlugulu “Digital udgave”.

“Piareersimavunga?”: Atuak­kami qup­per­nerni kingul­lerni ilagiinni oqaluus­seqataasaler­nis­samut morsutsitaanis­samullu piumasaqaataasut tun­ngaviusut ungalusani takuneqarsin­naap­put. (Asseq 2 takuuk).

Ilanngussat: Ilan­ngus­sat tas­saap­put atuagas­sat sam­misanut aalajangersimasunut pingaarutilin­nut nas­suiaataasut. Atuak­kami digitaliusumi ilan­ngus­sat tamarmik naggataatungaanni linki toorukku ilin­niagas­sami kil­lif­figisas­sin­nut utis­saasi. (Asseq 2 takuuk).