JW.ORG-ip saqqaa oqaluus­sininni atortaruk

Nittartakkatta saqqaaniittarput allaaserisat videullu eqqortuliorusuttut soqutigisin­naasaat. (ApS 13:48) Taakku nutaarsiassani sammineqartunut inunnillu eqqarsaatigineqarlutillu eqqartor­neqartartunut tunngagajupput.

JW.ORG-ip saqqaa oqaluus­sininni qanoq atorsin­naaviuk?

• Nittartagaq alakkakulaguk. Massakkorpiaq suut saqqaaniinnersut maluginiartaruk, eqqarsaatigisarullu soqutigin­nittumik ikiuinissamut taakku qanoq atorsin­naaneritit. (Qanittukkut saqqaaniis­simasut naneqqik­kumallugit tooruk “Allat takukkit”). Nittartagaq malinnaavigisarukku oqaluus­sinermi saqqummiun­niakkannik soqutiginar­tuutitsisin­naavutit.

• Oqaloqateqalerumallutit allaaserisat videullu saqqaaniittut atortakkit. Saqqaani saqqummiun­neqartut oqaluus­siffigisar­takkatsinni inuit eqqarsaatigisaannut tulluarsin­naapput.

• Saqqaa takutittaruk. Sammineqartut aalajangersimasut innersuus­sutigisakkit nittartak­kamillu qanoq atuisoqarsin­naaneranik takutitsisarlutit.

• Linkimik nassius­sisarit. Inuit ilaat uagutsinnik oqaloqateqarnatik nittartak­katsinnik alakkaajumanerusarput. Taamaattumik saqqaanut allaaserisamul­luunniit videumullu saqqaaniittumut linkimik soqutigin­nittunut nassius­sisarit.