KRISTUMIUTUT INUUNEQ

Guuteqarneranik upperinninngitsut Pinngortitsisumik ilisarisimannilernissaannut ikiukkit

Guuteqarneranik upperinninngitsunut oqaluussinaveersaartarpit eqqarsarlutit tusarnaarumanavianngitsut? Taamaappat eqqaamajuk upperisarsiornermik soqutiginninngitsut – aamma Guuteqannginneraasut – ilarpassui Jehovamik Nalunaajaasunngorsimasut. Amerlanertigut Guuteqarneranut uppernarsaatinik misissuinissamut ikiorneqalaaginnarlutik uppertunngortarput. – Ro 1:20; 10:14.

ISIGINNAAGASSIAQ HUSK – DE DER IKKE HAR TRO, KAN FÅ TRO! – IKKERELIGIØSE MENNESKER ISIGINNAARIARLUGU APEQQUTIT UKU AKIKKIT:

Tommasop misigisaa Guuteqarneranik upperinninngitsunut oqaluussinerup isumalluarfiginissaanut qanoq iluaqutigaajuk?

Illit akissutit

Qanoq iliussaagut

Guutimik upperinninnginnerartoqarpat taanna inussiarnisaarfigiuk eqqartugarsilu pillugu eqqarsaataanik misigissusiinillu ilumoorlutit soqutiginnillutit. (Ti2 2:24) Soqutigisinnaasaanik eqqartuigit. Pinngortitsisoqarneranut uppernarsaatit inuppassuit uppertunngussutigisimasaat soqutigai? Taamaappat Biibililersaarutit videullu tamatumunnga tunngasut atukkit. Quppersakkat Er livet en Skabers værk? aamma Fem gode spørgsmål om livets oprindelse app-ip JW Library-p saqqaanut ilanngunneqarsimapput alakkarneqariaannanngorlugit.

Guuteqarneranik upperinninngitsumut Biibilimik eqqartuinissaq sapernartikkukku oqaluussisartumut misilittagaqarluartumut ikioqqusinnaavutit. Eqqaamajuttaaq Jehovap eqqortuliorusuttut uummataasa killinnissaannut ikiorsinnaagaatigut – aallaqqaammut piuneranik upperinninngikkaluarpataluunniit. – ApS 13:48.