Jehovap, Ataatatta, asangaarpaatigut

1. Persiap kun­ngianut sas­sarumasoq qanoq ilioq­qaar­tariaqar­pa?

TAKORLOORUK ukiut 2.500-t mis­saat matuma sior­na Persiami inuul­lutit. Nunami kun­ngi pingaarutilim­mik oqarfigerusul­lugu il­loqarfim­mut najugaqarfigisaanut, Susamut, ingerlaar­putit. Kun­ngili akuersiseq­qaar­nagu sas­sarfigisin­naan­ngilat, taamaalior­nermi toqumik kinguneqarsin­naavoq. – Est 4:11.

2. Jehovap saaf­figinis­saanut tun­ngatil­lugu qanoq misigisin­naavugut?

² Jehovap Persiami kun­ngimit al­laanerunera qujamasun­nangaarami! Inum­mit naalak­kersuisumit kimil­luun­niit qutsin­nerungaaraluarluni qaquguk­kul­luun­niit sas­sarfigisin­naavar­put. Nakimanata saaf­figis­sagitsin­ni kis­saatigaa. As­sersuutigalugu Jehova qutsis­sunik taaguuteqaraluarluni, soorlu Pin­ngor­titsisorsuaq, Ajugaqan­ngitsoq, aam­ma kisimi oqar­tus­saal­luni Naalagaq, taaguum­mik asan­nip­palut­tumik, ‘Ataatamik’, taas­sagitsin­ni kis­saatigaa. (Matt 6:9) Taama im­minut qanil­lis­sagitsin­ni kis­saatigim­magu nuan­naarutis­saqaqaagut!

3. Sooq Jehova ‘Ataatatsitut’ taasin­naavar­put, al­laaserisamilu suut sam­mineqas­sap­pat?

³ Jehovap ‘Ataatatsitut’ taanis­saa naleq­qup­poq Pin­ngor­titsisorigatsigu. (ApS 17:24, 25) Ataatarigatsigu naalat­tus­saavar­put. Peq­qusineratut iliorut­ta nuan­ningaar­tunik pil­luaq­quneqarumaar­pugut. (Hebr 12:9) Taak­kua ilagaat inuuneq naas­saan­ngitsoq – qilam­mi nunamiluun­niit. Maan­nangaarli iluaqutis­sar­taqar­poq. Jehovap Ataatatut uagutsin­nik asan­nin­nini qanoq ersersit­tar­neraa aam­ma sooq qularin­ngis­sin­naagip­put siunis­sami qiman­ngisaan­nas­sagaatigut al­laaserisami sam­mineqas­saaq. Siul­ler­tul­li sam­meriar­tigu sooq qularin­ngis­sin­naagip­put Ataatat­ta qilam­miusup asangaarlutalu ikiorusuk­kaatigut.

JEHOVA ATAATAAVOQ ASANNINGAARTOQ

4. Sooq inuit ilaasa Jehovap Ataatamis­sut eq­qarsaatiginis­saa saper­nar­tit­tar­paat?

⁴ Guutip Ataatat­tut eq­qarsaatiginis­saa saper­nar­tip­piuk? Ilaat Jehovamut sanil­liul­lutik pingaaruteqan­ngitsutut misigisar­put. Im­maqa qularaat Guutip Ajugaqan­ngitsup im­mik­kut soqutigigaatsik. Ataatat­tali asan­nit­tup taamatut misiginis­sar­put kis­saatigin­ngilaa. Inuunermik tunivaatigut, im­minul­lu at­taveqarluas­sasugut kis­saatigaa. Apustili Paulusi ilumoor­toq taman­na eq­qaareerlugu Athenimi tusar­naar­timinut nas­suiaavoq Jehova ‘ilatsin­nit kimil­luun­niit ungasin­ngitsoq’. (ApS 17:24-29) Guutip kis­saatigaa meeq­qap nangaanani angajoq­qaaminut asan­nit­tumut saaf­figin­nit­tar­neratut uagut saaf­figis­sagitsin­ni.

5. Qatan­ngutip ar­nap misigisaanit suna ilik­kar­par­put?

⁵ Al­lat Jehova Ataatamis­sut takorlooruminaatsit­tar­paat nam­min­neq ataatamin­nit asaneqar­nis­samik ajun­ngisaarfigineqar­nis­samil­lu amigaateqaramik. Qatan­ngutip ar­nap oqaasii uku eq­qarsaatigik­kit: “Ataatama oqaasii sak­kor­tusarsimap­put. Biibilimik atuaq­qis­saar­taleq­qaarama Ataatamut qilam­miusumut qanimut at­taveqar­nis­sara ajor­nakusoor­tip­para. Jehovali ilisarisimal­lualerak­ku taman­na al­lan­ngor­poq.” Il­lim­mi, taamatut misigivit? Taamaap­pat nikal­loqinak. Il­lit­taaq Jehovap Ataataal­luar­ner­paanera misigisin­naavat.

6. Mat­thæusi 11:27 naaper­torlugu Jehovap Ataatatsitut asan­nit­tutut isigineqar­nis­sani ilaatigut qanoq ajor­nan­ngin­nerulersip­paa?

⁶ Jiisusip oqaasiisa iliuusiisalu Biibilimut al­latsin­nerisigut Jehovap Ataatatsitut asan­nit­tutut isigineqar­nis­sani ajor­nan­ngin­nerulersip­paa. (Matthæusi 11:27 atuaruk). Jiisusip Ataatani pis­susiisigut as­sigingaaramiuk ima oqarsin­naavoq: “Uan­nik takun­nit­tup Ataataq takuaa.” (Joh 14:9) Jiisusip Jehova Ataatatut eq­qar­tuk­kajut­tar­paa. Iivangkiiliuni sisamani 165-it mis­siliorlugit ‘Ataatamik’ taavaa. Sooruna Jiisusip Jehova taama eq­qar­tor­tigisaraa? Ilaatigut inuit up­perinias­sam­mas­suk Jehova Ataataasoq asan­nit­toq. – Joh 17:25, 26.

7. Er­nerminik pin­nit­tar­neranit Jehova pil­lugu suna ilik­kar­par­put?

⁷ Er­nerminik, Jiisusimik, pin­nit­tar­neranit Jehova pil­lugu qanoq ilik­kagaqar­nersugut eq­qarsaatigiuk. Jiisusip qin­nutai tamatigut tusar­tar­pai. Tusar­naagin­nar­nagil­li aam­ma akisar­pai. (Joh 11:41, 42) Qanorluun­niit misilin­neqaraluarluni Jiisusip Ataatami asan­nin­nera tapersersuineralu misigiuar­paa. – Luk 22:42, 43.

8. Jehovap Jiisusi qanoq ikior­paa?

⁸ Ataatami inuunermik tun­nius­sisuunera inuuin­nar­titsisuuneralu Jiisusip miserratiginagu ima oqar­poq: ‘Ataataq uumas­sutigaara.’ (Joh 6:57) Jiisusip Ataatani tatigil­luin­nar­paa, Jehoval­lu timik­kut pisariaqar­titaanik isumagaa. Pingaar­ner­tul­li Jehovap Jiisusi aalajaaq­qul­lugu ikior­paa. – Matt 4:4.

9. Jehovap Ataataal­luni asan­nit­toq Jiisusimut qanoq up­per­narsar­paa?

⁹ Ataatatut asan­nit­tuugami Jehovap qulak­keer­paa Jiisusip ilisimas­sagaa Ataataminit tapersersor­neqarluni. (Matt 26:53; Joh 8:16) Naak Jiisusip tamanit ajoquser­neqan­ngin­nis­saa isumagin­ngik­kaluarlugu misilin­neqar­nerani piner­tusaar­tip­paa. Jiisusip nalun­ngilaa naal­liuutini suul­luun­niit utaq­qiisaan­naagal­lar­tut. (Hebr 12:2) Jiisusi tusar­naarlugu, isumagalugu, ilin­niar­til­lugu an­ner­toq­qusersorlugulu Jehovap taas­sumin­nga asan­nin­nini ersersit­tar­paa. (Joh 5:20; 8:28) Maan­na sam­meriar­tigu Ataatat­ta qilam­miusup as­singusumik qanoq ikior­tar­neraatigut.

ATAATATTA ASANNITTUP ISUMASSUINERA

10. Tus­siaat 66:19, 20-lu naaper­torlugit Jehovap uagutsin­nik asan­nin­nini qanoq ersersip­paa?

¹⁰ Jehovap qin­nutivut tusar­naar­tar­pai. (Tussiaat 66:19, 20 atuakkit). Qin­nutivut kil­lilersun­ngilai, paarlat­tuanik kajumis­saar­paatigut qinukulas­sasugut. (1 Th 5:17) Qaquguk­kul­luun­niit sumiik­kaluarut­taluun­niil­lu Guuti ataq­qin­nit­tumik saaf­figisin­naavar­put. Tusar­naar­nis­saminut ulapip­pal­laar­neq ajor­poq, qin­nutitsin­nil­lu tusar­naaq­qis­saar­tuaan­nar­poq. Jehovap qin­nutitsin­nik tusar­tar­tuunera qulariun­naarutsigu asanerulis­savar­put. Tus­siaasior­toq ima al­lap­poq: ‘Naalagaq asavara tusarmanga.’ – Tuss 116:1.

11. Jehovap qin­nutivut qanoq akisar­pai?

¹¹ Ataatat­ta qin­nutivut tusaan­nar­nagit aam­ma akisar­pai. Apustilip Johan­nesip al­lataani neriorsor­neqar­pugut Guutip “piumasaminut naaper­tuut­tumik qin­nuigigutsin­ni tusarumaaraatigut”. (1 Joh 5:14, 15) Soorunalimi imaas­sin­naavoq Jehovap qin­nutivut ilimagin­ngisatsitut akigai. Nalun­ngilaa uagutsin­nut suna pitsaaner­paanersoq, taamaat­tumik ilaan­nik­kut qin­nutivut naaggaar­tar­pai utaq­qeq­qul­lutaluun­niit. – 2 Kor 12:7-9.

12-13. Ataatat­ta qilam­miusup qanoq isumas­sor­tar­paatigut?

¹² Jehovap isumas­sorpaatigut. Ataataasunut tamanut piumasaqaatiminik nam­mineq eq­quutititsivoq. (1 Tim 5:8) Qitor­nani timik­kut pisariaqar­titaan­nik isumas­sor­pai. Kis­saatigin­ngilaa nerisas­sat, atisat inis­saqar­nis­sarlu isumakuluutigis­sagivut. (Matt 6:32, 33; 7:11) Ataataagami asan­nit­toq Jehovap al­laat siunis­sami pisariaqar­titavut isumagereer­pai.

¹³ Pingaar­ner­paatut, Jehovap anersaak­kut pisariaqar­titatsin­nik isumas­sor­paatigut. Biibili aq­qutigalugu kinaanini, siuner­tani, inuunerup siuner­taa siunis­sarlu pil­lugit sal­lusuis­sutinik ilisimatip­paatigut. Im­mik­kut soqutigaluta ilisarisimaler­nias­sagatsin­ni angajoq­qaavut al­lal­luun­niit aq­qutigalugit ilin­niar­tip­paatigut. Aam­ma ilagiin­ni utoq­qaaner­tat qatan­ngutil­lu anersaak­kut inersimal­luar­tut al­lat aq­qutigalugit asan­nil­luni siulersor­tar­paatigut. Tamak­kua saniatigut anersaak­kut ilaqut­tavut ataatsimeeqatigigaangatsigit Jehovap ilin­niar­tit­tar­paatigut. Taamatut al­latul­lu Jehovap Ataatatut tamatsin­nik soqutigin­nin­nini ersersit­tar­paa. – Tuss 32:8.

14. Sooq Jehovap ilin­niar­tit­tar­paatigut, qanorlu taamaalior­tar­pa?

¹⁴ Jehovap ilin­niartit­tarpaatigut. Jiisusi as­siginagu uagut naam­mal­luin­nan­ngitsuuvugut. Taamaat­tumik ilin­niar­tik­kumal­luta Ataatat­ta asan­nit­tup pisariaqar­tumik perorsaatis­sit­tar­paatigut. Biibilimi eq­qaasin­neqar­pugut Jehovap ‘asasani perorsar­tarai’. (Hebr 12:6, 7, tastamantitâĸ) Jehovap arlalitsigut perorsar­tar­paatigut. As­sersuutigalugu Oqaasiata atuar­nerani ataatsimiin­ner­niluun­niit paasisatsigut naq­qis­sin­naavaatigut. Imaluun­niit utoq­qaaner­tat aq­qutigalugit taamaaliorsin­naavoq. Qanorluun­niit ik­kaluar­pat Jehovap perorsaatis­siinera asan­nin­nermik tun­ngaveqar­tuaan­nar­poq. – Jer 30:11.

15. Jehovap qanoq an­ner­toq­qusersor­tar­paatigut?

¹⁵ Misilin­neqar­nit­sin­ni Jehovap an­ner­toq­quser­sor­tar­paatigut. Soorlu ataataasup asan­nit­tup meeq­qani ajor­nar­torsior­neran­ni tapersersor­tarai, Ataatat­ta qilam­miusup misilin­neqar­nitsin­ni an­ner­toq­qusersor­tar­paatigut. Anersaak­kut ajoquser­neqan­ngin­nias­sagat­ta anersaani il­ler­nar­toq atorlugu il­lersor­tar­paatigut. (Luk 11:13) Aam­ma nikal­lunganitsin­ni ikior­tar­paatigut. As­sersuutigalugu nuan­ningaar­tumik neriuuteqalersip­paatigut. Neriuut taan­na iluaqutigalugu ajor­nar­torsior­nitsin­ni piner­tusaarsin­naavugut. Una eq­qarsaatigiuk: Qanorluun­niit ajor­tunik nalaataqas­sagaluarut­ta Ataatat­ta asan­nit­tup nalaatavut ajor­tut tamaasa aaq­qis­savai. Misilin­neqaativut suul­luun­niit utaq­qiisaan­naagal­lar­put, Jehoval­li pil­luaq­qus­sutai naas­saan­ngitsumik atas­sap­put. – 2 Kor 4:16-18.

ATAATATTA QIMANNGISAANNAS­SAVAATIGUT

16. Adami Ataataminut asan­nit­tumut naalan­ngim­mat susoqar­pa?

¹⁶ Adamip naalan­ngim­mani Jehovap qanoq qisuariar­nera eq­qarsaatigigutsigu taas­suma uagutsin­nut asan­nin­nera up­per­narsis­savar­put. Adami Ataataminut qilam­miusumut naalan­ngik­kami kinguaanilu Jehovap ilaqutariis­sor­taanut pil­luar­tunut akuujun­naar­put. (Rom 5:12; 7:14) Jehovali aaq­qiinis­samik iliuuseqar­poq.

17. Adami pikitsitsereersoq Jehova ingerlaan­naq sua?

¹⁷ Jehovap Adami pil­lar­paa, taas­sumali kinguaas­sai neriuutis­saqar­tip­pai. Im­minut naalat­tut ilaqutariis­sor­taminut ilaalersin­naaq­qul­lugit ingerlaan­naq neriorsuivoq. (1 Mos 3:15; Rom 8:20, 21) Er­nermi asangaak­kami, Jiisusip, uter­tin­neqaatis­satut pil­liutigineratigut Jehovap taman­na ajor­narun­naarsip­paa. Er­nini uagut pil­luta pil­liutigigamiuk Jehovap up­per­narsar­paa asangaarluta. – Joh 3:16.

18. Sooq qularin­ngis­sin­naavar­put Jehovap qitor­namisut perusuk­kaatigut, al­laat ungasil­lisoorsimagaluarutsigu?

¹⁸ Naam­mal­luin­nan­ngitsuugaluar­tugut Jehovap ilaqut­tamisut perusup­paatigut, ikior­nis­sar­pul­lu ar­tor­nar­tutut isigineq ajor­paa. Imaas­sin­naavoq pakatsisik­kip­put ungasil­lisuulaarluguluun­niit, Jehoval­li nikal­luun­neq ajor­paatigut. Er­nermik tam­maraluar­tumik as­sersuusiaq atorlugu Jehovap qitor­naminik asan­ningaar­nera Jiisusip ersersip­paa. (Luk 15:11-32) As­sersuusiami ataataasup er­nermi uter­nis­saa neriuutigiuar­paa. Er­neq utermat ataataasup nangaanani tikil­luaq­qujar­tor­paa. Uagut Jehova ungasil­lisoorsimagutsigu peq­qis­simil­lutali qularin­ngis­sin­naavar­put Ataatar­put asan­nit­toq nangaanani tikil­luaq­qusinis­saminut piareersimasoq.

19. Ajor­tut Adamip pisuus­sutigisai Jehovap qanoq aaq­qik­kumaar­pai?

¹⁹ Ajor­tut Adamip pisuus­sutigisai tamaasa Jehovap aaq­qik­kumaar­pai. Adami pikitsitsereersoq Jehova aalajanger­poq inuit 144.000-t qitor­navis­siar­taariniarlugit qilam­mi kun­ngisut palasitul­lu Er­nera kif­far­toqatiginias­sam­mas­suk. Silarsuar­taas­sami inuit naalat­tut naam­mal­luin­nar­tun­ngor­nis­samut Jiisusimit naalak­kersueqataanil­lu taak­kunan­nga ikior­neqas­sap­put. Naalan­nis­samik naggataamik misilin­neqar­nermi aalajaatsut Guutip naas­saan­ngitsumik inuusin­naalersis­savai. Taamanik­kus­samut qitor­naminik naam­mal­luin­nar­tunik nunarsuup ulik­kaar­nera Ataatat­ta nuan­naarutigis­savaa. Nuan­nerunas­susia, ilaa?

20. Jehovap uagutsin­nik asan­ningaar­nini qanoq ersersis­simavaa, al­laaserisal­lu tul­liani suna sam­mis­savar­put?

²⁰ Jehovap uagutsin­nik asan­ningaar­nini ersersis­simavaa. Ataataavoq as­sis­saqan­ngitsoq. Qin­nutivut tusar­tar­pai, aam­ma timik­kut anersaak­kul­lu pisariaqar­titatsin­nik isumas­sor­tar­paatigut. Ilin­niar­til­lutalu an­ner­toq­qusersor­tar­paatigut, aam­ma nuan­ningaar­tumik siunis­saqar­tip­paatigut. Ataatat­ta asan­nin­nera isumas­suineralu kil­litsin­nangaar­put! Asan­nin­neranik qujamasuutigin­nin­ner­put qanoq ersersis­sin­naagip­put al­laaserisap tul­liani sam­mis­savar­put.