Asanninneq qujamasunnerlu kuisinnissamut kajumississutaapput

1-2. Apustilit Suliaat 8:27-31, 35, 36, 38-lu naaper­torlugit Etiopiamiu sooq kuisik­kusuler­pa?

KRISTUSIMUT ajoqersuk­katut kuisik­kusup­pit? Asan­nin­neq qujamasun­nerlu kil­lin­neqaatigalugit amerlasuut taama aalajangersimap­put. Etiopiami dron­ningip atorfilit­taata maligas­siaa eq­qarsaatigiuk.

² Etiopiamiup ilik­kak­kani Al­lak­kaneersut ingerlaan­naq iliuuseqalis­sutigai. (Apustilit Suliaat 8:27-31, 35, 36, 38 atuakkit). Suna kajumis­sis­sutigaa? Guutip oqaasii pingaar­tis­simas­savai, qamutinimi is­siatil­luni Esajap al­lagaanik atuar­poq. Filipil­lu oqaluus­sif­figim­mani Jiisusip pil­liutaa qujamasuutigingaaler­paa. Aam­ma Jehovamut asan­nin­nini ineriar­tor­tis­simavaa. Qanoq nalun­ngilar­put? Jerusalemimukarsimam­mat Jehovamik pal­lorfigin­nik­kiar­torluni. Angut taan­na sior­natigut al­lamik up­perisaqarsimagunaraluarluni maan­na inuiaqatigiin­nut Guutimut ilumoor­tumut tun­niul­luin­narsimasunut ilaalersimavoq. Jehovamut asanninnini kajumis­sis­sutigalugu al­lamik pingaarutilim­mik aalajanger­poq – Kristusimut ajoqersuk­katut kuisik­kusuler­poq. – Matt 28:19.

3. Suut kuisin­nis­samut akor­nutaasin­naap­pat? (Aam­ma ungalusaq “Qanoq it­tumik uum­mateqar­pit?” takuuk).

³ Jehovamut asan­nin­nerit kuisin­nis­samut kajumis­sis­sutigisin­naavat. Al­lanil­li pingaar­titsineq kuisin­nis­san­nut akor­nutaasin­naavoq. As­sersuutigalugu im­maqa ilaqut­tatit ikin­ngutitil­lu Nalunaajaasuun­ngitsut asangaarak­kit er­numagaat kuisis­saguit uumis­sulis­sagaatsit. (Matt 10:37) Imaas­sin­naavoq Guutip uumigisaanik ileq­qoqar­tutit taamaatik­kuminaatsis­sin­naasan­nik. (Tuss 97:10) Imaluun­niit peroriar­tor­nin­ni nal­liut­torsior­nerit up­perisarsior­nermit eq­qun­ngitsumit pilerfeqar­tut nal­liut­torsiutigisar­patit nuan­nersumil­lu eq­qaamasarlugit. Tamatuma kinguneranik nal­liut­torsiutit Jehovap iluarin­ngisaata unitsin­nis­saat saper­nar­tis­sin­naavat. (1 Kor 10:20, 21) Taamaat­tumik aalajanger­tariaqar­putit: ‘Uan­nut suna imaluun­niit kina pingaar­ner­paava?’

PISSUTIGINIAGAQ PINGAARNERPAAQ

4. Kuisin­nis­samut pingaar­ner­tut suna pis­sutiginiagarineqar­tus­saava?

⁴ Pingaar­tis­sin­naasan­nik qujamasuutigisin­naasan­nil­lu ajun­ngitsor­pas­suaqar­poq. As­sersuutigalugu im­maqa Jehovap Nalunaajaasuinik atuaq­qis­saaqateqar­talin­ngin­nin­ni Biibili pingaar­tingaarsimavat. Aam­ma Jiisusimut asan­nin­neq ineriar­tor­tis­simagunar­pat. Maan­nak­kul­lu Jehovap Nalunaajaasui ilisarisimal­lualerak­kit ilagisar­nis­saat nuan­narigunar­pat. Misigis­sutsil­li taak­ku Jehovamut tun­niul­luin­nar­nis­samut kuisin­nis­samul­lu kajumis­suseqaler­nis­san­nut naam­man­ngil­lat. Kuisin­nis­samum­mi pis­sutaasoq pingaar­ner­paaq tas­saavoq Jehovamut Guutimut asan­nin­neq. Jehova al­lanit tamanit asaneruguk­ku sunaluun­niit kif­far­torun­naas­sutiginavian­ngilat. Jehovamut asan­nin­nerit kuisin­nis­samut kajumis­sis­sutigis­savat aalajaaf­figiuar­nis­saanul­lu iluaqutigalugu.

5. Apeq­qutit suut sam­mis­savavut?

⁵ Jiisusi oqar­poq uum­matik­kut, tar­nik­kut, isumak­kul­lu iluun­ngarluta aam­ma nukivut tamak­kerlugit Jehova asas­sagip­put. (Mark 12:30) Qanoq Jehova taama asatigilerlugulu ataq­qitigilersin­naaviuk? Jehovap uagutsin­nut asan­ningaar­nera eq­qarsaatigitil­lugu taas­sumun­nga asan­nin­ner­put ineriar­tor­tis­sin­naavar­put. (1 Joh 4:19) Asan­nin­neq pingaar­ner­paaq taman­na qanoq misigilis­sutigalugulu iliorusulis­sutigis­saviuk?b

6. Romamiut 1:20 naaper­torlugu Jehova pil­lugu qanoq ilin­niarsin­naavit?

⁶ Pin­ngor­titar­suaq aq­qutigalugu Jehova pil­lugu ilin­niarit. (Romamiut 1:20 atuaruk; Saqq 4:11) Naasut uumasul­lu qimerloor­til­lugit Jehovap ilisimas­susersua eq­qarsaatigeq­qis­saar­taruk. Timit­ta tupin­nangaar­tumik pin­ngor­titaanera paasiniaruk. (Tuss 139:14) Aam­ma eq­qarsaatigiuk Jehovap seqineq qanoq an­ner­tutigisumik nukis­siorsin­naatil­lugu pin­ngor­tis­simagaa. Seqinerlu ul­loris­sat mil­liardilik­kuutaajusut ilaan­naraat!c (Es 40:26) Taamaalior­til­lutit Jehovamik mianerin­nin­nerit ineriar­tor­tis­savat. Jehovap ilisimas­susersuanik pis­saaneranil­lu ilisiman­nin­neq pingaaruteqar­poq. Jehovali asanerulerumal­lugu qanimul­lu ikin­ngutigilerumal­lugu ilisimasaqarfiginerusariaqar­pat.

7. Jehova qaman­nga pisumik asajumal­lugu suna up­peril­luin­nar­tariaqar­piuk?

⁷ Jehovap ilumut asagaatit up­peril­luin­nar­tariaqar­pat. Qilam­mik nunamil­lu pin­ngor­titsisup maluginiarlutil­lu soqutigigaatit up­periuminaatsip­piuk? Taamaap­pat eq­qaamajuk Jehova ‘ilatsin­nit kimil­luun­niit ungasin­ngitsoq’. (ApS 17:26-28) “Uum­matit tamaasa misis­suif­figeq­qis­saar­tar­pai”, aam­ma neriorsor­paatit ‘ujaruk­ku naniumaarin­ni’. (1 Nal 28:9) Aap, ‘Ataatap kajungilersim­matit’ Biibilimik atuaq­qis­saar­tar­putit. (Joh 6:44) Il­lit pil­lutit Jehovap iliuuserisimasar­pas­sui ilisimaneruleriar­tor­til­lugit taas­sumun­nga asan­nin­nerulis­saatit.

8. Jehovap asan­nin­neranik qujamasuutigin­nin­nerit qanoq ersersis­sin­naaviuk?

⁸ Jehovap asan­nin­neranik qujamasuutigin­nin­nerit ersersis­sin­naavat qinunik­kut saaf­figisar­neratigut. Isumakuluutitit pil­lugit oqalut­tuuk­kaangak­ku iliuuserisaalu pil­lugit qujaf­figigaangak­ku Jehova asaneruleriar­tuin­nas­savat. Aam­ma Jehovap qin­nutin­nik akisinera misigigaangak­ku ikin­ngutigiin­nersi nakus­satsit­tar­poq. (Tuss 116:1) Paasisin­naagaatit qulariun­naas­savat. Jehovali qanimut ikin­ngutigilerumal­lugu eq­qarsar­taasia paasisin­naasariaqar­pat. Aam­ma qanoq piumaf­figigaatit ilisimasariaqar­pat. Taamaal­laat Biibilimik atuaq­qis­saar­nik­kut tamak­kunin­nga ilisimasaqalersin­naavutit.

9. Biibilimik pingaar­titsinerit qanoq ersersis­sin­naaviuk?

⁹ Biibilimik pingaar­titsineq ineriar­tor­tiguk. Jehova pil­lugu ilumoor­toq ilin­nul­lu siuner­taata suunera taamaal­laat Biibilimi ilin­niarsin­naavatit. Biibili pingaar­til­lugu ersersit­tar­pat ul­lut tamaasa atuar­tar­neratigut, atuaq­qis­saaqatigineqar­nis­san­nut piareersar­tar­nik­kut ilik­kak­kavil­lu maleruar­nerisigut. (Tuss 119:97, 99; Joh 17:17) Biibilimik atuar­tar­nis­samut pilersaarusiaqar­pit? Taman­na maleruarlugu ul­lut tamaasa Biibili atuar­tar­piuk?

10. Ilaatigut sooq Biibili im­mik­kuul­laris­suua?

¹⁰ Biibilip im­mik­kuul­laris­suuneranut pis­sutaaqataasoq tas­saavoq Jiisusimik takun­nit­tuusimasut al­lagaan­nik imaqar­nera. Atuagatuaavoq Jiisusip il­lit pil­lutit iliuuserisimasaanik eq­qor­tumik nas­suiaasoq. Jiisusip oqaasii iliuusiilu ilisimaneruler­til­lugit ikin­ngutigerusulis­savat.

11. Jehovap asanis­saanut suna iluaqutigis­saviuk?

¹¹ Jiisusimut asan­nin­nerit ineriar­tor­tiguk, taava Jehova asanerulis­savat. Sooq taamaap­pa? Jiisusi pis­susimigut angusisarluin­narmat. (Joh 14:9) Jiisusi pil­lugu ilin­niagaqar­nerutil­lutit Jehova ilisimanerulerlugulu asanerulis­savat. Al­lanit nikagineqar­tunik – soorlu piitsunik, nap­parsimasunik san­ngiitsunil­lu – Jiisusip misigin­neqataanera eq­qarsaatigiuk. Aam­ma inuunin­ni atoriaan­naasunik siun­nersuinera taak­kualu maleruar­nerisigut inuuner­pit qanoq pitsaaneruler­nera eq­qarsaatigik­kit. – Matt 5:1-11; 7:24-27.

12. Jiisusi pil­lugu paasisaqar­neruler­til­lutit sunis­samut kil­lin­neqas­savit?

¹² Ajor­titsin­nik isumak­keerfigineqaq­qul­luta Jiisusip pil­liutaa eq­qarsaatigeq­qis­saaruk­ku taan­na asaneruleriar­tuin­nas­savat. (Matt 20:28) Jiisusip kajumil­luni inuunini il­lit pil­lutit pil­liutigigaa paasiguk­ku ajor­tuliarisimasatit peq­qis­simis­sutigis­sagunar­patit Jehovamul­lu isumak­keerfigeq­qul­lutit. (ApS 3:19, 20; 1 Joh 1:9) Jiisusi Jehovalu asaneruler­til­lugit inuit al­lat taak­kunin­nga asan­nit­tut ilagerusun­nerulis­savatit.

13. Jehovap sunik tunivaatit?

¹³ Jehovap ilaqutariis­sor­taanut asan­nin­nerit ineriar­tor­tiguk. Im­maqa ilaqut­tavit Nalunaajaasuun­ngitsut ikin­ngutigisimasavil­lu paasisin­naan­ngilaat sooq Jehovamut tun­niul­luin­narusun­nersutit. Al­laam­mi akerlilersorsin­naavaatsit. Jehoval­li ikiorlutit anersaak­kut ilaqutar­taar­tis­savaatit. Anersaak­kut ilaqut­tatit qanit­tuaruk­kit asan­nin­nermik tapersersor­neqar­nermil­lu amigaateqar­navian­ngilatit. (Mark 10:29, 30; Hebr 10:24, 25) Imaas­sin­naavoq pif­fis­sap ingerlanerani ilaqut­tavit Jehovap najoq­qutas­siai maleruarlugit kif­far­toqatigileraatsit. – 1 Petr 2:12.

14. Jehovap najoq­qutas­siai pil­lugit Johan­nesip al­lagai siul­liit 5:3-mi al­las­simasut ilumoor­nerat il­lit qanoq misiginikuuigit?

¹⁴ Jehovap najoq­qutas­siaanik pingaar­titsil­lutit maleruaanis­sat ilin­niaruk. Jehova ilisarisimalin­ngik­kal­larak­ku im­minut najoq­qutas­siuut­tarsimagunar­putit, maan­nali paasisimavat Jehovap najoq­qutas­siai pitsaanerusut. (Tuss 1:1-3; 1 Johannesi 5:3 atuaruk). Uiusunut, nuliaasunut, angajoq­qaanut meeq­qanul­lu siun­nersuutit Biibilimiit­tut eq­qarsaatigik­kit. (Ef 5:22–6:4) Taak­ku maleruarak­kit ilaqutariit­tut pil­luar­neruler­pisi? Ikin­ngutinik toq­qaanis­samut Jehovap siun­nersuutai maleruarak­kit inut­tut pis­suserin­neruler­pit? Pil­luar­neruit? (Uss 13:20; 1 Kor 15:33) Ilimanar­poq apeq­qutit taak­ku angis­sagitit.

15. Biibilip najoq­qutas­siai maleruarsin­naajumal­lugit suut iluaqutigis­savigit?

¹⁵ Ilaan­nik­kut paasiuminaatsis­sin­naavat najoq­qutas­siat Biibilimi ilik­kak­katit qanoq maleruas­sanerlugit. Taman­na pil­lugu Jehovap peqatigiis­sor­tani aq­qutigalugit Biibililersaarutinik tunivaatit. Taak­ku iluaqutigalugit ajor­toq ajun­ngitsorlu im­mik­koor­tis­sin­naas­savatit. (Hebr 5:13, 14) Biibililersaarutinik atuaq­qis­saar­til­lutit paasilis­savat taak­ku qanoq iluaqutaatigalutil­lu atoriaan­naatigisut, taman­nalu Jehovap peqatigiis­sor­taanut ilaaler­nis­samut kil­lin­neqaatigis­savat.

16. Jehovap in­nut­tani qanoq aaq­qis­suup­pai?

¹⁶ Jehovap peqatigiis­sor­tai asal­lugit taper­ser­sor­nis­saat ilin­niaruk. Jehovap in­nut­tani ilagiin­nut aaq­qis­suup­pai, Er­neralu Jiisusi ilagiin­nut tamanut niaquuvoq. (Ef 1:22; 5:23) Nalitsin­ni Jiisusip sulias­siis­sutaanik aaq­qis­suus­sinis­samut angutit tanitat ikit­tut siulersuisus­satut akisus­saaf­filer­pai ‘inus­siatut aalajaal­lunilu silatuutut’ taal­lugit. Taak­kua anersaak­kut inuus­sutis­saqar­titsinis­samik il­lersuinis­samil­lu akisus­saaf­fitsik pimoorup­paat. (Matt 24:45-47, NW) Inus­siap aalajaatsup isumas­sueriaasiisa ilagaat ilin­nik paarsisus­satut piuk­kun­naatilin­nik utoq­qaaner­taqar­nis­samik qulak­kiinerat. (Es 32:1, 2; Hebr 13:17; 1 Petr 5:2, 3) Utoq­qaaner­tat kajumil­lutik sapin­ngisamin­nik il­lit pil­lutit iliuuseqarusut­tar­put, tup­pal­lersaasar­put Jehovamil­lu qanin­nerusumik at­taveqaler­nis­san­nut ikiorlutit. Iliuuserisin­naasaasali pingaar­ner­paar­taanut ilaavoq Jehova pil­lugu ilin­niar­titsinin­ni ikiuinerat. – Ef 4:11-13.

17. Romamiut 10:10, 13, 14-ilu naaper­torlugit sooq Jehova pil­lugu oqaluus­sisar­pugut?

¹⁷ Allat Jehova­mut asan­nin­ner­mik ineriar­tortitseq­qul­lugit ikiuk­kit. Jiisusip ajoqersuk­kani peq­quai Jehova pil­lugu ilin­niar­titsisas­sasut. (Matt 28:19, 20) Peq­qus­sut taman­na naalan­niaan­narlugu maleruar­neqarsin­naavoq. Jehovamul­li asan­nin­nerujar­tor­til­lutit apustilit Petrusi Johan­nesilu isumaqatigilis­savatit. Taak­ku ima oqar­put: “Eq­qar­tun­ngitsoorsin­naan­ngilavut takusimasavut tusarsimasavul­lu.” (ApS 4:20) Al­lat Jehovamut asan­nin­nermik ineriar­tor­titseq­qul­lugit ikiorutsigit nuan­naangaas­saagut. Takorlooruk Filipi qanoq nuan­naar­tigisimanersoq Etiopiamiu Al­lak­kani sal­lusuis­sutsinik paasin­nin­nis­saanut kuisin­nis­samul­lu ikioramiuk! Filipi ilaarlugu Jiisusip oqaluus­seq­qusinera maleruaruk­ku ersersis­savat il­lit Jehovap Nalunaajaasuatut ilisimaneqarusul­lutit. (Romamiut 10:10, 13, 14 atuakkit). Taava Etiopiamiu ilaarlugu ima aperis­sagunar­putit: “Suna akor­nutaas­sava kuineqar­nis­san­nut?” – ApS 8:36.

18. Al­laaserisap tul­liani suut sam­mineqas­sap­pat?

¹⁸ Kuisin­nis­samut aalajanger­nerit inuunin­ni aalajangigas­san­ni pingaar­ner­paajuvoq. Taman­na pingaaruteqangaarmat eq­qarsaatigil­luar­tariaqar­pat qanor­piaq isumaqar­nersoq. Kuisin­neq pil­lugu suut ilisimasariaqar­pigit? Kuisin­ngin­nin­ni kuisereer­nin­nilu susariaqar­pit? Apeq­qutit taak­ku al­laaserisap tul­liani akineqarumaar­put.