Qamannga pisumik asaqatigiigitsi

1. Jiisusip ajoqersuk­kani paatsuugas­saan­ngitsumik qanoq piumaf­figai? (Saq­qaani as­siliaq takuuk).

TOQUSSI aqagut­toq Jiisusip ajoqersuk­kani paatsuugas­saan­ngitsumik ima piumaf­figai: “Soorlu uanga asagis­si, taamat­taaq ilis­si asaqatigiis­saasi.” Imalu nangip­poq: “Asaqatigiik­kus­si tamatumuuna tamarmik paasis­savaat ajoqersugarigis­si.” – Joh 13:34, 35.

2. Sooq asaqatigiin­nis­sar­put pingaaruteqar­pa?

² Jiisusi oqar­poq nam­mineq asan­nin­nermisut ajoqersugai asan­nip­pata inuit al­lat takusin­naas­sagaat ajoqersugaasut ilumoor­tut. Taman­na kristumiut siul­liit nalaan­ni ilumoor­poq, aam­ma nalitsin­ni taamaap­poq. Taamaat­tumik ajor­naraluaraangal­luun­niit asaqatigiin­nis­sar­put pingaaruteqangaar­poq!

3. Al­laaserisami suut sam­mis­savavut?

³ Naam­mal­luin­nan­ngis­suser­put pis­sutigalugu qaman­nga pisumik asaqatigiin­nis­saq saper­nar­tis­sin­naavar­put. Taamaak­kaluar­toq Jiisusi ilaar­niar­tariaqar­par­put. Al­laaserisami sam­mis­savar­put asan­nin­neq eq­qis­seqatigiis­sitsinis­samut, kinaas­susersior­tuun­ngin­nis­samut inoroorsaar­tuunis­samul­lu qanoq iluaqutigisar­nerip­put. Al­laaserisaq atuaq­qis­saar­til­lugu apeq­qut una eq­qarsaatigiuk: ‘Qatan­ngutit unam­miniagaqaraluarlutik asaqatigiit­tuarsimasut qanoq ilin­niarfigisin­naavak­ka?’

EQQISSINEQ NOQQAASSUTIGIUK

4. Mat­thæusi 5:23, 24-lu naaper­torlugit sooq qatan­nguter­put uagutsin­nik as­suarliuteqar­toq eq­qis­seqatigisariaqar­par­put?

⁴ Qatan­ngutip uagutsin­nik as­suarliuteqar­tup eq­qis­seqatiginis­saata pingaaruteqas­susia Jiisusip ilin­niar­titsis­sutigaa. (Matthæusi 5:23, 24 atuakkit). Erseq­qis­sar­paa Guutimit iluarisaas­sagut­ta al­lanut at­taveqarluar­tariaqar­tugut. Sapin­ngisamik qatan­ngutitsin­nik eq­qis­seqatigiis­sitsigaangat­ta Jehova nuan­naar­tar­poq. Al­la pil­lugu narrujuum­meq­qajuarut­ta al­laal­lu eq­qis­seqatigiin­nis­saq iliuuseqarfigerusun­ngik­kutsigu pal­lorfigin­nin­ner­put akuerinavian­ngilaa. – 1 Joh 4:20.

5. Sooq qatan­ngutip angutip eq­qis­seqatigiin­nis­saq saper­nar­tip­paa?

⁵ Eq­qis­seqatigiin­nis­saq saper­nar­tis­sin­naavar­put. Sooq? Markip misigisaa eq­qarsaatigiuk.b Qatan­ngum­mit angum­mit isor­nar­torsior­neqarlunilu ilagiin­niit­tunut al­lanut ajor­tumik oqaluuserineqarami ajual­lap­poq. Taava sua? Ima oqar­poq: “Im­minut naalak­kin­ngitsoorlunga kamaam­merfigaara.” Kingor­nali peq­qis­simigami Mark eq­qis­seqatigiis­sitsiumal­luni qatan­ngum­mut utoq­qatseraluar­poq. Taas­sumali utoq­qatser­nera itigar­tip­paa. Mark aal­laq­qaam­mut ima eq­qarsar­poq: ‘Sooq taas­suma eq­qis­seqatigiin­nis­sar­put soqutigin­ngip­pagu uanga ilungersuutigis­savara?’ Ilagiin­nil­li nak­kutil­liisup Mark misiliiuaq­qul­lugu kajumis­saar­paa. Mark qanoq ilior­pa?

6. (a) Markip eq­qis­sinis­saq qanoq noq­qaas­sutigaa? (b) Kolos­semiut 3:13, 14-imilu al­las­simasut Markip qanoq maleruar­pai?

⁶ Markip eq­qarsar­taatsini nalilersoramiuk maluginiar­paa maniguun­nerusariaqarlunilu al­lanit pitsaanerusoreq­qajaasarluni. Paasivaa isigin­nit­taatsini al­lan­ngor­tit­tariaqarlugu. (Kol 3:8, 9, 12) Qatan­ngut saaf­figeq­qip­paa maniguul­lunilu iliuutsini pil­lugit utoq­qatserfigalugu. Aam­ma al­lak­kanik al­laf­figaa ajuusaar­nini ikin­ngutigiileq­qin­nis­samin­nil­lu kis­saateqar­nini ersersik­kumal­lugu. Al­laat tunis­sutin­nguanik qatan­ngutip nuan­narisin­naasaanik tunisar­paa. Ajoraluar­tumil­li qatan­ngutip ajual­laq­qajuarluni Mark isumak­keerfigerusun­ngilaa. Taamaak­kaluar­toq qatan­ngutinut asan­nin­nis­samik isumak­keerfigin­nit­tar­nis­samil­lu Jiisusip peq­qus­sutaa Markip naalat­tuar­paa. (Kolossemiut 3:13, 14 atuakkit). Al­lat eq­qis­seqatigiis­sitsiniarluta ilungersor­nivut ajun­ngitsumik qisuariarfigin­ngik­kaluaraat kristumiutut asan­nin­ner­put pis­sutigalugu taak­ku isumak­keerfigisas­savavut eq­qis­seqatigiin­nis­sarlu qin­nutigisarlugu. – Matt 18:21, 22; Gal 6:9.

7. (a) Jiisusip qanoq kajumis­saar­paatigut? (b) Qatan­ngutip ar­nap unam­miniar­nar­toq suna misigaa?

⁷ Jiisusip kajumis­saar­paatigut nam­mineq pineqarusun­nitsitut al­lanik pin­nit­tas­sasugut. Nangil­luni oqar­poq uagutsin­nik asan­nit­tut kisiisa pin­nagit aam­ma al­lat asas­sagivut. (Luk 6:31-33) Naak qaqutigooraluar­toq, taavami ilagiin­ni arlaata ilas­sinak saneq­qutiin­nar­tar­patit? Larap taman­na misigaa. Ima nas­suiaavoq: “Qatan­ngutip ataatsip soqutigin­ngitsuusaarsimavaanga, naluaralu sooq taamaan­nersoq. Taman­na nuan­niigalugu ataatsimiigiar­tar­nera nuan­nariun­naar­para.” Lara aal­laq­qaam­mut ima isum­mer­poq: ‘Uanga pisuun­ngilanga. Aam­mami ilagiin­niit­tut al­lat isumaqar­put ar­naq taan­na eq­qumiilaar­toq.’

8. Lara eq­qis­seqateqarumal­luni sua, qanorlu ilin­niarfigisin­naavar­put?

⁸ Larap eq­qis­seqatigiin­nis­saq noq­qaas­sutigaa. Jehovamut qinuvoq qatan­ngul­lu oqaloqatiginiarlugu aalajangerluni. Naapil­lutik ajor­nar­torsiut eq­qar­tor­paat, eqip­put eq­qis­seqatigiil­lutil­lu. Suna tamarmi ajun­ngitsumik ingerlar­pasiler­poq. Lara ima oqar­poq: “Kingor­nali taan­na sior­natigutut uan­nut pis­susilersoq­qit­taler­poq. Taman­na nikal­lungalis­sutigaara.” Lara aal­laq­qaam­mut misigivoq qatan­ngutip pis­susilersor­nini al­lan­ngor­tip­pagu aatsaat nuan­naalersin­naal­luni. Laral­li paasiler­paa taas­suma asan­nit­tuliorfigiuar­nera nangaananilu ‘isumak­keerfigisar­nis­saa’ pitsaaner­paas­sasoq. (Ef 4:32–5:2) Eq­qaamavaa kristumiutut asan­nin­neq ‘eq­qun­ngitsuliorfigisaaner­nik tamanik naatsorsuusior­tan­ngitsoq’. (NW) Aam­ma “tamatigut naam­magit­tar­tuuvoq, tamatigut up­per­tar­poq, tamatigut neriut­tar­poq, tamatigut ilalaar­tar­poq”. (1 Kor 13:5, 7) Lara qamuuna eq­qis­seq­qip­poq, pif­fis­sal­lu ingerlanerani qatan­ngut inus­siar­ner­neruler­poq. Qatan­ngutitit eq­qis­seqatiginiar­taruk­kit asajuarlugil­lu qularin­ngis­sin­naavat ‘Guutip asan­nit­tup eq­qis­sisitsisul­lu najus­sagaatit’. – 2 Kor 13:11.

KINAASSUSER­SIORTOOQINAK

9. Apustilit Suliaat 10:34, 35-lu naaper­torlugit sooq kinaas­susersior­tuus­san­ngilagut?

⁹ Jehova Guuti kinaas­susersior­tuun­ngilaq. (Apustilit Suliaat 10:34, 35 atuakkit). Kinaas­susersior­tuun­ngin­nitsigut taas­sumun­nga qitor­naal­luta ersersis­savar­put, tul­lit­ta asanis­saanik peq­qus­sut naalas­savar­put anersaak­kul­lu ilaqut­tavut eq­qis­seqatigiuarlugit. – Rom 12:9, 10; Jaak 2:8, 9.

10-11. Qatan­ngutip ar­nap ajor­tumik isigin­nit­taaseqar­nini qanoq al­lan­ngor­tip­paa?

¹⁰ Kinaas­susersior­tuun­ngin­nis­saq ilaasa saper­nar­tis­sin­naavaat. Qatan­ngutip Ruthimik atil­lip misigisaa eq­qarsaatigiuk. Inuusut­tuaraal­luni nunamit al­lameersumit ajor­torujus­suarmik pineqar­poq. Qanoq sun­ner­neqaatigaa? Ima nas­suer­poq: “Nunamut tamatumun­nga at­tuumas­suteqar­tut suut tamaasa iluarin­ngivip­pak­ka. Eq­qarsar­tarsimavunga inuit tas­san­ngaan­neersut tamarmik, al­laat qatan­ngutit, as­sigiim­mik pis­susilersor­tar­tut.” Ajor­tumik isigin­nit­taaseqar­nini qanoq al­lan­ngor­tip­paa?

¹¹ Ruthip paasiler­paa ajor­tumik eq­qarsaq­qajaasar­nini akior­tariaqarlugu. Nuna taan­na pil­lugu Årbogen-imi oqalut­tuarineqar­tut nalunaarusial­lu atuar­taler­pai. Ima oqar­poq: “Inuit tas­san­ngaan­neersut ajun­ngitsumik eq­qarsaatigisar­nis­saat ilungersuutigisaler­para. Qatan­ngutit Jehovamut kif­far­tor­nermin­ni aal­lus­sinerat maluginiar­taler­para. Taava paasil­lualer­para taak­kut­taaq nunarsuaq tamak­kerlugu qatan­ngutigiis­suar­nut ilaasut.” Ruthip paasiar­tuler­paa suli iliuuseqar­nerusariaqarluni. Ima nas­suiaavoq: “Qatan­ngutit tas­san­ngaan­neersut naapik­kaangak­kit im­mik­kut inus­siar­nisaarfigisar­pak­ka. Oqaloqatigisar­pak­ka ilisarisimaler­niar­tarlugil­lu.” Qanoq kinguneqar­pa? Ruth ima oqar­poq: “Pif­fis­sap ingerlanerani ajor­tumik isigin­nit­taaseqarun­naar­punga.”

12. Qatan­ngut Sarahmik atilik qanoq ajor­nar­torsiuteqar­pa?

¹² Al­lat malugin­ngisamin­nik kinaas­susersior­tuusin­naap­put. As­sersuutigalugu Sarah eq­qarsaraluar­poq kinaas­susersior­tuunani, al­lam­mi sumin­ngaan­neer­nerat, qanoq aningaasaateqar­tiginerat ilagiin­nilu akisus­saaf­feqar­nerat pil­lugit isum­miutereer­neq ajor­pai. Imali nas­suer­poq: “Paasiler­para kinaas­susersior­tuul­lunga.” Qanoq kinaas­susersior­tuugami? Sarah ilaqut­tanilu qaf­fasis­sumik ilin­niagaqar­put, ikin­ngutil­lu ilin­niagaqarluar­tut ilagisar­nis­saat iluarinerusar­paa. Ikin­ngutini ima oqarfigisimavaa: “Up­peqatik­ka qaf­fasis­sumik ilin­niagal­lit ilagisar­pak­ka. Al­lat ilaginaveersaar­tar­pak­ka.” Ersarip­poq Sarahp isigin­nit­taatsini al­lan­ngor­tit­tariaqaraa. Qanoq taamaalior­pa?

13. Sarahp isigin­nit­taatsiminik al­lan­nguinera qanoq ilin­niarfigisin­naavar­put?

¹³ Sarahp isigin­nit­taatsimi misis­soq­qis­saar­nis­saanut ilagiin­nik nak­kutil­liisup kajumis­saar­paa. Sarah ima oqalut­tuar­poq: “Aalajaal­lunga kif­far­tor­nera, ataatsimiin­ner­ni akil­luar­tar­nera Biibilimil­lu ilisimasaqarluar­nera pil­lugit nersualaar­paanga. Taava oqar­poq ilisimasaqar­neruleriar­tuin­nar­til­luta kristumiutut pis­suserisas­savut – as­sersuutigalugu maniguun­neq, an­neruniajuin­neq naak­kin­nin­nerlu – aam­ma ineriar­tor­tit­tariaqarivut.” Nak­kutil­liisup oqaasii Sarahp uum­mam­miuliup­pai. Ima nangip­poq: “Paasiler­para inus­siar­nersuul­lutalu asan­nin­nis­sar­put pingaar­ner­paajusut.” Kinguneranik qatan­ngutini al­latut isigin­nit­taaseqarfigiler­pai. Ima nas­suiaavoq: “Paasiniar­taler­para qanoq pis­suseqar­nerat pil­lugu Jehovap naleqar­tingaarai.” Qanoq ilin­niarfigisin­naavar­put? Ilin­niagaqar­ner­put pis­sutigalugu pitsaanerusutut misigilin­ngisaan­narusup­pugut, ilaa? Anersaak­kut qatan­ngutivut tamaasa qaman­nga pisumik asagutsigit kinaas­susersior­tuus­san­ngilagut. – 1 Petr 2:17.

INOROORSAARTUUGIT

14. Hebræerit 13:16 naaper­torlugu inoroorsaaraangat­ta Jehova qanoq misigisar­pa?

¹⁴ Inoroorsaar­ner­put Jehovap iluarisar­paa, ingam­mik pisariaqar­tital­lit ikioraangatsigit. (Hebræerit 13:16 atuaruk). Pal­lorfigin­nin­nitsin­nut ilaasutut isigaa. (Jaak 1:27; 2:14-17) Taamaat­tumik Biibilimi kajumis­saar­neqar­pugut ‘inoroorsaar­nis­saq pingaar­tis­sagip­put’. (Rom 12:13) Taamaalior­nik­kut al­lanut ersersit­tar­par­put taak­ku soqutigalugit, asal­lugit ikin­ngutigerusul­lugil­lu. Tamulugas­sanik nerisas­sanil­luun­niit sas­saal­lerfiginiarlugit qaaq­qugaangatsigit pif­fis­saqarfiginiarlugil­luun­niit pulaar­tik­kaangatsigit Jehova nuan­naar­tit­tar­par­put. (1 Petr 4:8-10) Inoroorsaar­nis­sarli imaan­naajuaan­nan­ngilaq.

15-16. (a) Sooq ilaat inoroorsaar­nis­samut tunuarsimaar­tar­pat? (b) Edit suna pis­sutigalugu inoroorsaarusuler­pa?

¹⁵ Pis­sutsit atuk­kavut pil­lugit imaas­sin­naavoq misigisugut inoroorsaarsin­naanata. Uil­lar­neq Editimik atilik eq­qarsaatigiuk. Nalunaajaasun­ngun­ngik­kal­larami kisimiik­kusun­nerusar­poq. Inoroorsaar­nis­samut al­lat piuk­kun­nar­nerusorai.

¹⁶ Nalunaajaasun­ngoreerluni Edit al­latut eq­qarsaler­poq. Inoroorsaarusut­taler­poq. Ima oqalut­tuar­poq: “Naalagaaf­filersaarfit­taar­put sananeqarmat utoq­qaaner­tap oqarfigaanga aap­pariin­nik sanaar­toqataajar­tor­tunik tikit­toqas­sasoq, aperivaangalu sapaatit-akun­neri marluk inisimasorisin­naanerik­ka. Jehovap uil­lar­nermik Sareptamiumik pil­luaq­qusinera eq­qaavara.” (1 Kng 17:12-16) Edit inisimasoqar­nis­saminut akuersivoq. Pil­luaq­quneqar­pa? Ima oqar­poq: “Sapaatit-akun­neri marluin­naat inisimasorinagit qaam­matit marluk inisimasoraak­ka. Qanimut ikin­ngutigiiler­pugut.” Aam­ma ilagiin­niit­tunik al­lanik qanimut ikin­ngutitaar­nini Editip pil­luaq­quneqaatigaa. Maan­na pioneriuvoq oqaluus­seqatigisaminil­lu pulaar­toqar­tar­nini nuan­naarutigalugu. Ima oqar­poq: “Tunisineq nuan­naalis­sutigisar­para! Pil­luaq­qus­sutisias­sar­taalu amerlanerungaar­put.” – Hebr 13:1, 2.

17. Lukep nuliatalu suna paasiler­paat?

¹⁷ Im­maqa inoroorsaar­tooreer­pugut, inoroorsaar­nerusin­naavugul­li? Luke nulianilu inoroorsaar­tut as­sersuutigeriar­tigit. Angajoq­qaamin­nik, ilaqut­tamin­nik, qanimut ikin­ngutimin­nik ilagiin­nilu nak­kutil­liisumik nulianil­lu qaaq­qusisar­ner­tik ileq­qulius­simavaat. Taamaat­torli Luke ima oqar­poq: “Paasiler­par­put qanigisavut taamaal­laat qaaq­qusarlutigit.” Qanoq inoroorsaar­neruler­pat?

18. Luke nulianilu qanoq inoroorsaar­neruler­pat?

¹⁸ Lukep nuliatalu inoroorsaar­nerup isumavia paasiler­paat Jiisusip oqaasii uku eq­qarsaatigigamik­kit: ‘Ilis­sin­nik asan­nit­tut kisiisa asagus­sigit, taava suna akis­sarsiaris­sasoraasiuk?’ (Matt 5:45-47) Paasivaat Jehova, kik­kun­nut tamanut tuk­kor­tuusoq, ilaar­tariaqarlugu. Taamaat­tumik aalajanger­put qatan­ngutit qaaq­qunikuun­ngisatik qaaq­qusaler­niarlugit. Luke ima oqar­poq: “Taman­na tamatsin­nut nuan­naarutaavoq. Qiim­mas­saqatigiil­lutalu pis­satseqatigiit­tar­pugut.”

19. Jiisusip ajoqersugarigaatigut qanoq up­per­narsas­savar­put, sunis­sal­lu il­lit aalajangiusimaviuk?

¹⁹ Qaman­nga pisumik asaqatigiin­ner­put eq­qis­seqatigiis­sitsisuunis­samut, kinaas­susersior­tuun­ngin­nis­samut inoroorsaar­nis­samul­lu qanoq kil­lin­neqaatigisin­naagip­put sam­mereer­par­put. Isigin­nit­taatsit ajor­tut suul­luun­niit al­lan­ngor­tit­tariaqar­pavut qatan­ngutivul­lu qaman­nga pisumik asal­lugit. Taamaaliorut­ta nuan­naas­saagut up­per­narsarlugulu ilumut Jiisusip ajoqersugarigaatigut. – Joh 13:17, 35.