Oqaluussiffigisartakkatit qanoq isiginnittaaseqarfigaagit?

1-2. Jiisusip oqaasii Johan­nesi 4:35, 36-milu al­las­simasut qanoq isumaqar­pat?

JIISUSI narsaatit naarlaanik suaasias­sar­tal­lit aq­qusaarlugit angalasimavoq. (Joh 4:3-6) Karrit taak­ku qaam­matit sisamat mis­saat qaangiup­pata katersor­neqarsin­naalis­sap­put. Jiisusi eq­qumiiginarsin­naasumik ima oqaaseqar­poq: “Isisi uisis­sigit narsaatil­lu qimerloorlugit, qaqor­tis­simap­put katersuif­figeriaan­nan­ngorlutik.” (Johannesi 4:35, 36 atuakkit). Jiisusip oqaatsini qanoq isumaqar­tip­pai?

² Jiisusip karrit katersor­neqar­nis­saat pin­nagu inuit katersor­neqar­nis­saat pigunar­paa. Qanoq pisoqaq­qam­mersoq eq­qarsaatigiuk. Juutit Samariamiunik peqateqar­tan­ngik­kaluar­tut Jiisusip ar­naq Samariamiu oqaluus­sif­figaa, taan­nalu tusar­naar­poq! Jiisusil­lu narsaatit ‘katersuif­figeriaan­nan­ngorlutik qaqor­tis­simasut’ eq­qar­tormagit Samariamior­pas­suit taan­na pil­lugu ar­namit tusagaqarsimasut paasisaqar­nerujumal­lutik Jiisusip tungaanukar­put. (Joh 4:9, 39-42) Biibili pil­lugu atuak­kami oqalut­tuaq taman­na ima al­laatigineqar­poq: “Inuit Jiisusimik tusar­naariarlutik naapigiaapal­lan­neran­nit ... erser­poq karritut katersor­neqariaan­naasutut it­tut.”

3. Jiisusip isigin­nit­taasiatut inuit isigin­nit­taaseqarfigiguk­kit oqaluus­sinin­nut qanoq iluaqutaas­sava?

³ Il­lim­mi inuit oqaluus­sif­figisar­tak­kan­niit­tut qanoq isigin­nit­taaseqarfigaagit? Karritut katersor­neqariaan­naasutut isigaagit? Taamaap­pat uku pingasut misigis­savatit: Siul­ler­tut, ilungersor­nerul­lutit oqaluus­sis­saatit. Katersuif­fik kil­leqar­tar­poq; tas­sa nukingin­nar­poq. Aap­paat­tut, nutaarsias­saq nuan­nersoq ilas­sineqaraangat nuan­naar­tas­saatit. Biibilimimi ima al­las­simavoq: “Tipaatsus­sap­put katersuif­fim­mi.” (Es 9:2) Pingajuat­tut, inuit ajoqersugan­ngorsin­naasorigak­kit taak­kua soqutigisaan­nut aal­lar­niutit naleq­qus­sar­tas­savat.

4. Al­laaserisami matumani apustili Paulusi qanoq ilin­niarfigis­savar­put?

⁴ Ajoqersuk­kat ilaat isumaqarsimasin­naap­put Samariamiut Jiisusimut ajoqersugan­ngorsin­naan­ngitsut. Jiisusili taamatut eq­qarsan­ngilaq, ajoqersugan­ngorsin­naasorai. Aam­ma uagut inuit oqaluus­sif­figisar­tak­katsin­niit­tut Kristusimut ajoqersugan­ngorsin­naasorisariaqar­pavut. Tamatumun­nga tun­ngatil­lugu apustili Paulusi maligas­saal­luar­poq. Qanoq ilin­niarfigisin­naavar­put? Al­laaserisami matumani sam­mis­savar­put Paulusip oqaluus­sif­figisami (1) up­perisaat pil­lugit paasiniaasar­nera, (2) soqutigisaat pil­lugit paasiniaasar­nera aam­ma (3) Jiisusimut ajoqersugan­ngorsin­naasorin­nin­nera.

QANOQ UPPERISAQARPAT?

5. Sooq Paulusip synagogini tusar­naar­tini paasisin­naavai?

⁵ Paulusi juutit synagogian­ni oqaluus­sigajup­poq. As­sersuutigalugu synagogimi Thes­salonikamiit­tumi juutit sabbatini “tul­leriin­ni pingasuni oqaloqatigisar­pai Al­lak­kat najoq­qutaralugit”. (ApS 17:1, 2) Paulusip synagogimiin­neq sungiusimal­luar­paa. Juutitum­mi perorsagaavoq. (ApS 26:4, 5) Juutit paasisin­naagamigit isumal­luarluni oqaluus­sif­figisin­naavai. – Fil 3:4, 5.

6. Athenimi niueriar­tor­tarfim­miit­tut Paulusip synagogini oqaluus­sif­figisar­tagaaniit­tunit qanoq al­laanerup­pat?

⁶ Paulusi malersugaal­luni Thes­salonikamit kingusin­nerusuk­kul­lu Berøamit qimaasariaqareerluni Athenimut apuup­poq. Aam­ma tas­saniitil­luni “synagogimi juutit Guutimil­lu mianerin­nit­tut oqaloqatigisar­pai”. (ApS 17:17) Niueriar­tor­tarfim­mili oqaluus­sinermini al­lanik tusar­naar­teqar­poq. Tusar­naar­tut ilagaat isumaliutersor­tar­tut Guutimil­lu nalusut al­lat, taak­kualu Paulusip tusarlius­saa ‘ajoqersuutitut nutaatut’ isigigamik­ku ima oqar­put: “Oqaatigisatit uagut siutitsin­nut tusar­nar­taap­put.” – ApS 17:18-20.

7. Apustilit Suliaat 17:22, 23 naaper­torlugit Paulusip aal­lar­niutini qanoq naleq­qus­sar­paa?

⁷ Apustilit Suliaat 17:22, 23 atuakkit. Paulusi juutinut synagogimiit­tunut oqaluus­sinermisul­li Guutimik nalusunut Athenimiit­tunut oqaluus­sin­ngilaq. Im­minut ima aperisimagunar­poq: ‘Athenimiut qanoq up­perisaqar­pat?’ Avatangiisini maluginiaq­qis­saar­pai inuil­lu up­perisarsior­nik­kut ileq­qui malugalugit. Taava sal­lusuis­sut Al­lak­kaneersoq taak­kunun­nga oqalut­tuarigamiuk akuersaarsin­naasaan­nik aal­lar­niuteqar­poq. Biibili pil­lugu oqaaseqar­tar­toq ima oqar­poq: “Paulusip juutiugami kristumiuusoq nalun­ngilaa juutit kristumiul­lu Guuti ilumoor­neragaat grækerit juutiun­ngitsut pal­lorfigin­ngik­kaat, ersersin­niar­paali Guuti oqaluus­sis­sutigisani Athenimiunut takor­nar­taan­ngitsoq.” Tas­sa Paulusi naleq­qus­sarusus­suseqar­poq. Athenimiut oqarfigai tusarlius­sami pilerfia tas­saasoq taak­kua pal­lorfiginiarsarisaat ‘Guuti nalusaq’. Paulusip Guutimik nalusut Al­lak­kat ilisiman­ngik­kaluaraat oqaluus­sif­figiuar­pai. Karritul­li katersor­neqariaan­naasutut isigalugit nutaarsias­sap nuan­nersup tusarliun­nerani naleq­qus­sar­poq.

8. (a) Inuit oqaluus­sif­figisar­tak­kan­niit­tut qanoq up­perisaqar­nersut paasiumal­lugu suut iluaqutigisin­naavigit? (b) Up­per­tooreerluni oqar­toqaraangat qanoq akisin­naavit?

⁸ Paulusitut malugin­nin­niaasarit. Inuit up­perisaan­nut ersiutaasin­naasut maluginiar­tak­kit. Angerlarsimaf­fiup matuani arlaan­nik paasis­sutis­saqar­pa? Oqaluus­savit aq­qa, atisalersoriaasia, isik­kua oqaloriaasialuun­niit qanoq up­perisaqar­neranut ersersitsip­pat? Im­maqa toq­qaan­nar­tumik oqarfigaatit up­per­tooreerluni. Taama oqar­toqaraangat Flutura specialpioneriusoq ima akisar­poq: “Maaniin­ngilanga pin­ngitsaalil­lutit uat­tut up­perisaqalersin­niarlutit, unali pil­lugu oqaloqatiginiarlutit ....”

9. Up­perisaqareersup akerlerin­ngisaa aal­laavigalugu qanoq oqaloqatigiis­sin­naavisi?

⁹ Up­perisaqareersorlu suna eq­qar­torsin­naavisiuk? Oqaloqatigisavit akerlerin­ngisaa aal­lar­niutigiuk. Im­maqa Guuti ataasiin­naq pal­lorfigaa, Jiisusi inun­nik an­naas­sisutsitut up­peraa im­maqaluun­niit isumaqar­poq pif­fis­sap inuuf­figisat­ta ajor­tup suujun­naarsitaangajalerfiani inuusugut. Marluul­lusi up­perisas­si as­singuf­figisaat tun­ngavigalugu tusarlius­saq Biibilimeersoq taas­sumun­nga soqutiginarsarlugu saq­qum­miuguk.

10. Suna paasiniar­tas­savar­put, aam­ma sooq?

¹⁰ Eq­qaamajuk inuk up­perisarsioqatigiin­ni at­tavigisamini ajoqersuutigineqar­tut im­maqa ilaan­naan­nik up­perisaqar­toq. Oqaluus­sat up­perisarsioqatigiin­nut sorler­nut ilaanersoq paasiguk­ku taan­na inut­tut nam­mineq qanoq up­perisaqar­nersoq paasiniaruk. David Australiami specialpioneriusoq ima oqar­poq: “Inuit isumaliutersuutaat up­perisamut akuliun­neqar­tar­put.” Donalta Albaniamiit­toq ima oqar­poq: “Naapit­tak­kat­ta up­perisarsioqatigiin­nut ilaanerar­tut ilaat kingusin­nerusuk­kut nas­suer­tar­put Guuteqar­nera up­perinagu.” Angutip ajoqersuiar­tor­titap Argentinamiit­tup malugaa ataasiul­lunilu pingasuus­susermik up­perin­nin­nerar­tut ilaasa up­perin­ngik­kaat Ataataq, Er­neq anersaarlu il­ler­nar­toq tas­saasut Guuti ataaseq. Ima oqar­poq: “Taman­na nalun­ngik­kaan­ni oqaloqatigiin­nis­saq ajor­nan­ngin­neerarsuusar­poq.” Taamaat­tumik inuit qanor­piaq up­perisaqar­nersut paasiniar­taruk. Taava Paulusitut ‘kik­kut tamaasa peqatiginiar­tarsin­naavatit’. – 1 Kor 9:19-23.

SUNIK SOQUTIGISAQARPAT?

11. Apustilit Suliaat 14:14-17 al­las­simasutut Lystrami najugalin­nut Paulusip tusarlius­sani kajumis­sinar­tumik qanoq saq­qum­miup­paa?

¹¹ Apustilit Suliaat 14:14-17 atuakkit. Paulusip tusar­naar­tini sunik soqutigisaqar­nersut malugisar­paa aal­lar­niutinilu naleq­qus­sar­tarlugu. As­sersuutigalugu Lystrami inup­pas­suit oqaloqatigisai Biibilimik ilisimasakitsuararsuup­put ilisimasaqan­ngivil­lutil­luun­niit. Taamaat­tumik taak­kua paasisin­naasaan­nik tun­ngavilersuisar­poq. Inuunermik nuan­naarutigin­nis­sin­naaneq aam­ma sialuk naggoris­sisitsisar­toq eq­qar­tor­pai. Oqaatsit as­sersuutil­lu tusar­naar­timi paasiuminar­titaat ator­tar­pai.

12. Oqaloqatiginiak­kap soqutigisai qanoq paasiniarsin­naavigit aal­lar­niineril­lu naleq­qus­sarlugu?

¹² Inuit oqaluus­sif­figisar­tak­kan­niit­tut soqutigisaat paasiniar­tak­kit aal­lar­niineril­lu naleq­qus­sar­lugu. Oqaloqatiginiak­kavit taas­sumaluun­niit angerlarsimaf­fiata or­nin­nerani taas­suma soqutigisai qanoq paasiniarsin­naavigit? Malugin­nin­niaanik­kut. Im­maqa il­luminik qalipaavoq, atuak­kamik atuar­poq, biilini iluarsaap­pai al­lamil­luun­niit suliaqarluni. Naleq­qup­pat suliaanut tun­ngasoq aal­lar­niutigisin­naavat. (Joh 4:7) Al­laat inuup atisai inut­taa pil­lugu paasis­sutis­siisin­naap­put – im­maqa sumiuuneranik, sulif­fianik timersuum­mil­luun­niit nuan­narisaanik ersersitsip­put. Gustavo ima oqalut­tuar­poq: “Angut 19-inik ukiulik, erinarsor­tar­tup tusaamasap as­singanik as­sitalim­mik tujuuluaraqar­toq, oqaloqatigiler­para. Tujuuluaraa pil­lugu aperigan­ni oqalut­tuar­poq sooq erinarsor­tar­toq taan­na nuan­naar­torinerlugu. Taava Biibilimik atuaq­qis­saaqatigisaler­para, maan­nalu qatan­ngutit­ta ilagaat.”

13. Biibilimik atuaq­qis­saaqatigiin­neq kajumis­sinar­tumik qanoq neqeroorutigisin­naaviuk?

¹³ Biibilimik atuaq­qis­saaqateqar­nis­saq neqeroorutigigaangak­ku neqeroorfigisan­nut kajumis­sinar­tuutil­lugulu iluaqutaanera ersersit­taruk. (Joh 4:13-15) As­sersuutigalugu qatan­ngut ar­naq Pop­pymik atilik ar­namit soqutigin­nit­tumit iseq­quneqar­poq. Ar­nap ilin­niar­titaanermi profes­soriunerminik al­lagar­taatini iigarmioraa. Iigarmiua Pop­pyp takugamiuk oqarfigaa aam­ma uagut inuit Biibilimik atuaq­qis­saaqatiginerisigut ataatsimiin­nitsin­nilu ilin­niar­tit­tarivut. Ar­nap atuaq­qis­saaqatigineqar­nis­sani akueraa, aqaguani ataatsimiigiaqataavoq tamatumalu kingunin­ngua ul­lormi ataatsimi ataatsimeersuar­nermut najuul­luni. Ukioq ataaseq qaangiut­toq kuisip­poq. Im­minut ima aperigit: ‘Pulaar­tak­kama suut soqutigaat? Biibilimik atuaq­qis­saaqatigin­nit­tar­ner­put taak­kunun­nga kajumis­sinar­tun­ngorlugu oqalut­tuarisin­naavara?’

14. Biibilimik atuaq­qis­saaqatigisar­tak­katit tamaasa im­mik­kut qanoq naleq­qus­sarfigisin­naavigit?

¹⁴ Biibilimik atuaq­qis­saaqateqar­taleruit taas­suma tunuliaqutaa soqutigisaalu eq­qarsaatigalugit atuaq­qis­saaqatiginis­saanut tamatigut piareersar­tarit. Piareersar­nin­ni aalajanger­tarit atuaq­qis­saar­nermi al­las­simaf­fiit sorliit atuas­sanerlugit, filmiaq­qat sorliit takutis­sanerlugit sal­lusuis­sutil­lu Biibilimeersup nas­suiar­nerani qanoq as­sersuuteqas­sanerlutit. Im­minut ima aperigit: ‘Atuaq­qis­saaqatima uum­mataa qanoq kil­lis­sin­naavara?’ (Uss 16:23) Ar­naq Albaniamiit­toq pioneriusumit Floramik atilim­mit atuaq­qis­saaqatigineqar­talersoq aalajangersimar­pasil­luni oqarsimavoq ‘toqusunit makititaanermik ajoqersuut up­perisin­naanagu’. Florap taman­na qas­siiliuutigin­ngilaa. Ima oqalut­tuar­poq: “Eq­qarsar­punga Guuti makititaanis­samik neriorsuisoq ilisarisimaleq­qaar­tariaqaraa.” Tamatuma kingor­na atuaq­qis­saaqatigigaangamiuk Jehovap asan­nin­nera, ilisimas­susia pis­saaneralu tamatigut Florap erseq­qis­sar­tar­pai. Kingusin­nerusuk­kut atuaq­qis­saaqatigisar­tagaata makititaanis­saq up­periuminar­tiler­paa. Maan­na Jehovamik Nalunaajaasuuvoq aal­lus­sil­luar­toq.

AJOQERSUGAN­NGORSIN­NAASORIKKIT

15. Apustilit Suliaat 17:16-18 naaper­torlugit Athenimiut qanoq pis­suseqar­pat, kisian­ni sooq Paulusip oqaluus­sif­figiun­naan­ngilai?

¹⁵ Apustilit Suliaat 17:16-18 atuakkit. Athenimiut guutipilus­sior­tuugaluar­tut, kinguaas­siuutitigut inuunerlut­tuugaluar­tut guutimik nalusut isumaliutersuutaat up­perigaluaraat Paulusip oqaluus­sif­figiun­naan­ngilai, ajual­lan­nar­tumil­lu oqaaseqar­tar­neri nikal­luutigisar­nagit. Nam­minermi ‘sior­natigut mitaatigin­nit­tuusimagaluarluni qinugin­nit­tuusimagaluarlunilu angutaasersorsuusimagaluarlunilu’ kristumiun­ngor­poq. (1 Tim 1:13) Soorlu Jiisusip Paulusi ajoqersugan­ngorsin­naasorisimagaa taamatut­taaq Paulusip Athenimiut ajoqersugan­ngorsin­naasorai. Isumal­luar­neralu asuliin­naan­ngilaq. – ApS 9:13-15; 17:34.

16-17. Qanoq nalun­ngilar­put inuit tamalaat Kristusimut ajoqersugan­ngorsin­naasut? As­sersuuteqarit.

¹⁶ Kristumiut siul­liit nalaan­ni inuit as­sigiin­ngitsunik tunuliaqutal­lit Jiisusimut ajoqersugan­ngor­put. Paulusi ilagiin­nut Grækenlandimi Korinthimiit­tunut al­lap­poq taak­kua ilaat kristumiun­ngun­ngik­kal­laramik pinerlut­tuusiman­ngik­kunik inuunerlungaarsimasut. Imalu nangip­poq: “Ilasi taamaas­simagaluar­put, uf­far­neqarlusili minguiar­neqar­pusi.” (1 Kor 6:9-11) Il­lit inuit taamaat­tut inuunermin­nik al­lan­nguil­lutik ajoqersugan­ngorsin­naasoris­sagaluar­pigit?

¹⁷ Ul­lumik­kut inup­pas­suit Jiisusimut ajoqersugan­ngorumal­lutik al­lan­nguerusus­suseqar­put. As­sersuutigalugu specialpioneriusup Yukinamik atil­lip Australiamiit­tup paasisimavaa tusarlius­saq Biibilimiit­toq inun­nit tamalaanit tusaarusun­neqar­tar­toq. Ilaan­ni il­lunik tuniniaasarfim­miitil­luni ar­naq inuusut­toq kakior­nilik angigisarujus­suarminil­lu atisalik malugaa. Yukina ima oqalut­tuar­poq: “Nangaajal­laq­qaariarlunga oqaloqatigiler­para. Paasivara Biibili soqutigingaaramiuk al­las­simaf­fiit Tus­siaatineersut kakior­tin­nerminut ilan­ngutitis­simagai.” Ar­naq taan­na atuaq­qis­saaqatigineqar­taler­poq ataatsimiigiar­talerlunilu.b

18. Sooq inuit siumut isum­mius­sif­figeriis­san­ngilavut?

¹⁸ Jiisusi oqarami narsaatit katersuif­figeriaan­nan­ngorsimasut isumaqar­pa inuit amerlanerit im­minut ajoqersugan­ngus­sasut? Naamerluin­naq. Biibilimimi siulit­tuutigineqar­poq inuit amerlan­ngitsut Jiisusimut up­per­tun­ngus­sasut. (Joh 12:37, 38) Jiisusil­lu inuit uum­mam­miuinik paasin­nis­sin­naaneq pigin­naaneqarfigaa. (Matt 9:4) Im­minik up­perin­nilersut amerlan­ngitsut sam­minerugaluarlugit aal­lus­sil­luarluni kik­kun­nut tamanut oqaluus­sivoq. Uagul­lu inuit oqaluus­sif­figisavut takuin­narlugit uum­mam­miuinik paasin­nis­sin­naan­ngitsugut isum­mius­sif­figeriis­san­ngil­luin­nar­pavut! Ajoqer­sugan­ngorsin­naaneralli takor­loor­taruk. Marc, Burkina Fasomut ajoqersuiar­tor­titaasoq, ima oqar­poq: “Inuit isumal­luarfigisak­ka atuaq­qis­saar­tarun­naarajup­put, isumal­luarfigin­ngisak­kali siumukarluar­tar­put. Tas­sa paasivara Jehovap anersaavanit siulersor­tin­neq pitsaanerusoq.”

19. Inuit oqaluus­sif­figisar­tak­kavut qanoq isigis­savavut?

¹⁹ Aal­laq­qaam­mut isumaqar­narsin­naavoq oqaluus­sif­figisar­tak­kami karritut katersor­neqariaan­naasutul­lusooq it­tut amerlan­ngitsuusut. Jiisusil­li ajoqersuk­kaminut oqaasii eq­qaamak­kit. Narsaatit qaqor­tis­simap­put, tas­sa katersuif­figeriaan­naap­put. Inuit al­lan­ngorlutik Kristusimut ajoqersugan­ngorsin­naap­put. Jehovap ajoqersugan­ngorsin­naasut ‘erlin­nar­tuutitut’ isigai. (Hagg 2:7) Jehovap Jiisusil­lu isigin­nit­taasiat­tut inuit isigin­nit­taaseqarfigigutsigit taak­kua tunuliaqutaat soqutigisaal­lu pil­lugit paasisaqas­saagut. Takor­nar­tatut isiginagit anersaak­kut qatan­ngutigilersin­naasatsitut isigis­savavut.