Jehovamut kiffartornermi pilluarlunga inuunera

Aap­paaguani Betelik­kormiunut nalunaarutigineqar­poq Sydafrikami im­mik­koor­tor­taqarfim­mi naqiterivim­mik nutaamik ik­kus­sueqataanis­samut qin­nuteqar­toqarsin­naasoq. Qin­nuteqar­punga, nuan­naarutigingaak­kan­nil­lu akuerisaavunga. Canadami Betelimi kif­far­tor­tut al­lat pingasut aam­ma akuerisaap­put. Tas­saap­put: Den­nis Leech, Bil­l McLel­lan aam­ma Ken Nordin. Oqarfigineqar­pugut siumuin­naq bilitseqas­sasugut!

Anaanaga oqaaser­pas­suaqar­neq ajor­poq, Jehovamul­li qanit­tumik at­taveqarlunilu up­perluar­tuuvoq. Sianerfigaara imalu oqarfigalugu: “Anaana, nutaarsias­saateqar­punga. Sydafrikamukaler­punga!” Anaanaga oqaaseqar­pian­ngilaq, nalun­ngilarali tapersersoraanga. Anaanama ataatamalu ungagigaluarlunga taama ungasitsigisumut nuun­niarlunga aalajanger­nera akerlilin­ngilaat.

SYDAFRIKAMUT AALLARNEQ

Naqitereriaaseq atuligas­sar­put Betelimi Brooklynimiit­tumi sisamaal­luta qaam­matini pingasuni pik­koris­sarfigaar­put. Taava umiarsuarmut as­sar­tuum­mut ilaal­luta Sydafrikamiit­tumut Cape Towniliar­pugut. Taamani 20-leeq­qam­mer­punga. Un­nuk­kut Cape Townimiit Johan­nesburgimut qimut­tuitsorluta aal­lar­pugut. Ul­laas­sak­kut il­loqarfeeraq Karoomiit­toq avin­ngarusimasoq aq­qusaar­par­put. Pujoralal­lunilu kiaqaaq. Sisamaal­luta itsuan­nisaarluta eq­qarsarsimavugut ‘ila, sumununa pisugut’. Nunagiligas­sar­put qanoq in­nersoq eq­qarsaatigaar­put. Sunaaf­fa nuna taman­na tikit­talerumaarlutigu il­loqarfeeq­qal­lu eq­qis­sisimaf­fiusut nuan­narilerumaarlutigit.

Betelimi Napasuliaq Alapernaarsuiffik aam­ma Iteritsi! naqiter­neqar­tus­sat maskiinamut Linotypemut al­lat­tar­pak­ka, taman­nalu ukiualun­ni suliaraara. Im­mik­koor­tor­taqarfim­mi tas­sani atuagas­siat Sydafrikami oqaaserineqar­tunuin­naan­ngitsoq aam­mali Afrikap sin­nerani oqaaserineqar­tut ilar­pas­suinut naqiter­neqar­tar­put. Naqiterut nutaaq ik­kus­sor­neqar­nerani peqataaf­figisar­put atorluar­neqarmat nuan­naarutigeqaar­put!

Kingusin­nerusuk­kut al­laf­fim­mi naqiterivim­mut, nas­sius­sisarfim­mut nutserivim­mul­lu tun­ngasunik nak­kutil­liif­fiusumi sulisaler­punga. Ulapit­tuul­lungalu nalerisimaar­punga.

NULIARPUNGA ALLAMILLU SULIAS­SIN­NEQARLUNGA

1968-imi Laura Bowen pioneriusoq Betelip eq­qaani najugalik aap­par­taaraara. Nutserivim­mi al­latas­sanik ikior­tiuvoq. Taamanik­kut katerlaat Betelimiigin­nar­neq ajor­put, taamaat­tumik specialpionerin­ngor­pugut. Ukiunili qulini Betelimi nerisaqar­tin­neqarlungalu ineqar­tin­neqareerlunga specialpioneritut aningaasat pisar­tagas­sagut inuus­sutigisin­naanerlugit isumakuluutigaara. Marluul­luta im­mik­kut qaam­mam­mut 25 rand-it (taamanik­kut 200 koruunit mis­saan­nik naleqar­tut) pisaler­pagut. Aatsaalli taak­ku pisas­savagut oqaluus­sinermi nalunaaqut­tap-akun­neri, pulaaq­qiinerit atuagas­sianil­lu tun­nius­sinerit qaam­mam­mut piumasarineqar­tut angusarutsigit. Aningaasat taak­ku inis­saqar­nermut, nerisas­sanut, angalanermut, nakorsaatinut inut­tul­lu pisariaqar­titatsin­nut al­lanut ator­tus­saavagut.

Oqaluus­sisar­toqatigiin­nut il­loqarfiup Durbanip eq­qaaniit­tunut Indiap Imar­piata sineriaaniit­tumiit­tunut aal­lar­titaavugut. Tamaani Indiamior­pas­suaqar­poq, taak­kualu ilar­pas­sui 1875-ip mis­saani Sydafrikami suk­kuliorfin­nut suliar­torsimasut kinguaaraat. Maan­na as­sigiin­ngitsunik sulif­feqaraluarlutik siuaasamik kulturiat igariaasial­lu iperarsiman­ngilaat. Tuluil­lu oqaasii atormatigit uagutsin­nut oqilisaataavoq.

Specialpionerit taamani qaam­matit tamaasa oqaluus­sinermi nalunaaqut­tap-akun­neri 150-it ator­tus­saavaat. Taamaat­tumik Lauralu pilersaarutigaar­put ul­loq siul­leq nalunaaqut­tap-akun­neri arfinil­lit oqaluus­siniarluta. Kial­lunilu isugutap­poq. Pulaaq­qit­tagaqan­ngin­nat­ta Biibilimil­lu atuaq­qis­saaqatigisar­tagaqan­ngin­nat­ta pif­fis­saq tamaat matumiit matumut oqaluus­sisariaqar­pugut. Oqaluus­sil­luareerluta nalunaaqutara qiviar­para – sunaaf­fa minutsit 40-in­naat oqaluus­sisimasugut! Eq­qarsaatigaara ilumut specialpioneritut kif­far­torsin­naas­sanerluta.

Sivitsun­ngitsoq sungius­sil­luar­pugut. Ul­lut tamaasa taquar­tar­pugut. Nererusuleraangat­talu biiler­put or­piup ataanut alan­ngitit­tar­par­put – ilaan­nik­kul­lu Indiamiuaq­qat inequnar­tut alaper­naal­lutik isigin­naar­tar­paatigut! Ul­lualuit qaangiut­tut paasivar­put nalunaaqut­tap-akun­neri marluk pingasul­luun­niit qaangiuk­kaangata ul­lup sin­nera sisuugin­nar­tar­toq.

Inun­nut nunami tas­saniit­tunut inoroorsaar­tuusunut Biibili pil­lugu oqaluus­siner­put nuan­nareqaar­put. Indiamiut ataq­qin­nit­tuul­lutil­lu inus­siar­nersuul­lutil­lu Guutimik mianerin­nit­tuup­put. Hindut amerlasuut tusarlius­sar­put tusar­naarusup­paat. Jehova, Jiisusi, Biibili, silarsuar­taas­saq eq­qis­sisimaf­fiusoq toqusimasunul­lu neriuut pil­lugit ilik­kak­katik nuan­naraat. Ukioq ataaseq qaangium­mat Biibilimik atuaq­qis­saaqatigisar­tak­kagut 20-ulersimap­put. Ul­lut tamaasa ilaqutariit atuaq­qis­saaqatigisar­tak­kat­ta ilaat nereqatigisar­pagut. Pil­luaqaagut!

Specialpioneriuner­put nuan­narerut­torlutigu ilageeqatigiin­ni Indiap Imar­piata sineriaani alianaatsumi angalasar­tutut kif­far­toq­quneqar­pugut. Sapaatit-akun­nik­kaarlugit ilaqutariin­ni ineqar­tar­pugut, ilagiin­nilu oqaluus­sisar­tut oqaluus­seqatigalugil­lu qiim­mas­sar­tar­pagut. Taak­kua ilaqut­tamis­sut pisar­paatigut, meeraal­lu uumasuutaal­lu uagutsin­nut nuan­naarutaasar­put. Nuan­naarutigisatsin­nik ukiuni marlun­ni taamatut kif­far­tor­pugut. Taava im­mik­koor­tor­taqarfim­mit sianerfigiteriataar­pugut. Ima oqarfigitip­pugut: “Betelimut uter­nis­sarsi kis­saatigigaluar­par­put.” Ima akivunga: “Maani kif­far­tor­ner­put nuan­narigaluaqaar­put.” Taamaak­kaluar­toq soorunami sumukaq­quneqaraluarut­taluun­niit kajumil­luta akuersis­saagut.

BETELIMIILEQ­QINNEQ

Betelimi Kif­far­tor­nermik Nak­kutil­liisoqarfim­mi qatan­ngutit anersaak­kut inersimal­luar­tut misilit­tagaqarluar­tul­lu suleqatigiler­pak­ka. Taamanik­kut nak­kutil­liisoq angalasar­toq ilagiin­ni tikeraar­nermi kingor­na im­mik­koor­tor­taqarfim­mut nalunaarusior­tar­poq. Taan­na tun­ngavigalugu Kif­far­tor­nermik Nak­kutil­liisoqarfim­miit ilagiin­nut al­lat­toqar­tar­poq. Al­lak­kat qiim­mas­saataasus­saap­put pisariaqar­pal­lu al­lan­nguinis­samut siun­nersuutitaqar­tarlutik. Al­latsit­ta al­lak­kat xhosatut, zulutut Afrikamiul­lu oqaasii al­lat atorlugit al­latat tulut­tuun­ngor­tit­tar­paat, tulut­tul­lu al­latat oqaatsinut taak­kunun­nga nutser­tarlugit. Nutserisut sulil­luar­tut taak­ku Afrikami qatan­ngutit­ta qer­ner­tormiut ajor­nar­torsiutigisar­tagaan­nik paasitit­tarman­nga qujamasuutigeqaak­ka.

Taamanik­kut Sydafrikami naalak­kersuisut am­mip qalipaataa tun­ngavigalugu im­mik­koor­titsisar­put. Amimik­kut qalipaateqatigiin­ngitsut najugaqarfeqatigeeq­qusaan­ngin­namik peqatigiin­neq ajor­put. Taamaat­tumik qatan­ngutit qer­ner­tormiut nam­min­neq oqaatsitik atorlugit oqaluus­sil­lutil­lu ataatsimiit­tar­put.

Afrikami qer­ner­tormiunik ilisarisimasaqar­pian­ngilanga, ilagiit kif­far­torfigisar­tak­kak­ka tulut­tut oqaaseqar­tuusarmata. Mas­sak­kul­li qer­ner­tormiut kulturiat ileq­quilu pil­lugit paasisaqarsin­naaler­punga. Ilaatigut paasiler­para ileq­qutoq­qat up­perisarsior­nik­kul­lu ajoqersuutit pis­sutigalugit qatan­ngutit ajor­nar­torsiuteqar­tar­tut. Ileq­qutoq­qat Biibilimut naaper­tuutin­ngitsut maleruarun­naaramik­kit sapiitsulior­put, anersaarsior­nermul­lu tun­ngasunik sam­misaqarumaneq ajoramik ilaqut­tamin­nit nunaq­qatimin­nil­lu akerlilersor­neqangaar­put. Aam­ma paasivara nunaqarfeerarmior­pas­suit piitsuusut. Ilin­niarsiman­ngitsut amerlaqaat, Biibilimil­li ataq­qin­nit­tuup­put.

Guutisior­nis­samut kif­faan­ngis­suseqar­neq politik­kimul­lu akuliun­naveersaar­neq pil­lugit eq­qar­tuus­sinerit ilaan­ni ikiueqataavunga. Inuusut­tut meeq­qal­lu Nalunaajaasut atuarfim­mi qinunermi tus­siar­nermilu peqataajuman­ngin­ner­tik pis­sutigalugu anisitaasimasut ilumoorfigin­nin­nerat sapiis­susiilu takul­lugit up­per­nik­kut nakus­satsin­naqaaq.

Qatan­ngutit nunami angival­laan­ngitsumi taamani Swazilandimik taaguutilim­miit­tut al­lamik ajor­nar­torsiuteqaler­put. Kun­ngi Sobhuza II toqum­mat in­nut­taasut tamarmik piumaf­figineqar­put aalajangersimasumik iliuuseqarlutik aliasun­nermik takutitsis­sasut. Tas­sa angutit qapis­sap­put, ar­nal­lu nutsatik naatsun­ngor­til­lugit kil­lor­tis­savaat. Ileq­qulersuutit taamaat­tut siuaasanik pal­lorfigin­nin­nermut tun­ngam­mata qatan­ngutit­ta peqataaf­figerusun­ngilaat, taman­nalu malersugaas­sutigaat. Jehovamut ilumoorfigin­nin­nerat eq­qarsaatigalugu kil­litsin­naqaaq! Qatan­ngutitsin­nit Afrikamiunit ilumoorfigin­nin­neq utaq­qisin­naas­suserlu pil­lugit ilik­kagaqangaar­pugut, taman­nalu up­per­nik­kut nakus­satsin­naqaaq.

NAQITERIVIMMUT UTERPUNGA

1981-imi naqiterivim­mi suleq­qiler­punga qarasaasiat atorlugit naqiterisaler­nis­sami ikiuis­sal­lunga. Pis­sanganaqaaq! Naqitereriaaseq al­lan­ngor­tus­san­ngor­poq. Tuniniaasar­tup maskiina nutaaq naqiterinermi ator­toris­saarut im­mik­koor­tor­taqarfiup misiligutis­saa akilersin­nagu tun­niup­paa. Misilit­tar­neqareermat maskiinatoq­qat qulingiluat maskiinanik nutaanik tal­limanik taarser­neqar­put. Aam­ma naqiterut nutaaq ik­kus­sor­neqar­poq. Naqiter­tak­kat amerlisin­naaler­put!

Qarasaasiat atuleratsigit atuagas­siani al­laaserisat ilusilersor­neran­ni MEPS (Multilanguage Electronic Publishing System) ator­neqar­taler­poq. Canadamiuusugut sisamat Sydafrikamut tikik­kat­tali teknologiip tungaatigut siumukar­toqarsimaqaaq! (Es 60:17) Maan­nak­kut tamat­ta Jehovamik asan­nit­tunik pionerinik aap­par­taarsimavugut. Bil­l uangalu suli Betelimi kif­far­tor­pugut. Ken Den­nisilu Betelip eq­qaani ilaqut­tatil­lu najugaqar­put.

Im­mik­koor­tor­taqarfim­mi sulias­sat amerleriaq­qip­put. Biibililersaarutit oqaatsinut amerligalut­tuin­nar­tunut nutser­neqarlutil­lu naqiter­neqar­tar­put, naqitik­kal­lu im­mik­koor­tor­taqarfin­nut al­lanut nas­siun­neqar­tar­put. Sulias­sat amerligalut­tuin­narmata Beteli mikigiler­par­put. Johan­nesburgip kitaatungaani alianaatsumi qatan­ngutigut nutaamik Betelilior­put, 1987-imilu atoq­qaar­tin­neqar­poq. Ineriar­tor­neq taman­na peqataaf­figalugu Sydafrikamilu Im­mik­koor­tor­taqarfiup Ataatsimiititaliaani ukior­pas­suar­ni kif­far­torsin­naagama nuan­neqaaq!

ALLAMIK SULIAS­SIN­NEQARPUGUT

Tupaal­laatigeqisan­nik 2001-imi USA-mi Im­mik­koor­tor­taqarfiup Ataatsimiititaliaani pilersin­neqaq­qam­mersumi kif­far­toriar­toq­quneqar­punga. Sydafrikami suliar­put ikin­ngutigul­lu qimak­kusun­ngik­kaluarlugit USA-mi Betelimiiler­nis­sar­put qilanaaraar­put.

Kisian­ni Laurap anaanaa utoq­qalisoq New Yorkimiilerut­ta ikiorsin­naajun­naas­sagatsigu isumakuluutigaar­put. Laural­li nukaasa pingasut timik­kut, misigis­sutsik­kut aningaasatigul­lu anaanar­tik isumagiumavaat. Ima oqarfigaatigut: “Uagut pif­fis­saq tamaat kif­far­torsin­naan­ngilagut, ilis­sili kif­far­tor­nis­sin­ni tapersersorsin­naavatsigit anaanap pisariaqar­titaanik isumagin­nik­kut­ta.” Taman­na qujamasuutigeqaar­put.

Taamatut­taaq angajuma nuliatalu, Torontomi Canadamiit­tumi najugal­lit, anaanar­put uil­lar­nerusoq isumagaat. New Yorkimut peq­qam­mersugut anaanaga ukiut 20-t sin­nerlugit angajuk­kun­ni ineqarsimasoq toquvoq. Toqunis­saata tungaanut asan­nil­lutik taas­sumin­nga isumas­suisimanerat qujamasuutigeqaar­put. Tapersersuisunik angajoq­qaanik utoq­qalisunik isumas­suiumal­lutik inuunermin­nik al­lan­nguerusus­suseqar­tunik ilaqutaqarluni tup­pal­ler­naqaaq.

Ukiualun­ni USA-mi kif­far­tor­nin­ni naqiterivim­mi nutar­tigaajuar­tumi sulivunga. Ukiunilu kingul­ler­ni pisior­tor­nermi al­laf­fim­mi kif­far­tor­punga. Im­mik­koor­tor­taqarfik ukiuni 20-ni kif­far­torfigisara nuan­neqaaq, maan­nak­kut tas­sani kif­far­torfigalugu ineqar­tut 5.000-up­put avataaniil­lu suliar­tor­tar­tut 2.000-ul­lutik.

Ukiut 60-it matuma sior­na maaniilersimanis­sara takorloorsiman­ngik­kaluar­para. Ukiuni taak­kunani tamani Laurap uum­matik­kut iluun­ngarluni tapersersorsimavaanga. Nalerisimaaqaagut! As­sigiin­ngitsunik sulias­sin­neqar­tar­ner­put inuil­lu suleqatiginikuusagut nuan­nersut, ilaatigut nunarsuarmi sumi tamani im­mik­koor­tor­taqarfip­pas­suar­ni tikeraar­tak­katsin­niit­tut, nuan­naarutigaagut. Maan­na 80-t sin­nerlugit ukioqarama sivikin­nerusumik sulisar­punga, suliarisarsimasak­kalu qatan­ngutit angutit pik­koris­sut inuusun­nerusut suliarisaler­paat.

Tus­siaasior­toq ima al­lap­poq: “Pil­luar­put inuiaat Naalak­kamik Guuteqar­tut.” (Tuss 33:12) Tamatuma ilumuus­susia! Jehovap in­nut­taanut pil­luar­tunut ilaanera qujamasuutigeqaara.