Guuti nallittuingaartoq kiffartorfigaarput

1. Inuk nal­lit­tuiumatooq qanoq it­tuua, aam­ma inuk nal­lit­tuisoq pil­lugu oqalut­tuami suna ilin­niarfigaar­put?

INUK nal­lit­tuiumatooq inus­siar­nersutut, kis­salaar­tutut, misigin­neqataasar­tutut tuk­kor­tutul­lu eq­qarsaatigisar­par­put. Tamatumun­nga atatil­lugu im­maqa eq­qaavat Jiisusip Samariamiu nal­lit­tuisoq pil­lugu oqalut­tuaa. Oqalut­tuami tas­sani angutip al­lamiup angut juutiusoq til­lin­nianit piiaaf­figineqarsimasoq persut­tar­neqarsimasorlu ‘nal­ligitsaak­kamiuk’ isumas­sor­paa. (Luk 10:29-37) Guutip pis­susia nuan­nersoq, nal­lit­tuineq, as­sersuusiami tamatumani ersersin­niar­neqar­poq. Pis­suseq taan­na Guutip asan­nin­neranut ersiutaavoq, Guutim­mi asagamisigut ul­lut tamaasa as­sigiin­ngitsor­pas­suar­tigut nal­lit­tor­tar­paatigut.

2. Qanoq nal­lit­tuineq al­latut ersersin­neqarsin­naava?

² Nal­lit­tuineq aam­ma al­latut ersersin­neqarsin­naavoq. Inuk nal­lit­tuiumatooq pis­sutis­saqaraangami pil­laaneq ajor­poq. Tamatumun­nga as­singusumik Jehovap nal­lit­tungaar­tar­paatigut. Tus­siaasior­toq ima al­lap­poq: “Iliorfigin­ngilaatigut ajor­tuliat­ta nalis­saan­nik, akiler­natalu pinerlun­nit­ta taamaaqataanik.” (Tuss 103:10) Jehovali al­latigut sukan­nersumik perorsaatis­siisar­poq.

3. Apeq­qutit suut sam­mis­savagut?

³ Al­laaserisami matumani apeq­qutit pingasut uku sam­mis­savagut: Sooq Jehova nal­lit­tuisar­pa? Sukan­nersumik perorsaatis­siineq nal­lit­tuinerlu qanoq im­min­nut at­tuumas­suteqar­pat? Uagut nal­lit­tuisuunis­satsin­nut suna iluaqutigisin­naavar­put? Akis­sutit Biibilimeersut misis­soriar­tigit.

SOOQ JEHOVA NALLITTUISARTOQ

4. Sooq Jehova nal­lit­tuisar­pa?

⁴ Jehova nallit­tuingaartuuvoq. Apustili Paulusi isumas­sarsisin­neqarluni al­lap­poq Guuti nal­lit­tuingaar­tuusoq. Paulusi nas­suiaavoq Guutip kif­fani naam­mal­luin­nan­ngitsut nal­lit­torlugit qilaliar­nis­saan­nik neriorsorai. (Ef 2:4-7) Jehoval­li tanitat kisiisa nal­lit­tun­ngilai. Daavi tus­siaasiamini ima al­lap­poq: “Tamanut ajun­ngisaar­tar­poq Naalagaq, pin­ngor­titaminut tamanut naak­kin­nit­tuuvoq.” (Tuss 145:9) Jehova asan­nit­tuugami pis­sutis­saqaraangami nal­lit­tuisar­poq.

5. Jehovap nal­lit­tuingaar­tuunera Jiisusip qanoq ilik­kar­paa?

⁵ Jehovap nal­lit­tuingaar­tuunera Jiisusip tamanit nalun­ngin­ner­paavaa. Nunarsuarmukan­ngik­kal­larami Jiisusip Ataatani ukiuni tuusintilip­pas­suar­ni qilam­meeqatigaa. (Uss 8:30, 31) Ataatami inuit ajor­til­lit nal­lit­torai arlalip­pas­suariarluni takusar­paa. (Tuss 78:37-42) Aam­ma Ataatami pis­susaa nuan­nersoq taan­na ilin­niar­titsinermini eq­qaakulasar­paa.

6. Ataatami nal­lit­tuinera pil­lugu Jiisusi qanoq as­sersuusior­pa?

⁶ Jehovap nal­lit­tuingaar­tuunera ersersin­niarlugu Jiisusip er­neq tam­maraluar­toq pil­lugu as­sersuusiaa al­laaserisap siuliani sam­mivar­put. Er­neq taan­na nunamut ungasis­sumut aal­lar­poq, ‘inuunerlun­nerminilu pisuus­sutini nungulus­sin­nar­pai’. (Luk 15:13) Kingor­na peq­qis­similerluni maniguutiler­poq ataataminul­lu angerlarluni. Angutaa qanoq ilior­pa? Jiisusi ima oqar­poq: “Ataataatalu suli ungasis­sumiitil­lugu takuleramiuk nal­ligitsaap­paa, ar­pal­lunilu or­nip­paa qungasiagul­lu eqil­lugu kunil­lugulu.” Angutaata er­nini nikanarsan­ngilaa. Akerlianil­li nal­lit­torlugu isumak­keerfigaa tikil­luaq­qul­lugulu. Er­neq tam­maraluar­toq ajor­tuliungaarsimagaluar­toq peq­qis­simim­mat angutaata isumak­keerfigaa. Ataataq nal­lit­tuisoq Jehovamut as­sersuutaavoq. Jiisusip ataatami ajor­tulior­tunik isumak­keerfigin­nik­kumasar­nera kil­litsin­nar­tumik oqalut­tuaraa. – Luk 15:17-24.

7. Jehovap ilisimas­suseqangaar­nera nal­lit­tueriaasianit qanoq ersersin­neqar­pa?

⁷ Jehova asseqan­ngitsumik ilisimas­suseqarami nallit­tuisarpoq. Jehova tamatigut pin­ngor­titaminut pitsaaner­paamik aalajangiisar­poq. Biibili naaper­torlugu ‘ilisimas­suseq pavan­nga pisoq nallit­tuingaar­tuuvoq, ajun­ngitsunil­lu inerititaqarluni’. (Jaak 3:17) Jehovap nalun­ngilaa nal­lit­tuinini qitor­nami iluaqutigis­sagaat. (Tuss 103:13; Es 49:15) Naam­mal­luin­nan­ngitsuugaluarluta Jehovap nal­lit­tuinera neriuuteqalis­sutigisin­naavar­put. Taamaat­tumik Jehova ilisimas­suseqangaar­tuugami pis­sutis­saqaraangami isumak­keerfigin­nit­tuar­tar­poq. Aam­mali qaquguk­kut nal­lit­tuis­san­ngin­nerluni naluneq ajor­paa. Ilisimas­suseqangaar­tuugami ajor­tulior­toq isigin­ngitsuusaar­neq ajor­paa.

8. Ilaan­nik­kut qanoq ilior­nis­saq pisariaqar­tar­pa, aam­ma sooq?

⁸ Taavami Guutip kif­faasa ilaata inuunerlun­nini aalajangiusimaan­nar­pagu? Paulusi isumas­sarsisitaal­luni ima al­lap­poq: ‘Qatan­ngum­mik taaneqar­toq ilagisas­san­ngilarsi.’ (1 Kor 5:11) Taamaat­tumik peq­qis­simiuman­ngitsut ilagiin­nit ilaajun­naarsitaasar­put. Qatan­ngutigut aalajaatsut il­lersor­niarlugit Jehoval­lu najoq­qutas­siai qutsis­sut malin­niarlugit ilaajun­naarsitsinis­saq pisariaqar­tar­poq. Ilaal­li eq­qarsarsin­naap­put ilaajunaarsitsineq nal­lit­tuinerun­ngitsoq. Taamaap­pali? Misis­soriar­tigu.

SUKANNERSUMIK PERORSAATISSIINEQ NALLITTUINERUA?

9-10. Hebræerit 12:5, 6-lu naaper­torlugit sooq oqarsin­naavugut ilaajunaarsitsineq nal­lit­tuinerusoq? As­sersuuteqarit.

⁹ Aliasut­taqaagut ataatsimiin­nermi nalunaarutigineqaraangat nalun­ngisar­put asasar­pul­lu Jehovamik Nalunaajaasuujun­naar­toq. Im­maqa eq­qarsaatigaar­put ikin­ngutit­ta ilaajun­naarsitaanera pisariaqavin­nersoq. Ilaajun­naarsitsineq ilumut nal­lit­tuinerua? Aap. Perorsaatis­sin­neqar­tariaqar­tumik perorsaatis­siin­ngin­neq sianiitsulior­neruvoq, aam­ma nal­lit­tuinerun­ngilaq asan­nit­tulior­nerunanilu. (Uss 13:24) Ilaajun­naarsitsineq ajor­tulior­tup al­lamik isumataar­nis­saminut iluaqutigisin­naavaa? Aap. Qatan­nguter­pas­suit uteraangamik oqar­tar­put ilaajun­naarsitaaner­tik qanoq ajor­tigisumik ajor­tuliorsimanermin­nik paasin­nin­nis­samin­nut, peq­qis­siminis­samin­nut Jehovamul­lu uteq­qin­nis­samin­nut iluaqutigisimal­lugu. – Hebræerit 12:5, 6 atuakkit.

¹⁰ As­sersuuteqariar­ta. Savanik paarsisup paasivaa savaatimi ilaat nap­parsimasoq. Nalun­ngilaa savat al­lat tunil­lan­neqas­san­ngip­pata sava nap­parsimasoq im­mik­koor­tit­tariaqarlugu. Savat ataatsimoorusut­tar­tuup­put, avis­saar­tin­neqaraangamil­lu eq­qis­sisimajun­naar­tar­put. Savanik paarsisup sava nap­parsimasoq im­mik­koor­tik­kamiuk naak­kit­taatsulior­pa? Soorunami naamik. Nalun­ngilaa savap nap­parsimasup savaqatini tunil­las­sin­naagai. Savamik nap­parsimasumik im­mik­koor­titsinermigut savat al­lat nap­parsimaler­nis­saat pin­ngitsoor­tip­paa. – 3 Mosesi 13:3, 4 naleq­qiuguk.

11. (a) Ilaajun­naarsitaasoq savamut nap­parsimasumut qanoq as­sersuun­neqarsin­naava? (b) Ilaajun­naarsitaasimasut qanoq iliorsin­naap­pat aam­ma qanoq ikior­neqarsin­naap­pat?

¹¹ Kristumiu ilaajun­naarsin­neqar­tariaqar­toq savamut nap­parsimasumut as­sersuun­neqarsin­naavoq. Anersaak­kum­mi nap­parsimavoq. (Jaak 5:14) Anersaak­kut nap­paat timik­kut nap­paatitul­li tuniluus­sin­naavoq, anersaak­kum­mi nap­parsimasoq al­lanik sun­niinerlus­sin­naavoq. Taamaat­tumik ilagiin­nit avis­saar­tin­neqar­tariaqarsin­naavoq. Taamaalior­neq Jehovap kif­faminut aalajaatsunut asan­nin­neranut ersiutaavoq, aam­ma ajor­tulior­tup peq­qis­simineranik kinguneqarsin­naavoq. Ilaajun­naarsitaasoq suli ataatsimeeqataasin­naavoq aam­ma atuagas­siaatigut atuarlugil­lu JW Broadcasting^® isigin­naarsin­naavaa. Anersaak­kul­lu siuariar­tor­nera utoq­qaaner­tat malugigunik­ku Jehovamut at­taveqarluaq­qiler­nis­saanut ikiorsin­naavaat.b

12. Utoq­qaaner­tat ajor­tulior­toq peq­qis­simiuman­ngitsoq qanoq asan­nit­tuliorfigisar­paat?

¹² Ajor­tulior­tut peq­qis­simiuman­ngitsut kisimik ilaajun­naarsitaasar­nerat eq­qaamas­sal­lugu pingaaruteqar­poq. Utoq­qaaner­tat imaalial­laan­naq ilaajun­naarsitsineq ajor­put. Nalun­ngilaat Jehova “naleq­qut­tumik” perorsaatis­siisar­toq. (Jer 30:11, NW) Qatan­ngutitik asavaat anersaak­kul­lu in­narler­neqar­nis­saat kis­saatigin­ngilaat. Taamaat­tumik ajor­tulior­tup ilagiin­nit ilaajun­naarsin­neqaral­lar­nis­saa asan­nit­tulior­nerul­lunilu naak­kit­tar­tulior­neruvoq.

13. Korinthimi ilagiin­ni qatan­ngut sooq ilaajun­naarsitaasariaqarsimava?

¹³ Apustilip Paulusip qatan­ngut ajor­tulior­toq peq­qis­simin­ngitsoq qanoq iliuuseqarfigigaa eq­qarsaatigiuk. Korinthimi ilagiin­ni qatan­ngut ataatami nulianik inuunerloqateqar­poq. Ila maajun­naraluas­susia! Paulusip nalun­ngilaa Jehovap Israelik­kut itsaq ima oqarfigisimagai: “Ataatami nulianik in­naas­sisup ataatami kinguaas­siuutaa uleer­paa. In­naas­sisoq in­naas­saalu tamarmik toqun­neqas­sap­put.” (3 Mos 20:11) Soorunami Paulusi toqumut pil­laaq­qusisin­naan­ngilaq. Korinthimili ilagiit siun­nersor­pai angut ilaajun­naarsis­sagaat. Angut taan­na ilagiin­nut sun­niinerlup­poq, qatan­ngutim­mi ilaasa taas­suma inuunerlun­nera ajor­tutut isigin­ngilaat. – 1 Kor 5:1, 2, 13.

14. Korinthimi ilagiin­ni ilaajun­naarsitaasimasoq Paulusip qanoq nal­lit­tor­paa, aam­ma sooq? (2 Korinthimiut 2:5-8, 11)

¹⁴ Kingor­na Paulusip paasivaa angut inuunerlut­toq taan­na ajor­tulior­tarun­naarlunilu ilumoorluni peq­qis­simisoq. Ilagiin­nik kan­ngunarsaasimagaluar­toq Paulusip utoq­qaaner­tat ‘ingasaas­seq­qun­ngilai’. Ima oqarfigai: “Isumak­keerfigalugulu tup­pal­lersar­niarsiuk aliasun­nermit suli an­nerusumit sapilersin­neqaq­qunagu”. Paulusip angut peq­qis­simisoq taan­na nal­lit­tor­paa. Kis­saatigin­ngilaami angut aliasup­pal­laalerluni uniin­nas­sasoq. – 2 Korinthimiut 2:5-8, 11 atuakkit.

15. Utoq­qaaner­tat perorsaatis­siiniaraangamik qanoq oqimaaqatigiis­saarisar­pat?

¹⁵ Utoq­qaaner­tat Jehovatul­li nal­lit­tuisoorusup­put. Pisariaqaraangat sukan­nersumik perorsaatis­siisar­put, aam­mali pis­sutis­saqaraangat sapin­ngisamik nal­lit­tuisar­put. Pisariaqar­tumik perorsaatis­siin­ngik­kunik eq­qun­ngitsulior­neq isigin­ngitsuusaas­savaat. Utoq­qaaner­tal­li kisimik nal­lit­tuisuus­sap­pat?

QANOQ TAMATTA NALLIT­TUISUUSIN­NAASUGUT

16. Us­satit 21:13 naaper­torlugu Jehova nal­lit­tuiuman­ngitsunut qanoq ilius­sava?

¹⁶ Kristumiut tamarmik Jehovatul­li nal­lit­tuisuujuarusup­put. Sooq? Al­lanut nal­lit­tuiuman­ngitsup qin­nutai Jehovap tusar­navian­ngim­magit. (Ussatit 21:13 atuaruk). Qin­nutit­ta Jehovamit tusar­neqar­nis­saat kis­saatigigatsigu naak­kit­taatsoorusun­ngilagut. Kristumioqatit­ta naal­liul­luni ‘nil­lianera’ tusaan­ngitsuusaar­navian­ngilar­put. Siun­nersuut Biibilimeersoq una eq­qaamavar­put: ‘Naak­kin­nit­tuliun­ngitsoq naak­kit­taatsumik eq­qar­tuun­neqas­saaq.’ (Jaak 2:13, tastamantitâĸ) Nal­lit­tor­neqar­nis­sar­put qanoq pisariaqar­titsigalugu eq­qaamagutsigu nallit­tuisuunis­sarput ilimanar­nerus­saaq. Ingam­mik ilaajun­naarsitaasimasoq ilagiin­nut uter­toq nal­lit­tuinermik ersersitsivigerusup­par­put.

17. Kun­ngi Daavi qanoq qaman­nga pisumik nal­lit­tuisar­pa?

¹⁷ Biibilimi oqalut­tuarineqar­tut nal­lit­tuinermik sukan­ner­pal­laan­ngin­nermil­lu ilin­niarfigisin­naavagut. As­sersuutigalugu kun­ngi Daavi eq­qarsaatigiuk. Taan­na qaman­nga pisumik nal­lit­tuikulasar­poq. Saulimit toqun­niar­neqaraluarluni Guutip kun­ngitut tanitaanut nal­lit­tuisar­poq. Akiniaan­ngisaan­nar­poq Saulilu ajoquser­niarsarin­ngisaan­narlugu. – 1 Sam 24:10-13, 19, 20.

18-19. Daavi pisuni marlun­ni as­sigiin­ngitsuni naak­kit­taan­nermik qanoq ersersitsiva?

¹⁸ Daavili nal­lit­tuiuaan­nar­tan­ngilaq. As­sersuutigalugu Nabalip Daavi angutitaalu nerisas­sanik tuniuman­ngilai. Taman­na Daavip kamaatigalugu Nabali inoqutaalu toqun­niarlugit aalajanger­poq. Nabalil­li nulia, Abigajili, inus­siar­nersuuvoq naam­magit­tar­tuul­lunilu. Daavi naapigiarlugu nerisas­sanik tunivaa taamaalil­lunilu Daavip toqutsinis­saralua pin­ngitsoor­til­lugu. – 1 Sam 25:9-22, 32-35.

¹⁹ Pisumi al­lami pruf­fiitip Natanip angut pisooq piitsup savaataanik til­lit­toq pil­lugu Daavi oqalut­tuup­paa. Daavi kamaqaluni ima oqar­poq: “Ilumut uumam­mat Naalagaq, angut taamaalior­toq toqutas­saavoq.” (2 Sam 12:1-6) Daavip Mosesimit inatsisit ilisimal­luar­pai. Nalun­ngilaa savamik til­lit­toq savanik al­lanik sisamanik taarsiisus­saasoq. (2 Mos 21:37) Naak­kit­taal­lunili savamik til­lit­toq toqumik pil­lar­neqaq­qugaluar­paa. Natanip taamatut as­sersuusior­nermigut Daavi ajor­nerungaar­tunik ajor­tuliorsimaneranik Jehovamil­lu nal­lit­tor­neqangaarsimaneranik paasitik­kusup­paa. – 2 Sam 12:7-13.

20. Daavi qanoq ilin­niarfigisin­naavar­put?

²⁰ Maluginiaruk Daavi kamaq­qaqaluni aalajanger­toq Nabali angutitaalu tamarmik toqun­neqas­sasut. Kingor­nalu Natanip as­sersuusiorfigim­mani oqar­poq angut pisooq toqumik pil­lar­neqas­sasoq. Daavili angutaam­mat asan­nit­toq paasiuminaatsik­kunar­par­put sooq taama sukan­ner­tigisumik eq­qar­tuus­siniar­nersoq. Eq­qarsaatigiul­li Daavi taamanik­kut qanoq misiginersoq. Ajor­tuliani ilerasuutigai. Tas­sa sukangaval­laar­neq eq­qar­tuus­seq­qajaanerlu anersaak­kut san­ngiil­lior­nermut ersiutaap­put. Jiisusip malin­nitsini ima mianersoq­quai: “Eq­qar­tuus­seqinasi eq­qar­tuun­neqaq­qunasi. Eq­qar­tuus­sis­sutigisas­sin­nim­mi eq­qar­tuun­neqarumaar­pusi.” (Matt 7:1, 2) Taamaat­tumik Guutitsitut nal­lit­tuingaarluta sukan­ner­pal­laar­naveersaar­niar­ta.

21-22. Qanoq nal­lit­tuisarsin­naavugut?

²¹ Nal­lit­tuineq misigis­susiin­naan­ngilaq, al­lanil­li ikiuinis­samut kajumis­sis­sutaasar­poq. Ilaqutat­ta, ilagiit inoqatit­talu pisariaqar­titaat maluginiar­tarsin­naavagut. Taamaalior­tarut­ta nal­lit­tuinis­samut periarfis­sar­pas­suaqas­saagut. Tup­pal­lersar­neqar­tariaqar­tumik nalun­ngisaqar­pugut? Ikior­tarialik nerisas­sanik pisinius­sin­naavar­put al­latul­luun­niit ikiorlugu? Ilagiin­nut ilaalerseq­qin­neqarsimasoq ilagisar­neratigut qiim­mas­sarsin­naavar­put? Tusagas­sat nuan­nersut al­lanut oqaluus­sis­sutigisarsin­naavagut? Taman­na oqaluus­sif­figisatsin­nut tup­pal­lersaataasin­naavoq. – Job 29:12, 13; Rom 10:14, 15; Jaak 1:27.

²² Nal­lit­tuinis­samut periarfis­sar­pas­suaqar­pugut. Taman­nalu eq­qumaf­figalugu iliuuseqar­tarut­ta Ataatar­put qilam­miusoq, Guuti nal­lit­tuingaar­toq, nuan­naar­tis­savar­put!