Uumissuineq nungulluinnassaaq!

GUUTIP UUMISSUINERMUT PISSUTAASUT NUNGUTISSAVAI

1. 1. SAATANI DIAAVULU. Saatani, inngili pikitsitsisoq, nalitsinni uumis­suinermut akisus­saaner­paavoq. Guutip Saatani taas­sumatullu uumis­suisut tamaasa suujun­naarsis­savai. – Tus­siaat 37:38; Romamiut 16:20.

2. 2. SAATANIP SILARSUAA UUMISSUISOQ. Guutip nunarsuarmi ajor­tut tamaasa, aamma politik­kerit peq­quserlut­tut upperisarsior­nik­kullu siulersuisut uumis­suilersitsisut, nungutis­savai. Guutip aamma piumatul­luni niueriaaseq, peq­quserlun­neq iluanaar­niapilun­nerlu nungutis­savai. – Petrusimit 2. 3:13.

3. 3. INUIT NAAMMALLUINNANNGISSUTAAT. Biibilimi nas­suiar­neqar­poq inuit tamarmik naam­mal­luin­nan­ngis­sutsimik – tassa eqqun­ngitsumik eqqarsaq­qajaasar­nermik, misigeq­qajaasar­nermik ilioq­qajaasar­nermillu – kingor­nus­sisimasut. (Romamiut 5:12) Allanik uumis­suineq ajor­tulioq­qajaasar­nerit taak­kua ilagaat. Uumis­suineq qaqugorsuarmut nungutin­neqar­nias­sam­mat Guutip inuit naam­mal­luin­nan­ngitsut eqqun­ngitsulioq­qajaasarun­naaq­qul­lugit ikius­savai. – Esaja 54:13.

UUMISSUISOQARUNNAARNISSAA BIIBILIMI NERIORSUUTIGINEQARPOQ

1. 1. EQQUNNGITSUMIK PISOQARTARUNNAASSAAQ. Guutip kun­ngeqarfia, qilammi naalagaaf­fik naaper­tuil­luar­toq ataavar­torlu, nunarsuarmut naalak­kersuis­saaq. (Danieli 2:44) Siumut isum­mius­sereer­neq akuersaan­ngin­nerlu atuuk­kun­naas­sap­put. Guutip eqqun­ngitsulior­nerit tamaasa aaq­qis­savai. – Luk­karsi 18:7.

2. 2. KIKKUT TAMARMIK EQQISSINEQ MISIGISSAVAAT. Nakuuser­neq sorsun­nerlu pis­sutigalugit kinaluun­niit naal­lius­san­ngilaq. (Tus­siaat 46:10) Nunarsuaq isuman­naatsuus­saaq inun­nit eqqis­sinermik nuan­narisaqar­tuin­nar­nit najugaqarfigineqar­toq. – Tus­siaat 72:7.

3. 3. PISSUTSIT PITSAAJUASSAPPUT. Inuit tamarmik ilumoorlutik asaqatigiis­sap­put. (Matiusi 22:39) Nuan­niitsut eqqaamaneerutis­sam­mata kik­kut tamarmik erloqis­san­ngil­lat. (Esaja 65:17) Taamanik­kus­samut inuit uumis­suin­ngitsut ‘eqqis­sinangaar­toq’ nuan­naarutigis­savaat. – Tus­siaat 37:11, tastamantitoĸaĸ 1961-imi naqitigaq.

Nunarsuarmi taamaat­tumi inoorusup­pit? Allaat maanna inup­pas­suit Biibilimi najoq­qutas­sianik maleruaanik­kut uumius­suiun­naar­nis­sar­tik ilik­kar­tar­paat. (Tus­siaat 37:8) Nunani tamalaani Jehovap Nalunaajaasui mil­lionil­lit taama inuup­put. Assigiin­ngitsor­pas­suar­nik kultureqaraluarlutik tunuliaqutaqaraluarlutillu ilaqutariit­tut asaqatigiil­lutillu ataasioqatigiip­put. – Esaja 2:2-4.

Jehovap Nalunaajaasuisa eqqun­ngitsumik pineqar­nermi immik­koor­tin­neqar­nermilu piner­tusaar­nis­saq pil­lugu ilik­kak­kamin­nik avitseqatigerusungaar­paatsit. Ilik­kak­katit iluaqutigalugit uumis­suineq asan­nin­nermik taarsersin­naavat. Kik­kut tamaasa, allaat qujasuip­pasis­sut uumis­suer­pasis­sullu, inus­siar­nersumik pisar­nis­saat ilin­niarsin­naavat. Tamatuma kingunerisaanik maanna pil­luar­nerulis­sal­lutillu allanut attaveqarluar­nerulis­saatit. Pingaar­ner­tullu, Guutip kun­ngeqarfiata aqutsinerani nunarsuarmi uumis­suif­fiun­ngitsumi inuulerumal­lutit qanoq iliorsin­naanerlutit paasis­savat. – Tus­siaat 37:29.