“Silatusaarlusi eqqumagitsi!”

1. Jiisusip ilin­niar­titani ‘naggatis­sap nalaa’ pil­lugu qanoq oqarfigai, qanorlu mianersoq­quai?

JIISUSIP toqutaanis­saa ullualun­nik sioq­qul­lugu ilin­niar­titaasa ilaat sisamat ima aperip­put: ‘Naggatis­sap nalaanut suna ilisar­naataas­sava?’ (Mat 24:3) Ilin­niar­titat taak­kua Jerusalem­mip guutisiorfiullu suujun­naarsitaanis­saat pil­lugu aperigunar­put. Akis­sutiminilu Jiisusip Jerusalem­mip guutisiorfiullu suujun­naarsitaanis­saat piin­nar­nagu ‘naggatis­sap nalaa’, tassa naler­put, eqqar­tor­paa. Tamatumun­nga tun­ngatil­lugu Jiisusi oqar­poq: “Ulloq akun­nerlu qaqugu nal­liutis­sanersut kimil­luun­niit, inngilinit qilam­miit­tunit Ernermil­luun­niit, ilisimaneqan­ngil­lat. Ataatalli kisimi ilisimavaa.” Taava ilin­niar­titani tamaasa mianersoq­quai oqarluni ‘ilimasut­tuarlutillu eqqumajuas­sasut’. – Mak 13:32-37.

2. Kristumiut siul­liit eqqumanis­saat sooq pingaaruteqarpa?

² Kristumiut juutiusut aniguiumal­lutik eqqumasariaqar­put. Jiisusip ilin­niar­titani paasitip­pai Jerusalem­mip guutisiorfiullu suujun­naarsitaanis­saata nal­liutingajaler­neranut ilisar­naatit aalajangersimasut eqqumaf­figis­sagaat. Jiisusi oqar­poq: “[Jerusalem­mi] sak­kutoor­pas­suar­nit unguneqar­toq takugus­siuk nalus­san­ngilarsi aserugaangajalersoq.” Taava Jiisusip mianersoq­qus­sutaa naalal­lugu ‘qaq­qanut qimaasus­saap­put’. (Luk 21:20, 21) Eqqumasut Jerusalemmi Romamiunit piuneerus­saam­mat aniguip­put.

3. Allaaserisami matumani suut sam­mis­savagut?

³ Pis­sutsit ajor­tut qanit­tuk­kut atuuk­kun­naarsitaas­sam­mata naggatis­sap nalaani inuuvugut. Taamaat­tumik silatusaarlutalu eqqumajuar­tariaqar­pugut. Nunarsuarmi pisar­tunut tun­ngatil­lugu qanoq silatusaarsin­naanersugut, imminut eqqumaf­figaluta qanoq mianersorsin­naanersugut pif­fis­sar­pullu qanoq pitsaaner­paamik atorsin­naanerip­put allaaserisami matumani sam­mis­savagut.

PISARTUT MALINNAAF­FIGINERANNI SILATUSAARIT

4. Sooq maanna pisar­tut Biibilimi siulit­tuutinik qanoq eqquutitsinersut soqutigis­savar­put?

⁴ Pis­sutis­saqarluar­tumik pis­sutsit maanna atuut­tut Biibilimi siulit­tuutinik qanoq eqquutsitsisar­nersut soqutigaagut. Assersuutigalugu Saatanip aqutseriaasiata suujun­naarsin­neqar­nis­saata nal­liutingajaler­nerani qanoq pisoqar­nis­saanik Jiisusip paasitip­paatigut. (Mat 24:3-14) Apustilip Petrusip upperluar­tuar­nias­sagatta siulit­tuutit eqquut­tut eqqumaf­figeq­quai. (Pet 2. 1:19-21) Biibilimi atuagaq kingul­leq ima aal­lar­tip­poq: “Uku tas­saap­put Jiisusimit Kristusimit saq­qum­mersitat Guutip inus­siaatini qanit­tuk­kut pisus­sanik takutin­niarlugit Jiisusimut tun­nius­sai.” (Saqq 1:1) Taamaat­tumik maanna pisar­tut Biibilimilu siulit­tuutinik qanoq eqquutsitsisin­naanersut paasis­sal­lugit soqutigeqaagut. Aamma imaas­sin­naavoq tamakku pil­lugit eqqar­tueqatigiik­kusut­tar­tugut.

5. Sunaveersaar­tariaqar­pugut, qanorli ilius­saagut? (Aamma assit takuk­kit).

⁵ Biibilimili siulit­tuutit eqqar­toraangatsigit qanoq pisoqar­nis­saanik eqqoriaasaqat­taas­san­ngilagut. Sooq? Ilagiinni avis­saar­tuutitsilersin­naasunik oqaaseqarusun­ngin­natta. Assersuutigalugu imaas­sin­naavoq nunarsuarmi naalak­kersuisut saqitsaan­ner­nik aaq­qiiniarlutik eqqis­sineq isuman­naas­suserlu eqqar­toraat. Tamanna Tes­saluunikamiunut siul­liit 5:3-mi siulit­tuum­mik eqquutsitsinersoq eqqoriaanata tamakku pil­lugit saq­qum­mersin­neqar­tut kingul­liit malin­naaf­figis­savagut. Biibililersaarutit Jehovap peqatigiis­sor­taanit pilersin­neqar­tut tun­ngavigalugit eqqar­tueqatigiik­kutta ilagiit­tut ‘isum­matsigut ataasioqatigiis­saagut’. – Kor 1. 1:10; 4:6.

6. Petrusip oqaasii qanoq ilin­niarfigaagut? (Petrusimit 2. 3:11-13)

⁶ Petrusimit 2. 3:11-13 atuakkit. Biibilimi siulit­tuutinik misis­suinis­samut suna pis­sutaanersoq eqqarsaatiginis­saanut apustilip Petrusip ikior­paatigut. Kajumis­saar­paatigut ‘Jehovap ulluata nal­liuf­fis­saa eqqarsaatigiuaq­qul­lugu’. Sooq eqqarsaatigiuas­savar­put? Imaan­ngilaq “ulloq akun­nerlu”, tassa Jehovap qaqugor­piaq Harmagedonni nal­liutitis­sagaa, paasiniarsarigatsigu. Nal­liutin­ngin­neranili ‘iller­nar­tumik pis­suseqar­ner­put Guutimullu tun­niusimaner­put takutil­lugu’ pif­fis­saq atorluarusuk­katsigu. (Mat 24:36; Luk 12:40) Allatut oqaatigalugu eqqor­tuliorusup­pugut qulak­keerlugulu kif­far­tor­nitsinni iliuutsigut tamarmik Jehovamik asan­nin­nermik aal­laaveqar­tut. Taamaaliorumal­luta imminut eqqumaf­figaluta mianersor­tariaqar­pugut.

QANOQ IMMINUT EQQUMAFFIGALUTA MIANERSORSIN­NAAVUGUT?

7. Qanoq ersersis­sin­naavar­put iliuutsigut mianersorfigalugit? (Luk­karsi 21:34)

⁷ Jiisusip ilin­niar­titani oqarfigai nunarsuarmi pisar­tut eqqumaf­figiin­nar­nagit imminut eqqumaf­figis­sasut. Lukkarsi 21:34-mi mianersoq­qus­sutaa ersarip­poq. (Atuaruk). Maluginiaruk iliuutsit mianersorfigissagaat. Inuup Jiisusip oqaasiinik maleruaasup Jehovamut attaveqar­nerminut ajoqusiisin­naasut suul­luun­niit eqqumaf­figisar­pai ingalas­simanis­saan­nullu iliuuseqar­tarluni. Taamaalil­luni Guutip asan­nin­neraniit­tuarsin­naavoq. – Uss 22:3; Juud 20, 21.

8. Apustilip Paulusip kristumiut qanoq kajumis­saar­pai?

⁸ Apustilip Paulusip kristumiut imminut eqqumaf­figis­sasut kajumis­saar­pai. Assersuutigalugu kristumiut Efesos­simiut ima allaf­figai: “Sianiitsutut pin­nasi silatuutulli inuunis­sarsi eqqumaf­figeq­qis­saarsiuk.” (Ef 5:15, 16) Jehovamut ikin­ngutaaner­put navianar­torsior­tin­neqar­tuaan­narmat imminut illersoq­qul­luta ima siun­nersor­neqar­pugut: “Jehovap piumasaa suunersoq paasiniar­tuarsiuk.” – Ef 5:17.

9. Jehovap piumasaa suunersoq qanoq paasisin­naavar­put?

⁹ Jehovamut ikin­ngutaanitsin­nut ajoqusiisin­naasut tamavim­mik Biibilimi allaatigineqan­ngil­lat. Biibilimi erseq­qis­sumik eqqar­tor­neqan­ngitsunut tun­ngatil­lugu aalajangiikulasariaqar­pugut. Silatusaar­tumik aalajangiis­sagutta “Jehovap piumasaa” paasiniaq­qaar­tariaqar­par­put. Guutip oqaasiata ullut tamaasa atuar­tar­neratigut eqqarsaatigeq­qis­saar­neratigullu taamaaliorsin­naavugut. Jehovap piumasaa paasinerujar­tor­til­lugu ‘Kristusitullu eqqarsar­taaseqar­nis­sar­put’ sulis­sutigigutsigu ‘silatuutut inuunis­sar­put’ ilimanar­nerus­saaq, allaat malit­tarisas­saqan­ngik­kaangat. (Kor 1. 2:14-16) Navianar­torsiorfigineqarsin­naasut ilaat ingerlaan­naq takuneqarsin­naasar­put allalli ingerlaan­naq takuneqarsin­naanatik.

10. Ulorianar­tut ingalas­simasariaqak­katta ilaat suup­pat?

¹⁰ Ulorianar­tut ingalas­simasariaqak­katta ilagaat qanin­niarujoor­neq, imigas­sar­tor­pal­laar­neq, nerival­laar­neq, oqaatsitsigut ajual­latsitsineq, nakuuser­ner­talin­nik aliik­kutaqar­neq, por­nografii assigisaallu. (Tuss 101:3) Akerar­put Diaavulu Jehovamut ikin­ngutaanitsin­nik ajoqusiiniarsariuaan­nar­poq. (Pet 1. 5:8) Mianersun­ngik­kutta Saatanip eqqarsaatitsin­nut uum­matitsin­nullu ikkus­sorsin­naasani usorun­neq, unneq­qaserlun­neq, piumatus­suseq, uumis­suineq, makitaneq kaman­nerlu ineriar­tor­tilersin­naavai. (Gal 5:19-21) Aal­laq­qaam­mut imaas­sin­naavoq isumaqaraluar­tutit eqqarsaatipalaat taakku ilin­nut ulorianar­tuun­ngitsut. Ingerlaan­narli piin­ngik­kuk­kit naasutut toqunar­tulit­tut ineriar­tor­tuarlutik ilin­nik ulorianar­torsior­titsis­sap­put. – Jaak 1:14, 15.

11. Navianar­toq malugin­ngitsoorsin­naasatta ilaat suua, aamma sooq ingalas­simasariaqar­par­put?

¹¹ Ulorianar­tut malugin­ngitsoorsin­naasatta ilaat tas­saavoq ikin­ngutipalaaqar­neq. Assersuuteqariarta. Uppeqatigin­ngisat suleqatigivat. Jehovap Nalunaajaasui pil­lugit ajun­ngitsumik isumaqalersik­kusuk­kakku inus­siar­nersuul­lutillu ikiuuk­kumatuujuvutit. Imaas­sin­naavoq suleqatit ulloqeq­qasioqatigisalerit. Sivitsun­ngitsorlu ullut tamaasa ulloqeq­qasioqatigiit­taler­pusi. Ilaan­nik­kut suleqativit atoqatigiin­nik­kut eqqun­ngitsulior­neq eqqar­tor­taler­paa. Aal­laqaam­mullu nuan­narin­ngilat. Pif­fis­salli ingerlanerani sungiuk­kakku ippigiun­naar­pat. Taamaal­luni suleqativit qaaq­quaatit ataasitoqatigerusul­lutit, taman­nalu akuerivat. Paasiler­pat isumaqatigisalersimal­lugu. Maanna suleqatit­tut eqqarsalersimagavit taas­sumatut iliuuseqariaan­naan­ngorsimavutit. Soorunami kik­kut tamaasa inus­siar­nerfigaagut ataq­qil­lugillu. Eqqaamas­savar­pulli ilagisar­tak­katta sun­ningaarsin­naam­matigut. (Kor 1. 15:33) Jiisusip kajumis­saarineratut imminut eqqumaf­figaluta mianersorutta Jehovap najoq­qutas­siaanik maleruaan­ngitsunik pisariaqan­ngitsumik peqateqarusun­navian­ngilagut. (Kor 2. 6:15) Navianar­torsiorfigisin­naasagut takusin­naas­savagut ingalas­simas­sal­lugillu.

PIFFISSAT PITSAANERPAAMIK ATORUK

12. Jiisusip ilin­niar­titai sumik sulias­sin­neqar­pat?

¹² Jiisusip kis­saatigigamiuk ilin­niar­titani Jerusalem­mip guutisiorfiullu suujun­naarsitaanis­saat utaq­qitil­lugu eqiasuitsuus­sasut sulias­saqar­tip­pai. “Jerusalem­mimi, Judiiami tamarmi, Samaariami nunarsuullu isor­piaa tikil­lugu” nutaarsias­sanik nuan­nersunik oqaluus­seq­quai. (ApS 1:6-8) Sulias­saq tamanna anner­tuupilus­suuvoq! Sapin­ngisar­tik tamaat oqaluus­sisaramik pif­fis­sar­tik pitsaaner­paamik ator­paat.

13. Sooq pif­fis­sar­put pitsaaner­paamik atus­savar­put? (Kolos­simiut 4:5)

¹³ Kolossimiut 4:5 atuaruk. Imminut eqqumaf­figaluta mianersus­sagutta pif­fis­sar­put qanoq ator­tar­nerip­put eqqumaf­figisariaqar­par­put. Tamatta pisunit ilimagin­ngisanit pakasar­neqarsin­naavugut. (Jaak 4:13, 14) Inuuner­put annaariaan­naavar­put.

14-15. Pif­fis­sar­put qanoq pitsaaner­paamik atorsin­naavar­put? (Hebræerit 6:11, 12) (Aamma asseq takuuk).

¹⁴ Jehovap piumasaatut iliorutta taas­sumun­ngalu ikin­ngutaaner­put nakus­satsit­tuar­tarutsigu pif­fis­sar­put pitsaaner­paamik atus­savar­put. (Joh 14:21) ‘Aalajaal­luin­narlutalu Naalak­kamut kif­far­tor­nermi ulap­puteqar­tuas­saagut.’ (Kor 1. 15:58) Taava pis­sutsit ajor­tut naggatis­saat nal­liup­pat toqus­sagaluarut­taluun­niit pif­fis­satsin­nik atuilus­siman­ngin­ner­put peq­qis­simis­sutiginavian­ngilar­put. – Mat 24:13; Rom 14:8.

¹⁵ Jiisusip ilin­niar­titani Guutip kun­ngeqarfia pil­lugu nunarsuaq tamak­kerlugu oqaluus­sineranni siulersor­tuar­pai. Neriorsuinermisut ilior­poq. Ataatsimiit­tar­nigut Biibililersaarutillu iluaqutigalugit Jiisusip qanoq oqaluus­sisar­nis­satsin­nik ilin­niar­tit­tar­paatigut. Nutaarsias­sanillu nuan­nersunik oqaluus­sisar­nitsinni ator­tus­sanik amigaateqar­tin­ngilaatigut. (Mat 28:18-20) Uagullu eqiasuitsuul­luta oqaluus­sisar­nik­kut ilin­niar­titsisar­nik­kullu aamma Jehovap pis­sutsinik ajor­tunik atuuk­kun­naarsitsinis­saata utaq­qinerani eqqumajuar­nik­kut Jiisusimit peq­quneqar­nitsitut ilior­pugut. Kajumis­saarut Hebræerit 6:11, 12-milu allas­simasoq maleruarutsigu ‘naggatis­saq tikil­lugu’ neriut­tuas­saagut. – Atuakkit.

16. Sunis­sar­put aalajangiusimavar­put?

¹⁶ Jehovap aalajangiutereer­paa Saatanip aqutsinera qaqugor­piaq atuuk­kun­naarsin­niarlugu. Tamanna nal­liup­pat Jehovap oqaatsimini siulit­tuutai tamarmik eqquuk­kumaar­put. Ilaan­nik­kut naggatis­saq eqqarsaatigalugu utaq­qikatas­sin­naavugut. Jehovalli ullus­saa piviusun­ngorumaar­poq! (Hab 2:3) Taamaat­tumik eqqumajuarluta Jehova neriuf­figisigu. – Mika 7:7.