Misissuinissamut siunnersuut
Erinarsuutigut alanngaarniarsarikkit
“Naleqanngitsutut misigigaangama erinarsuutit JW Broadcasting®-imiittut aqqutigalugit Jehovap qiimmassartarpaanga.” – Lorraine, USA.
Kristumiut itsarli ‘Guuti unnersiutigalugu erinarsuutit’ atortuarsimavaat. (Kol 3:16) Erinarsuutitta alanngaarnissaat ilikkarsimagukkit allaat erinarsuutit atuagartaat atortorissaarutilluunniit piginngikkaluarlugit iluaqutigisinnaavatit. Siunnersuutit uku iluaqutigisinnaavatit:
Taallat paasiniaqqissaakkit. Paasisatimmi eqqaamajuminartinnerusarpatit. Erinarsuutitta taallaat tamaasa, aamma immikkut erinniat meeqqanullu erinarsuutit, jw.org-imi atuarneqarsinnaapput. “Biibililersaarutit” tooriarlugu “Nipilersukkat” tooruk.
Taallat assaannarmik allattukkit. Taamaalioruimmi eqqaamajuminartinnerussavatit. – Mos 5. 17:18.
Nipituumik sungiusarit. Erinarsuut atoqattaartaruk taallartaaluunniit atuaqattaartarlugit.
Alanngaarsinnaanerlugu paasiniaruk. Taallartai isiginnaarnagit oqaatsit eqqaamaniarsarisakkit, eqqortumillu eqqaamasaqarnerlutit paasiniarlugu taallartai atuakkit.