Tamatta eqqarsaatigisassarput

Tikinnikuun­ngisaan­nakkannut angalaniaruit qanoq iliussavit?

1. 1. Illit nammineq eqqortuusorisakkut ingerlassavit?

2. 2. Allat maliinnas­savigit neriuutigalugu aqqut nalunngikkaat?

3. 3. GPS nunalluunniit assinga atussaviuk, ikinngutil­luunniit tatigisat aperissaviuk?

Toqqagassat siulliat aappaal­luunniit toqqarutsigu arlaannut, immaqali apuuffis­satsinnuun­ngitsoq, apuutissaagut. Toqqagassalli pingajuat toqqarutsigu apuuffis­satsinnut apuutis­saqqaarpugut.

Inuuneq angalanertut ippoq – kissaatigaarpullu siunissamut nuannersumut tikkuus­sissasoq. Aalajangiiniar­nitsinnili sumut ikiortis­sarsior­nersugut apeqqutaassaaq.

Aalajangikkatta amerlanersaat inuunitsinnut sivikitsuinnarmik sunniuteqar­taraluartut ilaat pingaaruteqarluin­nartuusarput. Eqqortuusorisagut eqqunngitsuusorisagullu naapertorlugit aalajangiisarpugut. Aalajangik­kagullu taakku uatsinnut asasatsinnullu sivisuumik sunniuteqassapput, ajunngitsumik ajortumil­luunniit. Aalajangikkatta ilaat makkununnga tunngas­suteqartarput:

• Atoqatigiinneq aappariinnerlu

• Unneqqarinneq, sulineq aningaasallu

• Meeqqanik perorsaaneq

• Allanut qanoq pinninneq

Qanoq nalunngis­sinnaaviuk aalajangikkatit ilinnut ilaquttannullu kinguneqarluas­sanersut?

Tamatta manna eqqarsaatigisariaqarparput: Uanga aalajangiil­luarnissannut suna iluaqutigissavara?

Atuagassiami matumani nassuiar­neqassaaq sooq Biibili suut eqqortuunerannik suullu eqqunngitsuunerannik paasinnin­nissamut iluaqutis­saqqissuunersoq.