Guutip itsaq ajortuliortunik isumakkeerfigin­ninnera

Jiisusip aava utertitsis­sutitut akiliutigineqarsimasoq kisiat aqqutigalugu ajortuliatsinnik isumakkeerfigineqarsin­naavugut. (Ef 1:7) Biibilimili allassimavoq “Guutip itsaq”, tassa Jiisusip utertitsissut akilinngik­kallarmagu, ‘akuersaar­tuunermik ersersitsivigalugit ajortuliortut isumakkeerfigisimagai’. (Rom 3:25, q.a.i.) Jehova naapertuil­luartuunini attatiin­narlugu qanoq taamatut isumakkeerfigin­nissinnaagami?

Jehova neriorsuivoq ‘kinguaassaq’ upperluartunik aniguisitsisussaq takkukkumaartoq. Taama neriorsuigami utertitsissut akilereer­neqarsimasutullusooq isigaa. (Mos 1. 3:15; 22:18) Guutimmi qularin­ngilluinnarpaa piffissarititani eqqorlugu ernermi kajumilluni utertitsissut pilersik­kusussagaa. (Gal 4:4; Hebr 10:7-10) Jiisusi nunarsuarmiik­kallarami utertitsissut suli akilinngik­kaluarlugu Jehovamit pisinnaatitaagami inuit ajortuliaannik isumakkeerfigin­nissinnaavoq. Taamaaliorpoq pilliutissani uppertut ajortuliaannik matuisussaasoq nalunnginnamiuk. – Mat 9:2-6.