Biibilimi innersuussutit iluaqutigisakkit

Biibilimi allassimaffinnut innersuussutit iluaqutigisarpigit? Imaassinnaavoq Biibili – Nunarsuup nutaanngor­nissaanik nutsigaq qallunaatut tuluttul­luunniit pissarsiarisinnaagit. Tassani innersuus­sutinit Biibilimi allassimasut imminnut ataqatigiil­luarnerat ersersin­neqarpoq, taakkumi iluaqutigalugit allassimaffiit allat pineqartumut tunngasunik paasissutissallit nassaarisin­naavatit. Innersuussutit qanoq nassaarisin­naavigit? Oqaatsip kingorna naqinneq mikisoq ujaruk. Taava Biibili naqitigaq atorukku quppernerup qeqqata nalaani naqinnerup assinga ujaruk. App-eq JW Library^® imaluunniit jw.org atorukku naqinneq mikisoq tooruk allassimaffik innersuus­sutigineqartoq takuniarlugu.

Allassimaffinni innersuus­sutigineqartuni uku pineqarsin­naapput:

Oqaluttuat assingusut: Innersuus­sutigineqartumi takusinnaavat pisimasoq allassimaffimmi allami qanoq oqaluttuarineqarnersoq. Assersuutigalugu takukkit Samuelimik allakkat aappaat 24:1 aamma Nalunaarsuutit siulliit 21:1.

Issuakkat: Innersuus­sutigineqartumi ersersin­neqarpoq oqaaseqatigiit suminngaan­neersuusut. Assersuutigalugu takukkit Matiusi 4:4 aamma Mosesimik allakkat tallimaat 8:3.

Siulittuutit eqquuttut: Innersuus­sutigineqartumi ersersin­neqarpoq siulittuut qanoq eqquunnersoq. Assersuutigalugu takukkit Matiusi 21:5 aamma Zakaria 9:9.