Allat kukkussutaat mamiatsaatigeqinagit

1, 2. Jehovap in­nut­tai amerliar­tus­sasut Biibilimi qanoq siulit­tuutigineqar­pa?

NUNARSUARMI peqatigiis­sor­taqar­poq im­mik­kut it­tunik, peqatigiis­sor­tal­lu taak­kua Jehova asal­lugulu kif­far­torfigerusup­paat. Taak­ku tas­saap­put Jehovap Nalunaajaasui. Kuk­kus­suteqar­taraluar­tut Jehovap anersaani il­ler­nar­toq atorlugu siulersor­pai. Taak­kunin­nga pil­luaq­quseriaasiisa ilaan­nik sam­misaqariar­ta.

² 1914-imi inuit Jehovamik pal­lorfigin­nit­tut ikit­tuararsuup­put. Taak­kuali oqaluus­sinerat Jehovap pil­luaq­quaa. Tamatuma kingunerisaanik inuit mil­lionil­lit sal­lusuis­sut Biibilimeersoq paasisimavaat Nalunaajaasun­ngorsimal­lutil­lu. Amerliar­tupiloorsimaneq taman­na Jehovap ima oqaatigaa: “Min­nersaat tuusintilin­ngus­saaq nukarlersaal­lu tas­saalis­sal­luni inuiaat pis­saasut. Uanga tas­sa Naalagaq; pif­fis­san­ngor­pat piler­tor­tumik taman­na naam­mas­sis­savara.” (Es 60:22) Ul­lumik­kut erseq­qip­poq siulit­tuut taman­na eq­quus­simasoq. Jehovap in­nut­tai inuias­suar­tut ip­put. Aap, Jehovap Nalunaajaasui nunarsuarmi inuiaat amerlasuut in­nut­taan­nit amerlanerup­put.

3. Jehovap kif­fai qanoq asan­nit­tuliorsimap­pat?

³ Ul­luni kingul­ler­ni mak­kunani Jehovap in­nut­tani asaqatigiin­nerulersil­lugit ikiorsimavai. ‘Guuti tas­saavoq asan­nin­neq’, taan­nalu ilaar­paat. (1 Joh 4:8) Jiisusip ajoqersuk­kani asaqatigeeq­qul­lugit ima oqarfigai: “Asaqatigiik­kus­si tamatumuuna tamarmik paasis­savaat ajoqersugarigis­si.” (Joh 13:34, 35) Ukiuni kingul­liunerusuni inuiaat sorsuuk­kaangata Jehovap kif­faasa asaqatigiil­lutik ersersit­tar­paat. As­sersuutigalugu sorsun­nersuarmi kingul­lermi inuit 55 mil­lionit mis­saat toqutaap­put. Jehoval­li in­nut­tai kimil­luun­niit toqutsin­ngil­lat. (Mika 4:1, 3 atuakkit). Taamaalil­lutil­lu ‘kial­luun­niit aavanut pisuus­suteqan­ngil­lat’. – ApS 20:26.

4. Sooq Jehovap in­nut­taasa amerliar­tor­nerat maluginiar­nar­tuua?

⁴ Guutip in­nut­tai amerliar­tor­tuar­put Saatani pis­saaneqangaar­toq akerarigaluarlugu. Taan­na tas­saavoq ‘silarsuup matuma guutia’. (2 Kor 4:4) Saatanip silarsuarmi matumani politik­kimut tusagas­siuutinul­lu tun­ngasut atorlugit nutaarsias­saq nuan­nersoq pil­lugu oqaluus­siner­put unitsin­niarsaraa. Unitsis­sin­naan­ngilaali. Taamaak­kaluar­toq Jehovamik pal­lorfigin­nik­kun­naarsin­niar­tuar­paatigut nalun­ngin­namiuk pif­fis­sakil­luni. – Saqq 12:12.

ALLAT KUKKUGAANGATA ILUMOORFIGINNITTUASSAVIT?

5. Sooq ilaan­nik­kut misigis­sutsik­kut an­nersin­neqarsin­naavugut? (Al­laaserisap aal­laq­qaataani as­seq takuuk).

⁵ Guutip kif­faasa ilin­niar­paat Guutimik inoqatinil­lu asan­nin­neq pingaaruteqangaar­toq. Jiisusi ima oqar­poq: “‘Naalagaq Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit.’ Tas­sa inas­sutit an­nersaat siul­lersaal­lu, aap­paatali taamaaqatigaa: ‘Tul­lit ilit­tut asas­savat.’” (Matt 22:35-39) Biibilimili ersersin­neqar­poq Adamip ajor­tulior­nerata kingunerisaanik inuit tamarmik naam­mal­luin­nan­ngitsuuneq inun­nguuserigaat. (Romamiut 5:12, 19 atuakkit). Taamaat­tumik ilagiin­niit­tut ilaasa misigis­sutsik­kut an­niaatigisatsin­nik oqaaseqarsin­naap­put iliuuseqarlutil­luun­niit. Taamaalisoqaraangat qanoq qisuariar­tas­saagut? Jehovamik asan­nin­nikin­nerulis­saagut? Jehova in­nut­taalu ilumoorfigiuas­savavut? Guutip kif­faasa ilaat al­lanut an­niaataasumik oqaaseqarsimasut iliuuseqarsimasul­lu Biibilimi oqalut­tuarineqar­put. Oqalut­tuarineqar­tut qanoq ilin­niarfigisin­naanerivut misis­soriar­tigu.

6. Naq­qis­suinermut tun­ngatil­lugu Elip er­nini qanoq sumigin­nar­pai?

⁶ As­sersuutigeriar­tigu Eli Israelimi palasiunerusoq Jehovap inatsisaanik maleruaan­ngitsunik marlun­nik er­nilik. “Elil­li er­neri inupiluup­put, Naalagarlu soqutigin­ngilaat.” (1 Sam 2:12, Testamentitoqaq 1990-imi naqitigaq) Elip nalun­ngik­kaluarlugu er­nini ajor­tulior­tar­tut naq­qis­sor­neqar­tariaqar­tul­lu amerlaner­tigut kil­lilersor­neq ajor­pai. Tamatuma kingunerisaanik Jehovap Eli er­nerilu marluk pil­lar­pai. Kingusin­nerusuk­kul­lu Elip kinguaavi palasiuner­tut kif­far­tor­tus­saajun­naar­tip­pai. (1 Sam 3:10-14) Elip nalaani inuusimasuuguit er­nerilu taama ajor­tigisumik ilior­tar­tut nalun­ngitsuuguk­ku mamiatsaatigisimas­sagaluar­pigit? Taman­nalu up­per­nik­kut san­ngiil­lis­sutigisimas­sagaluar­piuk Jehovalu kif­far­torfigiun­naarlugu?

7. Daavi qanoq ingasat­tumik ajor­tulior­pa, Guutil­lu taman­na qanoq iliuuseqarfigaa?

⁷ Daavi nuan­nersunik pis­suseqarami Jehovamit asaneqangaar­poq. (1 Sam 13:13, 14; ApS 13:22) Taamaak­kaluar­toq ajor­tuliorujus­suar­poq. Daavip Uria sorsuut­tuni akiuuteqataatil­lugu taas­suma nulia Batseba al­lasiorfigalugu naar­tulersip­paa. Taman­nalu al­lanit ilisimaneqalersik­kusun­ngin­namiuk Uria qaaq­quteriarlugu nulianut angerlar­tin­niaraluar­paa. Daavip neriuutigaa Uria Batsebalu atoqatigiis­sasut meeq­qamut Uria ataatasorineqar­nias­sam­mat. Uriali angerlan­ngim­mat sorsun­nermi toqutaanis­saa Daavip qulak­keer­paa. Daavip ingasat­tumik ajor­tulior­nera ilaqutariit­tut atugarliungaar­neran­nik kinguneqar­poq. (2 Sam 12:9-12) Jehoval­li nal­lit­tuil­luni isumak­keerfigaa. Nalun­ngilaa Daavi eq­qor­tuliorusut­toq. (1 Kng 9:4) Taamanik­kut inuusimasuuguit Daavip iliuusii qanoq isumaqarfigis­sagaluar­pigit? Jehova kif­far­torfigiun­naas­sagaluar­piuk?

8. (a) Apustilip Petrusip oqaatsini qanoq eq­qor­tin­ngitsoor­pai? (b) Petrusip kuk­kunerata kingor­na sooq Jehovap taan­na kif­famisut ator­tuar­paa?

⁸ Biibilimi oqalut­tuarineqar­toq al­la, apustili Petrusi, as­sersuutigeriar­tigu. Jiisusip apustilitut toq­qar­paa. Petrusili ilaan­neeriarluni eq­qun­ngitsumik oqaaseqar­tarlunilu iliuuseqar­tar­poq. As­sersuutigalugu oqar­poq al­lal­luun­niit tamarmik Jiisusi qimak­kaluar­pas­suk nam­mineq qiman­naviar­nagu. (Mark 14:27-31, 50) Jiisusil­li tigusaanerata kingor­na apustilit tamarmik, aam­ma Petrusip, Jiisusi qimap­paat. Petrusil­lu pingasoriarluni Jiisusi ilisarisiman­ngin­nerar­paa. (Mark 14:53, 54, 66-72) Taman­nali Petrusip peq­qis­simis­sutigim­magu Jehovap isumak­keerfigalugu kif­famisut atorun­naan­ngilaa. Taamanik­kut il­lit ajoqersugaasimagaluaruit Petrusil­lu iliuusii ilisimasimasuuguk­kit Jehova ilumoorfigiuas­sagaluar­piuk?

9. Sooq up­peraajuk Jehova naaper­tuil­luar­tulior­tuaan­nar­toq?

⁹ Oqalut­tuanit tamak­kunan­nga paasivar­put Jehovap kif­faasa ilaat ajor­tulior­tarsimasut al­lanil­lu qamuuna an­nersitsingaar­tarsimasut. Ul­lumik­kut taama pisoqar­pat il­lit sus­savit? Ataatsimiigiar­tarun­naas­savit al­laal­luun­niit Jehova in­nut­taalu at­taveqarfigiun­naavil­lugit? Imaluun­niit isumaqas­savit imaas­sin­naasoq Jehovap nal­lit­tuil­luni ajor­tulior­tup al­lamik isumataar­nis­saanut taan­na pif­fis­saqar­tik­kaa? Ilaan­nik­kul­li ingasat­tumik ajor­tuliorsimasup iliuutsini aliasuutigineq ajor­pai. Taamaat­toqar­til­lugu Jehovap taman­na nalun­ngik­kaa pif­fis­sarlu eq­qorlugu iliuuseqarfigiumaaraa, im­maqa ilagiin­nut ilaajun­naarsik­kumaaraa, up­peris­saviuk? Jehova eq­qor­tumik naaper­tuil­luar­tumil­lu ilior­tuaan­nar­toq up­peraajuk?

ILUMOORFIGINNITTUARIT

10. Judasi Iskariotip Petrusil­lu kuk­kus­sutaan­nut tun­ngatil­lugu Jiisusip suna nalun­ngilaa?

¹⁰ Biibilimi oqalut­tuarineqar­put Jehovamik in­nut­taanil­lu aalajaal­lutik ilumoorfigin­nit­tor­pas­suit naak inuit al­lat kuk­korujus­suar­taraluar­tut. Jiisusi as­sersuutis­saq­qin­ner­paavoq. Ataataminut ikioq­qul­luni un­nuaq naal­lugu qinoreerluni apustilit aq­qaneq-marluk toq­qar­pai. Kingusin­nerusuk­kul­li taak­kua ilaasa ataatsip, Judasi Iskariotip, Jiisusi kil­luutigaa. Petrusil­lu Jiisusi ilisarisiman­ngin­nerarlugu oqar­poq. (Luk 6:12-16; 22:2-6, 31, 32) Ajoqersuk­kami ilaasa pakatsisit­taraluaraan­ni Jiisusip Jehova ajoqersuk­kaniluun­niit al­lat pisuutin­neq ajor­pai. Ataatanilu qanimut at­taveqarfigiuarlugulu ilumoorfigin­nil­luni kif­far­torfigiuar­paa. Tamatuma kingunerisaanik Jehovap taan­na toqusunit makitip­paa kingusin­nerusuk­kul­lu Qilaap Naalagaaf­fiani kun­ngin­ngor­til­lugu. – Matt 28:7, 18-20.

11. Jehovap kif­fai pil­lugit Biibilimi qanoq siulit­tuuteqar­pa?

¹¹ Jiisusip maligas­siaanit paasivar­put Jehovamik in­nut­taanil­lu ilumoorfigin­nis­sasugut. Taamaalior­nis­satsin­nul­lu pis­sutis­saqarluar­pugut. Takusin­naavar­put Jehovap kif­fani naggatis­sap nalaani matumani siulersorai. Nunarsuaq tamak­kerlugu sal­lusuis­sut oqaluus­sis­sutigisin­naaq­qul­lugu kif­fani ikior­pai, taak­kualu kisimik suliaq taman­na suliaraat. Tamarmil­lu Jehovamik ilin­niar­tin­neqaramik ataasius­suseqavil­lutil­lu pil­luar­put. Taak­ku pil­lugit Jehova ima oqar­poq: “Kif­fak­ka uum­mam­mik iluun­ngaan­nit qiim­mat­tas­sap­put.” – Es 65:14.

12. Al­lat kuk­kus­sutaat qanoq isigin­nit­taaseqarfigis­savavut?

¹² Jehovap siulersorlutalu ajun­ngitsuliar­pas­suaqar­tis­sin­naam­matigut pil­luavip­pugut. Al­laanerul­luin­nar­tumik Saatanip silarsuaaniit­tut pil­luar­natil­lu siunis­samut piviusumik neriuutis­saqan­ngil­lat. Ilagiin­ni eq­qun­ngitsumik iliuuseqar­toqar­nera oqar­toqar­neraluun­niit pis­sutigiin­narlugu Jehova in­nut­taalu qimak­kutsigit sianiitsulior­nerul­lunilu eq­qun­ngitsulior­nerus­saaq! Taamaalior­nata Jehova ilumoorfigiuarlugulu siulersuinera malit­tariaqar­par­put. Aam­ma al­lat kuk­kus­sutaat qanoq isigin­nit­taaseqarfigis­sanerlutigit qanorlu qisuariarfigis­sanerlugit ilin­niar­tariaqar­par­put.

QANOQ QISUARIASSAVIT?

13, 14. (a) Sooq naam­magit­tarfigeqatigiis­saagut? (b) Neriorsuut suna eq­qaamarusup­par­put?

¹³ Qatan­ngutivit ilaata oqaatsimigut iliuutsimigul­luun­niit misigis­sutsik­kut an­nersip­patit qanoq ilius­savit? Biibilimi ima siun­nersor­neqar­pugut: “Kamaam­mer­naveersaar­tar­niarit sianiitsut kisimik kamaam­miasuusarmata.” (Oqal 7:9) Tamat­ta naam­mal­luin­nan­ngitsuul­lutalu kuk­kusar­pugut. Tas­sa naatsorsuutigisin­naan­ngilar­put qatan­ngutivut iliuutsimik­kut oqaatsimik­kul­lu eq­qor­tulior­tuaan­nas­sasut. Taak­kua kuk­kus­sutaat eq­qarsaatigiuarutsigit iluaqutiginavian­ngilar­put. Eq­qarsaatigiuarutsigim­mi Jehovamut kif­far­tor­ner­put nuan­naarutigiun­naarsin­naavar­put. Al­laam­mi up­per­nik­kut san­ngiil­lisin­naavugut Jehoval­lu peqatigiis­sor­tai qimal­lugit. Taava Jehovamut kif­far­tor­neq im­mik­kut pisin­naatitaaf­figiun­naarlugulu silarsuar­taas­sami inuunis­saq neriuutigiun­naas­savar­put.

¹⁴ Taavami al­lat iliuusii pis­sutigalugit eq­qis­sisimajun­naaraangavit Jehovamut kif­far­tor­nerit nuan­naarutigiuarsin­naajumal­lugu qanoq iliorsin­naavit? Oqaatsit tup­pal­ler­nar­tut uku eq­qaamajuak­kit: “Maan­na qilak nutaaq nunalu nutaaq pin­ngor­tis­savak­ka; pereersut eq­qaamaneerutis­sap­put eq­qaaq­qin­neqar­natil­lu.” (Es 65:17; 2 Petr 3:13) Jehova ilumoorfigiuaruk­ku taamatut pil­luaq­qus­savaatit.

15. Al­lat kuk­kugaangata Jiisusip qanoq ilior­taq­quaatigut?

¹⁵ Sulili silarsuar­taas­samiilin­ngilagut. Taamaat­tumik misigis­sutsik­kut an­nersin­neqaraangat­ta Jehovap uagutsin­nut iliuusereq­qusai eq­qarsaatigeq­qis­saar­tariaqar­pavut. As­sersuutigalugu Jiisusi ima oqar­poq: ‘Inuit unioq­qutitsinerinik isumak­keerfigigus­sigit, taava Ataatas­si qilam­miit­tup aam­ma ilis­si isumak­keerfigis­savaasi. Inuil­li isumak­keerfigin­ngik­kus­sigit, taava aam­ma Ataatas­si unioq­qutitsinis­sin­nik isumak­keerfigis­san­ngilaasi.’ Aam­ma Petrusip aperim­mani “arfineq-marloriarlugu al­laat” isumak­keerfigin­nis­sanerluni Jiisusi ima akivoq: “Oqarfigaak­kit: Arfineq-marloriaan­nar­nagu, kisian­ni 77-eriarlugu al­laat.” Jiisusip ilin­niar­tip­paatigut al­lanik isumak­keerfigin­nik­kusus­suseqar­tuaan­nas­sasugut. – Matt 6:14, 15; 18:21, 22.

16. Josefi qanoq maligas­saal­luar­pa?

¹⁶ Al­lanit pakatsisin­neqaraangat­ta qanoq qisuariar­tas­sanersugut Josefimik oqalut­tuaq ilin­niarfigaar­put. Josefi nukaalu Jaakup Rakelil­lu er­nituaraat. Josefip af­farmik qatan­ngutaasa quliusut ataatamik Josefi asanerum­magu sin­ngagaat. Aap, uumigingaaramik­ku inus­siatut tunivaat, Egyptenimul­lu aal­larun­neqar­poq. Ukior­pas­suit qaangiut­tut Josefip sulil­luar­tuunera ajasoorutigalugu Egyptenimi kun­ngip nunamini Josefi pis­saaneqar­ner­paap tul­liatut toq­qar­paa. Kingusin­nerusuk­kut kaan­nersuaqar­nera pis­sutigalugu Josefip qatan­ngutai Egyptenimut nerisas­sarsiniariar­tor­put. Josefip qatan­ngutimi ilisarin­ngik­kaan­ni nam­mineq ilisarai. Ajor­tumik pisimagaluaraan­ni pil­lar­nagit al­lan­ngorsimanersut paasiniarlugu misilip­pai. Ilumut al­lan­ngorsimasut paasigamiuk qatan­ngutigigaan­ni oqalut­tuup­pai kingusin­nerusuk­kul­lu ima tup­pal­lersarlugit: “Siooraqinasi! Uanga ilis­si qitor­nasilu isumagiumaar­pas­si.” – 1 Mos 50:21.

17. Al­lat kuk­kugaangata qanoq iliorusut­tar­pit?

¹⁷ Eq­qaamajuk kik­kut tamarmik kuk­kusarmata aam­ma il­lit al­lanik ajual­latsitsisin­naasutit. Taamaat­tumik taamaalisimal­lutit paasiguk­ku Biibilimi siun­nersuut maliguk. Isumak­keerfigeq­qugit eq­qis­seqatiginiarlugulu. (Matthæusi 5:23, 24 atuakkit). Al­lanit isumak­keerfigineqaraangat­ta qujamasut­tarat­ta aam­ma uagut al­lat isumak­keerfigisariaqar­pavut. Kolos­semiunut al­lak­kat 3:13-imi ima kajumis­saar­neqar­pugut: “Kamageqatigiigitsi isumak­keerfigeqatigiit­tarlusilu arlas­sin­nut as­suarliutis­saqaraangas­si. Soorlu Naalak­kap isumak­keerfigigaasi taamatut­taaq ilis­si ilius­saasi.” Qatan­ngutivut ilumut asagutsigit sior­natigut iliuuserisimasaat pil­lugit ajual­las­simajuas­san­ngilagut. (1 Kor 13:5) Al­lal­lu isumak­keerfigigutsigit Jehovap aam­ma uagut isumak­keerfigis­savaatigut. Taamaat­tumik al­lat kuk­kugaangata qanor­toq Ataatar­put, Jehova, uagutsin­nik nal­lit­tuisoq ilaarlugu taak­kunin­nga nal­lit­tuisa. – Tussiaat 103:12-14 atuakkit.