Atuartartut Apeqqutaat

“Guutip oqaasia” Hebræerit 4:12-imi ‘uumasutut sunniisartutullu’ eqqaaneqartoq suua?

Versit ataqatigiin­neran­nit paasivar­put Guutip siuner­taminut tun­ngatil­lugu tusarlius­saa Biibilimiit­toq Paulusip eq­qar­toraa.

Biibilip inuit inuuneran­nik al­lan­nguinis­samut sun­niisar­nera ersersin­niarlugu pis­sutis­saqarluarluta Hebræerit 4:12 Biibililersaarutitsin­ni eq­qaakulasar­par­put. Paulusil­li al­las­simaf­fik al­lak­kamiuk suna pineraa paasis­sal­lugu iluaqutaavoq. Kristumiut hebræerit Guutip siuner­taanut naaper­tuut­tumik inooq­qul­lugit kajumis­saar­pai. Guutip siuner­taasa ilar­pas­sui Al­lak­kani Il­ler­nar­tuniip­put. Paulusip Israelik­kut Guutip Egyptenimi inus­siaataanermit aniguisitai as­sersuutitut eq­qaavai. Israelik­kut “nunamut im­mum­mik tungusun­nitsuum­mil­lu kuut­tumut” iserunik piviusumik eq­qis­sinis­sar­tik neriuutigaat. – 2 Mos 3:8; 5 Mos 12:9, 10.

Taman­na Guutip siuner­taraa. Israelik­kul­li amerlanerit Jehovap siulersuinera suusupagalugu up­per­nermik ersersitsin­ngin­namik nunamut neriorsuutigisamut isin­ngil­lat. (4 Mos 14:30; Jos 14:6-10) Paulusili nangil­luni al­lap­poq “Guutip qasuersaarfis­sarititaanut iser­nis­samik neriorsuut suli” atuut­toq. (Hebr 3:16-19; 4:1) ‘Neriorsuutip’ tamatuma Guutip siuner­taanut ilaanera ersarip­poq. Kristumiut hebræerit pisimanerat­tut siuner­taq taman­na atuarsin­naal­lugulu malil­lugu inuusin­naavugut. Neriorsuutip tamatuma Al­lak­kanik tun­ngaveqar­nera erseq­qis­sar­niarlugu Paulusip Mosesimik al­lak­kat siul­liit 2:2 aam­ma Tus­siaat 95:11 is­suar­pai.

‘Guutip qasuersaarfis­sarititaanut iser­nis­samik neriorsuutaata suli atuun­nera’ uum­matik­kut kil­litsis­sutigaar­put. Guutip qasuersaarfianut iser­nis­samik Biibilimi ajoqersuut up­peril­luin­narlugulu tas­sunga isersin­naajumal­luta iliuuseqar­tar­pugut. Mosesip inatsisaasa malin­nerisigut Jehovamil­luun­niit iluarisaaniaan­narluta ajun­ngitsulior­nik­kut taamaalior­neq ajor­pugut. Guutimul­li up­perat­ta siuner­taanut naaper­tuut­tumik inuuniar­tuar­pugut. Inup­pas­suit nunarsuaq tamak­kerlugu Biibilimik atuaq­qis­saar­taleramik Guutip siuner­tani pil­lugu paasinarsisitai paasivaat. Taak­kua amerlanersaasa taman­na inooriaatsimin­nik al­lan­nguinis­samut, up­per­nermik ersersitsinis­samut kuisin­nis­samul­lu kajumis­sis­sutigaat. Taman­na ‘Guutip oqaasiata uumaneranut sun­niisar­neranul­lu’ up­per­narsaataavoq paatsuugas­saan­ngitsoq. Guutip siuner­tani pil­lugu Biibilimi paasinarsisitai inuunitsin­nut sun­niuteqareerlutil­lu sun­niuteqar­tuas­sap­put.