Eqqisseqatigiinnissaq anguniartarpiuk?

JEHOVAP GUUTIP piumasaraa pal­lorfigin­nitsini eq­qis­seqatigiis­sasut isumaqatigiin­ngis­sutitil­lu aaq­qin­niarlugit tamaviaas­sasut. Taamaalioraangamik ilagiimin­ni eq­qis­sineq misigisar­paat. Taman­nalu inup­pas­suit kajungerisar­paat.

As­sersuutigalugu Madagaskarimi angak­kup malugisimavaa Jehovap in­nut­tai eq­qis­seqatigiit­tut imalu eq­qarsarsimal­luni: ‘Up­perisarsior­tunut ilaalis­sagaluaruma taak­kunun­nga ilan­ngutis­saanga.’ Kingusin­nerusuk­kut anersaapilus­siorun­naar­poq, aap­pariin­nermin­nut tun­ngatil­lugu al­lan­nguivoq Jehovalu eq­qis­sinerup Guutia pal­lorfigilerlugu.

Inuit tuusintil­lit angutitut taas­sumatut kristumiut ilagiivinut ukiut tamaasa ilaaler­tar­put eq­qis­sinerlu angorusungaagar­tik angusarlugu. Biibilimili al­las­simavoq ilagiin­ni ‘sin­ngatus­suseq im­minul­lu angisuutik­kumas­suseq’ ikin­ngutigiin­nik avis­saar­titsisin­naasut ajor­nar­torsior­titsil­lutil­lu. (Jaak 3:14-16) Tamak­kunun­ngali tun­ngatil­lugu qanoq ajor­nar­torsior­naveersaarsin­naaneq qatan­ngutitsin­nil­lu eq­qis­seqateqarluarsin­naaneq pil­lugit Biibilimi siun­nersuutitsialaqar­poq. Siun­nersuutit taak­ku pisimasuin­ni qanoq maleruar­neqarsimanersut sam­meriar­tigu.

AJORNARTORSIUTIT AAQQIISSUTILLU

“Qatanngullu suleqatiga suleqatigiippiarsinnaanngilagut. Ilaanni nippaallugu oqqattugut inuit marluk iserput kamaannitsinnillu isiginnittuullutik.” – CHRIS.

“Qatanngutip arnap oqaluusseqatigisartakkama oqaluusseqatigiittarnerput unitseriasaarpaa. Taava oqaluuttarunnaavippaanga. Nalulluinnarpara sooq.” – JANET.

“Oqarasuaatikkut pingasuulluta oqaluuppugut. Ataaseq inuulluaqqusivoq, isumaqaramalu pingajutta oqarasuaat iligaa taanna pillugu nuanninngitsumik oqaaseqarpunga, sunaaffali oqarasuaat suli ilisimanngilaa.” – MICHAEL.

“Ilagiitsinni pionerit marluk aaqqiagiinngissuteqalerput. Aappaata aappi appisaluuppaa. Oqqannerat allanut nikallorsaataavoq.” – GARY.

Tamak­ku ajor­nar­torsiuterujus­soor­pasin­ngil­lat. Pis­sutsil­li tamak­ku misigis­sutsik­kut sivisuumik an­niaataasimas­sap­put ilagiin­nilu eq­qis­seqatigiik­kun­naas­sutaasin­naal­lutik. Qujanar­tumil­li qatan­ngutit taak­kua najoq­qutas­siat Biibilimeersut malip­paat eq­qis­seqatigeeq­qil­lutil­lu. Najoq­qutas­siat suut taak­kunun­nga iluaqutaasimas­sasoraagit?

“Aqqutaani saqitsaanniaqinasi.” (1 Mos 45:24) Josefip qatan­ngutini angum­min­nut utilersut taama silatusaar­tumik siun­nersor­pai. Inuup kamaq­qajaasup misigis­sutsini aqun­ngik­kunigit pis­sutsinik ajor­nerulersitsisumik aam­ma al­lat kamatsilersin­naavai. Chrisip paasisimavaa ilaan­nik­kut maniguut­tuuneq saper­nar­tit­tarlugu siun­nersuutil­lu akueriuminaatsit­tarlugit. Al­lan­ngorusuk­kami oq­qateqatigisani utoq­qatserfigaa. Taava isumaloq­qajaanini aqus­sin­naalerumal­lugu ilungersor­poq. Aap­paata malugigamiuk Chris al­lan­ngor­niarluni ilungersor­toq nam­mineq aam­ma taamaalior­poq. Maan­na eq­qis­seqatigiil­lutik Jehovamut kif­far­toqatigiip­put.

“Isumalioqatigiittoqanngikkaangat pilersaarutit asuliinnartarput.” (Uss 15:22) Janet ikin­ngum­mi oqaloqatigis­saarmani al­las­simaf­fik taman­na maleruar­niarlugu aalajanger­poq. Isumalioqatigiar­tor­paa, tas­sa oqaloqatigiar­tor­paa. Janet aperivoq taas­suma ajual­laatigisaanik kamas­sutigisaanil­luun­niit iliuuseqarsimanerluni. Aal­laq­qaam­mut tujormip­put. Eq­qis­sil­lutil­li oqaloqatigiitsil­lutik toq­qis­siar­tor­put. Qatan­ngutip paasiler­paa sior­natigut pisimasoq paatsoorsimagini Janetilu ajual­latsitsiniarluni iliuuseqarsiman­ngitsoq. Utoq­qatserfigaa maan­nalu ikin­ngutigiip­put Jehovamul­lu kif­far­toqatigiil­lutik.

“Tunissutissat pilliivimmukaakkukku tassanilu eqqaalerlugu qatanngutit illit pillutit unnerluussutissaqartoq, taava tunissutissat pilliivimmut qimallugu qatanngutit saammaakkiartoqqaarallaak.” (Matt 5:23, 24) Jiisusi qaq­qami oqaluutsimini taama siun­nersuivoq. Michael qatan­ngutini pil­lugu nuan­niitsumik oqaaseqareerluni tujormingaar­poq. Aalajanger­poq aaq­qiiniarluni pisariaqar­toq sunaluun­niit iliuuseriniarlugu. Maniguul­luni utoq­qatserfigaa. Qanoq kinguneqar­pa? Michael ima oqar­poq: “Qatan­ngutima ilumoorluni isumak­keerfigaanga.” Ikin­ngutigeeq­qiler­put.

“Kamageqatigiigitsi isumakkeerfigeqatigiittarlusilu arlassinnut assuarliutissaqaraangassi.” (Kol 3:12-14) Pionerit marluk oqaluus­sitil­lutik oq­qat­tut uterfigeriar­tigit. Utoq­qaaner­tap inus­siar­nersumik paasitip­pai al­lanik toq­qis­sisimajun­naar­titsisut. Eq­qaasip­paalu naam­magit­tarfigeqatigiit­tariaqar­tut ilagiin­nilu eq­qis­seqatigiin­nis­saq anguniagarisariaqaraat. Siun­nersuutai akueralugil­lu maleruar­paat. Maan­na eq­qis­seqatigiil­lutik oqaluus­seqatigiit­tar­put.

Aam­ma il­lit siun­nersuut Kolos­semiut 3:12-14-imi al­las­simasoq maniguun­nis­san­nut, ilin­nik ajual­latsitsisumik isumak­keerfigin­nin­nis­san­nut ajual­laatigisimasan­nil­lu eq­qarsaatigin­nik­kun­naar­nis­san­nut iluaqutigisin­naavat. Taavami isumak­keerfigin­nin­niarsarisimagut­ta taamaaliorsin­naanatali? Najoq­qutas­siaq Mat­thæusi 18:15-imi al­las­simasoq iluaqutigisin­naavar­put. Jiisusip tamatumani ingasat­tumik ajor­tulior­neq pigaluaraa qatan­ngutivul­lu qanorluun­niit aaq­qiagiin­ngis­suteqaraluarut­ta siun­nersuutaa maleruarsin­naavar­put. Inus­siar­nerluta maniguul­lutalu aaq­qiagiin­ngis­suteqarfigisar­put or­nil­lugu aaq­qiiniarluta oqaloqatigisin­naavar­put.

Biibilimi al­lar­pas­suar­nik atoriaan­naasunik siun­nersuuteqar­poq. Taak­ku maleruarsin­naajumal­lugit amerlaner­tigut ‘anersaap inerititai’ ersersit­tariaqar­pavut. Tas­saap­pul­lu “asan­nin­neq, nuan­naar­neq, eq­qis­sineq, kamajasuun­ngin­neq, inus­siar­nisaar­neq, ajun­ngitsuuneq, un­neq­qaris­suseq, qanilaar­neq im­minul­lu naalak­kersin­naaneq”. (Gal 5:22, 23) Una eq­qarsaatigiuk: Motoori uuliaqaruni ingerlal­luas­saaq. Taamatul­li Jehovap pis­susii nuan­nersut ersersik­kutsigit isumaqatigiin­ngis­sutit aaq­qik­kuminar­nerus­sap­put.

INUTTUT ASSIGIINNGISSUTIT ILAGIINNUT NUANNAARUTAAPPUT

Tamat­ta inut­tut as­sigiin­ngitsunik pis­suseqar­pugut, isigin­nit­taaseqar­pugut oqaloriaaseqarlutalu. Tamak­ku ikin­ngutigiin­nitsin­ni nuan­nequtaal­lutil­lu soqutiginaqutaasin­naap­put. As­sigiin­ngitsuuner­pul­li aam­ma paatsuuinermik isumaqatigiin­ngin­nermil­lu kinguneqarsin­naavoq. Utoq­qaaner­taq misilit­tagaqarluar­toq tamatumun­nga as­sersuuteqarluni ima oqar­poq: “Inuup it­tuutuup inum­mik qiimasorujus­suul­lunilu am­masumik peqateqar­nini ilungersunarisin­naavaa. As­sigiin­ngis­sutaat soqutaar­pasin­ngik­kaluarluni ajor­nar­torsiuterujus­suan­ngorsin­naavoq.” Isumaqar­pit inuit as­sigiin­ngitsorujus­suit suleqatigiis­sin­naan­ngisaan­nas­sasut? Apustilit marluk as­sersuutigeriar­tigit. Petrusi inut­tut qanoq eq­qarsar­nerminik oqaatigin­nit­tuaan­nar­tutut eq­qarsaatigisarunar­pat. Johan­nesimi? Qatan­ngutitut asan­nit­tutut oqaaseqar­tin­nani iliuuseqar­tin­nanilu eq­qarsaq­qaar­tar­tutut eq­qarsaatigisarunar­pat. Petrusi Johan­nesilu inut­tut as­sigiin­ngik­kaluarlutik Jehovamut kif­far­tor­nermi suleqatigiil­luar­put. (ApS 8:14; Gal 2:9) Ul­lumik­kut­taaq kristumiut as­sigiin­ngitsorujus­suugaluarlutik suleqatigiil­luarsin­naap­put.

Qatan­ngul­li ilagiin­niit­toq uumitsaatigisan­nik oqaaseqar­pat iliuuseqarluniluun­niit? Eq­qaamajuk Kristusi aam­ma qatan­ngut taan­nar­piaq pil­lugu toqusoq taan­nalu asasariaqarit. (Joh 13:34, 35; Rom 5:6-8) Ikin­ngutigiun­naar­niarlugu naapin­naveersaar­niarluguluun­niit aalajangis­saguit eq­qor­tulior­nerus­san­ngilaq. Im­minul­li ima aperigit: ‘Taan­na Jehovap inatsisaanut akerliusumik iliuuseqar­pa? Piaaraluni ajual­latsin­niar­paanga? Inut­tul­luun­niit as­sigiin­ngiin­nar­pugut?’ Apeq­qul­lu una pingaaruteqangaar­poq: ‘Uanga pis­susererusutan­nik nuan­nersumik pis­suseqar­pa?’

As­sersuutigalugu nipaarluuguit taan­nali oqaluk­kumatuujup­pat oqaluus­seqatigiin­nis­sin­ni maluginiarsin­naavat taan­na qanoq ilin­niarfigisin­naanerlugu. Aam­mami im­maqa ilin­nit tuk­kor­tuuneruvoq. Utoq­qar­nut, nap­parsimasunut pisariaqar­titsisunul­luun­niit tunisinerup nuan­nersor­taa malugisimaviuk? Taan­na tuk­kor­tuunermut tun­ngatil­lugu ilin­niarfigisin­naaviuk? Eq­qarsaatigisas­sar­put unaavoq: Taan­nalu as­sigiin­ngik­kaluarlusi taas­suma pis­susii nuan­nersut maluginiar­nerusin­naavatit. Im­maqa ikin­ngutin­naariilin­ngik­kaluarlusi im­mis­sin­nut qanin­nerulis­saasi. Taman­na ilin­nut aam­ma ilagiin­nut eq­qis­sinermik kinguneqas­saaq.

Kristumiut siul­liit ilagiivini ar­nat Euodia Syntykilu as­sigiin­ngitsorujus­suusimagunar­put, apustilil­li Paulusip kajumis­saar­pai “Naalak­kami isumaqatigeeq­qul­lugit”. (Fil 4:2) Uagut­taaq qatan­ngutivut Jehovamik pal­lorfigin­neqatigerusup­pavut ilagiin­nilu eq­qis­sineq anguniagarerusul­lugu.

ISUMAQATIGIINNGISSUTIT AAQQIPALLATTARSIGIT

Sooq qatan­ngutitsin­nut misigis­sutsivut nuan­niitsut iliuuseqarfigipal­lat­tariaqar­pavut? Misigis­sutsit taamaat­tut il­lumi oqum­mut as­sersuus­sin­naavavut. Oquk piipal­lan­ngik­kutsigu il­lup sin­neranut siaruaatis­saaq. Taamatul­li misigis­sutsit nuan­niitsut initual­laaler­pata ilagiin­nut tamanut sun­niuteqarsin­naap­put. Jehovali qatan­ngutivul­lu asagutsigit ilagiin­ni eq­qis­seqatigiin­neq sapin­ngisatsin­nik in­narler­naveersaas­savar­put.

Eq­qis­seqateqar­niarluta iliuutsit­ta qanoq kinguneqarluar­tiginis­saat tupaal­laatigis­sagunar­par­put. Nalunaajaasup taman­na misigaa. Ima oqalut­tuar­poq: “Misigivunga qatan­ngutip ar­nap meeq­qatut pisaraanga. Taman­na isumaluutigaara. Uumitsak­kiar­tuin­nar­til­lunga soq­qusaaf­figinerujar­tuin­nar­para. Ima eq­qarsar­punga: ‘Ataq­qineqar­tariaqar­nit­tut ataq­qin­ngim­manga ataq­qinian­ngilara.’”

Taava qatan­ngutip taas­suma nam­mineq isigin­nit­taatsini eq­qarsaatigiler­paa. “Nam­mineq san­ngiif­figa takusin­naaler­para, im­minul­lu pakatsis­sutigingaar­punga. Eq­qarsar­taasera al­lan­ngor­tit­tariaqarlugu paasivara. Jehovamut qinoreerlunga qatan­ngutiga tunis­sutis­sarsiniariarlugu pis­susilersor­neralu pil­lugu al­lagar­taleriarlugu pulaar­para. Eqitaar­pugut pisimasorlu puior­niarlugu isumaqatigiil­luta. Ajor­nar­torsiorun­naar­pugut.”

Kik­kut tamarmik eq­qis­sineq pisariaqar­tip­paat. An­nilaangas­suteqar­nerli makitasuujunerlu eq­qis­sisimanan­ngitsumik iliuuseqar­titsisin­naasar­put. Taamaat­toqar­tar­nera silarsuarmi matumani nalingin­naavoq, Jehoval­li pal­lorfigin­nitsini al­laanerus­sasut piumasaraa. Eq­qis­seqatigiil­lutil­lu ataasius­suseqar­tariaqar­put. Jehovap Paulusi isumas­sarsisil­lugu al­latsip­paa kristumiut ‘qaaq­qusaanermin­nut naaper­tuut­tumik inuus­sasut’. Ima kajumis­saar­neqar­put: “Tamatigut qanilaar­tuul­lusi saamasuul­lusilu naam­magit­tar­tuul­lusilu asaqatigiin­nik­kut im­mis­sin­nut [kamageqatigiigitsi]. Eq­qis­sineq ataqatigiis­sutigalugu ilungersorlusi aalajangiusimaniarsiuk anersaak­kut ataasius­suseq.” (Ef 4:1-3) Jehovap in­nut­taasa ‘eq­qis­sineq ataqatigiis­sutigisaat’ erlin­nangaar­tuuvoq. Taamaat­tumik tamat­ta sapin­ngisatsin­nik qatan­ngutivul­lu aaq­qiagiin­ngis­sutigisin­naasavut tamaasa aaq­qin­niarlugil­lu eq­qis­seqatigiin­nis­sar­put anguniagarisigu.