Jiisusip pinerlut­tuliornerit unitsissavai

Naapertuil­luanngitsumik pineqarluni pinerlut­tuliorfigineqarlunilu qanoq innersoq Jiisusip nalunngilaa. Namminermi eqqunngitsumik unnerluutigineqarpoq, unatarneqarpoq, naapertuil­luanngitsumik eqqartuun­neqarpoq, kiisalu anniartitaalluni toqutaavoq. Pisuussuteqan­ngikkaluarluni inuunini “amerlasuut utertin­neqaatis­saattut” kajumilluni pilliutigaa. (Matiusi 20:28; Johannesi 15:13) Ungasin­ngitsukkut Guutip kunngeqarfiani kunngitut Jiisusip nunarsuarmi pissutsit naapertuil­luartut atuutilersissavai pinerlut­tuliornerillu suujunnaarsil­luinnarlugit. – Esaja 42:3

Pissutsit qanoq ikkumaartut Biibilimi ima allaatigineqarpoq:

• “Iluanngitsoq erniinnaq peeruttussaavoq, inaani takuniaraluarukku peerutereersimassaaq. Kisianni qanilaartut nuna kingornutissavaat pilluangaar­nertillu nuannaarutigis­sallugu.” – Tussiaat 37:10, 11.

Jiisusip uagut pilluta iliuuserisimasai iliuuseriumaagaalu qujamasuutigalugit qanoq ersersis­sinnaavarput? Ilaatigut taamaaliorsin­naavugut ‘Guutip kunngeqarfia pillugu nutaarsiassanik nuannersunik’ oqaluus­sisarneranik misissuinitsigut. (Lukkarsi 4:43) Atuaruk allaaserisaq “Guutip naalagaaffia suua?”