Jehovap Nalunaajaasuisa Biibilimik pikkorissartitsinerat suugami?
Biibilimi ilinniartitsissutigineqartut paasinissaannut Jehovap Nalunaajaasuisa ikiorusuppaatsit. Biibilimik pikkorissarneq iluaqutigalugu uku paasisinnaavatit:
Qanoq pilluarnerulersinnaasutit
Qanoq Guutimut ikinngutaalersinnaasutit
Biibilip siunissamut neriorsuutaasa suuneri
Apeqqutit uku akissutissarsikkit:
Biibilimik pikkorissaleruma Jehovap Nalunaajaasuinut ilannguttariaqassaanga?
Ilinniartitsisoqarnanga Biibilimik pikkorissarsinnaavunga?
Biibilimik pikkorissarneq qanoq ingerlanneqartarpa?
Ilinniartitsisoqarlutit Biibilimi allassimasut sammisakkuutaarlugit misissussavatit. Atuagaq Naassaanngitsumik pilluarsinnaavutit! atorlugu Biibilip oqariartuutaa tamatumalu ilinnut qanoq iluaqutaasinnaanera Biibilimik pikkorissarninni paasiartulissavatit. Videumi matumani paasisaqarnerusinnaavutit.
Akeqarpa?
Naamik. Jehovap Nalunaajaasuisa Jiisusip peqqussutaa una malippaat: “Akeqanngitsumik tunineqarassi akeqanngitsumik tunisissaasi.” (Matiusi 10:8) Ilinniartitsisoq akissarsineq ajorpoq, pikkorissarnermilu atortussat, tassa atuagaq Naassaanngitsumik pilluarsinnaavutit! aamma Biibili, akeqanngillat.
Pikkorissarneq qanoq sivisutigiva?
Pikkorissarnermi ilinniagassat 60-it sammineqassapput. Illit nammineq aalajangissavat qanoq sukkatigisumik sammineqassanersut, kisianni amerlasuut sapaatip-akunneranut ilinniagassaq ataaseq amerlanerusulluunniit sammerusuttarpaat.
Qanoq aallartissinnaavunga?
1. Nittartakkami immersugassaq immersoruk. Paasissutissat immersukkatit attavigineqarninnuinnaq atorneqassapput.
2. Ilinniartitsisumit attavigineqassaatit. Taassuma nassuiaatissavaatit Biibilimik pikkorissarneq qanoq ingerlanneqartarnersoq apeqqutissaqaruillu apeqqutitit akillugit.
3. Pikkorissarnissat ilinniartitsisorlu pilersaarusiussavarsi. Pikkorissarneq oqarasuaatikkut, allakkatigut internetikkulluunniit attaveqaqatigiinnikkut ingerlanneqarsinnaavoq. Sapaatip-akunneranut nalunaaquttap-akunnera ataaseq ilinniartitsisullu Biibilimik misissueqatigiittarsinnaavusi. Aamma iluarinerusattut sivikinnerusinnaalluniluunniit sivisunerusinnaavoq.
Misileeqqaarsinnaavunga?
Aap. Taamaaliorumaguit nittartakkami immersugassaq immersoruk. Ilinniartitsisumit attavigineqaruit paasitiguk pikkorissarnermik misileeqqaarusullutit. Taamaappat quppersagaq Naassaanngitsumik pilluarsinnaavutit! pingasunik aallarniutaasunik ilinniagassartalik ilinniartitsisorlu misissoqqaassavarsi. Tamatuma kingorna naliliisinnaassaatit pikkorissarneq nangeqqikkusunnerlugu.
Biibilimik pikkorissaleruma Jehovap Nalunaajaasuinut ilannguttariaqassaanga?
Naamik. Jehovap Nalunaajaasuisa Biibili pillugu ilinniartitsineq nuannaraat, kinaluunniilli Nalunaajaasunngoqqullugu pinngitsaalineq ajorpaat. Kialuunniit nammineq qanoq upperisaqarniarnerluni aalajangersinnaatitaanera ataqqillugu Biibilimi allassimasut ilinniartitsissutigisarpaat. – Petrusimit 1. 3:15.
Nammineq Biibilera atorsinnaavara?
Ilaana, Biibilimik nutsigaq sunaluunniit atorsinnaavat. Jehovap Nalunaajaasuisa Biibili paasiuminartoq eqqoqqissaartorlu Nunarsuup nutaanngornissaanik nutsigaq atussallugu nuannarivaat, nalunngilaalli inuppassuit Biibili sungiusimasartik atorusunnerusaraat.
Pikkorissarnermi ilaqarsinnaavunga?
Aap. Ilaquttatit ikinngutitilluunniit ilaserisinnaavatit.
Taavami siornatigut Jehovap Nalunaajaasuinik atuaqqissaaqateqartarsimaguma? Biibilimik pikkorissarsinnaavunga?
Aap. Ilimanarpoq Biibilimik pikkorissarneq nalitsinni inuit pisariaqartitaannut naleqqussarneqarsimasoq nuannarinerussagit. Maanna eqqartueqatigiinnikkut videunillu isiginnaarnikkut Biibilimik pikkorissartoqartarpoq.
Ilinniartitsisoqarnanga Biibilimik pikkorissarsinnaavunga?
Aap. Naak ilinniartut amerlanerit ilinniartitsisumit ikiorneqaraangamik ilikkagaqarnerusaraluartut ilaat aallaqqaammut nammineerlutik misissuerusuttarput. Nittartakkami Biibilimik misissuinermi iluaqutissat atortussallu illit Biibilimik pissarsiaqarnartumik misissuininni iluaqutigisinnaavatit. Taakkua ilagaat:
Biibili tunngavigalugu isiginnaagassiat. Videuni naatsuni Biibilimi ilinniagassat pingaarutillit sammineqarput.
Apeqqutit Biibilimi akineqartut. Apeqqutit assigiinngitsorpassuit Biibili atorlugu allaaserisani akissutissarsineqarput.
Biibilip atoriaannaanera. Biibilimi allassimasut ulluinnarni qanoq iluaqutigineqarsinnaanerat pillugu allaaserisat matumani atuarsinnaavatit, soorlu: Uippakajaaruit iliuuserisinnaasatit, Atuininnik qanoq aqutsisinnaavunga? aamma Meeqqamik perorsaaneq.