Biibili naapertorlugu imigassartorneq ajortuliornerua?

Akissut Biibilimeersoq

Ingasaas­sinani aalakoor­nar­tutor­neq ajor­tulior­nerun­ngilaq. Biibilimi al­las­simavoq viin­ni Guutimit tunis­sutaasoq inuunermik nuan­ner­nerulersitsisin­naasoq. (Tus­siaat 104:14, 15; Oqaluus­sisar­tup oqaasii 3:13; 9:7) Biibilimi aam­ma viin­nip peq­qin­nar­tuunera eq­qaaneqar­poq. – 1 Timotheusi 5:23.

Jiisusi nunarsuarmiik­kal­larami viin­nisor­tar­poq. (Mat­thæusi 26:29; Lukasi 7:34) Tupin­nar­tuliaasa ilisimaneqar­ner­paat ilagaat katit­torsior­nermi tuk­korluni imermik viin­nin­ngor­titsinera. – Johan­nesi 2:1-10.

Imerpallaarnerup navianartua

Biibilimi viin­ni ajun­ngitsumik eq­qaaneqaraluar­toq imer­pal­laar­neq aalakoor­nerlu as­suarineqar­put. Taamaat­tumik kristumiut imigas­sar­tor­niarunik ingasaas­sinatik imis­sap­put. (1 Timotheusi 3:8; Titusi 2:2, 3) Imer­pal­laan­ngin­nis­samut pis­sutis­sat arlal­lit Biibilimi eq­qaaneqar­put.

• Eq­qarsarsin­naas­susermut naliliisin­naas­susermul­lu ajoqutaasar­poq. (Us­satit 23:29-35) Inuup aalakoor­tup Biibilimi peq­qus­sut una eq­qor­tis­sin­naan­ngilaa: ‘Timisi tun­nius­sigit pil­liutitut uumasutut iluar­tutut Guutip iluarisas­saatut, tas­saas­sam­mat siuneqar­tutut Guutimut kif­far­tuutersi.’ – Romamiut 12:1, tastamantitâĸ 1961-imi naqitigaq.

• Imer­pal­laar­neq im­minut aqus­sin­naajun­naarsitsisar­poq ‘silaarutsitsisarlunilu’, tas­sa ajun­ngitsuliorusus­suseerutsitsisarluni. – Hosea 4:11; Efesosimiut 5:18.

• Piitsun­ngor­titsisin­naavoq peq­qiil­liungaar­titsisin­naal­lunilu. – Us­satit 23:21, 31, 32.

• Imer­pal­laar­neq aalakoor­nerlu Guutip uumigai. – Us­satit 23:20; Galatiamiut 5:19-21.

Qaqugukkut ingasaassinerusarpa?

Aalakoor­nar­tutor­pal­laarsimasar­poq imersimaneq pis­sutigalugu im­minut al­lanil­luun­niit navianar­torsior­titsigaan­ni. Imaan­ngilaq imer­toq aatsaat silaaruk­kuni imer­pal­laarsimas­sasoq. Biibili naaper­torlugu inuk imer­pal­laarsimas­saaq paatsiveeruk­kuni, saniporsor­taleruni, kamaleruni oq­qarluleruniluun­niit. (Jobi 12:25; Tus­siaat 107:27; Us­satit 23:29, 30, 33) Al­laat aalakoor­naveersaaraluar­tut ‘uum­mataat imerajun­nermit malus­sarlersitaasin­naap­put’ kingunerlutsitserujus­suarlutil­lu. – Lukasi 21:34, 35.

Pinaveersaarluinnarneq

Biibilimi aam­ma ersersin­neqar­poq kristumiut qaquguk­kut pinaveersaarluin­nar­tariaqar­tut:

• Al­lanit mamiatsaatigineqas­sap­pat. – Romamiut 14:21.

• Imigas­saq nunagisami iner­teq­qutaap­pat. – Romamiut 13:1.

• Inuk imer­nerminik kil­liliisin­naasan­ngik­kuni. Imerajut­tut al­latigul­luun­niit imigas­samik ator­nerluisar­tut imigas­sar­tun­ngil­luin­nar­niarlutik ilungersor­tariaqar­put. – Mat­thæusi 5:29, 30.