Jehovap Nalunaajaasuisa avinneq qanoq isumaqarfigaat?

Katit­tar­neq avit­tar­nerlu pil­lugit Biibilimi najoq­qutas­siat aalajangiusimavavut. Guutip katit­tar­neq aal­lar­neramiuk angutip ar­nal­lu aap­pariit­tuaan­nar­nis­saat siuner­taraa. Aap­parin­ngisamik atoqateqar­neq avin­nis­samut Biibilimi tun­ngavis­satuaavoq. – Matthæusi 19:5, 6, 9.

Jehovap Nalunaajaasui aappariinnerliortoqartillugu ikiuisarpat?

Aap, pingaarutil­lit arlal­lit aq­qutigalugit:

• Allaaserisat. Aap­pariin­nerlut­tut al­laaserisat aalajangersimasut aap­pariil­lualer­nis­samin­nut iluaqutigisin­naavaat. As­sersuutigalugu uku takuk­kit “Im­mis­sin­nut ilumoorfigeqatigiigitsi”, “Ajor­nar­torsiutit qanoq aaq­qis­sin­naagisi” aam­ma “At­taveqaqatigiil­luar­nik­kut aap­pariin­nersi nakus­satsis­siuk.”

• Ataatsimiinnerit. Ilagiin­ni ataatsimiin­ner­ni ataatsimeersuar­ner­nilu aap­pariin­nut siun­nersuutit atoriaan­naasut Biibilimeersut eq­qar­tor­tar­pavut.

• Utoqqaanertat. Ilagiin­ni utoq­qaaner­tat aap­pariin­nut ikiuisin­naasar­put Biibilimi al­las­simasut, as­sersuutigalugu Efesosimiut 5:22-25, in­nersuus­sutigalugit.

Nalunaajaasup avinnissaa ilagiinni utoqqaanertanit akuerineqartariaqarpa?

Naamik. Aap­pariit ajor­nar­torsiutimin­nik aaq­qiiniar­nermin­ni utoq­qaaner­tamut siun­nersor­tik­kaluar­tut taan­na aap­pariit qanoq ilior­nis­saan­nik oqalut­tuutis­sal­lugit pisus­saatitaan­ngilaq. (Galatiamiut 6:5) Biibilimil­li tun­ngaveqan­ngitsumik avin­niarluni aalajanger­toq Biibili naaper­torlugu aap­paneq­qin­nis­saminut kif­faan­ngis­suseqan­ngilaq. – 1 Timotheusi 3:1, 5, 12.

Jehovap Nalunaajaasuisa averuserneq qanoq isumaqarfigaat?

Aap­pariit Biibilimi kajumis­saar­neqar­put pis­sutsini qanoq it­tuniluun­niit aap­pariigin­naq­qul­lugit. (1 Korinthimiut 7:10-16) Ajor­nar­torsiuter­pas­suit iluun­ngarluni qinunik­kut, Biibilimi najoq­qutas­sianik maleruaanik­kut asan­nin­nermil­lu ersersitsinik­kut aaq­qin­neqarsin­naap­put. – 1 Korinthimiut 13:4-8; Galatiamiut 5:22.

Kisian­ni kristumiu aap­parminit averuser­niarluni aalajangersin­naavoq pis­sutsini ilungersunangaar­tuni ukunani:

• Aap­parisaq akisus­saaf­fim­minik naam­mas­sin­nik­kuman­ngil­luin­nar­pat. – 1 Timotheusi 5:8.

• Nakuuserfigineqar­taruni. – Tus­siaat 11:5.

• Anersaak­kut navianar­torsiorluin­naruni. As­sersuutigalugu Nalunaajaasoq Guutip peq­qus­sutaanik unioq­qutitsinermut aap­parisaminit pin­ngitsaalineqaruni isumaqarsin­naavoq aatsaat averuseruni ‘Guuti naalas­sin­naal­lugu’. – Apustilit Suliaat 5:29.