Sooq naalagaaf­filer­saarfimmi ataatsimeeqataasas­saanga?

Jehovap Nalunaajaasui sapaatip-akun­neranut marloriarlutik pal­lorfigin­nit­tarfim­min­ni naalagaaf­filersaarfin­nik taaneqar­tar­tuni ataatsimiit­tar­put. Tas­sani susoqar­tar­pa, peqataasar­neril­lu qanoq iluaqutigisin­naaviuk?

• Naalagaaf­filersaarfimmi susoqartarpa?

• Sooq ataatsimeeqataasas­savit?

• Inuusut­toqativit isumaat

Naalagaaf­filersaarfimmi susoqartarpa?

Biibilip inuunermi qanoq iluaqutigineqarsin­naanera naalagaaf­filersaarfin­ni pingaar­ner­tut ilin­niar­titsis­sutigineqar­tar­poq. Ataatsimiin­ner­ni:

• Guuti pil­lugu ilumoor­toq paasisin­naavat.

• sooq nunarsuarmi pis­sutsit taamaan­nersut paasisin­naavat.

• inut­tut iluaqutigisas­san­nik ilik­kagaqarsin­naavutit.

• pitsaaner­paanik ikin­ngutitaarsin­naavutit.

Nalunngiliuk? Jehovap Nalunaajaasuisa ataatsimiigiar­tarfiat naalagaaf­filersaarfim­mik taaneqar­tar­poq tas­sani Guutip naalagaaf­fia, imaluun­niit kun­ngeqarfia, pingaar­ner­tut sam­mineqar­tarmat. – Mat­thæusi 6:9, 10; 24:14; Lukasi 4:43.

Sooq ataatsimeeqataasassavit?

Paasisatit iluaqutigissavatit. Biibilimi najoq­qutas­siat Jehovap Nalunaajaasuisa ataatsimiin­nerini eq­qar­tor­neqar­tar­tut ilisimas­suseqalis­sutigis­savatit. (Us­satit 4:5) Paasis­savat Biibili inuunermi aalajangiil­luar­nis­san­nut iluaqutigisin­naal­lugu. Aam­ma apeq­qutit pingaarutil­lit akis­sutis­sarsis­savatit, soorlu:

• Inuunerup suna siuner­taraa?

• Guuti naal­liuutitsin­nut pisuua?

• Toqup kingor­na susoqar­tar­pa?

Weekendini ataatsimiin­ner­ni ilaatigut mak­ku oqalugiaatigineqar­tar­put:

• Biibilimit siulersor­tin­neq – Sooq?

• An­nikil­liorfiusuni sumut ikior­tis­sarsiorsin­naavugut?

• Ul­lumik­kut Guutip Naalagaaf­fia uagutsin­nut qanoq iliuuseqar­tar­toq.

“Taamaalluni atuaqatima ilaat ataatsimiigiaqataavoq. Ilaqutariiulluta issiaqatigaarput Biibililer­saarutitsinnilu malin­naatillugu. Kingorna oqarfigivaanga ataatsimeeqataasut eqqar­tueqatigiin­nerni akis­sutigisar­tagaat tupigusuutigisimallugit. Aamma oqar­poq oqaluf­fim­minni ilin­niutinik taama tor­raatigisunik atuagaateqarneq ajor­lutik.” – Brenda.

Nalunngiliuk? Naalagaaf­filersaarfim­mut iser­neq akeqan­ngilaq. Aam­ma aningaasanik katersuiniar­toqar­tan­ngilaq.

Qiimmassarneqassaatit. Biibilimi al­las­simavoq kristumiut naapeqatigiit­tar­nis­saan­nut pis­sutaasut ilaat tas­saasoq ‘qiim­mas­saqatigiin­nis­saq’. (Hebræerit 10:24, 25, New World Translation) Silarsuarmi nam­minis­sarsiorfiungaar­tumi inuuvugut, taamaat­tumik inuit Guutimik inoqatimin­nil­lu pingaar­nerutitsisut ilaginerat qiim­maal­lan­nar­taqaaq.

“Ulloq inger­lareeraangat nikal­lungal­lungalu qasusin­naasar­punga. Naalagaaf­filer­saarfim­mili ikin­ngutin­nit qiim­mas­sar­neqar­tuaan­nar­punga. Ataatsimeeqataareer­lunga anger­laraangama nuan­naar­tar­punga aqagussamullu nukis­saqaler­tar­lunga.” – Elisa.

Nalunngiliuk? Nunarsuaq tamak­kerlugu Jehovap Nalunaajaasuisa ilagiivi 120.000-t mis­saan­niip­put. Taak­ku sumiif­fin­ni 60.000-nit amerlanerusuni ataatsimiit­tar­put. Ataatsimiigiaqataasar­tut amerliar­tuin­nar­nerat pis­sutigalugu Naalagaaf­filersaarfiit 1.500-t mis­saat ukiumut sananeqar­tar­put.a