Sooq Jiisusi Guutip erneratut taaneqarpa?

Akissut Biibilimeersoq

Biibilimi Jiisusi ‘Guutip erneratut’ taaneqak­kajut­tar­poq. (Johan­nesi 1:49) Guutip erneratut oqaatigineqar­nerata ersersip­paa Guuti pin­ngor­titsisuusoq sunik tamanik pilersitsisoq, taamatut­taarlu Jiisusimik. (Tus­siaat 36:10; Saq­qum­mersitat 4:11) Biibilimi ilin­niar­titsis­sutigineqan­ngilaq Guuti inuit meeq­qior­tar­nerat­tut ataatan­ngor­toq.

Biibilimi aamma inngilit “Guutip ernerinik” taaneqar­tar­put. (Jobi 1:6) Biibilimilu inuk pin­ngor­tin­neqar­toq siul­leq, Adami, Guutip erneratut taaneqar­poq. (Luk­karsi 3:38) Taamaak­kaluar­torli, Jiisusi Guutip pin­ngor­titarim­magu siul­leq taas­suman­ngalu toq­qaan­nar­tumik pin­ngor­titaagami Biibilimi Jiisusi Guutip erneratut pingaar­ner­tut taaneqar­tar­poq.

• Jiisusi nunami inunngunngikkallarami qilammiissimava?

• Jiisusi nunamut pinngikkallarami sulerisimava?

Jiisusi nunami inunngunngikkallarami qilammiissimava?

Aap, Jiisusi nunami inun­ngun­ngik­kal­larami qilammi anersaajuvoq. Jiisusi nam­mineq oqar­poq: “Qilam­miit aqqar­punga.” – Johan­nesi 6:38; 8:23.

Guutip Jiisusi sunit tamanit allanit siul­liutil­lugu pin­ngor­tip­paa. Jiisusi pil­lugu Biibilimi ima allas­simasoqar­poq:

• “Taanna … pin­ngor­titat tamarmik siul­lersaraat.” – Kolos­simiut 1:15

• Taanna tas­saavoq “Guutimit pin­ngor­tin­neqar­tut siul­lersaat”. – Saq­qum­mersitat 3:14

Jiisusip siulit­tuut ‘qangarsuarmit, itsarsuarmit aal­laavilik’ eqqor­tip­paa. – Mika 5:1; Matiusi 2:4-6

Jiisusi nunamut pinngikkallarami sulerisimava?

Qilammi qaffasissumik inissisimaffeqarsimavoq. Jiisusip tamanna qin­num­mini ima eqqaavaa: “Ataata, illit sanin­nut pisin­nga inuillu pin­ngun­ngik­kal­larmata illit saninni alutor­nas­suserisimasan­nik alutor­narsisil­lunga.” – Johan­nesi 17:5

Ataatani assigiinngitsorpassuarnik pinngortitsimmat ikiorpaa. Jiisusi Guuti ilagalugu ‘sulior­tuuvoq’. (Ussatit 8:30, 1900) Jiisusi pil­lugu Biibilimi ima allas­simasoqar­poq: “Taas­sumami ikiuineratigut allat tamarmik – qilam­miit­tut nunarsuarmiit­tullu … pin­ngor­tin­neqar­put.” – Kolos­simiut 1:16.

Jiisusi ikior­tigalugu Guuti assigiin­ngitsunik pin­ngor­titsivoq, aamma pin­ngor­titat anersaajusut avataarsuarmiit­tullu allat pin­ngor­tip­pai. (Saq­qum­mersitat 5:11) Guutip Jiisusillu suleqatigiin­nerat illus­sanik titar­taasar­tup sanasumik suleqateqar­neranut assersuun­neqarsin­naavoq. Illus­sanik titar­taasar­toq ilusilersuisar­poq sanasullu sanasarlugit.

Oqaasiuvoq. Jiisusi nunarsuarmi inun­ngun­ngik­kal­larami Biibilimi ‘Oqaaser­tut’ eqqaaneqar­poq. (Johan­nesi 1:1) Tassa Guutip ernini aqqutigalugu paasis­sutis­sanik maleruagas­sanillu pin­ngor­titanut anersaajusunut allanut ingerlatitseq­qiisar­poq.

Guuti inun­nut nunamiit­tunut oqariar­tor­titsiniaraangami Jiisusi aqqutigisarsimagunar­paa. Guuti Adami Evalu naatsiivimmi Edenimi najoq­qutas­siuum­magit aamma ilimanar­poq Jiisusi aqqutigisimagaa. (Mosesimik 1. 2:16,17) Itsaq israelik­kut inoqajuitsuk­koor­til­lutik nipimik tusarmata inngili tusaasimasaat Jiisusiusimagunar­poq. – Mosesimik 2. 23:20-23.a