SILARSUARMI sumi tamaani, kulturini up­perisarsior­tunilu tamani inuit qinusar­put. Kisimiitil­lutik qinusar­put, aam­ma qinoqatigiit­tar­put. Oqaluf­fin­ni, naalaf­fin­ni, synagogini, moskéni il­ler­nar­tuutitanilu qinusar­put. Qinunermi ator­neqar­tar­tut soorlu ujam­mit, tip­pit, kaavitit­tak­kat aam­ma atuak­kat, iluar­tuutitap as­singi al­lat­tarfeeq­qal­lu il­ler­nar­tuutitanut nivin­ngak­katik ator­tar­paat.

Inuit qinusin­naaner­tik nunarsuarmi matumani uumas­susilin­nit al­lanit tamanit al­laas­sutigaat. Inuit uumasul­lu as­sigiis­suteqaraluar­put. Uumasutul­li inuus­sutis­sat, ilti imerlu pisariaqar­tip­pavut. Taak­kunatul­li er­niusar­pugut, inuusar­pugut toqusarlutalu. (Oqaluus­sisar­tup oqaasii 3:19) Inuil­li kisimik qinusar­put. Sooq?

Pisariaqar­tik­katsigu. Tas­sami qinuneq tas­saanerar­neqar­tar­poq anersaat silarsuaan­nut, il­ler­nar­tutut naas­saan­ngitsutul­lu isigineqar­tunut, at­taveqariaaseq. Biibilimi ersersin­neqar­poq taamatut kis­saateqar­neq inun­nguuserigip­put. (Oqaluus­sisar­tup oqaasii 3:11, 1900) Ilaan­ni Jiisusi Kristusi ima oqar­poq: “Pil­luar­put anersaak­kut piitsut.” — Mat­thæusi 5:3.

Anersaak­kut piitsuuneq, imaluun­niit anersaak­kut pisariaqar­titaqar­neq — up­perisarsior­nik­kut il­lut ator­tul­lu taama amerlatiginerat nalunaaqut­tap-akun­ner­pas­suisalu qinunermut ator­neqar­tar­nerat al­latut qanoq nas­suiar­neqarsin­naagamik? Ilumoor­poq isumaqar­toqarmat anersaak­kut pisariaqar­titatik nam­mineq imaluun­niit inoqatimin­nit pisin­naal­lugit. Inuil­li ikiuisin­naanerat kil­leqar­poq, ilaa? Inuuner­put qajan­naqaaq sivikeqalunilu, kil­lilim­mil­lu isigin­nit­taaseqar­pugut. Ilisimasaqar­nerungaar­tup, pis­saaneqar­nerungaar­tup naassaanngitsumillu inuusup kisimi pisariaqar­titatsin­nik tunisin­naavaatigut. Anersaak­kul­li pisariaqar­titaqar­neq qinunis­samut kajumis­sisitsisoq suua?

Uku eq­qarsaatigik­kit: Inuit ilisimasin­naagunan­ngisaan­nik siun­nersor­neqarusungaar­neq, ilisimas­suseqarusungaar­neq akis­sutis­sarserusungaar­nerlu misiginikuuiuk? Asasan­nik toquk­kut an­naasaqareerlutit tup­pal­lersar­neqar­nis­saq, aalajangeruminaatsitan­nik aalajangigas­saqar­til­lutit siun­nersor­neqar­nis­saq pisuusutul­luun­niit misigigavit isumak­keerfigineqar­nis­saq pisariaqar­tin­nikuuiuk?

Biibili naaper­torlugu tamak­ku tamarmik qinunis­samut pis­sutis­saal­luar­put. Taman­na pil­lugu Biibili atuagaavoq tutsuiginar­ner­paaq, angutil­lu ar­nal­lu aalajaatsor­pas­suit qin­nutaan­nik imaqar­poq. Tup­pal­lersar­neqar­nis­saq, siun­nersor­neqar­nis­saq, isumak­keerfigineqar­nis­saq apeq­qutil­lu akiuminaatsut akineqar­nis­saat qin­nutigisar­paat. — Tus­siaat 23:3; 71:21; Danieli 9:4, 5, 19; Habak­kuki 1:3.

Qin­nutit tamak­ku as­sigiin­ngitsuugaluarlutik tamarmik as­sigiis­suteqar­put. Qinusut tamarmik nalun­ngilaat qin­nutitik tusar­neqas­sap­pata piumasaqaat pingaarutilik suunersoq, piumasaqaat ul­lumik­kut arajutsineqarajut­toq soqutigineqan­ngik­kajut­torlu. Nalun­ngilaat kimut qinus­sanerlutik.

QIN­NUTIT tamarmik, kimut qin­nutaanersut apeq­qutaatin­nagu, tusar­neqar­tar­pat? Taamatut isumaqar­neq ul­lumik­kut nalingin­naavoq. Isuma taman­na inup­pas­suar­nit nuan­narineqar­poq, ilaatigut up­perisarsioqatigiit as­sigiin­ngitsut kat­tun­nis­saan­nik tapersersuisunit, isumaqar­tunil­lu up­perisarsioqatigiit as­sigiingik­kaluarlutik tamarmik ajun­ngitsuusut. Imaas­sin­naava isuma taman­na eq­qun­ngitsuusoq?

Biibili naaper­torlugu inup­pas­suit kuk­kusumut qinusar­put. Biibilip al­lan­neqar­nerata nalaani qiperuk­kanut qinuneq nalingin­naavoq. Guutil­li taamaalior­neq mianersoq­qus­sutigiuar­paa. As­sersuutigalugu Tus­siaat 115:4-6-imi guutiliat pil­lugit ima al­las­simavoq: “Siuteqaraluar­put tusaasin­naanatil­li.” Suna pineqar­toq erseq­qip­poq. Sooq Guutimut tusaasin­naan­ngitsumut qinus­saagut?

Taman­na oqalut­tuami pis­sanganar­tumi Biibilimeersumi erseq­qis­sar­neqar­poq. Pruf­fiiti ilumoor­toq Elia peq­qusivoq Ba’alip pruf­fiitii guutimin­nut qinus­sasut, qinoreer­patalu nam­mineq Guutiminut qinuniar­poq. Elia oqar­poq Guuti ilumoor­toq kisimi akis­sasoq. Ba’alip pruf­fiitiisa taman­na akuersaar­paat sivisuumil­lu ilungersorlutik, al­laat nipitoorsuarmik, qinup­put — iluaqutaan­ngitsumil­li! Oqalut­tuami ima al­las­simavoq: “Nipimik tutsiut­toqan­ngilaq akisoqar­nanilu.” (1 Kun­ngit 18:29) Eliali qinum­mat qanoq pisoqar­pa?

Eliap Guutia ingerlaan­naq akivoq Eliap pil­liutaa in­nermit qilam­meersumit ikual­lal­lugu. Sunaana al­laas­sutaasoq? Eliap qin­nutaanit Kun­nginik al­lak­kat siul­liit 18:36, 37-mi al­las­simasumit tamatuma nas­suiaataa erser­poq. Qin­nut taan­na naatsun­nguuvoq — oqaatsini Eliap nalaani ator­neqar­tuni hebræerisuuni 30-t mis­saan­naan­nik oqaaser­taqarluni. Taamaat­toq Eliap qinunermini Guutip aq­qa, Jehova, pingasoriarluni ator­paa.a

Ba’ali, isumaqar­toq “pigin­nit­toq” imaluun­niit “naalagaq”, Kana’anik­kut guutigaat, taan­nalu as­sigiin­ngitsunik saq­qum­miun­neqar­tar­poq sumiin­neq apeq­qutaal­luni. Jehovali atiuvoq as­seqan­ngil­luin­nar­toq, ateq silarsuarmi tamarmi ataasiin­narmik aterineqar­toq. Guuti taan­na in­nut­taminut ima oqar­poq: “Uanga tas­sa Jahve, tas­sa atera! Ataq­qinas­susera tun­niutis­san­ngilara kimul­luun­niit.” — Esaja 42:8.

Eliap Ba’alil­lu pruf­fiitiisa qin­nutaat guutimut ataatsimut an­ngup­pat? Ba’alisior­neq naalaf­fim­mi ator­tit­tar­toqar­titsinermigut al­laal­lu inun­nik pil­liuteqar­titsisar­nermigut inun­nik ajor­tun­ngor­titsisar­poq. Tamatumun­nga akerliusumik Jehovap in­nut­tai, Israelik­kut, ileq­qunit taamaat­tunit nikanarsar­neqan­ngil­lat, Jehovap im­minik ataq­qin­nit­tumik pal­lorfigin­nin­nis­saan­nik ilin­niar­tim­matik. Una eq­qarsaatigiuk: Ikin­ngutin­nut ataq­qingaak­kan­nut al­lak­katit erseq­qil­luar­tumik qaatiguulioruk­kit, ilimagis­saviuk tun­niun­neqas­sasut inum­mut al­larluin­narmut, ikin­ngutip­pit ilisimaneqar­neranit al­laanerul­luin­nar­tumik tusaamanerlugaasumut? Soorunami naamik!

Jehovamut qinuguit Pin­ngor­titsisumut, inuiaat Ataataan­nut, qinus­saatit.b Pruf­fiiti Esaja qin­num­mini ima oqar­poq: “Il­lit ataatagaatsigit, [Jehova].” (Esaja 63:16) Taan­naavorlu Jiisusip Kristusip eq­qar­tugaa ajoqersuk­kaminut ima oqarami: “[Pavun­naler­punga] uanga Ataatan­nut ilis­silu Ataatas­sin­nut, uanga Guutin­nut ilis­silu Guutis­sin­nut.” (Johan­nesi 20:17) Jehova Jiisusip Ataatagaa. Taan­na Guutiuvoq Jiisusip qin­nuigisaa, ajoqersuk­kanilu ilin­niar­tip­pai taas­sumun­nga qinusas­sasut. — Mat­thæusi 6:9.

Biibilimi ajoqersor­neqar­pugut Jiisusimut, Mariamut, iluar­tuutitanut in­ngilinul­luun­niit qinusas­sasugut? Naagga — Jehovamuin­naq. Pis­sutaasut marluup­put. Siul­lermik, qinuneq pal­lorfigin­neriaasiuvoq, Biibililu naaper­torlugu Jehova kisimi pal­lorfigineqas­saaq. (2 Mosesi 20:5) Aap­pas­saanik, Biibilimi oqalut­tuarineqar­poq taan­naasoq ‘qin­nutinik tusar­tar­toq’. (Tus­siaat 65:3) Naak Guuti sulias­sanik al­lanut isumagititsisar­nis­sani tunuarsimaarfigin­ngik­kaluarlugu, qin­nutinut tusar­naar­nis­sap akisus­saaf­fit­taa al­lanut isumagitin­ngisaan­narsimavaa. Neriorsuivoq qin­nutsitsin­nut nam­mineq tusar­naar­tas­sal­luni.

Tas­sa kis­saatigigutsigu Guutip qin­nutivut tusar­tas­sagai Biibilimi al­las­simasoq una eq­qaamasariaqar­par­put: ‘Kinaluun­niit Jehovap aq­qanik torlorfigin­nit­toq an­naan­neqarumaar­poq.’ (Apustilit Suliaat 2:21) Jehoval­li qin­nutit tamaasa tusar­tar­pai piumasaqaateqarani? Ilisimasaqar­nerusariaqar­pugul­luun­niit Jehovap qin­nutivut tusar­tas­sap­pagit?

UP­PERISARSIOR­NIK­KUT ileq­quni amerlasuuni qin­nutip timimut tun­ngasor­tai, soorlu inis­sisimaneq, oqaaser­taliineq malit­tarisas­sal­lu, pingaar­tin­neqar­put. Unali apeq­qutaavoq: “Qanoq qinusas­saagut?” Apeq­qum­mut tamatumun­nga tun­ngasut pingaaruteqar­nerusut Biibili iluaqutigalugu eq­qumaf­figinerusin­naavavut.

Biibilimi oqalut­tuarineqar­put Guutimut kif­faasut aalajaatsut sumiif­fin­ni as­sigiin­ngitsuni timik­kul­lu as­sigiin­ngitsunik inis­sisimal­lutik qinusut. Pis­sutsit atuk­katik apeq­qutaatil­lugit nipaatsumik nipituumil­luun­niit qinup­put, aarlorlutik sikil­lutil­luun­niit. As­silis­sanik, atuak­kanik ujam­minil­lu qinunermi ator­tak­kanik atuinatik uum­mam­mik pisumik nam­minerlu oqaatigiumasamit­tut qinup­put. Sooq qin­nutaat Guutimit tusar­neqar­pat?

Al­laaserisap matuma siuliani eq­qaaneqar­tutut Guutimut ataasiin­narmut — Jehovamut — qinup­put. Pingaaruteqar­tumik al­lamik aam­ma pis­suteqar­poq. Johan­nesip al­lagai siul­liit 5:14-imi ima al­las­simavoq: “[Man­naavoq] taas­suma saavani nakiman­ngis­sutigisar­put: Piumasaminut naapertuuttumik qin­nuigigutsin­ni tusarumaaraatigut.” Qin­nutivut Guutip piumasaanut naaper­tuut­tariaqar­put. Taman­na qanoq isumaqar­pa?

Guutip piumasaanut naaper­tuut­tumik qinus­sagut­ta taas­suma piumasaa suunersoq nalun­ngit­tariaqar­par­put. Tas­sa Biibilimik atuaq­qis­saar­neq qinunerlu im­min­nut at­tuumas­suteqarluin­nar­put. Imaap­pa Biibilimik misis­sueq­qis­saar­tar­tuugut­ta aatsaat Guutimit tusar­neqas­sasugut? Naagga, Guutil­li naatsorsuutigaa piumasani pil­lugu ilin­nias­sasugut, tamatuma suuneranik paasiniaal­luta maleruaaniarlutalu. (Mat­thæusi 7:21-23) Ilin­niak­katsin­nut naaper­tuut­tumik qinusariaqar­pugut.

Jehova taas­sumalu piumasaa pil­lugit ilin­niar­nerujar­tor­til­luta up­per­nerujar­tus­saagut, taman­nalu tas­saavoq qinunermut tun­ngatil­lugu pingaarutilik suli al­la. Jiisusi ima oqar­poq: “Qinunik­kut piumasarisasi tamaasa pis­savasi, upperussi.” (Mat­thæusi 21:22) Up­per­tuuneq isumaqan­ngilaq up­piasuuneq. Isumaqar­porli erseq­qil­luin­nar­tunik up­per­narsaatis­saqar­tumik arlaan­nik takus­saan­ngik­kaluar­tumik up­perisaqar­neq. (Hebræerit 11:1) Biibilimi up­per­narsaatis­sar­pas­suaqar­poq Jehovap, takus­saan­ngik­kaluarluni, piviusuuneranut tutsuiginar­tuuneranul­lu, up­per­timilu qin­nutaan­nik akisiumasar­neranut. Aam­mami up­per­neruler­nis­saq qaquguk­kul­luun­niit qin­nutigisin­naavar­put, Jehoval­lu pisariaqar­titatsin­nik tunisinini nuan­naarutigaa. — Lukasi 17:5; Jaaku 1:17.

Qanoq qinusar­nis­satsin­nut pingaarutilik suli al­la aajuna. Jiisusi ima oqar­poq: “Uak­kuin­naq Ataatamut pisoqarsin­naavoq.” (Johan­nesi 14:6) Tas­sa Jiisusi aq­qutigalugu Ataataq, Jehova, qanil­lisin­naavar­put. Taamaat­tumik Jiisusip ajoqersuk­kani ilin­niar­tip­pai nam­mineq atermigut qinusas­sasut. (Johan­nesi 14:13; 15:16) Taman­na isumaqan­ngilaq Jiisusimut qinusas­sasugut. Jiisusilli aqqani qinusar­pugut eq­qaamal­lugu Jiisusi pis­sutigalugu Ataatar­put naam­mal­luin­nar­toq il­ler­nar­torlu qanil­lisin­naal­lutigu.

Ajoqersuk­kat Jiisusip qaniginerusai ilaan­ni ima oqar­put: “Naalagaq, ajoqersor­tigut qanoq qinusas­sasugut.” (Lukasi 11:1) Tun­ngaviusut matumani sam­misatsin­nut as­singusut eq­qarsaatigigunan­ngilaat. Suna qin­nutigisas­sanerlugu paaserusup­paat — ima aperip­pul­lusooq: ‘Suna qin­nutigis­savar­put?’

OQAR­TOQAR­TAR­POQ kristumiut qin­nutaan­nit tamanit nalingin­naaner­paajusoq, qin­nutigineqar­ner­paajusorlu. Taman­na ilumooraluar­pat ilumuun­ngik­kaluar­pal­luun­niit, Ataatar­pooq — qin­nut Jiisusip ajoqersuk­kaminut ilin­niar­titsis­sutigisaa — qin­nutit paasinerlugaaner­paat ilagaat. Inuit mil­lionil­lit qin­nut alan­ngaar­tar­paat oqaaser­tai eq­qarsaatiginagit, im­maqa al­laat ul­lormut arlaleriarlutik. Qin­nutil­li taamatut ator­neqar­nis­saa Jiisusip siuner­tarin­ngisaan­nar­paa. Taman­na qanoq nalun­ngilar­put?

Jiisusip ajoqersuk­kani qin­num­mik tamatumin­nga ilin­niar­tin­ngitsiarlugit oqarfigai qinugaangamik ‘oqaatsitik uteqat­taar­tas­san­ngik­kaat’. (Mat­thæusi 6:7, NV) Jiisusi taama oqareerluni nam­mineq oqaatsiminut akerliusumik oqar­pa ajoqersuk­kanilu aalajangersimasumik alan­ngaagas­sil­lugit uteqat­taar­tuagas­saan­nik? Soorunami naamik! Jiisusip ilin­niar­tip­paatigut suna pil­lugu qinusas­sasugut, erseq­qis­saavigaatigul­lu qinugaangat­ta suna pingaar­tin­nerusas­sagip­put. Qanoq oqar­nersoq misis­sor­neroriar­tigu. Qin­nut Mat­thæusi 6:9-13-imi al­las­simavoq.

“Ataatarput qilanniittutit! Aqqit illernartitaali.”

Taama oqarluni Jiisusip malin­nitsini eq­qaasip­pai qin­nutit tamarmik Ataataminut, Jehovamut, qin­nutigineqar­tas­sasut. Nalun­ngiliul­li sooq Guutip aq­qa taama pingaaruteqar­tigisoq, aam­ma sooq il­ler­nar­titaanis­saa, imaluun­niit il­ler­nar­tutut isigineqar­nis­saa, pisariaqar­toq?

Inuiaat oqalut­tuarisaanerat aal­lar­tim­mal­li Guutip aq­qa il­ler­nar­toq sal­luliuutinik mamarler­neqar­poq. Guutimut akerlilersuisup, Saatanip, Jehova sal­lutuujunerar­paa naalak­kersuisutul­lu nam­minis­sarsior­tuunerarlugu pin­ngor­titaminut oqar­tus­saanis­samut pisin­naatitaaf­feqan­ngitsoq. (1 Mosesi 3:1-6) Inup­pas­suit Saatanimik tapersersuip­put ilin­niar­titsis­sutigigamik­ku Guuti misigit­taatsuusoq, naak­kit­taatsuusoq akiniaajumatuujusorlu, imaluun­niit Pin­ngor­titsisoqar­neranik miserratigin­nin­nermik­kut. Al­laat taas­suma aq­qa saas­sun­neqar­poq Biibilimik nutsik­kanit Jehovap aq­qanik peersinik­kut ator­neqar­nis­saanil­lu iner­teq­qutigin­nin­nik­kut.

Biibilimi erser­poq Guutip naaper­tuil­luan­ngitsulior­nerit tamak­ku tamaasa aaq­qik­kumaarai. (Ezekieli 39:7) Taamaalior­nermigut pisariaqar­titatsin­nik tamanik isumagin­nis­saaq ajor­nar­torsiutivul­lu tamaasa aaq­qil­lugit. Qanoq? Jiisusip qin­nutaani oqaatsini tul­liut­tuni taman­na erser­poq.

“Naalagaaffiit tikiulli.”

Up­perisarsior­nik­kut ajoqersuisut akun­nermin­ni Guutip naalagaaf­fia paatsiveerusimaarutigaat. Jiisusil­li ajoqersugaasa nalun­ngisaat­tut qangarsuarli Guutip pruf­fiitiisa siulit­tuutigaat Mis­siarsi, An­naas­sisus­saq Guutip toq­qagaa, naalagaaf­fim­mi silarsuarmik al­lan­nguisus­sami naalak­kersuis­sasoq. (Esaja 9:5, 6; Danieli 2:44) Guutip naalagaaf­fiata Guutip aq­qa il­ler­narsisis­savaa Saatanip sal­luliuutaanik qulaarinik­kut Saatanimil­lu taas­sumalu suliaanik tamanik suujun­naarsitsinik­kut. Guutip naalagaaf­fiata sorsun­nerit, nap­paatit, kaan­nersuit al­laal­lu toqu atorun­naarsis­savai. (Tus­siaat 46:10; 72:12-16; Esaja 25:8; 33:24) Tas­sa Guutip naalagaaf­fiata tikiun­nis­saa qin­nutigigaangatsigu qin­nutigisar­par­put neriorsuutit tamak­ku tamarmik eq­quun­nis­saat.

“Piumasat qilammisut nunamissaaq pili.”

Jiisusip oqaasiinit erser­poq Guutip piumasaata nunami piumaar­nera qilam­mi, Guutip najugarisaani, pineratul­li qular­naatsigisoq. Guutip piumasaa qilam­mi akor­nuser­neqan­ngil­luin­narsimavoq; tas­sani Guutip er­nera Saatanimut taas­sumalu tapersersor­taanut sorsup­poq nunamul­lu igil­lugit. (Saq­qum­mersitat 12:9-12) Ataatar­puumi qin­nutigineqar­tut siul­liit marluk iluaqutaanerat­tul­li qin­nutigineqar­tup pingajuat taman­na iluaqutigalugu eq­qumaf­figisin­naavar­put pingaar­ner­paaq — tas­sa Guutip piumasaa, nam­mineq kis­saativut pin­nagit. Taas­suma piumasaa pin­ngor­titanut tamanut iluaqutaaner­paajuaan­nar­poq. Taamaat­tumik al­laat inuk naam­mal­luin­nar­toq Jiisusi Ataataminut ima oqar­poq: “Uanga piumasara pin­nani il­lit piumasat pili.” — Lukasi 22:42.

“Inuussutissatsinnik ullumi tunisigut.”

Taamatut Jiisusip ersersip­paa uagutsin­nut tun­ngasut pil­lugit qinuneq kuk­kunerun­ngitsoq. Ul­luin­nar­ni pisariaqar­titavut Guutimut qin­nutigisin­naavavut. Aap, taamaalioraangat­ta eq­qaas­sutigisar­par­put Jehova tas­saasoq “tamanut inuunermik anersaar­tor­nermil­lu al­lanil­lu tamanik tunisisar­toq”. (Apustilit Suliaat 17:25) Biibilimi erser­poq taan­na Ataataasoq asan­nit­toq qitor­naminut pisariaqar­titaan­nik tunisinerminik nuan­naarutigin­nit­toq. Kisian­ni Ataataal­luar­tutut qitor­nami qin­nutigisaat ajoqutaas­sap­pata naam­mas­sinavian­ngilai.

“[Akiitsukkatsinnik] isumakkeerfigitigut.”

Ilumut Guuti akiitsoqarfigaar­put? Taas­suman­nga isumak­keerfigineqar­tariaqar­pugut? Ul­lumik­kut inuit amerlanersaasa ajor­ti suunersoq qanorlu ilungersunar­tiginersoq naluaat. Biibilimili ajoqersuutigineqar­poq ajor­ti ajor­nar­torsiutit­ta an­ner­paar­taanut pis­sutaasoq, ajor­timi inuit toqusar­neran­nut pis­sutiviuvoq. Ajor­tilit­tut inun­ngorat­ta tamat­ta ajor­tulior­tar­pugut, Guutil­lu isumak­keerfigin­nin­nera naas­saan­ngitsumik inuunis­samut neriuutis­satuaraar­put. (Romamiut 3:23; 5:12; 6:23) Biibilimi ima al­las­simasoqar­toq paasil­lugu tup­pal­ler­nar­poq: ‘Jehova, il­lit ajun­ngitsuuvutit isumak­keerfigin­nik­kumasarlutil­lu.’ — Tus­siaat 86:5.

“[Ajortumit] annaatsigut.”

Guutimit ser­nis­sor­neqar­nis­saq qanoq pisariaqar­tingaar­tigigip­put nalun­ngiliuk? Inup­pas­suit ‘ajor­tup’, Saatanip piunera up­periuman­ngilaat. Jiisusil­li ajoqersuutigaa Saatanip piviusuunera, al­laal­lu “silarsuup matuma naalagaanera”-nik taavaa. (Johan­nesi 12:31; 16:11) Saatanip silarsuaq man­na pis­saaneqarfigisani ajor­tun­ngor­tip­paa, uagutsin­nil­lu ajor­tun­ngor­titserusungaar­poq Ataatatsin­nut, Jehovamut, qanit­tumik at­taveqar­nermik ineriar­tor­titsiniar­ner­put akor­nuser­niarlugu. (1 Petrusi 5:8) Jehovali Saatanimit pis­saaneqar­nerungaar­poq asan­nitsiminil­lu kajumil­luni ser­nis­suerusup­poq.

Qin­nutip Ataatar­puup pingaar­nersaasa uani sam­mil­latsiar­neqar­neran­ni naleq­qut­tumik qin­nutigisin­naasavut tamak­ker­neqan­ngil­lat. Eq­qaamajuk Johan­nesip al­lagai siul­liit 5:14-imi Guuti pil­lugu al­las­simam­mat “[sumilluunniit, NV] piumasaminut naaper­tuut­tumik qin­nuigigutsin­ni tusarumaaraatigut”. Taamaat­tumik isumakuluutitit an­nikip­pal­laarsoralugit Guutimut oqaatiginis­saanut tunuarsimaar­niaqinak. — 1 Petrusi 5:7.

Taavami? Qaquguk­kut sumilu qinuner­put apeq­qutaava?

QULAR­NAN­NGITSUMIK malugisimas­savat up­perisarsioqatigiin­ni amerlaner­ni il­luni kusanar­torsuar­ni Guutisior­neq pingaar­tin­neqar­toq ul­lormul­lu pif­fis­sani aalajangersimasuni qinusar­nis­saq peq­qus­sutigineqar­toq. Biibili naaper­torlugu sumiif­fin­ni pif­fis­sanilu aalajangersimasuin­nar­ni qinusin­naavugut?

Biibilimi erser­poq naleq­qut­tumik pif­fis­saqar­tar­toq Guutimut qinuf­figisin­naasatsin­nik. As­sersuutigalugu Jiisusip ajoqersuk­kani nereqatigitin­nagit Guuti qinunik­kut qutsavigisar­paa. (Lukasi 22:17) Ajoqersugaalu Guutimik pal­lorfigin­nin­niarlutik katerisimaaraangamik qinoqatigiit­tar­put. Taamaalil­lutik juutit synagogiini Jerusalemimilu naalaf­fim­mi ileq­quujuarsimasoq ingerlateq­qip­paat. Guutip siuner­taraa naalaf­fik tas­saas­sasoq “inuiaqatigiit tamarmik [qinusarfiat]”. — Markusi 11:17.

Guutip kif­fai katerisimaaraangamik qinoqatigiik­kaangamil­lu qin­nutaat sun­niuteqarluarsin­naap­put. Isigin­nit­taatsimik­kut ataasius­suseqaraangata qin­nutaal­lu Biibilimi najoq­qutas­sianut naaper­tuuk­kaangata Guutip nuan­naarutigisar­paa. Al­laat qin­num­mit Guuti kil­lin­neqarsin­naavoq iliuuseriniagarin­ngisaraluaminik iliuuseqarluni. (Hebræerit 13:18, 19) Jehovap Nalunaajaasui ataatsimiik­kaangamik tamatigut qinusar­put. Aam­ma il­lit naalagaaf­filersaarfim­mukar­nis­san­nut tikil­luaq­qusaangaar­putit qin­nutit taamaat­tut nam­mineq tusarsin­naajumal­lugit.

Biibilimili qinuneq sumiif­fin­nut pif­fis­sanul­lu aalajangersimasunut kil­lilersor­neqan­ngilaq. Tas­sani oqalut­tuarineqar­poq Guutip kif­fai sumiluun­niit qaquguk­kul­luun­niil­lu qinusar­tut. Jiisusilu ima oqar­poq: “Qinunialeruit inin­nguan­nut iserit matulu matul­lugu, Ataatan­nul­lu iser­tor­tumiit­tumut qinugit. Ataatavil­lu iser­tor­tumut isigisup akilis­savaatit.” — Mat­thæusi 6:6.

Eq­qarsaat nuan­ningaarami, ilaa? Qaquguk­kul­luun­niit kisimiitil­lutalu qilam­mi nunamilu Kisimi Oqar­tus­saasumut saaf­figin­nis­sin­naavugut qularinagu tusar­naas­sagaatigut. Tupaal­lan­nan­ngilaq Jiisusi qinuniaraangami kisimiik­kusuk­kajun­nera! Ilaan­ni un­nuaq naal­lugu Guutimut qinuvoq aalajangigas­saq pingaaruteqangaar­toq pil­lugu siun­nersor­neqarusugunarluni. — Lukasi 6:12, 13.

Aam­ma al­lat, angutit ar­nal­lu, pingaarutilin­nik aalajangigas­saqar­til­lutik er­numanar­tunil­lu unam­miniagas­saqar­til­lutik qinusut Biibilimi oqalut­tuarineqar­put. Ilaan­nik­kut nipituumik qinusar­put, ilaan­nik­kul­lu nipaatsumik; katerisimaar­til­lutik qinusar­put aam­ma kisimiik­kaangamik. Qinunerat pingaaruteqar­neruvoq. Al­laat Guutip kif­fani ima kajumis­saar­pai: “Qinut­tuin­naritsi.” (1 Thes­salonikamiut 5:17) Piumasaminik ilior­tut tusar­naarusut­tuaan­nar­pai. Kajumis­saarutip asan­nip­palus­susia!

Ul­lumik­kut silarsuatsin­ni misigit­taatsuuf­fiusumi inup­pas­suit eq­qarsaatigisar­paat qinuneq ul­luin­nar­ni pingaaruteqar­nersoq. Im­maqa aam­ma il­lit ima aperivutit: ‘Qinuguma ilumut iluaqutigis­savara?’

QINUNEQ iluaqutaava? Biibilimi erser­poq Guutip kif­faasa aalajaatsut qin­nutitik ilumut iluaqutigigaat. (Lukasi 22:40; Jaaku 5:13) Aap, qinuneq anersaak­kut, misigis­sutsik­kut al­laal­lu timik­kut iluaqutigingaarsin­naavar­put. Qanoq?

Takorlooriar­tigu qitor­naqar­tutit tunis­sutisisumik. Ilin­niar­tis­saviuk qujamasun­nermik misigineq naam­mat­toq? Imaluun­niit qujamasun­nermik ersersitsinissaanik ilin­niar­tis­saviuk? Misigis­sutsit pingaarutil­lit oqaaser­talik­kavut eq­qumaf­figineruler­tar­pavut al­laal­lu sak­kor­tusisarlugit. Guuti oqaluuk­kaangatsigu aam­ma taamaap­pa? Aap! As­sersuuteqariar­ta.

Qinnutit qujaniutit. Ajun­ngitsut nalaatavut pil­lugit Ataatar­put qutsavigigaangatsigu pil­luaq­qus­sutisiavut eq­qumaf­figisar­pavut. Tamatuma kingunerisaanik nuan­naar­neruler­tar­pugut, qujamasun­neruler­tar­pugut isumal­luar­neruler­tarlutalu. — Filip­pimiut 4:6.

Assersuut: Jiisusip qin­nutiminik Ataatami tusar­naar­tar­neranut akisisariaasianul­lu qujamasun­nini ersersip­paa. — Johan­nesi 11:41.

Isumakkeerfigineqarnissamik qinnutit. Guutimut isumak­keerfigeq­qul­luta qinugaangat­ta ilerasup­pal­laarun­naar­tar­pugut, ilumoorluta peq­qis­simisar­pugut ajor­til­lu qanoq ilungersunar­tiginera eq­qumaf­figineruler­tarlutigu. Aam­ma pisuusutut misiginitsin­ni oqilial­latsitsis­saagut.

Assersuut: Daavip peq­qis­siminini aliasun­ninilu qinunik­kut ersersip­pai. — Tus­siaat 51.

Siunnersorneqarnissamik ilisimassusermillu qinnutit. Jehovamut silatusaar­tumik aalajangiinis­samut siun­nersoq­qul­luta ilisimas­suseqaq­qul­lutaluun­niit qinugaangat­ta maniguut­tuunis­satsin­nut iluaqutigisar­par­put. Taman­na pisin­naasat­ta kil­leqar­neran­nik eq­qaas­sutigisar­par­put Ataatatsin­nul­lu qilam­miusumut tatigin­nin­nermik ineriar­tor­titsinis­satsin­nut iluaqutigalutigu. — Us­satit 3:5, 6.

Assersuut: Salomo Israelik­kun­nut naalak­kersuisin­naajumal­luni siun­nersor­neqar­nis­samik ilisimas­susermil­lu maniguul­luni qinuvoq. — 1 Kun­ngit 3:5-12.

Annikilliornermi qinnutit. Misigis­sutsik­kut tatineqar­til­luta Guutimut uum­mam­miuvut aniatik­kutsigik iluaal­latsitsis­saagut, im­minul­lu tatiginata Jehova tatigis­savar­put. — Tus­siaat 62:9.

Assersuut: Kun­ngi Asa akeq­qamut merser­nangaar­tumut sorsut­tus­san­ngorami qinuvoq. — 2 Nalunaarsuutit 14:10.

Allat ingerlalluarnissaannik qinnussineq. Qin­nutit taamaat­tut misigin­neqatigin­nin­nerunis­samut nam­minis­sarsior­naveersaar­nis­samul­lu iluaqutigaavut.

Assersuut: Jiisusip ajoqersuk­kani qin­nup­pai. — Johan­nesi 17:9-17.

Qinnutit unnersiutiginnissutit. Jehova suliai pis­susiilu tupin­nangaar­tut pil­lugit un­nersiutigigaangatsigu taas­sumin­nga ataq­qin­nin­nerulis­saagut pingaar­titsinerulis­sal­lutalu. Qin­nutit taamaat­tut Guutitsin­nut Ataatatsin­nul­lu qanin­neruler­nis­satsin­nut iluaqutigisin­naavavut.

Assersuut: Daavip Guuti nuan­naarutigin­nil­luni un­nersiutigaa pin­ngor­titai pil­lugit. — Tus­siaat 8.

Pil­luaq­qus­sut qinunik­kut pineqarsin­naasoq al­la tas­saavoq ‘eq­qis­sineq Guutimit pisoq siuneqas­suser­nit tamanit an­nerungaar­toq’. (Filip­pimiut 4:7) Silarsuarmi eq­qis­siviil­liorfiusumi toq­qis­sisin­naaneq pil­luaq­qus­sutaavoq qaqutigoor­toq. Al­laat timik­kut iluaqutigaar­put. (Us­satit 14:30, 1990) Nam­minerli iliuuseqar­nivut kisimik aalajangiisuup­pat? Imaluun­niit anginerusoq pingaaruteqar­nerusorlu aalajangiisuua?

APEQ­QUTIP tamatuma akis­sutaa inup­pas­suar­nit soqutigineqar­poq. Biibilimi erser­poq ul­lumik­kut Jehova qin­nutinut tusarnaartartoq. Qin­nutsin­nik tusar­naar­nersoq tusar­naan­ngin­nersorluun­niit uagut nam­mineq aalajangiisooqataavugut.

Jiisusip taamanik­kut up­perisarsior­nik­kut siut­tut ilumoor­tuusaarlutik qinum­mata avoq­qaarai; up­perluar­pasin­ner­tik takoq­qus­saarutigiin­nar­paat. Oqar­poq inuit taamaat­tut “akis­sarsias­sar­tik” pereeraat. Tas­sa imaap­poq kis­saatiginerusar­tik, inun­nit malugineqar­neq, kisiat pis­sagaat — pisariaqar­titar­tik, Guutimit tusar­neqar­nis­saq, pin­nagu. (Mat­thæusi 6:5) Ul­lumik­kut­taaq inup­pas­suit nam­mineq piumasar­tik qin­nutigisar­paat, Guutip piumasaa qin­nutiginagu. Najoq­qutas­sianik Biibilimeersunik matumani eq­qar­tuk­katsin­nik sumigin­naam­mata Guutip tusaruman­ngilai.

Il­lim­mi? Guutip qin­nutitit tusaajumal­lugil­lu akiumavai? Tamatuma akis­sutaanut naggueqatigiin­nut inuiaqatigiin­nul­lu sorler­nut ilaanerluni, in­nut­taaqatigiin­niluun­niit inis­sisimaf­fik, apeq­qutaan­ngilaq. Biibilimi up­per­narsaavigineqar­pugut “Guuti kinaas­susersior­tuun­ngitsoq, tas­saasorli inuiaqatigiin­ni kik­kuusuniluun­niit im­minik mianerin­nit­tumik iluar­tulior­tumil­lu ilas­sin­nit­tar­toq”. (Apustilit Suliaat 10:34, 35) Il­lit taamaat­tuuit? ‘Guutimik mianerin­nin­neq’ isumaqar­poq taas­sumin­nga ataq­qin­ningaar­neq iluarin­ngisaanil­lu ilior­nis­samik mianersor­neq. ‘Iluar­tulior­neq’ isumaqar­poq Guutip naaper­tuil­luar­tuuneragaanik maleruaaniar­neq, nam­minerlu al­lal­luun­niit kis­saataan­nut maleruutiin­nan­ngin­neq. Kis­saatigiviuk qin­nutitit Guutip tusas­sagai? Biibilimi erser­poq qanoq ilius­sasutit.a

Ilumoor­poq inup­pas­suit qin­nutimik tupin­nar­tulior­nik­kut Guutimit akineqar­nis­saat kis­saatigigaat. Biibilip nalaani Guutip taamatut tupin­nar­tulior­tar­nera qaqutigoor­poq. Ilaan­nik­kut ukiuni hundredelik­kuutaani tupin­nar­tulior­neq ajor­poq. Aam­mat­taaq Biibilimi paasinarsisin­neqar­poq apustilit toqunerisa kingor­na tupin­nar­tulior­toqar­tarun­naas­sasoq. (1 Korinthimiut 13:8-10) Taman­na isumaqar­pa Guuti qin­nutinik akisisarun­naar­toq? Naamerluin­naq, akisisar­poq! Qin­nutinik akisisar­nera misis­soriar­tigu.

Guuti ilisimassuseqalersitsisarpoq. Ilisimas­suseq piviusoq tamarmi Jehovameersuuvoq. Ilisimas­suserminik im­minit siun­nersor­neqarusut­tunut siun­nersor­neqar­nermis­sul­lu inuuniarsarisunut tamanut tunisisar­poq. — Jaaku 1:5.

Guuti anersaaminik illernartumik tamatumalu iluaqutissartaanik tamanik tunisisarpoq. Anersaaq il­ler­nar­toq tas­saavoq Guutip nukinga sulisoq. Nukim­mit tamatuman­nga sak­kor­tunerusoqan­ngilaq. Misilin­neqar­ner­ni piner­tusaar­nis­samut iluaqutigisin­naavar­put. An­nikil­lior­nitsin­ni eq­qis­sinis­samut iluaqutigisin­naavar­put. Pis­suserineqar­tus­sanik nuan­nersunik iluarinar­tunil­lu al­lanik pigilius­sinis­samut iluaqutigisin­naavar­put. (Galatiamiut 5:22, 23) Jiisusip ajoqersuk­kani up­per­narsaavigai Guutip tunis­sum­mik tamatumin­nga tuk­korluni tuniumaarai. — Lukasi 11:13.

Guutip ilumoorlutik imminik ujarlersut paasisaqartittarpai. (Apustilit Suliaat 17:26, 27) Silarsuarmi sumi tamaani inoqar­poq ilumoorlutik sal­lusuis­sum­mik ujarlersunik. Guuti pil­lugu paasisaqarusup­put — qanoq ateqar­nersoq, nunarsuarmut inun­nul­lu qanoq siuner­taqar­nersoq qanorlu taas­sumun­nga qanil­lisoqarsin­naanersoq. (Jaaku 4:8) Jehovap Nalunaajaasui inun­nik taamaat­tunik naapitsigajup­put apeq­qutil­lu taamaat­tut akis­sutaan­nik Biibilimeersunik tusarler­nis­saat nuan­naarutigaat.

Taman­na pis­sutigalugu atuagas­siaq una tiguiuk? Guuti ujar­piuk? Im­maqa qin­nutin­nut taman­na akis­sutaavoq.