Sooq qinusassaanga?

Misis­suinerit ilaat naaper­torlugu Amerikami inuusut­tuaq­qat 80 procentii qinusar­put, taak­kuali af­faan­naat ul­lut tamaasa qinusar­put. Qular­nan­ngitsumik taak­kua ilaasa eq­qarsaatigisarsimas­savaat qinuneq iluaal­lan­niutaan­naanersoq imaluun­niit isumaqar­nerunersoq.

• Qinuneq qanoq paasisariaqarpa?

• Guuti tusarnaartarpa?

• Suut pillugit qinusinnaavunga?

• Inuusuttoqativit isumaat

Qinuneq qanoq paasisariaqarpa?

Qinuneq tas­saavoq sunik tamanik Pin­ngor­titsisumut at­taveqar­neq. Tamatuma qanoq tupin­nar­tiginera eq­qarsaatigeriaruk! Jehova inun­nit sutigut tamatigut qutsin­nerungaar­poq, taamaak­kaluar­torli ‘ilatsin­nit kimil­luun­niit ungasin­ngilaq’. (Apustilit Suliaat 17:27) Biibilimi nuan­nerluin­nar­tumik ima kajumis­saar­neqar­pugut: “Guuti qanin­niarsiuk, taava taan­na ilis­sin­nut qanil­lis­saaq.” – Jaaku 4:8.

Guutimut qanoq qanil­lisin­naavit?

• Qinusar­nik­kut – il­lit taamaalil­lutit Guuti oqaluus­sin­naagak­ku.

• Aam­ma Biibilimik atuaq­qis­saar­tar­nik­kut – Guutip taman­na aq­qutigalugu il­lit “oqaluut­tas­sam­matit”.

Taamatut at­taveqatigiin­neq – qinusar­neq Biibilimil­lu atuaq­qis­saar­tar­neq – Guutimut ikin­ngutaal­lualer­nis­san­nut iluaqutigis­savat.

“Jehovamik oqaloqateqarsinnaaneq – Qutsinnerpaamut attaveqarsinnaaneq – inuup immikkut pisinnaatitaaffigisinnaasaasa pingaarnerpaartaannut ilaavoq.” – Jeremy.

“Misigissutsikka ilorpianniittut pillugit Jehova qinunikkut oqaluttuukkaangakku taassumunnga qaninnerusutut misigisarpunga.” – Miranda.

Guuti tusarnaartarpa?

Guuti up­perigaluarlugu – aam­ma taas­sumun­nga qinusaraluarlutit – imaas­sin­naavoq taan­na ilumut tusar­naar­tar­nersoq up­periuminaatsik­kit. Taamaak­kaluar­torli Jehova ‘qin­nutitsin­nik tusar­tar­tutut’ Biibilimi taaneqar­poq. (Tus­siaatit 65:3) Al­laat ‘isumakuluutin­nik tamanik taas­sumun­nga pisitsinis­samut’ kajumis­saar­neqar­putit. Sooq? ‘Isumassormatit.’ – 1 Petrusi 5:7.

Eqqarsaatissiissut: Ikin­ngutigil­luak­kavit akut­tun­ngitsumik oqaloqatigisar­nis­saat pif­fis­saqarfiginiar­tar­piuk? Guutimut tun­ngatil­lugu aam­ma taamaalior­tarsin­naavutit. Taan­na qinunik­kut saaf­figiuar­taruk, taamaalior­taril­lu taas­suma aq­qa, Jehova, atorlugu. (Tus­siaat 86:5-7; 88:10) Aap, Biibilimi kajumis­saar­neqar­putit qinujuar­taq­qul­lutit. – 1 Thes­salonikamiut 5:17.

“Qinugaangama uanga Ataatagalu qilammiusoq oqaloqatigiittarpugut, uummammiukkalu tamaasa aniatittarpakka.” – Moises.

“Jehova itisuut pillugit oqaloqatigisarpara, anaanagalu ikinngutigilluagaralu oqaloqatigiikkaangatta pisarnitsitut.” – Karen.

Suut pillugit qinusinnaavunga?

Biibilimi ima al­las­simavoq: ‘Kis­saatigisasi qanoq it­tuk­kul­luun­niit Guutimut saq­qum­miut­tarsigit qinul­lusi torlulal­lusilu qujal­lusilu.’ – Filip­pimiut 4:6.

Imaap­pa ajor­nar­torsiutitit pil­lugit qinusin­naasutit? Aap! Biibilimimi ima al­las­simavoq: “Naner­tuutigisat Naalak­kamut tun­niuguk, taava isumagiumaar­paatit.” – Tus­siaat 55:23.

Soorunami Guutimut qinugaangavit ajor­nar­torsiutitit kisiisa eq­qar­tor­tas­san­ngilatit. Ar­naq inuusut­toq Chantel­lemik atilik ima oqar­poq: “Jehovamut ikioq­quin­nar­taruma ikin­ngutigiil­luarsimas­san­ngik­kaluar­pugut. Misigivunga qujaniar­nerit siul­liut­tariaqar­tut, qujamasuutigisak­kalu eq­qaasak­ka amerlasariaqar­tut.”

Eqqarsaatissiissut: Il­lit inuunin­ni suut qujamasuutigaagit? Ul­lumik­kut Jehovamut qujas­sutigisin­naasan­nik pingasunik eq­qaasaqarsin­naavit?

“Annikitsunnguugaluilluunniit, soorlu naasumik kusanartumik alutorsaatiginninneq, Jehovamut qinunikkut qujaniarnissamut kajumississutigisinnaavavut.” – Anita.

“Pinngortitarsuarmiittumik tupigusuutigisannik versimilluunniit Biibilimiittumik killinneqaatigisannik eqqarsaatiginneqqissaarit, taavalu Jehova taakku pillugit qutsavigiuk.” – Brian.