Inuit ilaasa Guuti asajuminaatsit­tar­paat. Guuti paasis­saan­ngitsutut, ungasit­tutut imaluun­niit al­laat peq­qar­niitsutut isigisar­paat. Ataani oqaaserineqar­tut maluginiak­kit:

• “Guutimut ikioq­quvunga, taamaak­kaluar­torli Guuti ungasis­sorujus­suar­tut al­laal­lu at­tavigineqarsin­naan­ngitsutut isigaara. Aam­ma misigis­suseqan­ngitsutut isigaara.” — Marco, Italiamiu.

• “Guutimik pal­lorfigin­nin­nis­sara kis­saatigil­luin­nar­para, misigivungali ungasis­sorujus­suusoq. Misigivunga Guuti sukan­nersuul­lunilu uagutsin­nik pil­laarusut­tar­toq. Guutip asan­nis­suseqar­nera up­perin­ngik­kaluar­para.” — Rosa, Guatemalamiu.

• “Meeraal­lunga isumaqar­tar­nikuuvunga Guutip uagutsin­nik pil­laaniarluni kuk­kunis­sar­put utaq­qiin­nar­taraa. Kingusin­nerusuk­kut ungasis­sutut isigiler­para. Al­laan­ngilaq Guuti ministeriuner­tut nunami naalak­kersuif­fim­mini in­nut­taasunut tun­ngasunik isumagin­nit­taraluarluni in­nut­taasunik soqutigisaqan­ngitsoq.” — Rebecca, Canadamiu.

Il­lit qanoq isumaqar­pit? Guuti asajuminaap­pa? Kristumiut ukiuni hundredilik­kuutaani apeq­qut taman­na apeq­qutigisarsimavaat. Al­laat ukiuni akul­ler­ni kristumiut amerlanerit Guutimut Ajugaqan­ngitsumut qinunaveersaar­tarsimap­put. Sooq? Ersigil­luin­naramik­ku. Oqalut­tuarisaanermik ilisimatooq Wil­l Durant taman­na pil­lugu ima oqar­poq: “Qanoq ilil­luni ajor­tiliup qin­nutini sapiiserluni [is­siavis­saarsuarmi is­siasumut] taama ungasitsigalunilu amiilaar­nar­tigisumut saq­qum­mius­sin­naas­sagamigit?”

Sooq Guuti ‘ungasit­tutut amiilaar­nar­tutul­lu’ isigineqaler­pa? Guuti pil­lugu sor­piaat Biibilimi ajoqersuutigineqar­pat? Guuti pil­lugu sal­lusuis­sum­mik paasin­nin­nerit taas­sumin­nga asan­nin­nis­san­nut iluaqutigisin­naaviuk?

AMERLASUUNIT UP­PERINEQAR­TOQ

“Guutip ateqar­nera, taamaap­pal­lu qanoq ateqar­nera, pil­lugu oqal­lin­nermi isumaqatigiis­sin­naan­ngilagut.” — David Cun­ningham, up­perisarsior­neq pil­lugu ilisimatooq, Theological Studies.

SAL­LUSUIS­SUT BIIBILIMEERSOQ

Guuti ima oqar­poq: “Uanga tas­sa Jahvea, tas­sa atera!” (Esaja 42:8) Jehova atiuvoq hebræerisooq sun­ngorsin­naasutul­luun­niit isumaqar­toq.

Jehovap aq­qi atus­sagip­put kis­saatigaa. Biibilimi ima al­las­simavoq: “Aq­qa torlorfigisiuk! Naam­mas­sisai inuiaqatigiin­nut nalunaarutigisigit, tusarlius­siuk aq­qa naalan­nangaar­toq!” — Esaja 12:4.

Jiisusip Guutip aq­qa ator­paa. Jehovamut qinunermini ima oqar­poq: “[Aq­qit] taak­kunun­nga [Jiisusip ajoqersugai] ilisimalersip­para ilisimalersik­kumaarlugulu.” Sooq Guutip aq­qa Jiisusip ajoqersuk­kaminut ilisimalersip­paa? Ima nangip­poq: “Asan­nis­suseq uan­nut asan­nis­suserisat taak­kunaneeq­qul­lugu uangalu taak­kunaneeq­qul­lunga.” — Johan­nesi 17:26.

SOOQ TAMAN­NA PINGAARUTEQAR­TOQ

Up­perisarsior­nermik ilisimatooq Walter Lowrie ima al­lap­poq: “Inuk Guutip aq­qanik ilisiman­nin­ngitsoq taas­suma kinaas­suser­piaanik ilisiman­nin­ngilaq, inuul­lu Guuti pis­saanilit­tut kinaas­suseqan­ngitsutut ilisimaguniuk asasin­naan­ngilaa.”

Angut Victorimik atilik sapaatit-akun­neri tamaasa naalagiar­taraluarluni Guutimik iluamik ilisiman­nin­ngitsutut misigivoq. Ima oqar­poq: “Guuti Jehovamik ateqar­toq paasigak­ku al­laan­ngilaq pisor­tatigoor­tumik taas­sumun­nga ilisaritin­neqarlunga. Misigivunga inuk tusaamajuagara kiisami inut­tarsil­lugu. Kinaas­susilit­tut isigiar­tulerlugulu ikin­ngutigiler­para.”

Jehovap aterminik atuisut qanil­lisar­pai. Aterminik eq­qarsaatigin­nit­tar­tut ima neriorsor­pai: “Qajas­suutis­savak­ka, soorlu ataatap er­nini kif­far­tor­tini qajas­suut­taraa.” (Malaki 3:16, 17) Tamatuma saniatigut Jehovap aterminik torlorfigin­nit­tut akis­sarsisis­savai. Biibilimi ima al­las­simavoq: ‘Kinaluun­niit Naalak­kap [Jehovap, NW] aq­qanik torlorfigin­nit­toq an­naan­neqas­saaq.’ — Romamiut 10:13.

AMERLASUUNIT UP­PERINEQAR­TOQ

Kristumiuunerar­tut “eqimat­tat pingasut an­nerit, katuul­lit Romalerisut, or­todoksit naaggaar­tul­lu, Guutip ataasiul­luni pingasunik kinaas­suseqar­nera — Guutiunera Ataataq, Guutiunera Er­neq Guutiuneralu Anersaaq Il­ler­nar­toq — akueraat. Kristumiut ajoqersuutaat naaper­torlugu taman­na guutinik pingasunik akuerin­nin­nerunani kinaas­susil­lit pingasut ataasiuneran­nik akuerin­nin­neruvoq.” — The New Encyclopædia Britan­nica.

SAL­LUSUIS­SUT BIIBILIMEERSOQ

Jiisusip, Guutip er­nerata, Ataataq naligineran­ngisaan­narlugulu as­sigineran­ngisaan­nar­paa. Akerlianil­li ima oqar­poq: ‘Ataatamukar­punga, Ataatarmi uan­nit an­neruvoq.’ (Johan­nesi 14:28) Ajoqersuk­kami ilaat aam­ma ima oqarfigaa: “[Pavun­naler­punga] uanga Ataatan­nut ilis­silu Ataatas­sin­nut, uanga Guutin­nut ilis­silu Guutis­sin­nut.” — Johan­nesi 20:17.

Anersaaq il­ler­nar­toq kinaas­susiliun­ngilaq. Kristumiut siul­liit ‘anersaamik il­ler­nar­tumik ilumioqangaaler­put’ Jehovalu ima oqar­poq: “Anersaan­nit kuisiumaar­punga inun­nut tamanut.” (Apustilit Suliaat 2:1-4, 17) Anersaaq il­ler­nar­toq ataasiul­lunilu pingasuus­susermut ilaanani Guutip nukigaa sulisoq.

SOOQ TAMAN­NA PINGAARUTEQAR­TOQ

Katuul­leq up­perisarsior­nermik ilisimatooq Richard P. McBrien atuak­kiamini Katolsk Tro gen­nem to År­tusinder-imi ima al­lap­poq: “Ataasiul­lunilu pingasuus­suseq saq­qum­mer­sin­neqareer­simagaluar­toq paasisin­naan­ngilar­put paasis­saan­ngil­luin­nar­tuum­mat.” Inuk ilisimalersin­naan­ngisaq paasisin­naan­ngisarlu asaneqarsin­naava? Taamaat­tumik ataasiul­lunilu pingasuus­suseq pil­lugu ajoqersuut Guutimik ilisarisiman­niler­nis­samut asan­niler­nis­samul­lu ajoqutaavoq.

Marcop, al­laaserisat siulian­ni is­suar­neqar­tup, ataasiul­lunilu pingasuus­suseq pil­lugu ajoqersuut ajoqutaasutut isigaa. Ima oqar­poq: “Isumaqaraluar­punga Guuti kinaas­sutsiminik uan­nut iser­tuus­sisoq, taman­nalu pis­sutigalugu Guuti suli ungasin­nerusutut, paasis­saan­ngin­nerusutut merser­nar­nerusutul­lu isigiler­para.” Kisian­ni ‘Guuti ularus­sinermut Guutiun­ngilaq’. (1 Korinthimiut 14:33) Guutip kinaas­sutsiminik iser­tuun­nata nam­mineq pil­luni ilin­niar­nis­sar­put kis­saatigaa. Jiisusi ima oqar­poq: “Ilisimasar­put pal­lorfigaar­put.” — Johan­nesi 4:22.

Marco ima oqar­poq: “Guuti ataasiul­lunilu pingasuus­susermut ilaan­ngitsoq paasigak­ku aatsaat at­taveqarfigilersin­naaler­para.” Guuti takor­nar­tatut paasis­saan­ngitsutut isiginagu kinaas­susilit­tut ilin­niarutsigu asajuminar­nerulis­saaq. Biibilimi ima al­las­simavoq: “Asan­nin­ngitsup Guuti ilisiman­ngilaa, Guutimi tas­saavoq asan­nin­neq.” — 1 Johan­nesi 4:8.

AMERLASUUNIT UP­PERINEQAR­TOQ

“Toqus­sutis­samik ajor­tuliorsimal­lutik toqusut toqugaangata tar­ningi er­niin­naq an­niarfim­mukar­tar­put, tas­sanilu an­niarfiup erloqinar­tua, ‘in­neq naas­saan­ngitsoq’, naal­liuutigisar­paat.” (Den katolske Kirkes Katekismus) Up­perisarsior­nik­kut siut­tut ilaat oqar­tar­put an­niarfim­miit­tut Guutimit avis­saar­titaal­luin­nar­tar­tut.

SAL­LUSUIS­SUT BIIBILIMEERSOQ

Tus­siaat 146:4-mi inuiaat pil­lugit ima al­las­simavoq: “Aner­ningerunik kingumut is­sun­ngus­sap­put, pilersaarutaal­lu ul­loq taan­na maangaan­nas­sap­put.” Inuit toqugamik is­sun­ngoq­qit­tut piujun­naar­tul­lu qanoq naas­saan­ngitsumik an­niar­titaasin­naagamik?

Biibilimi oqaaseq grækerisooq Gehen­na Biibilini kalaal­lisuuni amerlaner­tigut ‘an­niarfim­mik’ nutser­neqar­tar­toq an­niarfim­mi ikualasumi naas­saan­ngitsumik naal­liutsitaanermut as­sersuutaanani piuneerus­saal­luin­nar­nermut, makititaanis­samut neriuuteqan­ngin­nermut, as­sersuutaavoq. (Mat­thæusi 5:29) Biibilimi aam­ma ‘taseq in­nerusoq ikual­las­saataasorlu’ eq­qaaneqar­poq. (Saq­qum­mersitat 20:10) Tamatuma isumaa Biibilimi ima nas­suiar­neqar­poq: “Tas­sa toqup aap­paa, taseq in­nerusoq.” (Saq­qum­mersitat 20:14; 21:8) Taamaat­tumik sumiif­fik ikualasoq in­nerin­naasorluun­niit pineqan­ngilaq. Tatsimi in­nerusumi ‘naas­saan­ngil­luin­nar­tumik an­niar­titaaneq’ ‘toqup aap­paanut’ pinermik, makititaanis­samik neriuuteqan­ngin­nermik, isumaqar­poq.

SOOQ TAMAN­NA PINGAARUTEQAR­TOQ

Peq­qar­niitsuuneq Guutimik asan­nilis­sutiginagu maajugin­nilis­sutigisar­par­put. Rocío Mexicomiu ima oqar­poq: “Meeraanin­niil­li ikualasumik an­niarfeqar­nera pil­lugu ilin­niar­tin­neqar­tar­punga. Taman­na an­nilaangalis­sutigingaarak­ku Guuti ajun­ngitsunik pis­suseqan­ngil­luin­nar­tutut takorloor­taler­para. Kamas­soralugulu akaarin­nin­ngitsuusorivara.”

Guutip eq­qar­tuus­sutai toqusul­lu qanoq pisar­nerat pil­lugit Biibilimi al­las­simasut paatsuugas­saan­ngitsut Rocíop Guuti pil­lugu al­laanerusumik isigin­nit­taaseqalis­sutigai. Ima oqar­poq: “Oqilial­lal­lungalu misigis­sutsik­kut ar­tor­nar­tunik naner­tuutaarup­punga. Guutip ajun­ngin­ner­paamik kis­saak­kaatigut, asagaatigut asasin­naagip­pul­lu up­periar­tuler­para. Guuti ataatatut meeq­qaminik tasiuisutut ajun­ngin­ner­paamil­lu kis­saas­sisutut ip­poq.” — Esaja 41:13.

Inup­pas­suit an­niarfim­mut pisin­neqarusun­ngin­namik up­perluar­niar­tarsimap­put, Guutil­li ersiner­put pis­sutigalugu kif­far­tor­nis­sar­put kis­saatigin­ngilaa. Jiisusi ima oqar­poq: “Guutit asas­savat.” (Markusi 12:29, 30) Guutip ul­lumik­kut naaper­tuil­luan­ngitsulior­tan­ngin­nera paasigutsigu siunis­sami naaper­tuil­luar­tumik eq­qar­tuus­siumaar­nera qularin­ngil­luin­narsin­naavar­put. Jobip ikin­ngutaatut Elihutut qularata ima oqarsin­naas­saagut: “Ilumut Guuti eq­qun­ngitsumik iliorfigin­nin­ngisaan­nar­poq; Ajugaqan­ngitsup naaper­tuil­luar­neq al­lan­ngor­tin­ngisaan­nar­paa.” — Jobi 34:12.

Ul­lut ilaan­ni Jiisusip Jerusalemimiitil­luni Ataatani, Jehova, oqaluuseritil­lugu up­perisarsior­nermi eq­qun­ngitsumi siut­tut qulaar­pai. (Johan­nesi 8:12-30) Pisumi tamatumani oqaaserisaanit Guuti pil­lugu ajoqersuutit amerlasuunit up­perineqar­tut qanoq ul­lumik­kut misis­sorsin­naanerivut ersersin­neqar­poq. Ima oqar­poq: “Oqaasera aalajangius­simajuarus­siuk ilumut ajoqersugaris­savas­si, sal­lusuis­sul­lu ilisimalis­savarsi, sal­lusuis­sutsil­lu inus­siaajun­naarsis­savaasi.” — Johan­nesi 8:31, 32.

‘Oqaasera aalajangius­simajuarsiuk.’ Jiisusip taamatut oqar­nermigut up­perisarsior­nik­kut ajoqersuutip ‘sal­lusuis­sum­mut’ naaper­tuun­nera qanoq paasisin­naanerip­put ersersip­paa. Guuti pil­lugu oqaatigineqar­tut tusaraangak­kit im­minut ima aperisarit: ‘Jiisusip oqaasiinut Biibilimilu al­las­simasunut naaper­tuup­pat?’ Apustilip Paulusip oqaluus­sineranut tusar­naar­tut, ‘[ilik­kak­katik] ilumut taamaan­nersut paasiniarlugu ul­lut tamaasa Al­lak­kanik misis­suisar­tut’, ilaak­kit. — Apustilit Suliaat 17:11.

Marcop, Rosap Rebeccal­lu, al­laaserisami siul­lermi is­suar­neqar­tut, Jehovap Nalunaajaasuilu Biibilimik atuaq­qis­saar­nermik­kut up­perisar­tik misis­soq­qis­saar­paat. Taman­na qanoq iluaqutigaat?

Marco: “Nulian­nik uan­nil­lu ilin­niar­titsisut apeq­qutivut tamaasa Biibili atorlugu akisar­paat. Jehovamik asan­nilerlutalu aap­pariit­tut im­mitsin­nut qanin­neruler­pugut.”

Rosa: “Aal­laq­qaam­mut isumaqaq­qaaraluar­punga Biibili inuit Guuti pil­lugu isumaat takorluugaal­lu pil­lugit atuak­kiaasoq. Pif­fis­sap ingerlanerani apeq­qutigisar­tak­kak­ka Biibilimit akis­sutis­sarsisaler­pak­ka. Maan­na Jehova piviusutut isigalugulu tatigaara.”

Rebecca: “Guuti ilisimalerusuk­kak­ku ikioq­qul­lunga qin­nuigaara. Tamatuma kingunin­ngua uigalu Biibilimik atuaq­qis­saar­taler­pugut. Kiisami Jehova pil­lugu sal­lusuis­sut paasivar­put! Guutip kinaas­susivianik paasin­nin­ner­put tipaatsuutigingaar­par­put.”

Biibilimi Guuti pil­lugu sal­luliuutit qulaar­neqaan­nar­natik taas­suma pis­susii nuan­nersut pil­lugit ilumoor­tut al­laatigineqar­put. Biibili Guutip oqaasianit isumas­sarsiarititaal­lunilu ‘Guutip saam­maan­nermigut uatsin­nut tunis­sutigisaasa paasinis­saan­nut’, tas­sa taan­na pil­lugu taas­sumalu siuner­tai pil­lugit sal­lusuis­sutit paasinis­saan­nut, iluaqutigaar­put. (1 Korinthimiut 2:12) Guuti pil­lugu, taas­suma siuner­tai uagul­lu siunis­sar­put pil­lugit apeq­qutit nalingin­naagaluarlutik pingaarutilerujus­suit Biibilimi qanoq akineqar­nersut misis­sorsin­naavat. Nit­tar­tak­kami www.pr2711.com/kl-imi Jehovap Nalunaajaasuiluun­niit at­taveqarfiginerisigut Biibilimik atuaq­qis­saaqateqarumasin­naavutit. Qular­nan­ngitsumik ilimagisan­nit Guutip asajuminar­nerunera paasis­savat.