Biibilimi ilinniartitsissutit iluaqutaajuaannarput

TAKORLOORUK itsar­nitsanik katersugaasivim­miil­lutit. Katersugaatit amerlanersaat pisoqaanermit silamil­lu pis­suteqar­tumik ajoqusingaatsiarsimap­put. Ilaat ilaan­nakuup­put. Ataaserli in­narler­neqarsiman­ngitsoq maluginiar­nar­poq; an­nikitsualut­tor­tai tamarmik erseq­qip­put. Sulisoq aperivat: “Una al­lanit nutaanerugami?” Naameerluni ima akivaatit: “Taan­na al­lanit pisoqaaner­paavoq iluarsaan­neqar­nikuunanilu.” Apereq­qip­pal­lu: “Arlaatigut il­lersugaagami?” Akivoq: “Naamik, silarlut­taritit­tarlunilu aseror­ter­niar­neqar­tarsimavoq.” Im­maqa tupigusul­lutit ima eq­qarsar­putit: ‘Sumim­mita sanaajua?’

Biibili katersugaam­mut maluginiar­nar­tumut tamatumun­nga as­sersuun­neqarsin­naavoq. Itsar­nisaavoq – atuak­kanit amerlaner­nit pisoqaanerul­luni. Atuak­kal­li itsar­nitsat al­lat katersugaatitut itsar­nitsatut il­lutik pif­fis­sap ingerlanerani ajoquserujus­suarsimap­put. Taak­kunani al­las­simasut, as­sersuutigalugu ilisimatusar­nermut tun­ngasut, paasisanit nutaanit up­per­narsineqarsimasunit akerliler­neqarsimap­put. Nakorsaariaatsinul­lu siun­nersuutit tas­saniit­tut iluaqutaanatik navianar­tuugajup­put. Atuak­kat itsar­nitsat ilar­pas­sui ilaan­nakuup­put, tam­marsimap­put ajoqusersimal­lutil­luun­niit.

Biibilili al­laanerul­luin­nar­poq. Ukiut 3.500-t sin­nerlugit matuma sior­na al­lan­neqaler­poq, sulilu tamarmiuvoq. Ukiunilu hundredelin­ni ikual­lan­neqar­taraluar­toq, iner­teq­qutaasaraluar­toq suusupagineqar­taraluar­torlu tas­sani al­las­simasut in­narler­neqarsiman­ngil­lat. Biibili nalitsin­ni paasisanut naleq­qup­poq, al­laat al­lan­neqar­nerata kingunerujus­suatigut aatsaat paasineqar­tunik al­las­simasoqar­poq. – Takuuk al­laaserisaq “Nalitsin­ni paasisanut naleq­qup­pa?”

NAJOQQUTASSIAT PISARIAQARTITAVUT

Im­maqa ima eq­qarsar­putit: ‘Biibilimi ilin­niar­titsis­sutigineqar­tut ilumut nalitsin­ni atoriaan­naap­pat?’ Akis­sutis­sarsiniarlugu im­minut ima aperigit: ‘Ul­lumik­kut suut ajor­nar­torsiutaaner­paap­pat? Sorliit amiilaar­nar­ner­paap­pat?’ Im­maqa sorsun­neq, mingutsitsineq, pinerlun­neq peq­quserlun­nerluun­niit eq­qarsaatigaat. Maan­na najoq­qutas­siat Biibilimeersut sam­mitil­lugit im­minut ima aperigit: ‘Najoq­qutas­siat taak­ku maleruar­neqaraluar­pata silarsuarmi pis­sutsit pitsaanerus­sagaluar­pat?’

EQQISSINERMIK PINGAARTITSINEQ

“Pil­luar­put eq­qis­seqatigiis­sitsisut, taak­kumi Guutip qitor­naanik taaneqas­sap­put.” (Mat­thæusi 5:9) “Ajor­nan­ngip­pat – ilis­si aalajangiisuusin­naagus­si – inuit tamaasa eq­qis­seqatiginiarsigit.” – Romamiut 12:18.

NALLITTUINEQ ISUMAKKEERFIGINNINNERLU

“Pil­luar­put nal­lit­tuisut, taak­kumi nal­lit­tor­neqas­sap­put.” (Mat­thæusi 5:7) “Kamageqatigiigitsi isumak­keerfigeqatigiit­tarlusilu arlas­sin­nut as­suarliutis­saqaraangas­si. Soorlu Naalak­kapa isumak­keerfigigaasi taamatut­taaq ilis­si ilius­saasi.” – Kolos­semiut 3:13.

KINAASSUSERSIUNNGINNEQ

Guutip ‘inum­mit ataatsimit pin­ngor­tip­pai inuiaat tamaasa nunarsuarmilu tamarmi najugas­sarsisil­lugit’. (Apustilit Suliaat 17:26) ‘Guuti kinaas­susersior­tuun­ngilaq, tas­saavorli inuiaqatigiin­ni kik­kuusuniluun­niit im­minik mianerin­nit­tumik iluar­tulior­tumil­lu ilas­sin­nit­tar­toq.’ – Apustilit Suliaat 10:34, 35.

NUNARSUARMIK PAARSINEQ

“Guutip Naalak­kap inuk naatsiivim­mut Edenimut pisip­paa taas­sumun­nga naggoris­saq­qul­lugu paareq­qul­lugulu.” (1 Mosesi 2:15) Guutip ‘aserus­savai nunarsuarmik aseruisut’. – Saq­qum­mersitat 11:18.

PIUMATUSSUSERMIK INUUNERLUNNERMILLU UUMIGINNINNEQ

“Sis­sueritsi mianersorlusilu piumatus­susermut sumul­luun­niit, inuum­mi inuuneranut aalajangiisuun­ngilaq sumik pigisaqar­nera naam­mat­torsuar­nil­luun­niit pigisaqaraluaruni.” (Lukasi 12:15) “Kinguaas­siuutitigut inuunerlun­neq mingun­nar­tul­lu suul­luun­niit piumatuus­suserlu taaneqas­san­ngil­lal­luun­niit akor­nas­sin­ni.” – Efesosimiut 5:3.

UNNEQQARISSUSEQ SULILLUARNERLU

‘Tamatigut eq­qor­tumik iliorumasar­pugut.’ (Hebræerit 13:18) “Til­lit­tar­toq til­lis­saarli, ilungersorlunili suliniarli.” – Efesosimiut 4:28.

PISARIAQARTITSISUNIK IKIUINEQ

“Tup­pal­lersarsigit er­numasut, isumaginiarsigit san­ngiitsut, tamaasa nikal­lujuisaarfigisigit.” (1 Thes­salonikamiut 5:14) ‘Iliarsun­nik uil­lar­ner­nil­lu atugarliuutilin­nik isumagin­nigit.’ – Jaaku 1:27.

Najoq­qutas­siat tamak­ku Biibilimi al­las­simaan­naratik aam­mali ul­luin­nar­ni qanoq maleruar­neqarsin­naanersut ilin­niar­titsis­sutigineqar­poq. Inuit amerlanerit najoq­qutas­sianik tamak­kunin­nga maleruaap­pata silarsuarmi ajor­nar­torsiutit ikin­nerulis­sap­put, ilaa? Taava isum­mersin­naavugut najoq­qutas­siat Biibilimeersut aatsaat taama iluaqutaatigisut! Taavami il­lit maan­nak­kut qanoq iluaqutigisin­naavigit?

BIIBILI MAANNA ILLIT QANOQ ILUAQUTIGISINNAAGIT

Inuk silas­sorin­ner­paaq ima oqar­poq: “Ilisimas­suseq eq­qor­tuutitaavoq suliamigut.” (Mat­thæusi 11:19) Isumaqatigaajuk? Ilisimas­sutsip ilumoor­nera up­per­narsineqar­tar­poq maleruar­nerata kinguneranit. Taamaat­tumik ima eq­qarsarsin­naavutit: ‘Biibili ilumut atoriaan­naap­pat taava uanga inuunin­nut sun­niuteqarluas­saaq, ilaa? Maan­nak­kor­piaq ajor­nar­torsiutin­nut qanoq iluaqutigisin­naavara?’ As­sersuuteqariar­ta.

Delinab ulapit­tuul­lunilu nalerisimaarluni inuuvoq. Tas­san­ngaan­narli tul­leriigin­nar­nik alianar­tunik nalaataqar­poq. Pania inuusut­tuaraq toquvoq. Uinilu avip­put. Aningaasatigut ajor­nar­torsioriataaler­poq. Ima oqar­poq: “Kiunerlunga naluler­para – paneqan­ngilanga, ueqan­ngilanga angerlarsimaf­feqar­nangalu. Suun­ngitsutut misigivunga – kinaas­suseqan­ngilanga, nukis­saqan­ngilanga inuuneralu siuner­taarul­luni.”

Delinap oqaatsit ukua ilumoor­nerat aatsaat taama paasil­luar­tigai: ‘Ukiut inuuf­figisas­savut 70-iusin­naap­put imaluun­niit 80-it, nukis­saqas­sagut­ta, ajugaasimaarutis­sar­taal­li tamarmi tas­sa naal­liun­nar­toq ajunaar­nerlu; ingerlaler­tor­put, tim­misutul­lu qimagup­pugut.’ – Tus­siaat 90:10.

Delinap pisariaqar­titsif­fim­mini Biibili maluginiar­nar­tumik iluaqutigaa. Al­laaserisanit tul­liut­tunit pingasunit ersersin­neqar­tutut inup­pas­suit ajor­nar­torsior­nermin­ni Biibilimi siun­nersuutit maleruaraangamik­kit nalis­saqan­ngitsumik iluaqutigisarsimavaat. Misigisimap­put Biibili katersugaatitut al­laaserisap matuma aal­laq­qaataani eq­qaaneqar­tutut it­toq. Atuagar­pas­suar­nit pisoqaaval­laaler­tunit al­laanerul­luin­nar­poq. Tamatumun­nga pis­sutaasin­naava Biibilip sananeqaataa? Tas­sa inuit eq­qarsaataan­nik imaqar­nani Guutip eq­qarsaataanik imaqarami? – 1 Thes­salonikamiut 2:13.

Im­maqa aam­ma il­lit paasisimavat inuuneq sivikil­lunilu ajor­nar­torsiorfiungaar­toq. Ar­torsar­tin­neqaleraangavit sumut tutsuiginar­tumik siun­nersor­tis­sarsior­tar­pit?

Biibilip inuunin­ni pingasutigut atoriaan­naanera sam­meriar­tigu: Biibili iluaqutigalugu qanoq

1. ajor­nar­torsiutit ingalassinnaagitit.

2. ajor­nar­torsiutaalersunik aaqqiisinnaasutit.

3. al­lan­ngor­tis­sin­naan­ngisatit naammagalugit atorsinnaagitit.

Pingasut taakku allaaserisani tulliuttuni sammineqassapput.