Upperisarsioqatigiit eqqunngitsut Guuti qanoq salluliuutigigaat

Sooq upperisarsioqatigiit amerlasuut Guuti asan­nit­tuusoq upperineraraluarlugu ajor­tuliungaar­tar­pat? Naatsumik oqaatigalugu: Upperisarsioqatigiit taakku eqqun­ngitsuugamik, Guutimi sal­luliuutigisar­paat. Qanoq sal­luliuutigisimavaat? Guutip tamanna qanoq isumaqarfigaa? Qanorlu iliuuseqarfigis­savai?

1. Upperisarsioqatigiit eqqunngitsut ilinniartitsissutiminni Guuti qanoq salluliuutigisarpaat?

Upperisarsioqatigiit eqqun­ngitsut ‘Guuti pillugu ilumoortoq sallumik taarsersimavaat’. (Romamiut 1:25) Assersuutigalugu Biibilimi allas­simavoq Guutip atia ator­neqar­tas­sasoq. Upperisarsioqatigiip­pas­suar­nili ator­neqar­neq ajor­poq. (Romamiut 10:13, 14) Aamma ajor­tumik pisoqaraangat upperisarsior­nerni siut­tut ilaat oqar­tar­put Guutip tamanna piumasarigaa. Sal­lup­pulli, Guutimi ajor­tunut pisuun­ngisaan­nar­poq. (Jaaku 1:13 atuarsiuk). Ajoraluar­tumillu sal­luliuutit taamaat­tut pis­sutigalugit inuit Guuti pil­lugu ilin­niarusun­neq ajor­put.

2. Upperisarsioqatigiit eqqunngitsut iliuutsimikkut Guuti qanoq salluliuutigisarpaat?

Jehovap inuit asavai, upperisarsioqatigiilli eqqun­ngitsut inun­nik ajor­tumik pin­nit­tar­put. Biibilimi allas­simavoq ‘ajortuliaat qaleriiaarlutik qilammut’ anngus­simasut. (Saq­qum­mersitat 18:5) Upperisarsioqatigiit ukiuni hundredelinni politik­kimut akuliut­tarsimap­put, sorsun­ner­nik tapersersuisarsimap­put inup­pas­suillu toqutaaneran­nut pisuusimal­lutik. Upperisarsior­nik­kut siut­tut ilaat pisoorsuan­ngorumal­lutik malin­nitsitik akiliisit­tar­paat. Iliuusiinit erser­poq Guuti ilisarisiman­ngik­kaat. Taamaat­tumik taanna pil­lugu ilin­niar­titsisus­saan­ngik­kaluar­put. – Johan­nesimit 1. 4:8 atuarsiuk.

3. Guutip upperisarsioqatigiit eqqunngitsut qanoq isumaqarfigai?

Upperisarsioqatigiit eqqun­ngitsut iliuuserisar­tagaat eqqarsaatigigaangak­kit kamaam­mer­tar­pit? Taamaap­pat takorlooruk Jehova qanoq misigisarsimas­sasoq. Upperisarsior­nik­kut siut­tut Jehova sal­luliuutigisar­paat malin­nitsitillu ajor­tumik pisarlugit. Taamaalior­nerat pil­lugu Jehovap kamaatingaar­pai, inuimmi asagamigit. Neriorsuivorlu qanit­tuk­kut upperisarsioqatigiit eqqun­ngitsut ‘periarfeerutitillugit’ suujun­naarsik­kumaarlugit. – Saq­qum­mersitat 18:8, 21.

ITISILIINEQ

4. Guutip upperisarsioqatigiip­passuit akuerinngilai

Inup­pas­suit isumaqar­put upperisarsior­nerit assigiin­ngitsut Guutimut aqqutaasut assigiin­ngitsut. Taamaap­pali? Matiusi 7:13, 14 atuarsigit apeq­qullu una eqqar­torlugu:

• ‘Inuunermut aqqut’ pil­lugu Biibilimi qanoq allas­simava?

VIDEO takusiuk apeq­qullu tul­liut­toq eqqar­torlugu.

VIDEO: Guutip upperisarsiornerit tamaasa akuerai? – Naalisagaq (3:22)

• Biibilimi allas­simava Guutip upperisarsioqatigiip­pas­suit akuerigai?

5. Upperisarsioqatigiit eqqunngitsut Guuti ilaarlugu asanninnermik ersersitsinngillat

Upperisarsioqatigiip­pas­suit ilaatigut sorsun­ner­nut akuliut­tar­nermik­kut Guuti pil­lugu eqqun­ngitsumik isumaqalersitsisar­put. VIDEO takusiuk apeq­qutillu tul­liut­tut eqqar­torlugit.

VIDEO: Oqaluffeqarfiit sorsunnersuarmut kingullermut sunniutaat (2:22)

• Sorsun­nersuup aap­paani upperisarsioqatigiip­pas­suit susarsimap­pat?

• Iliuutsit taakku pil­lugit qanoq misigivit?

Johannesi 13:34, 35 aamma 17:16 atuarsigit apeq­qutillu uku eqqar­torlugit:

• Upperisarsioqatigiit sorsun­ner­nut akuliuk­kaangata Jehova qanoq misigisarsoraajuk?

• Upperisarsioqatigiit eqqun­ngitsut ajor­tor­pas­suar­nut pisuup­put. Upperisarsioqatigiit Guutip asan­nin­neranik ersersitsisan­ngin­nerat illit sutigut maluginiar­nikuuiuk?

6. Guutip inuit upperisarsiornermit eqqunngitsumit aniguisikkusuppai

Saqqummersitat 18:4 atuarsiuka apeq­qullu una eqqar­torlugu:

• Guutip inun­nik upperisarsior­nermit eqqun­ngitsumit uukapaatin­neqarsimasunik ikiuerusun­nera qanoq isumaqarfigaajuk?

7. Guuti ilumoortoq pillugu ilinniartuarit

Upperisarsioqatigiit eqqun­ngitsut iliuuserisar­tagaat pis­sutigalugit Guuti ajor­tumik isumaqarfigilis­saviuk? Takorlooruk ataataasup ernini silatusaar­tumik ilitsersoraa. Ernerata ataatani naalak­kumanagu qimap­paa inuunerlulerlunilu. Ataataasup ernermi inooriaasia iluarin­ngilaa. Ataataasorli pisuutis­sal­lugu pis­susis­samisuun­ngilaq, ilaa?

• Sooq upperisarsioqatigiit eqqun­ngitsut iliuuserisar­tagaat pis­sutigalugit Jehova pil­lugu ilin­niarun­naas­san­ngilatit?

EQIKKAANEQ

Upperisarsioqatigiit eqqun­ngitsut ilin­niar­titsis­sutimik­kut iliuutsimik­kullu Guuti sal­luliuutigisar­paat. Guutip upperisarsioqatigiit eqqun­ngitsut suujun­naarsik­kumaar­pai.

Uteqqiineq

• Upperisarsioqatigiit eqqun­ngitsut ilin­niar­titsis­sutigisaat iliuusiilu qanoq isumaqarfigaagit?

• Guutip upperisarsioqatigiit eqqun­ngitsut qanoq isumaqarfigai?

• Guutip upperisarsioqatigiit eqqun­ngitsut qanoq iliuuseqarfigis­savai?

NAMMINEQ MISISSUGASSATIT

Upperisarsioqatigiit amerlaner­paar­taasa sutigut marlutsigut Guutimit iluarisaan­ngin­nerat pil­lugu atuarit.

“Upperisarsiornerit tamarmik Guutimut qaninnerulersitsippat?” (Nit­tar­tak­katsinni allaaserisaq)

Sooq guutisioqateqar­nis­sar­put Jehovap piumasaraa?

“Upperisarsioqatigiinnut aaqqissugaasunut ilaasortaaffeqassalluni pisariaqarpa?” (Nit­tar­tak­katsinni allaaserisaq)

Palasip upperisarsioqatigiit ilaasor­taaf­figisami iliuuserisar­tagaat nuan­narin­ngilai. Taman­nali Guuti pil­lugu ilumoor­tumik paasiniaanis­saminut aporfigin­ngilaa.

“Sooq palasip ilagiit qimakkai” (Iteritsi!, februaari 2015)

Up­perisarsioqatigiit ukiuni hundredilinni Guuti pil­lugu sal­lulior­nermik­kut inuit isumaqalersis­simavaat Guuti asan­nin­ngitsuul­lunilu naak­kit­taatsuusoq. Sal­luliuutigisar­tagaasa ilaat pingasut pil­lugit paasiniaagit.

“Salluliuutit Guutimik asajuminaatsitsisut” (Napasuliaq Alapernaarsuiffik, januaarip aallaqqaataat 2014)