Isumakkeer­figeqatigiittaritsi

1, 2. Sooq al­lanik isumak­keerfigin­nik­kumanerlutit eq­qarsaatigisariaqar­piuk?

BIIBILI iluaqutigalugu paasisin­naavar­put Jehovap ajor­timut qanoq isigin­nit­taaseqar­nersoq ajor­tulioraangat­talu qanoq misigisar­nersoq. Tas­sani aam­ma Jehovap uagutsin­nik isumak­keerfigin­nik­kumanera al­laatigineqar­poq. Al­laaserisap matuma siuliani sam­mivar­put sooq Jehovap Daavi Manas­selu isumak­keerfiginerai. Iliuuserisimasatik aliasuutigingaarlugit Jehovamut nas­suerutigin­nip­put, taamatul­lu ajor­tulioq­qin­ngin­nis­sar­tik aalajangiusimavaat. Al­lamik isumataaramik Jehovamit iluarisaaq­qiler­put.

² Maan­nak­kut uagut al­lanik isumak­keerfigin­nik­kumaner­put sam­meriar­tigu. Il­lit qanigisavit ilaat Manas­sep iliuuserisimasaasa kingunerinik toqusimasuup­pat qanoq misigisimas­sagaluar­pit? Manas­se isumak­keerfigerusus­sin­naas­sagaluar­piuk? Apeq­qut taman­na naleq­qup­poq ul­lumik­kum­mi silarsuarmi ajor­tumi nakuuserfiusumi nam­minis­sarsiorfiusumilu inuugat­ta. Sooq isumak­keerfigin­nin­nis­sar­put ilik­kar­tariaqar­par­put? Il­lit ajor­tumik pineqaruit misigis­sutsitit aqus­sin­naanias­sagak­kit Jehoval­lu kis­saatigisaatut iluarisaatul­lu ilior­nis­san­nut isumak­keerfigin­nik­kumanis­san­nut suna iluaqutigisin­naaviuk?

SOOQ ISUMAKKEERFIGINNIT­TUUSARIAQARTUGUT

3-5. (a) Jiisusip as­sersuusiorluni qanoq ersersip­paa isumak­keerfigin­nit­tuusariaqar­tugut? (b) Mat­thæusi 18:21-35-mi Jiisusip oqaasii qanoq ilin­niarfigisariaqar­pavut?

³ Uagutsin­nik ajual­latsitsisut, ilagiin­nut kristumiunut ilaagaluar­pata ilaan­ngik­kaluar­pataluun­niit, kajumil­luta isumak­keerfigisariaqar­pavut. Taamaaliorut­ta ilaqut­tavut, ikin­ngutivut, inuit al­lat Jehovalu eq­qis­seqatigiuarsin­naavavut. Al­lat qanorluun­niit akulikitsigisumik ajual­latsis­simagaluar­patigut taak­kunin­nga isumak­keerfigin­nin­nis­sar­put Biibilimi piumasaqaataavoq. Jiisusi inus­siaq aningaasar­pas­suar­nik naalak­kaminut akiitsoqar­toq pil­lugu oqalut­tuar­poq, taman­nalu sooq isumak­keerfigin­nit­tuusariaqar­nis­satsin­nik paasin­nin­nis­samut iluaqutigaar­put.

⁴ Kif­fap naalak­kani aningaasanik ima akiitsoqarfigitigaa akiitsuni akilis­sagaluarunigit ul­luni 60 mil­lionini sulisariaqas­sal­luni. Taan­nali akiitsuminik naalak­kaminik isumak­keerfigineqar­poq oqarfigineqarlunilu akiitsuni akiler­tariaqan­ngik­kai. Im­minul­li akiitsoqar­tumut kif­faq qanoq ilius­sava? Kif­faqatini aningaasanik taamaal­laat ul­luni 100-ni aningaasarsias­sanik nalilin­nik atuk­kersimavaa. Kif­faqatini isumak­keerfigerusun­ngilaa akiitsunilu akilis­sagai piumasaqarfigalugu. Kif­faqataa akiitsuminik akiliinis­saminut kamagit­taq­qusivoq, kif­fal­li taas­suma taan­na par­naarus­saatip­paa. Taama iliormat naalagaata kamaatingaar­paa, imalu aperivoq: “Il­lit­taaq kif­faqatit naak­kigisariaqan­ngiliuk, soorlu uanga il­lit naak­kigigik­kit?” Naalagaatalu kif­faq isumak­keerfigin­nik­kuman­ngitsoq kamaal­lugu par­naarus­saatip­paa akiitsuni tamaasa akilereerserlugit. — Mat­thæusi 18:21-34.

⁵ Jiisusi taamatut as­sersuusiorluni sumik ilin­niar­tin­niar­paatigut? Nas­suiaavoq uagut al­lanik ilumoorluta isumak­keerfigin­nik­kuman­ngik­kut­ta Jehovap uatsin­nik isumak­keerfigin­nik­kumanavian­ngitsoq. (Mat­thæusi 18:35) Naam­mal­luin­nan­ngitsuugat­ta kuk­kulut­tor­tar­pugut, taamaat­tumil­lu Jehovamut naalal­luin­narsin­naan­ngilagut. Taamaak­kaluar­torli isumak­keerfigerusup­paatigut. Aap, al­laat ajor­tuliorsiman­ngitsutut iliuuseqarfigerusup­paatigut. Jehovamut ikin­ngutaarusuk­kut­ta inun­nik al­lanik isumak­keerfigin­nit­tuusariaqar­pugut. Jiisusip taman­na pivaa qaq­qami oqaluutsimini ima oqarami: “[Inuit] unioq­qutitsinerinik isumak­keerfigigus­sigit, taava Ataatas­si qilam­miit­tup aam­ma ilis­si isumak­keerfigis­savaasi. Inuil­li isumak­keerfigin­ngik­kus­sigit, taava aam­ma Ataatas­si unioq­qutitsinis­sin­nik isumak­keerfigis­san­ngilaasi.” — Mat­thæusi 6:14, 15.

6. Sooq isumak­keerfigin­nin­nis­saq ajor­naatsuujuaan­nan­ngila?

⁶ Isumaqataagunar­putit inuit al­lat isumak­keerfigis­sagivut, taamaalior­nis­sarli ajor­nakusoor­tis­sin­naas­sagunar­pat. Ajual­latsin­neqaraangat­tami misigis­sutsik­kut aalater­neqarsin­naasar­pugut. As­sersuutigalugu imaas­sin­naavoq kamat­tugut imaluun­niit ilumuun­ngitsuliorfigineqar­tutut misigisugut. Im­maqa misigivugut inuk taan­na iliuuserisaminik pil­lar­neqar­tariaqar­toq imaluun­niit uagutsitut erloqis­sasoq. Kamangaarsin­naavugut misigisin­naal­luta al­laat isumak­keerfiginngisaannassallutigu. Il­lit taamatut misigiguit qanoq ilil­lutit isumak­keerfigin­nik­kusus­sin­naavit soorlu Jehovap taamaalior­nis­satsin­nik piumasaqarfigigaatigut?

SOOQ TAAMA MISIGINERSUTIT PAASINIAQQISSAARUK

7, 8. Inus­siar­niitsuliorfigineqaruit isumak­keerfigin­nit­tuunis­samut suna iluaqutigisin­naaviuk?

⁷ Ajor­tumik pineqaraangat­ta imaluun­niit ajor­tumik pineqarsorigaangat­ta kamas­sin­naasar­pugut. Angut inuusut­toq kamas­simanini pil­lugu ima oqalut­tuar­poq: “Il­lumit anigama oqar­punga uteq­qin­ngisaan­nar­niarlunga. Aasaq­qip­poq, aq­qusinin­nguak­kul­lu alianaatsuk­kut nipaatsuk­kul­lu ingerlatil­lunga eq­qis­siimiar­tuler­punga. Kingusin­nerusuk­kut angerlar­punga kamas­simanera peq­qis­simis­sutigalugu.” Angut­tut taas­sumatut eq­qis­sisaruit misigis­sutsitit aqus­sin­naan­ngus­savatit, kingusin­nerusuk­kul­lu peq­qis­simis­sutigiumaak­kan­nik iliuuseqar­toor­navian­ngilatit. — Tus­siaat 4:5; Us­satit 14:29; Jaaku 1:19, 20.

⁸ Taavami suli kamak­kuit? Sooq kaman­nerlutit eq­qarsaatigiuk. Naaper­tuil­luan­ngitsumik imaluun­niit inus­siar­niitsumik pineqar­pit? Imaluun­niit isumaqar­pit inuup taas­suma piaaraluni narrujuum­mersin­niarlutit iliuuseqar­toq? Iliuusii ilumut ajoramik? Sooq kaman­nerlutit paasiniaruk­ku paasisin­naavat misigis­sutsin­nik al­lan­nguinis­san­nut najoq­qutas­siat Biibilimeersut suut iluaqutigisin­naanerlugit. Taava Jehovap iluarisaatut iliuuseqarsin­naalis­saatit. (Atuakkit Ussatit 15:28; 17:27). Misigis­sutsitit eq­qarsaatiginagit pis­sutsit piviusut eq­qarsaatigeq­qis­saaruk­kit isumak­keerfigin­neriaan­naanerulis­saatit. Taman­na saper­narsin­naagaluar­toq qanoq misigivin­nersutit paasisin­naaq­qul­lugu Biibili iluaqutigisin­naavat Jehoval­lu isumak­keerfigin­nik­kumanera ilaarusulis­savat. — Hebræerit 4:12.

NARRUJUUMMIS­SUTIGISSAVIUK?

9, 10. (a) Ajor­tumik pineqaraan­ni qanoq periar­toqarsin­naava? (b) Ajual­lajasuun­ngik­kuit isumak­keerfigin­nit­tuuguil­lu ilin­nut qanoq sun­niuteqas­sava?

⁹ Pisut as­sigiin­ngitsor­pas­suit pis­sutigalugit inuk kamas­sin­naavoq. As­sersuutigalugu qanoq pis­savit biiler­til­lutit biiler­tup al­lap apungajap­patit? Inuit ilaat ima kamatsigisar­put biiler­toq saas­sul­lugu. Kristumiuugavil­li il­lit soorunami taama pinavian­ngilatit.

¹⁰ Iliuuseqar­tin­nani eq­qarsaq­qaar­neq pitsaanerus­saaq, im­maqa biiler­til­lutit al­lamut saasar­neqaravit pisooqataavutit. Biiler­torluun­niit al­la biiliminik ajor­nar­torsiuteqar­poq. Inuit al­lat sooq kuk­kunerat paasiniar­tarutsigu, kuk­kuneran­nul­lu pis­sutaasut ilaan­naat nalunagit nas­suerutigisarutsigu isumak­keerfigin­nik­kumasuugut­talu kaman­ngin­nerus­saagut. Ajual­lajasuusariaqan­ngilagut. Oqaluus­sisar­tup oqaasiini 7:9-mi ima al­las­simavoq: “Kamaam­mer­naveersaar­tar­niarit sianiitsut kisimik kamaam­miasuusarmata.” Amerlaner­tigut im­maqa eq­qarsar­tar­pugut al­lat piaaralutik narrujuum­mersin­niarluta iliuuseqar­tut. Kuk­kusoor­tar­pul­li naam­mal­luin­nan­ngitsuugamik. Im­maqaluun­niit uagut qanoq pisoqavin­nersoq paasisiman­ngilar­put. Taamaat­tumik eq­qaamaniaruk al­lap iliuusiinut oqaasiinul­lu pis­sutaasut ilaan­naat ilisimagak­kit. Kajumil­lutit taan­na asan­nit­tuliorfigalugulu isumak­keerfigiuk. Taamaalioruit nuan­naar­nerulis­saatit. — Atuaruk 1 Petrusi 4:8.

‘EQQISSEQQUSSUTIVIT UTERFIGILISIT’

11. Oqaluus­sitil­luta inun­nit qanorluun­niit pineqaraluarut­ta qanoq misigisas­saagut?

¹¹ Oqaluus­sitil­lutit ilin­nut sorraatsoqar­pat qanoq im­minut naalak­kersin­naavit? Jiisusip ajoqersuk­kat 70-ita oqaluus­siar­toq­qugamigit oqarfigai pulaak­katik ima oqarfigis­sagaat: “Il­lu man­na eq­qis­sinarsili!” Imalu nangip­poq: “Tas­saniit­toqar­pal­lu eq­qis­sinermik nuan­narisaqar­tumik taava eq­qis­seq­qus­sutis­si taan­na unin­ngavigis­savaa, taamaat­toqan­ngip­pal­li eq­qis­seq­qus­sutis­si uterfigis­savaasi.” (Lukasi 10:1, 5, 6) Inuit nutaarsias­saq nuan­nersoq oqaluus­sis­sutigisar­put ajun­ngitsumik periarfigigaangas­suk nuan­naar­tar­pugut nalun­ngin­natsigu iluaqutigiumaaraat. Taavami inuit sorraak­kaangata? Jiisusi oqar­poq al­laat taamatut pisoqar­til­lugu eq­qis­sisimas­sasugut. Qanorluun­niit pineqaraluarut­ta qamuuna eq­qis­sisimasin­naasariaqar­pugut pulaagar­put qimal­lugu tul­lianul­lu ingerlaq­qil­luta. Pulaak­kap inus­siar­niin­nera pis­sutigalugu kamaam­merut­ta eq­qis­sineq Jiisusip eq­qaasaa pigiuar­navian­ngilar­put.

12. Paulusip Efesosimiunut 4:31, 32-mi oqaasii naaper­torlugit qanoq ilior­tus­saavugut?

¹² Pis­sutsini tamani, oqaluus­sinermiin­naan­ngitsoq, eq­qis­sisimanis­sat sapin­ngisan­nik sulis­sutigiuk. Al­lanik isumak­keerfigin­nit­tuujumagavit imaan­ngilaq taak­kua eq­qun­ngitsulior­nerat akueris­sagit imaluun­niit al­lanut aliasuutaanera suusupagis­sagit. Isumak­keerfigin­nin­nerli imaap­poq al­lat eq­qun­ngitsulior­nerat pis­sutigalugu narras­simajuas­san­ngitsutit. Qamuuna eq­qis­sisimanis­sat noq­qaas­sutigiuar­tariaqar­pat. Inuit ilaasa ajor­tumik pineqarsimaner­tik puiorusun­ngin­namik­ku qamuuna eq­qis­sisin­naan­ngil­lat. Kaman­nermit aqun­neqaqinak. Al­lanik kamaas­siuaruit pil­lualersin­naan­ngilatit, taamaat­tumik kajumil­lutit isumak­keerfigin­nit­tuugit! — Atuakkit Efesosimiut 4:31, 32.

JEHOVAP ILUARISAATUT ILIORIT

13. (a) Kristumiup qanoq ilil­luni akeraasup niaquanut ‘aamarsuit aamaar­tut katersor­tar­pai’? (b) Uagutsin­nut ajor­tumik pin­nit­tumut saamasuugut­ta qanoq kinguneqarsin­naava?

¹³ Imaas­sin­naavoq kristumiun­ngitsumit ajor­tumik pineqar­tutit. Taamaak­kaluar­torli taan­na Biibilimi ajoqersuutigineqar­tunut soqutigin­nilersis­sin­naavat. Apustili Paulusi ima al­lap­poq: “‘Akeq­qat kaap­pat nerleruk, imerusup­pal­lu im­miguk; taamaalioruit aamarsuit aamaar­tut niaquanut katersorumaar­patit.’ Ajor­tumut ajugaaf­figitin­naveerit, ajor­torli ajugaaf­figiniaruk ajun­ngitsoq atorlugu.” (Romamiut 12:20, 21) Inuit al­lat kamak­kaluar­tut inus­siar­nerfigiguk­kit al­lan­ngorsin­naap­put al­laat inus­siar­nerfigilerlutit. Ilin­nut ajor­tumik pin­nit­tumut paasin­nit­tuul­lutil­lu misigin­neqataasuuguit imaas­sin­naavoq taan­na Biibilimik ilin­niar­nerorusun­nis­saanik kil­lik­kit. Qanorluun­niit pisoqaraluar­pat saamal­lutit inus­siar­nerfigin­nin­nerit pis­sutigalugu inuup taas­suma sooq al­laanerusutit eq­qarsaatigilersin­naavaa. — 1 Petrusi 2:12; 3:16.

14. Sooq al­laat ajor­tumik pineqaraluarlutit isumak­keerfigin­nik­kumasuusariaqar­pit?

¹⁴ Inuit ilaat ilagisar­tus­saan­ngilavut. As­sersuutigalugu ilagiin­nut ilaajun­naarsitaasimasut ilagisar­tus­saan­ngilavut. Taak­kumi ingasat­tumik ajor­tulioreer­nermik kingor­na peq­qis­simin­ngin­namik ilaajun­naarsitaasimap­put. Ajor­tuliorsimasup ingasat­tumik ajor­tuliorsimanera pis­sutigalugu qamuuna an­nersis­simap­patit isumak­keerfigiuminaatsis­sin­naavat, al­laat al­lamik isumataaraluar­pat. Qamuunami an­nersin­neqar­neq qaangeruminaas­sin­naasarmat. Taamatut nalaataqaruit Jehova qin­nuigiuar­tariaqar­pat ajor­tulior­tumut isumak­keerfigin­nit­tooq­qul­lutit. Taman­na pingaaruteqar­poq inuk taan­na qanor­piaq eq­qarsaateqar­nersoq misigisimanersorlu paasivis­sin­naan­ngin­nak­ku. Jehoval­li nalun­ngilaa. Taas­suma inuit ataasiak­kaat uum­mam­miugisaat ilisimavai, ajor­tulior­tul­lu kamagit­tarfigai. (Tus­siaat 7:10; Us­satit 17:3) Taamaat­tuminguna Biibilimi ilin­niar­tin­neqar­tugut inuit al­lat ajor­tumik pis­san­ngik­kivut, al­laat qamuuna an­nersik­kaluaraatigut. Ima al­las­simavoq: “Ajor­toq akileqinasiuk ajor­toqataanik, inun­nul­lu tamanut ajun­ngin­nerusoq eq­qarsaatigisarsiuk. Ajor­nan­ngip­pat — ilis­si aalajangiisuusin­naagus­si — inuit tamaasa eq­qis­seqatiginiarsigit. Nam­mineerlusi akiniaaqinasi, asasak­ka, Guutil­li kamaas­sinera periarfis­sis­siuk — al­las­simasoqarmat: ‘Akiniut pigaara, uanga akiliiumaar­punga,’ oqar­poq Naalagaq.” (Romamiut 12:17-19) Jehovap ilisimasaatut ilisimasaqan­ngilagut, Biibilimilu peq­quneqar­pugut al­lanik eq­qar­tuus­sis­san­ngitsugut. (Mat­thæusi 7:1, 2) Qularutigin­ngil­luin­narsin­naaval­li Jehova naaper­tuil­luar­tumik eq­qar­tuus­siumaar­toq.

15. Uagutsin­nik ajor­tumik pin­nis­simasoq kamaak­kun­naaminis­saanut suna iluaqutigisin­naavar­put?

¹⁵ Ilin­nut naaper­tuil­luan­ngitsumik pin­nit­toq al­lamil­lu isumataarsimasoq isumak­keerfigiuminaatsik­kuk­ku taas­suma unam­miniar­nar­tumik ajor­nar­torsiuteqar­nera eq­qarsaatigis­sal­lugu iluaqutaasin­naavoq. Taan­nami uatsitut naam­mal­luin­nan­ngitsuul­luni inun­ngorsimavoq. (Romamiut 3:23) Jehovap inuiaat naam­mal­luin­nan­ngitsuunerat pis­sutigalugu naak­kit­tarfigai. Taamaat­tumik uagutsin­nik qamuuna an­nersitsisoq qin­nut­tariaqar­par­put. Qin­nuk­kutsigu inuk taan­na kamaak­kun­naamisin­naavar­put. Jiisusi paatsuugas­saan­ngitsumik oqar­poq al­lanik ajor­tumik pineqaraluarut­taluun­niit kamaas­siuaan­nas­san­ngitsugut. Ima oqar­poq: “Akeq­qasi asasigit, ilis­sin­nil­lu qinugin­nit­tut qin­nus­sigit.” — Mat­thæusi 5:44.

16, 17. Utoq­qaaner­tat naliliip­pata ajor­tuliorsimasoq peq­qis­simisoq il­lit qanoq perias­savit, aam­ma sooq?

¹⁶ Jehovap kristumiut utoq­qaaner­tat ingasat­tumik ajor­tuliorsimasoq peq­qis­siminersoq peq­qis­simin­ngin­nersorluun­niit naliliinis­saan­nut akisus­saaf­filersimavai. Utoq­qaaner­tat Guutip ilisimasaatut ilisimasaqan­ngin­namik aalajangiigaangamik anersaaq il­ler­nar­toq ikior­tigalugulu Biibili tun­ngaviginiar­tar­paat. Taamaat­tumik aalajangiiniar­nermin­ni Jehova qin­nuigigaangas­suk qularutigin­ngis­sin­naavar­put aalajangiinerat Jehovap eq­qarsar­taasianut naaper­tuut­tuusoq. — Mat­thæusi 18:18.

¹⁷ Ilumoorfigin­nit­tuunis­sar­put pingaaruteqangaar­poq. Jehova ajun­ngin­ner­paamik aaq­qiisar­toq tatigisariaqar­par­put utoq­qaaner­tal­lu aalajangiinerat akuerisariaqarlugu. Utoq­qaaner­tat naliliip­pata inuk peq­qis­simisoq taan­na isumak­keerfigis­saviuk asal­lugulu paasitil­lugu? (2 Korinthimiut 2:5-8) Taman­na saper­narsin­naavoq ingam­mik il­lit ilaqut­tatil­luun­niit ajor­tuliorsimaneranit eq­qugaasimagus­si. Jehova tatigiguk­ku ilagiin­nilu ajor­nar­torsiutinik aaq­qeeriaasia tutsuigiguk­ku eq­qor­tumik ilius­saatit. Taamaalioruit il­lit al­lanik kajumil­lutit isumak­keerfigin­nik­kusun­nerit ersersis­savat. — Us­satit 3:5, 6.

18. Isumak­keerfigin­nik­kusut­tuunerit qanoq iluaqutigisin­naaviuk?

¹⁸ Isumak­keerfigin­nit­tuuner­put iluaqutigingaas­savar­put. Kamaas­siun­naarut­ta aliasuk­kun­naarut­talu iluaal­las­saagut. Aam­ma inun­nut al­lanut at­taveqar­nitsin­ni iluaqutaas­saaq. Isumak­keerfigin­nik­kusun­ngik­kut­tali peq­qiil­liuutigalugulu stres­sis­sutigisin­naavar­put, al­lanul­lu at­taveqar­nitsin­nut taman­na ajoqusiisin­naavoq. Isumak­keerfigin­nit­tuunitsin­ni pil­luaq­qus­sut an­ner­paaq tas­saavoq Ataatatsin­nut qilam­miusumut, Jehovamut, at­taveqarluarsin­naaner­put. — Atuakkit Kolossemiut 3:12-14.