Ilaquttatit soraajuitsumik siunissaqalersikkit

1. Jehovap ilaqutariin­nik aaq­qis­suus­saq sumik siuner­taqarfigaa?

JEHOVAP Adam Evalu katitim­magit Adamip nuan­naar­nini taal­liar­palaar­tumik oqaatigaa, oqaasiilu taak­ku taal­liat hebriiarisuut nas­saas­saasut pisoqaaner­paar­taraat. (1 Moses 2:22, 23) Pin­ngor­titsisul­li meeq­qami nunamiusut nuan­naar­nis­saan­naat eq­qarsaatigisiman­ngilaa. Aap­pariin­neq ilaqutariin­nil­lu aaq­qis­suus­saq siuner­taqarfigai. Aap­pariit siul­liit ima peq­quneqar­put: „Kinguaas­siorlusi amerliar­toritsi nuna tamak­kerlugu ilis­sin­nul­lu naalatsigitil­lugu; naalagaagitsilu aalisak­kanut im­mamiit­tunut tim­mis­sanul­lu qilaap ataaniit­tunut nersutinul­lu nunami aalasunut tamanut.“ (1 Moses 1:28) Tas­sani sulias­saq an­ner­tooq nalerisimaar­nar­torlu pineqar­poq. Adam Evalu taak­kualu kinguaas­saat naalal­lutik Jehovap piumasaatut iliorsimasuugunik as­sut pil­luarlutik inuusimas­sagaluar­put.

2, 3. Ul­lumik­kut ilaqutariit qanoq ilil­lutik pil­luar­neq an­ner­paaq angusin­naavaat?

² Ul­lumik­kut­taaq ilaqutariit Guutip piumasaatut ilior­niarlutik suleqatigiit­tut pil­luar­ner­paasar­put. Apustili Paulus ima al­las­simavoq: ’[Guutimut tun­niusimaneq, NV] sunut tamanut iluaqutaavoq inuunermut matumun­nga piumaar­tus­samul­lu atasumik un­nersuum­mik ilaqarami.’ (1 Timûtiuse 4:8) Ilaqutariit Guutimut tun­niusimanermik ersersitsisut Jehoval­lu siulersuineranik Biibilimi ersersin­neqar­tumik malin­nit­tut ’inuunermi matumani’ pil­luarlutik inuusar­put. (Tus­siaat 1:1-3; 119:105; 2 Timûtiuse 3:16) Ilaqutariin­ni ataasiin­narluun­niit Biibilimi najoq­qutas­sianik maleruaap­pat taamaat­toqan­ngin­neranit pitsaanerusumik ingerlasoqarsin­naavoq.

³ Atuak­kami matumani Biibilimi najoq­qutas­siar­pas­suit ilaqutariit­tut pil­luarluni inuunis­samut iluaqutaasin­naasut sam­mereer­pavut. Qular­nan­ngitsumik malugisimavat najoq­qutas­siat ilaat arlaleriarlutik uter­neqar­tar­tut. Taamaap­poq sal­lusuis­sutsit kimit­tuut ilaqutariin­niit­tunut tamanut sor­pas­suar­tigut iluaqutaasin­naasut pineqarmata. Ilaqutariit najoq­qutas­sianik Biibilimiit­tunik tamak­kunin­nga sapin­ngisamin­nik atuiniar­tut paasilis­savaat Guutimut tun­niusimaneq ilumut ’inuunermut matumun­nga neriorsuum­mik imaqar­toq’. Najoq­qutas­siat pingaar­tut tamak­ku ilaat sisamat uteq­qeriar­tigik.

IMMINUT NAALAKKERSIN­NAANERUP NALEQASSUSIA

4. Sooq aap­pariin­nermi im­minut naalak­kersin­naas­suseqar­neq taama pingaar­tigaa?

⁴ Kun­ngi Salomon ima oqarsimavoq: „Il­loqarfit­tut aseruk­katut qarmaajak­katut ip­poq angut im­minut naalak­kersin­naas­suseqan­ngitsoq.“ (Us­satit 25:28; 29:11) Aap­pariit­tut pil­luarlutik inuujumasut im­minut naalak­kersin­naas­suseqar­tariaqar­put. Misigis­sutsit ajoqutaasut soorlu kaman­neq, imaluun­niit kinguaas­siuutitigut ingasat­tumik il­ligus­suseqar­neq, aqus­sin­naan­ngik­kaan­ni ajoqusiiner­nik aaq­qiiniar­neq ukiunik sivisus­suseqarsin­naavoq, aaq­qin­neqarsin­naas­sap­pata.

5. Inuit naam­mal­luin­nan­ngitsut qanoq ilil­lutik im­minut naalak­kersin­naas­sutsimik ineriar­tor­titsisin­naap­pat, taman­nalu iluaqutaasunik sunik kinguneqas­sava?

⁵ Soorunami Adamip kinguaavisa arlaan­naal­luun­niit timiminut naam­mal­luin­nan­ngitsumut tamak­kiisumik naalak­kersuisin­naan­ngilaq. (Rûmamiut 7:21, 22) Im­minul­li naalak­kersin­naaneq anersaap inerititaanut ilaavoq. (Galâsiamiut 5:22, 23) Guutip anersaavata im­minut naalak­kersin­naanermik ineriar­tor­titsinis­satsin­nut ikius­savaatigut pis­suseq taman­na qin­nutigisarutsigu, un­nersuus­sutit pitsaasut Biibilimiit­tut maleruarutsigik, al­lanik im­minut naalak­kersin­naanermik ersersitsiniar­tar­tunik peqateqar­tarut­ta taamatul­lu iliun­ngitsunik peqateqar­naveersaar­tarut­ta. (Tus­siaat 119:100, 101, 130; Us­satit 13:20; 1 Pîtruse 4:7) Us­ser­nar­torsiulis­sagaluarut­ta ’uersaanerup’, kan­ngunar­tulior­nerup, ’qimarratiginis­saanik’ tamatuma ikius­savaatigut. (1 Korintumiut 6:18) Im­minut naalak­kersin­naanerup nakuuser­naveersaar­tis­savaatigut, imigas­samil­lu ator­nerluinermik ajugaaf­figin­nin­nis­samut imaluun­niit ingalas­siman­nin­nis­samut ikius­sal­luta. Kamas­saar­neqarut­ta imaluun­niit ajor­nar­torsior­titaagut­ta eq­qis­sisimanerusumik pisin­naas­saagut. Tamat­ta, aam­ma meeq­qat, Guutip anersaavata inerititaata pingaar­tup tamatuma ineriar­tor­tin­nis­saa ilin­niar­niar­tigu. — Tus­siaat 119:1, 2.

SIULERSORNEQAR­NERMUT ISUMA EQQORTOQ

6. (a) Siulersuinermut Guuti qanoq najoq­qutas­siaqar­pa? (b) Uiusup siut­tuunini ilaqutariin­nut pil­luaataas­sap­pat suut eq­qaamasariaqar­pai?

⁶ Al­la pingaar­toq tas­saavoq siulersuinermut najoq­qutas­siap akuerinis­saa. Qanoq it­tus­saanera Paulusip ima al­laatigaa: ’Imaat­tumik ilisimaq­quas­si, angutip kialuun­niit Kristus niaqorigaa, ar­nal­lu angut niaqorigaa, Kristusil­lu Guuti niaqorigaa.’ (1 Korintumiut 11:3) Tas­sa angut ilaqutariin­ni siut­tuusus­saavoq, nuliata ilumoorfigin­nil­luni tapersersor­tus­saavaa meeq­qal­lu angajoq­qaamin­nut naalat­tus­saap­put. (Evfisumiut 5:22-25, 28-33; 6:1-4) Malugisariaqar­porli taamatut siulersuineq eq­qor­tumik ator­neqaruni nuan­naar­nermik kinguneqaan­nar­tarmat. Uiusut Guutimut tun­niusimasut nalun­ngilaat naalagarsior­titsisus­saanatik. Jesus, ’niaqor­tik’, ilaar­paat. Naak Jesus ’tamanit an­nerutitaal­luni niaquutitaagaluarluni’ tikius­siman­ngilaq ’kif­far­torfigeq­qul­luni, kisian­ni kif­far­tus­sal­luni’. (Evfisumiut 1:22; Matîuse 20:28) Aam­ma kristumiup uiusup oqar­tus­saas­sutsini nam­mineq iluaqutis­saminik ator­neq ajor­paa, nuliaminul­li meeq­qaminul­lu isumas­suinis­samut ator­tarlugu. — 1 Korintumiut 13:4, 5.

7. Nuliaasup ilaqutariin­ni Guutip im­minut inis­sisimaf­figititaanik eq­qor­titsiniar­nermini Biibilimi najoq­qutas­siat suut iluaqutigisin­naavai?

⁷ Nuliaasup Guutimut tun­niusimasup uini unam­miniar­tan­ngilaa ilaqutariin­niluun­niit naalak­katut pis­susilersor­niar­tarani. Nuan­naarluni uini tapersersor­tar­paa suleqatigisarlugulu. Nuliaq uiminit pigineqar­tutut Biibilimi ilaatigut eq­qar­tor­neqar­tar­poq, taman­nalu ersersitseqataavoq uini ’niaqorigaa’. (1 Moses 20:3, NV) Ar­naq katik­kuni ’ueqar­nermik inatsisaasut’ ataan­niilis­saaq. (Rûmamiut 7:2) Aam­mat­taaq nuliaasoq Biibilimi taaneqar­poq ’ikior­timik’ aam­ma ’tul­luar­tumik’. (1 Moses 2:20) Ar­naq angutip pigin­ngisaanik pis­suseqarlunilu pigin­naaneqar­poq, taas­sumun­ngalu pisariaqar­tumik tapersersuisar­poq. (Us­satit 31:10-31) Kiisalu nuliaasoq Biibilimi taaneqar­poq angutip ’angerfigeqatigisaanik’, uiminut isumaqataal­luni suleqataasoq. (Malaki 2:14) Biibilimi najoq­qutas­siat tamak­kua uiusoq nuliaasorlu tamarmik im­mik­kut inis­sisimaf­fiinik paasitit­tar­paat, eq­qor­tumil­lu ataq­qeqatigiin­nis­saan­nik ikior­tarlugit.

’TUSARASUARTARIT’

8, 9. Najoq­qutas­sianik ilaqutariin­niit­tut tamarmik at­taveqatigiil­luarsin­naaler­nis­samin­nut iluaqutigisin­naasaan­nik taasaqarit.

⁸ Am­masumik at­taveqatigiin­neq atuak­kami matumani erseq­qis­sar­neqakulasunut ilaavoq. Taamaap­poq oqaloqatigiil­luar­taraan­ni tusar­naarluar­taraan­nilu suut tamarmik ajun­ngin­nerusumik ingerlasarmata. Ajoqersuk­kap Jakobip taman­na ima oqaatigisimavaa: ’Inuk kinaluun­niit tusarasuarluni pili oqaluk­kumaar­ner­tul­lunilu.’ — Jâko 1:19.

⁹ Aam­ma qanoq oqalut­tar­nit­ta eq­qumaf­figinis­saa pingaar­torujus­suuvoq. Oqaatsit isumaliutigeq­qaagaan­ngitsut, akerliuniar­palut­tut imaluun­niit isor­nar­torsiuer­palaar­tut at­taveqatigiil­luar­nermut siuarsaataan­ngil­lat. (Us­satit 15:1; 21:9; 29:11, 20) Oqaatsit ilumooraluar­tut peq­qar­niitsumik, makitar­palut­tumik misigit­taap­palut­tumil­lu oqaatigineqarunik ajoqutaagin­nas­sap­put. Pis­suseris­sumik periaaseqar­tariaqar­pugut ’tarajorsimasunil­lu oqaaseqar­tariaqarluta’. (Kulorsamiut 4:6) Oqaatsivut „„puugutaasat sølviusut iipiliusar­taat­tut kuultiusutut“ it­tariaqar­put. (Us­satit 25:11) Ilaqutariit at­taveqatigiil­luar­nis­samin­nik ilik­kar­tut ilaqutariit­tut pil­luarlutik inuuler­nis­samin­nut ungasin­ngil­lat.

ASANNINNERUP PINGAARUTEQASSUSIA

10. Asan­nin­neq qanoq it­toq aap­pariin­nermi pingaar­tuua?

¹⁰ Oqaaseq „asan­nin­neq“ atuak­kami matumani utikulaneqaqaaq. Eq­qaamaviuk asan­nin­neq qanoq it­toq pingaar­ner­paamik pineqar­toq? Ilumoor­poq ajuutigiil­luni asaqatigiin­neq (griikerisut: eʹros) aap­pariin­nermi pingaar­tuum­mat, pil­luar­nar­tumil­lu aap­pariin­nermi uiusup nuliaasul­lu akor­nan­ni tun­niusimaqatigiil­luin­nar­neq qanimul­lu ikin­ngutigiin­neq (griikerisut: filiʹa) pilersarmata. Asan­nin­nerli griikerisut agaʹpē-mik taaguutilik suli pingaar­neruvoq. Tas­saavoq asan­nin­neq Jehovamut, Jesusimut tul­litsin­nul­lu ineriar­tor­tit­tagar­put. (Matîuse 22:37-39) Asan­nin­neq taman­na aam­ma tas­saavoq Jehovap inun­nut ersersit­tagaa. (Juánase 3:16) Ilaa nuan­neq eq­qarsaatigalugu asan­nin­neq taamatorluin­naq it­toq aap­patsin­nut meeq­qatsin­nul­lu ersersis­sin­naagip­put? — 1 Juánase 4:19.

11. Asan­nin­neq aap­pariin­nermi qanoq iluaqutaasar­pa?

¹¹ Asan­nin­neq qutsis­sisitaasoq taman­na aap­pariin­nermi tas­saavoq ’iluarluin­nas­sutsip nimia’. (Kulorsamiut 3:14) Ner­ngup tamatuma aap­pariit kat­tutsit­tar­pai aam­ma aap­parmin­nut meeq­qamin­nul­lu iluaqutaaner­paasus­samik ilior­nis­samik kis­saateqalersit­tarlugit. Ilaqutariit ajor­nar­torsiuler­pata ajor­nar­torsium­mik aaq­qiiniar­neran­ni asan­nin­nerup ataasius­suseqar­tis­savai. Aap­pariit utoq­qalip­pata asan­nin­nerup tapersersoqatigiisit­tuas­savai im­min­nul­lu pingaar­teqatigiisit­tuas­sal­lugit. ’Asan­nit­toq . . . nam­minis­saminik piniar­tarin­ngilaq . . . Tamatigut kamagin­nit­taraaq, tamatigut up­peraraaq, tamatigut neriut­taraaq, tamatigut ilalaararaaq.’ — 1 Korintumiut 13:4-8.

12. Sooq aap­pariit Guutimut asan­nin­nerat aap­pariin­neran­nik aalajaal­lisitsisar­pa?

¹² Aap­pariin­neq ingam­mik nukit­tuujusar­poq aap­pariit asaqatigiin­neran­nit piin­narani pingaar­ner­paamik Jehovamut asan­nin­neran­nit aalajaaqutser­neqarsimagaangami. (Nalunaajaasup oqaasii 4:9-12) Sooq? Apustili Johan­nes ima al­las­simavoq: ’Guutimim­mi asan­nin­neq tas­saavoq inas­sutai maleruarutsigik.’ (1 Juánase 5:3) Taamaat­tumik aap­pariit meeq­qatik Guutimut tun­niusimanermik ersersitsinis­saan­nut perorsas­savaat, taak­kunun­nga asan­nin­ner­tik pis­sutigiin­nar­nagu, Jehoval­li taamatut peq­qusinera pis­sutigalugu. (5 Moses 6:6, 7) Kan­ngunar­tulior­neq nigor­ter­tariaqar­paat — asaqatigiin­ner­tik pis­sutigiin­nar­nagu, pingaar­ner­paamil­li Jehovamik, ’uersaasunik ar­naaneqar­tunil­lu eq­qar­tuus­siumaar­tumik’, asan­nin­ner­tik pis­sutigalugu. (Eprîarit 13:4) Al­laat aap­paasoq aap­pariin­nermi an­ner­tuumik ajor­nar­torsior­titsigaluar­pat, aap­paata Jehovamik asan­nin­nini pis­sutigalugu Biibilimi najoq­qutas­siat maleruar­tuaan­narumas­savai. Ilaqutariit asaqatigiin­nerat Jehovamik asan­nin­neran­nit aalajaal­lisin­neqar­pat pil­luar­nis­samin­nut pis­sutis­saqas­saqaat!

ILAQUTARIIT GUUTIP PIUMASAATUT ILIORTUT

13. Guutip piumasaatut ilior­nis­satsin­nik aalajangiusiman­nin­ner­put qanoq ilil­luta pingaar­nerusunut sam­miuar­nis­satsin­nut iluaqutigisin­naavar­put?

¹³ Kristumiutut inuunerup tamarmi Guutip piumasaatut ilior­neq qiteraa. (Tus­siaat 143:10) Taamaalior­nik­kut Guutimut tun­niusimaneq erser­tar­poq. Ilaqutariit Guutip piumasaatut iliorunik inuunermin­ni pingaar­nerusunut sam­miuarsin­naas­sap­put. (Filípimiut 1:9, 10) As­sersuutigalugu, Jesus ima oqarsimavoq: ’Tikiup­punga inuk as­suarlersis­sal­lugu angutaanut panil­lu ar­naanut ukuarlu sakianut, inuul­lu il­loqatini qin­ngarsor­tigis­savai.’ (Matîuse 10:35, 36) Jesusip siulit­tuisimaneratut ajoqersugaasa ilar­pas­sui nam­min­neq ilaqut­tamin­nit qinugineqar­tarsimap­put. Taamatut pisoqaraangat pis­sutsit amerlasuunut naal­liuutaasut pilersar­put. Ilaqutariit­tul­li nimit Jehova Guutimut Jesus Kristusimul­lu asan­nin­nitsin­nit nukit­tunerusariaqan­ngil­lat. (Matîuse 10:37-39) Ilaqut­tanit akerlilersor­neqaraluarluni nikal­lujuit­tuaan­naraan­ni imaas­sin­naavoq akerlilersuisut Guutimut tun­niusimanerup kinguneri pitsaasut takusin­naalerunik­kik isumaat al­lan­ngor­toq. (1 Korintumiut 7:12-16; 1 Pîtruse 3:1, 2) Taamatul­luun­niil­lu pisoqan­ngik­kaluar­toq, ajun­ngitsorsias­sat ataavar­tut anguneqarsin­naan­ngil­lat akerlilersuineqaler­pat Guutimut kif­far­torun­naaraan­ni.

14. Angajoq­qaat Guutip piumasaatut ilior­nis­samin­nik kis­saateqar­ner­tik qanoq ilil­lutik meeq­qamin­nut pitsaaner­paamik ilior­niar­nermin­ni iluaqutigisin­naavaat?

¹⁴ Guutip piumasaatut iliorunik angajoq­qaat eq­qor­tunik aalajangiisin­naasas­sap­put. Inuiaqatigiit ilaan­ni meeq­qat siunis­sami isumal­luutis­satut isigeq­qajaaneqar­tar­put, naatsorsuutigalugu utoq­qaligunik meeq­qamik pilersus­sagaatik. Naak qitor­nat inersimasut angajoq­qaamin­nik utoq­qalisunik isumagin­nin­nis­saat pis­susis­samisooraluar­toq, taamaat­toq angajoq­qaat meeq­qatik timip piisigut piumaf­figiniin­nar­tariaqan­ngilaat. Meeq­qat timip piinik anersaap piinit pingaar­nerutitsiler­nis­saan­nut perorsaraan­ni taak­kunun­nga iluaqutaan­ngilaq. — 1 Timûtiuse 6:9.

15. Timoteusip anaanaa, Eunike, Guutip piumasaatut ilior­neq eq­qarsaatigalugu qanoq maligas­siuil­luarsimava?

¹⁵ Eunike, Paulusip suleqataata inuusut­tup Timoteusip anaanaa, tamatumani maligas­siuil­luarsimavoq. (2 Timûtiuse 1:5) Eunike up­pin­ngitsumik ueqar­poq, taamaak­kaluar­torli anaanani, Lois, peqatigalugu Timoteus Guutimut tun­niusimanermik noq­qaas­sutigin­nit­tun­ngor­nis­saanut perorsaramiuk iluatsitsivoq. (2 Timûtiuse 3:14, 15) Timoteus naam­mat­tumik utoq­qaas­suseqalermat aal­lar­nis­saa Eunikep akueraa, taamaalil­luni Paulus ilagalugu ajoqersuiar­tor­titatut nutaarsias­samik nuan­nersumik oqaluus­sis­sutigin­nik­kiar­torsin­naalerluni. (apustilit suliait 16:1-5) Nuan­naarsimas­saqaaq er­nini ajoqersuiar­tor­titan­ngormat pik­koris­soq. Inersimasutut Guutimut tun­niusimas­susia meeraanermini inuusut­tuunerminilu ajoqersor­neqarsimaneranut pitsaasumut takus­sutis­saavoq. Aam­ma Timoteusip aalajaal­luni kif­far­tor­neranit nalunaarutit tusaraangamigit Eunike nuan­naar­tarsimas­saqaaq, naak qular­nan­ngitsumik maqaasisaraluarlugu. — Filípimiut 2:19, 20.

ILAQUTARIIT ILLILLU SIUNISSAT

16. Jesusip anaanani qanoq eq­qor­tumik isumas­sorsimavaa, sunali pingaar­ner­paatis­simavaa?

¹⁶ Jesus ilaqutariin­ni Guutimik mianerin­nit­tuni peroriar­torsimavoq, inersimasun­ngoramilu anaanani eq­qor­tumik isumas­sorsimavaa. (Lúkarse 2:51, 52; Juánase 19:26) Taamaak­kaluar­torli Jesusip pingaar­ner­paatis­simavaa Guutip piumasaata naam­mas­sinis­saa, ilaatigut inuit naas­saan­ngitsumik inuuler­nis­saan­nut periarfis­sin­nis­saat. Taamaalior­poq inut­tut inuunermi naam­mal­luin­nar­tup inuiaat ajor­til­lit pil­lugit pil­liutigineratigut. — Mákorse 10:45; Juánase 5:28, 29.

17. Jesusip aalajaal­luni inuusimanera pis­sutigalugu Guutip piumasaatut ilior­tut qanoq nuan­neqisumik siunis­saqalersimap­pat?

¹⁷ Toqunerata kingor­na Jehovap Jesus qilam­mut makitip­paa an­ner­tuumil­lu oqar­tus­saas­susilerlugu, kingor­nalu naalagaaf­fim­mi qilam­miit­tumi kun­ngin­ngor­til­lugu. (Matîuse 28:18; Rûmamiut 14:9; sarĸúmersitat 11:15) Jesusip pil­liutaatigut ajor­narun­naar­poq inuit ilaasa naalagaaf­fim­mi tamatumani naalak­kersueqataasus­san­ngor­nis­saat. Aam­malu inuiaat eq­qor­tumik isumal­lit nunarsuarmi paratiiser­palaar­tun­ngoq­qis­simasumi naam­mal­luin­nar­tuul­lutik inuusin­naaler­nis­saat tas­suunak­kut aq­qutis­siuun­neqar­poq. (sarĸúmersitat 5:9, 10; 14:1, 4; 21:3-5; 22:1-4) Nutaarsias­samik tamatumin­nga inoqatitsin­nut oqalut­tuus­sisin­naaner­put ul­lumik­kut im­mik­kut pisin­naatitaaf­fit­ta an­nerit ilaagaat. — Matîuse 24:14.

18. Ilaqutariit­tut inut­tul­lu ataasiak­kaatut qanoq eq­qaasin­neqarlutalu qiim­maal­laatis­sin­neqar­pugut?

¹⁸ Guutimut tun­niusimal­luta inuugut­ta apustilip Paulusip erseq­qis­saatigisaatut inuunermi ’piumaar­tus­sami’ pil­luaq­qusaanis­sat qilanaarisin­naas­savavut. Taman­na pil­lualer­nis­samut aq­qutaavoq pitsaaner­paaq! Eq­qaamajuk ’silarsuaq pilerinar­tuilu nungujar­tormata, Guutil­li peq­qusaanik naam­mas­sin­nit­toq naas­saan­ngitsumik atas­sam­mat’. (1 Juánase 2:17) Taamaat­tumik meeraaguit, angajoq­qaajuguit, uiuguit, nuliaaguit inersimasuuguil­luun­niit meeralik meeraqan­ngitsorluun­niit, Guutip piumasaatut ilior­niarlutit ilungersor­tariaqar­putit. Al­laat tatineqar­nin­ni ajor­nar­torsior­titaanin­niluun­niit puiun­ngisaan­nas­savat Guuti uumasoq kif­far­tuuk­kak­ku. Jehovamut nuan­naarutaasunik iliuuseqar­tarit. (Us­satit 27:11) Taava inooriaatsit ul­lumik­kut pil­luar­nermik silarsuas­samilu nutaami inuunermik naas­saan­ngitsumik kinguneqas­saaq!