Ullut tamaasa Guuti ilinnut oqalutsittarpiuk?

QANOQ tarrarsukulatigivit? Amerlanersavut ul­lut tamaasa — aap, im­maqa ul­lormut arlaleriarluta. Sooq? Qanoq isik­koqar­ner­put soqutigigatsigu.

Biibilimik atuar­neq tarrarsor­nermut as­sersuun­neqarsin­naavoq. (Jaaku 1:23-25) Tusarlius­saq Guutip oqaasianeersoq uagutsin­nut sun­niut­tar­poq qanor­piaq it­tuunitsin­nik paasisin­naalersil­luta. “Maggut­tar­poq avis­saar­til­lugu tar­neq anersaamit.” (Hebræerit 4:12) Al­latut oqaatigalugu inut­tut qanoq it­toor­pasin­ner­put qamuunalu qanoq it­tuuner­put tusarlius­samit ‘avis­saar­tin­neqar­tar­put’. Paasitit­tar­paatigut, soorlu tarrarsoraangat­ta paasisarip­put, suut aaq­qit­tariaqar­nerivut.

Sutigut al­lan­nguisariaqar­nersugut Biibilimi qulaar­neqaan­nar­nani, aam­mali taan­na al­lan­nguinis­satsin­nut iluaqutigisar­par­put. Apustili Paulusi ima al­lap­poq: “Al­lak­kat Guutimit anersaarfigineqar­tut tamarmik iluaqutaap­put ajoqersuinermut, up­per­narsaanermut, ilitsersuinermut iluar­nermul­lu perorsaanermut.” (2 Timotheusi 3:16, 17) Malugiuk iluaqutis­sar­taasa sisamaasut uani erseq­qis­sar­neqar­tut ilaan­nut marlun­nut — tas­sa ilitsersor­neqar­nermut perorsar­neqar­nermul­lu — ilaam­mat isigin­nit­taasitsigut inooriaasitsigul­lu al­lan­nguisariaqar­ner­put. Isik­kut­ta ip­pin­naateqan­ngin­nera qulak­keer­niarlugu tarrarsukulasariaqarut­ta Guutip oqaasianik atuakulanis­sar­put pisariaqar­tin­nerungaas­savar­put!

Jehovap Guutip Josva Israelik­kun­nik siulersuisus­satut toq­qareerlugu ima oqarfigaa: “Inatsisit al­las­simaf­fiat taan­na qarlun­niitit­tuas­savat; ul­luk­kut un­nuak­kul­lu eq­qarsaatigiuaan­naruk tas­sanilu al­las­simasut tamaasa maleruaq­qis­saarlugit; taava iluatsitsil­luas­saatit pil­luarumaarlutil­lu.” (Josva 1:8) Aap, Josva ‘iluatsitsil­luas­saguni’ “ul­luk­kut un­nuak­kul­lu”, tas­sa aalajangersimasumik, Guutip oqaasianik atuar­tariaqarlunilu eq­qarsaatigin­nit­tariaqar­poq.

Aalajangersimasumik Biibilimik atuar­tar­nerup iluaqutis­sar­tai aam­ma Tus­siaam­mi siul­lermi ima ersersin­neqar­put: “Pil­luar­poq iluaatsut siun­nersuutaat malil­lugit inuun­ngitsoq, ajor­tulior­tut aq­qutaatiguun­ngitsoq, mitaatil­liisul­lu akor­nan­nut ingif­fis­sin­ngitsoq, kisian­ni [Jehovap] inatsisaanik nuan­narisaqar­toq inatsisaalu eq­qarsaatigalugit ul­luk­kul­lu un­nuak­kul­lu. Taas­suma as­sigaa or­pik kuun­nguup kil­lingani ik­kun­neqarsimasoq; inerititaqarfis­samigut inerititaqar­tar­poq toqujuitsunil­lu pilutaqarluni. Qanoq ilior­nermini tamani iluatsitsisaraaq.” (Tus­siaat 1:1-3) Soorunami kis­saatigaar­put angutitut taas­sumatut it­tuunis­sar­put.

Amerlasuut ul­lut tamaasa Biibilimik atuar­neq ileq­qoraat. Angut aperineqarami sooq ul­lut tamaasa Biibilimik atuar­tar­nerluni, ima akivoq: “Ul­lup ingerlanerani arlaleriarlunga Guutimut qinusaruma naatsorsuutigis­saguk­kulu tusar­naar­tas­sagaanga, aam­ma uanga ul­lut tamaasa Guutip oqaasianik atuar­nik­kut taas­sumun­nga tusar­naar­tariaqar­punga, ilaa? Ikin­ngutaal­luarumagut­ta ikin­nguter­put oqan­ngitsoor­til­lugu oqaluin­naavin­navian­ngilagut, ilaa?” Ilumut. Biibilimik atuar­neq Guutimut tusar­naar­ner­tut ip­poq, taamaalior­nik­kum­mi Guutip as­sigiin­ngitsunut isigin­nit­taasia paasisar­par­put.

Qanoq iliortoqarsinnaasoq

Im­maqa Biibilimik atuar­nermut pilersaarut malin­niarsarereer­pat. Biibili aal­laq­qaataanit naggataanut tamaat atuareer­piuk? Taman­na imarisaanik ilisimasaqaler­nis­samut periaasiuvoq pitsaasoq. Inoqar­poq Biibili naal­lugu atuarusut­tunik, arlaleriarlutil­lu aal­lar­tit­taraluarlutik, aal­lar­tik­kaangamik sivitsun­ngitsoq pilersaaruter­tik malik­kun­naar­tar­paat. Ilisar­nar­pa? Biibili naal­lugu atuar­niarlugu qanoq iliorsin­naavit? Soormi siun­nersuutit tul­liut­tut marluk malik­kuk­kit?

Ullup ingerlanerani qanoq innikkut Biibilimik atuartarnissat pilersaarusioruk. Qaquguk­kut Biibilimik atuar­tar­nis­sat ilimanar­nerusoq eq­qarsaatigeriarlugu pif­fis­saq taan­na aalajangiuguk. Arlaan­nim­mi pis­suteqarlutit pif­fis­sami tamatumani Biibilimik atuarsin­naan­ngik­kuit? Taava pif­fis­sami al­lami atuar­nis­sat siumut eq­qarsaatigereeruk ul­loq ataasiin­narluun­niit Biibilimik atuan­ngitsoorumanak. Taamaalil­lutit itsaq Berøamiut ilaas­savatit. Taak­ku pil­lugit ima al­las­simavoq: “Oqaaseq kajumeqalutik ilas­sivaat, ullullu tamaasa Al­lak­kat misis­suif­figisar­paat paasiniarlugu ilumut taamaan­nersut.” — Apustilit Suliaat 17:11.

Aalajangersimasumik anguniagaqarit. As­sersuutigalugu ul­lormut kapitalit 3-5 atuar­taruk­kit ukiup ataatsip ingerlanerin­naani Biibili tamaat atuarsin­naavat. Qanoq ilior­toqarsin­naaneranik pilersaarut Napasuliaq Alapernaarsuiffik 1. novembari 2010-moor­tumi, qup­per­ner­ni 23-26-mi takusin­naavat. Soormi pilersaarut taan­na malin­niarlugu aalajangiuk­kuk­ku? Qulequt­tap “Ul­loq”-ip ataani kapitalit tul­leriik­kuutaat qaqugu atuar­niar­nerlugit al­las­sin­naavat. Kapitalit tul­leriik­kuutaat atuareeraangak­kit qup­per­nerup taler­piata tungaani nalunaaqutsiisarsin­naavutit. Taamaalioruit sumut kil­lin­nerlutit malin­naaf­figiuarsin­naavat.

Biibili naal­lugu atuareeruk­ku sooq atuar­tarun­naas­saviuk? Pilersaarut taan­na ukiut tamaasa atorsin­naavat, im­maqa qulequtaaq­qaniit as­sigiin­ngitsuniit aal­lar­tit­tarlutit. Imaluun­niit Biibili arriin­nerusumik atuarusuk­kuk­ku kapitalit tul­leriik­kuutaat ataatsit atuar­neran­nut ul­lut marluk pingasul­luun­niit atorsin­naavatit.

Biibilimik atuar­nerit tamaasa inuunin­ni atorsin­naasan­nik al­lanik — sior­natigut malugin­ngisaan­narsimasan­nik — malugisaqar­tas­saatit. Sooq? ‘Silarsuup matuma pis­susia nikit­tarmat’, aam­ma inuuner­put pis­sutsil­lu atuk­kavut al­lan­ngorar­tuarmata. (1 Korinthimiut 7:31, NV) Taamaat­tumik ul­lut tamaasa Guutip oqaasianut, Biibilimut, ‘tarrarsor­tar­nis­sat’ aalajangiuguk. Taamaalior­nik­kut ul­lut tamaasa Guuti ilin­nut oqalutsitas­savat. — Tus­siaat 16:8.