Uniinnaqinak!

1. Suna nuan­naarutigalugulu tul­luusimaarutigisar­par­put?

JEHOVAP NALUNAAJAASUINUT ilaaner­put nuan­naarutigalugulu tul­luusimaarutigaar­put! Guutip aq­qa taaguutigaar­put, Nalunaajaasuuner­pul­lu oqaluus­sinermi ajoqersugan­ngor­titsior­tor­nermilu peqataasar­nik­kut ersersit­tar­par­put. ‘Eq­qor­tumik pis­sutiginiagaqarluni naas­saan­ngitsumik inuuneqalerusut­toq’ (NW) Nalunaajaasun­ngor­nis­saanut ikiorsin­naagaangatsigu nuan­naar­tar­pugut. (ApS 13:48) Jiisusi ajoqersuk­kami oqaluus­sinermin­ni misigisamin­nik oqalut­tuum­man­ni “Anersaamit Il­ler­nar­tumit sun­nigaal­luni qiim­mat­tar­poq”, uagut­taaq taama misigisar­pugut. – Luk 10:1, 17, 21.

2. Oqaluus­sinitsin­nik pimoorus­siner­put qanoq ersersis­sin­naavar­put?

² Oqaluus­siner­put pimoorup­par­put. Apustilip Paulusip Timotheusi ima kajumis­saar­paa: “Im­minut nak­kutiginiarit, aam­ma ajoqersuisutut suliat nak­kutiginiaruk ... taamaalioruit im­minut an­naatis­sagavit tusar­titil­lu an­natsil­lugit.” (1 Tim 4:16) Tas­sa oqaluus­sineq inuunermik an­naas­sis­sutaavoq. Guutip kun­ngeqarfiani, tas­sa naalagaaf­fiani, in­nut­taagat­ta inooriaaser­put eq­qumaf­figiuar­par­put. Jehovamut ataq­qinaataasumik oqaluus­sis­sutigisatsin­nul­lu tamatigut naleq­qut­tumik iliuuseqarusut­tar­pugut. (Fil 1:27) Ilin­niar­titseriaaser­put eq­qumaf­figisar­par­put oqaluus­sinis­satsin­nut piareersaraangat­ta oqaluus­sin­ngin­nitsin­nilu Jehovamut pil­luaq­qoq­qul­luta qinugaangat­ta.

3. Biibilip oqariar­tuutaanik kik­kut tamarmik soqutigin­nis­sap­pat? As­sersuuteqarit.

³ Sapin­ngisatsin­nik iliuuseqar­taraluarluta im­maqa oqaluus­sif­figisar­tak­katsin­ni oqaluus­siner­put ajun­ngitsumik qisuariarfigineqar­neq ajor­poq. Qatan­ngut Georg Lindal Islandimi 1929-miit 1947-mut kisimiil­luni oqaluus­sisarsimasoq qanoq misigisaqarsimasoq eq­qarsaatigiuk. Biibililersaarutit tituusintil­lit agguaas­simavai, inul­li ataasiin­narluun­niit Nalunaajaasun­ngun­ngilaq. Ima al­lap­poq: “Ilaasa Biibilip oqariar­tuutaa akerlilersor­pasip­paat, amerlanersaasalu soqutigin­ngilaat.” Gileadimi ilin­niareerlutik oqaluus­sisar­tutut aal­lar­titat tikin­nerisa kingor­na ukiut qulingiluat qaangium­mata aatsaat Islandimiunik imermut morsutsitaasoqar­poq.b

4. Inuit nutaarsias­sanut nuan­nersunut tusar­naarusun­ngik­kaangata qanoq misigisar­pugut?

⁴ Inuit Biibilip oqariar­tuutaanut tusar­naarusun­ngik­kaangata ugguar­tar­pugut. Im­maqa Paulusitut misigisar­pugut, taas­sumami juutit amerlanersaasa Jiisusip Mis­siarsiunera up­pererusun­ngim­mas­suk ‘aliasuutigalugulu uum­matik­kut naal­liuutigiuar­paa’. (Rom 9:1-3) Im­maqa sapin­ngisan­nik ilior­taraluar­tutit qinusaraluar­tutil­lu Biibilimik ilin­niar­titat ilik­kak­kaminik maleruaaneq ajor­poq, taamaat­tumil­lu atuaq­qis­saaqatigiin­nersi unitsit­tariaqaler­pat. Imaluun­niit Biibilimik ilin­niar­titavit arlaan­naal­luun­niit Nalunaajaasun­ngorsiman­ngilaq. Imaap­pa Nalunaajaasun­ngun­ngin­neranut il­lit pisuusutit Jehoval­luun­niit oqaluus­sinerit pil­luaq­qusiman­ngik­kaa? Al­laaserisami matumani apeq­qutit marluk uku akis­sutis­sarsis­savagut: (1) Oqaluus­sinermi iluatsil­luar­neq qanoq paasisariaqar­pa? (2) Oqaluus­siner­put pil­lugu suut eq­qaamasariaqar­pagut?

OQALUUSSINERMI QANOQ ILUATSIT­TOQARSINNAAVA?

5. Jehovamut kif­far­tor­ner­put sooq kis­saatigisatsitut kinguneqar­tuaan­nan­ngila?

⁵ Inuk Guutip piumasaatut ilior­tar­toq pil­lugu Biibilimi ima al­las­simavoq: “Qanoq ilior­nermini tamani iluatsitsisaraaq.” (Tuss 1:3) Taman­nali isumaqan­ngilaq Jehovamut kif­far­tor­ner­put kis­saatigisatsitut kinguneqar­tuaan­nas­sasoq. Inuit tamarmik naam­mal­luin­nan­ngitsuum­mata inuuneq ‘eq­qis­sinaatsorsiorfiusaqaaq’. (Job 14:1) Tamanul­lu oqaluus­siner­put akerlilersuisunit ilaan­nik­kut iner­teq­qutigineqar­tar­poq. (1 Kor 16:9; 1 Th 2:18) Qaquguk­kut Jehovap oqaluus­siner­put iluatsil­luar­tutut naliler­tar­paa? Apeq­qum­mut tamatumun­nga akis­sutis­sarsior­nitsin­ni najoq­qutas­siat Biibilimeersut iluaqutigisin­naasagut sam­meriar­tigit.

6. Jehovap qaquguk­kut iluatsil­luar­tutut naliler­tar­paatigut?

⁶ Jehovap ilunger­sornerput pinertusaar­nerpullu maluginiar­tarpai. Inuit qisuariar­nerat apeq­qutaatin­nagu eqiasuil­luta asan­nil­lutalu kif­far­toraangat­ta Jehovap iluatsit­tutut isigisar­paatigut. Paulusi ima al­lap­poq: “Guutim­mi iluaatsuun­ngin­nami puiorsiman­ngilai suliasi asan­nin­nersilu aqqanut takutis­simasarsi il­ler­nar­tunik kif­far­tuus­sisimanis­sigut kif­far­tuus­siuar­nis­sigul­lu.” (Hebr 6:10) Jehovap suliagut asan­nin­ner­pul­lu eq­qaamasar­pai ilin­niar­titatsin­nik Nalunaajaasun­ngor­toqan­ngik­kaluaraangal­luun­niit. Taamaat­tumik Paulusip Korinthimiunut al­lagai uku ilin­nut aam­ma tun­ngap­put: ‘Suliniarnerit Naalak­kami asuliin­naas­san­ngilaq’ – suliatit neriuutigisat­tut kinguneqan­ngik­kaluar­pataluun­niit. – 1 Kor 15:58.

7. Apustilip Paulusip kif­far­tor­nini pil­lugu al­lagaanit suna ilik­kar­par­put?

⁷ Apustili Paulusi oqaluus­sisar­tutut aal­lar­titaavoq pik­koris­soq il­loqarfin­ni arlalin­ni ilagiin­nik pilersitsisar­toq. Inuil­li ilaan­nit Paulusi isor­nar­torsior­neqarami ilin­niar­titsisuunerlun­nerar­neqarlunilu inuit qas­sit kristumiun­ngor­nis­saan­nut ikiorsimanerlugit eq­qaan­ngilaa. Imali al­lap­poq: “Suleruloor­simavunga.” (2 Kor 11:23) Paulusitut eq­qaamajuk Jehovap ilungersor­ner­put piner­tusaar­ner­pul­lu pingaar­ner­paatik­kai.

8. Oqaluus­siner­put pil­lugu suna eq­qaamasariaqar­par­put?

⁸ Jehovap oqaluus­sinerput iluarisarpaa. Jiisusip ajoqersuk­kani Kun­ngeqarfik pil­lugu oqaluus­siar­toq­qul­lugit aal­lar­tip­pai, taak­kulu “nuan­naarlutik uter­put”. Sooq nuan­naar­pat? Ima oqar­put: “Anersaapiluit al­laat naalat­tar­paatigut il­lit atit taagaangatsigu.” Jiisusil­li eq­qarsar­taasian­nik naq­qil­lugit ima oqarfigai: “Nuan­naarutigeqinasiuk anersaat naalam­masi; nuan­naarutigisiul­li atisi qilan­ni al­las­simam­mata.” (Luk 10:17-20) Jiisusip nalun­ngilaa taama nuan­ner­tigisumik misigisaqar­tuaan­nar­navian­ngitsut. Ajoqersuk­kam­mi oqaluus­sif­figisaat kristumiun­ngorsimasut qas­siunersut pil­lugu al­las­simasoqan­ngilaq. Tas­sa ajoqersuk­kat paasisariaqar­paat nuan­naar­neq inuit tusar­naarusun­neran­nik tun­ngaveqaan­nan­ngitsoq pingaar­ner­tul­li Jehovamit nuan­narineqar­nermin­nik tun­ngaveqar­toq.

9. Galatiamiut 6:7-9 naaper­torlugit oqaluus­sinermi piner­tusaar­tut qanoq neriorsor­neqar­pat?

⁹ Oqaluus­sinitsinni pinertusaarutta naas­saan­ngitsumik inuusin­naalis­saagut. Nutaarsias­sanik nuan­nersunik sapin­ngisatsin­nik oqaluus­sil­lutalu ilin­niar­titsigaangat­ta anersaaq malil­lugu ‘siaruar­terisar­pugut’ – tas­sa Guutip anersaava il­ler­nar­toq inuunitsin­ni sun­niuteqar­tit­tar­par­put. “Qasun­ngik­kut­ta”, tas­sa uniin­nan­ngik­kut­ta, Jehovap neriorsuineratut naas­saan­ngitsumik inuusin­naalis­saagut, Nalunaajaasun­ngor­tumik ilin­niar­titaqarsiman­ngik­kaluarut­taluun­niit. – Galatiamiut 6:7-9 atuakkit.

OQALUUSSINERPUT PILLUGU SUUT EQQAAMASARIAQARPAGUT?

10. Oqaluus­sinitsin­nut inuit qisuariar­neran­nut suna apeq­qutaasar­pa?

¹⁰ Oqaluus­sinitsinnut inuit qisuariar­nerannut uum­mataat apeq­qutaasarpoq. Jiisusip naatsiias­sanik siaruar­terisoq as­sersuusiaralugu taman­na nas­suiar­paa. Siaruar­terisoq as­sigiin­ngitsunut siaruar­terivoq, is­soris­sorli kisimi inerititaqaler­poq. (Luk 8:5-8) Jiisusi oqar­poq siaruar­terif­figineqar­tut as­sigiin­ngitsut inun­nut ‘Guutip oqaasianut’ as­sigiin­ngitsunik qisuariar­tunut as­sersuutaasut. (Luk 8:11-15) Uagut­taaq suliat­ta inerititaqar­nis­saa aqus­sin­naan­ngilar­put, tusar­tum­mi uum­mataat apeq­qutaasar­poq. Uagut akisus­saaf­fip­put tas­saavoq Kun­ngeqarfik pil­lugu tusarlius­sap siaruar­ter­tuar­nis­saa. Apustili Paulusi al­lap­poq ‘tamarmik im­mik­kut akis­sarsiumaar­tut suliartik naaper­torlugu’ – imaan­ngitsoq suliami kinguneri naaper­torlugit. – 1 Kor 3:8.

11. Sooq Noa ‘iluar­nermik nalunaariar­tor­titatut’ iluatsip­pa? (Saq­qaani as­siliaq takuuk).

¹¹ Itsaq Jehovamik nalunaajaasut inun­nut tusar­naarusun­ngitsunut aam­ma oqaluus­sisarsimap­put. As­sersuutigalugu Noa tas­saavoq “iluar­nermik nalunaariar­tor­titaq”, ilimanar­porlu ukior­pas­suar­ni oqaluus­sisarsimas­sasoq. (2 Petr 2:5) Neriuutigisimas­savaa oqaluus­sinerminut ajun­ngitsumik qisuariar­toqas­sasoq. Jehovali oqarsiman­ngilaq tusar­naarusut­toqarumaar­toq, umiarsualioq­qugamiul­lu ima oqar­poq: “Umiarsuarmut ikis­saatit er­nitit nulial­lu ukuatil­lu ilagalugit.” (1 Mos 6:18) Aam­ma Noap umiarsuaq qanoq angitigis­sasoq paasigamiuk pasitsas­simas­saaq oqaluus­sinerminut tusar­naar­toqar­pal­laar­navian­ngitsoq, umiarsuarmimi al­lanut inis­saqan­ngilaq. (1 Mos 6:15) Nalun­ngilar­pul­lu inuk ataasiin­narluun­niit Noap oqaluus­sineranut tusar­naarsiman­ngitsoq. (1 Mos 7:7) Jehovap Noa oqaluus­sinermini iluatsis­siman­ngitsutut isigaa? Naamik! Jehovap peq­qus­sutimisut Noa ilior­tarmat iluatsit­tutut isigaa. – 1 Mos 6:22.

12. Tusar­naarusun­ngitsunut akerlilersuisunul­lu oqaluus­sisaraluarluni pruf­fiiti Jeremia qanoq nuan­naarsin­naasimava?

¹² Pruf­fiiti Jeremia aam­ma ukior­pas­suar­ni tusar­naarusun­ngitsunut akerlilersuisunul­lu oqaluus­sisarsimavoq. Akerlilersuisunit ‘mitaatigineqar­nini’ nikal­lus­sutigingaaramiuk al­laat suliamini uniin­narusuk­kaluar­poq. (Jer 20:8, 9) Uniin­nan­ngilarli! Nikal­lungajun­naarluni oqaluus­sinermini qanoq nuan­naaleq­qip­pa? Pingaarutil­lit marluk eq­qaamaniarsarigamigit. Siul­ler­tut, oqariar­tuutimi Jehovameersup ‘siunis­saqar­titsil­lunilu neriuutis­saqar­titsinera’ eq­qaamavaa. (Jer 29:11) Aap­paat­tut, Jehovamit oqariar­tor­titatut toq­qar­neqarsimanini eq­qaamavaa. (Jer 15:16) Aam­ma uagut tusarlius­sar­put neriuuteqalersitsivoq, Jehoval­lu toq­qarsimavaatigut im­minik nalunaajaasus­satut. Taak­ku marluk eq­qaamasarutsigit qanorluun­niit qisuariar­toqaraluar­pat oqaluus­sinitsin­ni nuan­naarsin­naavugut.

13. Jiisusip as­sersuusiaa qanoq ilin­niarfigaar­put? (Markusi 4:26-29)

¹³ Upper­suseqaler­niarneq sivisusarpoq. Jiisusip naasoris­saasoq as­sersuusiarigamiuk taman­na ilin­niar­titsis­sutigaa. (Markusi 4:26-29 atuakkit). Naasoris­saasup siaruar­tik­kami naajar­torusaar­nerat aqus­sin­naan­ngilaa. Uagut­taaq ajoqersugan­ngor­titsior­tor­nitsin­ni im­maqa pif­fis­sami sivisuumi siumukar­toqar­pasin­ngilaq. Soorlu naasoris­saasup siaruar­tik­kami naajar­tor­nerat suk­katsisis­sin­naan­ngik­kai uagut­taaq Biibilimik ilin­niar­titat­ta anersaak­kut siumukar­nerat suk­katsisis­sin­naan­ngilar­put. Taamaat­tumik ilin­niar­titat neriuutigisat­tut siumukapal­lan­ngip­pat nikal­lorlutit uniin­naqinak. Naasoris­saasutul­li ajoqersugan­ngor­titsior­tor­nermi erinitsan­naveersaar­tariaqar­pugut. – Jaak 5:7, 8.

14. Oqaluus­sif­figisar­tak­kami aatsaat ukiut arlal­lit qaangiuk­kaangata tusar­naar­toqar­taler­neranik as­sersuuteqarit.

¹⁴ Oqaluus­sif­figisar­tak­kat ilaan­ni im­maqa aatsaat ukiut arlal­lit qaangiuk­kaangata ajun­ngitsumik qisuariar­toqar­tar­poq. Nukariit Gladys aam­ma Ruby Al­len 1959-imi il­loqarfim­mut Canadamiit­tumut pioneritut kif­far­toriar­toq­quneqar­put.c Inun­nik qununeq aam­ma katuul­lit palasiisa sun­niuteqar­nerat pis­sutigalugit inuit Biibili pil­lugu tusar­naarusun­ngil­lat. Gladys ima oqalut­tuar­poq: “Ukiuni marlun­ni ul­lormut nalunaaqut­tap-akun­neri arfineq-pingasut matumiit matumut oqaluus­siniarluta kasut­toqat­taar­taraluar­pugut. Inuil­li takugaangamitigut am­maan­nata tarreq­qiin­nar­tar­put. Uniin­nan­ngilagul­li.” Pif­fis­sap ingerlanerani inuit inus­siar­ner­nerulerlutil­lu tusar­naar­taler­put. Maan­nalu il­loqarfim­mi tamatumani pingasunik ilageeqar­poq. – Es 60:22.

15. Korinthimiunut al­lak­kat siul­liit 3:6, 7-ilu ajoqersugan­ngor­titsior­tor­neq pil­lugu qanoq ilin­niarfigaagut?

¹⁵ Nalunaajaasun­ngor­toqas­sap­pat inuit amerlasuut ikiuut­tariaqarput. Ilagiin­niit­tut tamarmik inuup Nalunaajaasun­ngor­nerani ikiuut­tar­put. (1 Korinthimiut 3:6, 7 atuakkit). As­sersuutigalugu oqaluus­sisar­tup soqutigin­nit­toq naqitaaq­qamik atuagas­siamil­luun­niit im­maqa tunivaa. Oqaluus­sisar­tul­li paasivaa soqutigin­nit­tup uterfigeq­qin­nis­saanut pif­fis­saqarani, taamaat­tumil­lu oqaluus­sisar­toq al­la aperaa alak­karsin­naaneraa. Taas­sumalu soqutigin­nit­toq Biibilimik misis­sueqatigisaler­paa. Biibilimil­lu misis­sueqatigiin­nis­samin­nut qatan­ngutit as­sigiin­ngitsut ilaatit­tar­pai, ilin­niar­titarlu taak­kunan­nga kajumis­sisin­neqar­tar­poq. Ilin­niar­titap Nalunaajaasut naapitani tamaasa siumukar­nermini iluaqutigisar­pai. Taamaat­tumik Jiisusip oqar­neratut siaruar­terisoq katersuisorlu anersaak­kut katersuinermi nuan­naaqatigiis­sin­naap­put. – Joh 4:35-38.

16. Peq­qiil­lior­neq nukis­saaleqinerluun­niit pis­sutigalugu pisin­naasatit kil­leqaler­pata oqaluus­sinin­ni qanoq nuan­naarsin­naavit?

¹⁶ Taavami peq­qiil­lior­neq nukis­saaleqinerluun­niit pis­sutigalugit oqaluus­seqataasin­naanal­lu ilin­niar­titseqataar­piarsin­naan­ngik­kuit? Oqaluus­sinermi suli nuan­naarsin­naavutit. Kun­ngi Daavi sak­kutuuisalu ilaqut­tatik pigisatil­lu Amalekik­kun­nit tigusarineqarsimasut an­naak­kamik­kit Daavi qanoq iliorsimasoq eq­qarsaatigiuk. Sak­kutuut 200-t sorsun­nis­samut nukis­saqan­ngin­namik sorsoqataajar­tor­natik pigisanik paarsisuup­put. Sorsun­nermi ajugaareerlutik Daavi peq­qusivoq ujajak­katik sak­kutuunut sorsoqataasunut pigisanil­lu paarsisunut naligiim­mik agguaan­neqas­sasut. (1 Sam 30:21-25) Nunarsuaq tamak­kerlugu ajoqersugan­ngor­titsior­tor­nitsin­ni aam­ma taamaap­poq. Jehovamik ilisarisiman­nilerluni Nalunaajaasun­ngor­toqaraangat sapin­ngisamin­nik iliorsimasut tamarmik nuan­naaqataasin­naasar­put.

17. Suna Jehovamut qujamasuutigis­savar­put?

¹⁷ Jehovap asan­nil­luni kif­far­tor­nitsin­nut isigin­nit­taasia qujamasuutigaar­put. Nalun­ngilaa iliuutsit­ta kingunis­sai aqus­sin­naan­ngik­kigut. Ilungersor­ner­put asan­nin­ner­pul­lu maluginiar­tarlugil­lu akis­sarsisit­tar­paatigut. Aam­ma oqaluus­sinermi iliuuserisin­naasat­ta nuan­naarutiginis­saanut ilin­niar­tip­paatigut. (Joh 14:12) Uniin­nan­ngik­kut­ta Jehovamit iluarineqar­ner­put qularutigis­san­ngilar­put!