nutaat Guutimeersut. Harmagedonimi aniguisut toqusunil­lu makititaasut tamarmik naas­saan­ngitsumik inuulerumal­lutik Guutip peq­qus­sutai, aam­ma peq­qus­sutit nutaat taas­suma ukiut 1000-t taak­kua ingerlaneran­ni im­maqa saq­qum­mersik­kumaagai, naalat­tariaqar­paat. Tas­sa inuit ataasiak­kaat ul­lup eq­qar­tuus­sif­fiup ingerlanerani suliatik naaper­torlugit eq­qar­tuun­neqas­sap­put.

Ul­lormi eq­qar­tuus­sif­fis­sami inuit mil­liardil­lit Guutip piumasaata ilin­niar­nis­saanut maleruar­nis­saanul­lu aatsaat periarfis­saqalis­sap­put. Tas­sa ilin­niar­titsinersuaqarumaar­poq. Aap, naaper­tuil­luar­neq pil­lugu ilin­nias­sap­put. (Esaja 26:9) Tamarmiun­ngitsorli Guutip piumasaanik maleruaajumas­sap­put. Esajap al­lagai 26:10-mi ima al­las­simavoq: “Iluaatsup saam­maan­neqaraluaraangami iluas­suseq ilik­kar­tarin­ngilaa; iluar­tumik iliorfis­sarigaluamini iluaatsulior­tar­poq Naalak­kap angingaas­susia isiginagu.” Ul­lup eq­qar­tuus­sif­fis­sap ingerlanerani guutiitsut taak­ku piuneerus­saas­sap­put. – Esaja 65:20.

Ul­loq eq­qar­tuus­sif­fis­saq naap­pat inuit aniguisut oqaatsip isumaviatut ‘uum­mas­sap­put’ inut­tut naam­mal­luin­nar­tun­ngorsimas­sagamik. (Saq­qum­mersitat 20:5) Tas­sa ul­lup eq­qar­tuus­sif­fis­sap ingerlanerani inuit aal­laq­qaam­mut naam­mal­luin­nar­tuunermis­sut ilersin­neqaq­qis­sap­put. (1 Korinthimiut 15:24-28) Taava inaarutaasumik misilin­neqar­neq pis­saaq. Saatani par­naarus­saanerminit iperagaas­saaq inun­nil­lu naggataamik tam­mar­titsiniar­nis­saminut periarfis­sin­neqas­sal­luni. (Saq­qum­mersitat 20:3, 7-10) Taamanik­kus­samut Saatanimik akiuisut Biibilimi neriorsuutigineqar­tup uuma tamak­kiisumik eq­quun­nera misigis­savaat: “Iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsumik.” (Tus­siaat 37:29) Aap, ul­loq eq­qar­tuus­sif­fis­saq inun­nut Guutimut aalajaatsunut tamanut pil­luar­nangaas­saaq!

BIIBILIMIK atuaq­qis­saar­tar­tut 1914 sioq­qul­lugu ukiuni 40-ngajan­ni oqaluus­sis­sutigaat ukiumi tamatumani maluginiar­nar­tunik pisoqarumaar­nera. Pisus­saasimasut suut pineqar­pat, suul­lu up­per­narsaataap­pat 1914-ip ukiutut taama pingaaruteqar­tigineranut?

Lukasip iivangkiiliua 21:24 naaper­torlugu Jiisusi ima oqar­poq: ‘Jerusalemi Guutimik nalusunit tul­laan­neqas­saaq Guutimik nalusunut pif­fis­sarititaasut [inuiaat ul­lus­saat aalajangersagaasut, NW] naatserlugit.’ Jerusalemi tas­saasimavoq inuiaqatigiit juutiusut il­loqarfiisa pingaar­nersaat kun­ngil­lu Daavip kinguaavisa naalak­kersuisoqarfiat. (Tus­siaat 48:2, 3) Kun­ngil­li taak­ku inuiaqatigiit al­lat naalak­kersuisuinut naleq­qiul­lugit im­mik­kut it­tuup­put. Guutimut sin­niisuul­lutik ‘Jehovap kun­ngimut is­siavis­saarsuarititaani’ is­siap­put. (1 Nalunaarsuutit 29:23) Tas­sa Jerusalemi Jehovap naalak­kersuineranut ersiutaavoq.

Taavami Guutip naalak­kersuinera qanga qanorlu ‘Guutimik nalusunit tul­laan­neqaler­pa’? Taman­na pivoq ukiumi 607-imi Kr.in.si. Jerusalemi Babylonimiunit tiguar­neqarmat. Kun­ngit Daavip kinguaavi kingoraat­taal­lutik Guutimut sin­niisuul­lutik kun­ngiusut naalak­kersuiun­naar­put, maan­nalu ‘Jehovap kun­ngimut is­siavis­saarsuarititaani’ is­siasoqarun­naar­poq. (2 Kun­ngit 25:1-26) Naas­saan­ngitsumik ‘tul­laan­neqas­sava’? Naamik, in­ngilimi Gabrieli oqar­poq ‘Guutip Jehovap [Jiisusi] tunis­sagaa ataataata Daavip is­siavis­saarsuanik’. (Lukasi 1:32, 33) Tas­sa Jiisusi kun­ngin­ngor­pat Jerusalemi ‘tul­laan­neqarun­naas­saaq’.

Pingaarutilik taman­na qanga pisus­saasimava? Jiisusip ersersip­paa Guutimik nalusut pif­fis­sami kil­lilim­mi aalajangersimasumi naalak­kersuis­sasut. Pif­fis­sap tamatuma qanoq sivisutiginera paasis­sagutsigu Danielimik al­lak­kat kapitali 4-mi al­las­simasut iluaqutigisariaqar­pavut. Tas­sani sin­nat­toq siulit­tuutaasoq Babylonip kun­ngiata Nebukadnesarip sin­nat­tua oqalut­tuarineqar­poq. Or­pik por­tusoorujus­suaq kipil­lugu up­pitin­neqar­toq takuaa. Man­ngua naasin­naan­ngilaq kalun­ner­nik saviminiusunik kan­ngus­saasunil­lu qileruteqarami. In­ngili ima nalunaar­poq: ‘Taama ik­kili piffissarititani arfineq-marlunni.’ – Danieli 4:7-13.

Ilaan­nik­kut or­piit Biibilimi naalak­kersuinermut as­sersuutaasar­put. (Ezekieli 17:22-24; 31:2-5) Taamaat­tumik or­piup as­sersuutaasup kipil­lugu up­pitin­neqar­nera Guutip naalak­kersuinerata, Jerusalemimi kun­ngit naalak­kersuineratigut ersersin­neqar­tup, kipineqar­neranut as­sersuutaavoq. Takorruugarli naaper­torlugu ‘Jerusalemip tul­laan­neqar­nera’ atuuk­kal­laan­nar­tus­saavoq – “pif­fis­sarititani arfineq-marlun­ni”. Pif­fis­saq kil­lilik taman­na qanoq sivisutigisus­saava?

Saq­qum­mersitani ersersin­neqar­poq pif­fis­sarititat pingasut af­farlu ul­lunik ‘1260-inik’ sivisus­suseqar­tut. (Saq­qum­mersitat 12:6, 14) Taak­kua marloriaataan­nik, tas­sa ul­lunik 2520-nik, ‘pif­fis­sarititat arfineq-marluk’ sivisus­suseqarsimas­sap­put. Jerusalemil­li tiguar­neqar­nerata kingor­na ul­lut 2520-in­naat qaangium­mata Guutip naalak­kersuinera inuian­nit Guutimik nalusunit ‘tul­laan­neqarun­naan­ngilaq’. Erseq­qip­poq pif­fis­saq siulit­tuum­mi pineqar­toq sivisunerujus­suusoq. Mosesimik al­lak­kat sisamaat 14:34-mi aam­ma Ezekielip al­lagai 4:6-imi al­las­simasut naaper­torlugit ‘ul­loq ataaseq ukiumik ataatsimik naleqar­tik­kaan­ni’ ‘pif­fis­sarititat arfineq-marluk’ ukiunik 2520-nik sivisus­suseqar­tus­saap­put.

Ukiut 2520-t taak­ku Kr.in.si. ukiumi 607-imi oktobarimi aal­lar­tip­put Jerusalemi Babylonimiunit tiguar­neqarmat kun­ngilu Daavip kinguaava, Guutimut sin­niisuusoq, kun­ngip is­siavis­saarsuanit peersin­neqarmat. Pif­fis­sarititaq taan­na 1914-imi oktobarimi naavoq. Taamani “inuiaat ul­lus­saat aalajangersagaasut” naap­put, aam­ma Jiisusi Kristusi Guutip qilam­mi kun­ngin­ngor­titaatut iver­tin­neqar­poq.a – Tus­siaat 2:1-6; Danieli 7:13, 14.

Jiisusip siulit­tuutigaa pif­fis­saq qilam­mi kun­ngin­ngor­nermi nalaa silarsuarmi pisunik uis­suum­minar­tunik – sorsun­ner­nik, kaan­nersuar­nik, nunap sajut­tar­neranik nap­paas­suar­nil­lu toqoraataasunik – ilisar­naateqas­sasoq. Taamaap­porlu. (Mat­thæusi 24:3-8; Lukasi 21:11) Tamatumuuna up­per­narsar­neqar­poq 1914 ilumut tas­saasoq Guutip naalagaaf­fiata qilam­miit­tup pilersin­neqarfia silarsuarmil­lu aaq­qis­suus­sinerup ajor­tup maan­na atuut­tup ‘ul­luisa kingul­liit’ aal­lar­tif­fiat. – 2 Timotheusi 3:1-5.

PIN­NGOR­TITAQ anersaajusoq Mikaelimik taaneqar­toq Biibilimi eq­qar­tor­neqar­pal­laan­ngilaq. Eq­qaaneqaraangamili iliuuseqar­tutut eq­qaaneqar­tar­poq. Danielimik al­lak­kani in­ngilinut ajor­tunut akiuup­poq, Judasip al­lagaani Saatanimik saqitsaateqateqar­poq, Saq­qum­mersitanilu Diaavulu in­ngilipiluil­lu sorsuf­figai. Jehovap naalak­kersuineranik il­lersuinermigut taas­sumun­ngalu akeraasunut akiuun­nermigut Mikaeli atermi isumaa – “kina Guutitut ip­pa?” – naaper­torlugu iliuuseqar­poq. Mikaelili kinaava?

Ilaan­nik­kut inuit ataasiin­naan­ngitsumik ateqar­tar­put. As­sersuutigalugu ataataaner­paaq Jaaku aam­ma ilisimaneqar­poq Israelitut, apustililu Petrusi Siimuutut. (1 Mosesi 49:1, 2; Mat­thæusi 10:2) Taamatut­taaq Biibilimi ersersin­neqar­poq Jiisusi Kristusi, nunami inuunermi sior­na kingor­nalu, aam­ma Mikaelimik ateqar­toq. Taama isum­mer­nis­samut pis­sutis­sat Biibilimeersut misis­soriar­tigit.

Inngiliuneq. Guutip oqaasiani Mikaeli ‘in­ngiliuner­tut’ eq­qaaneqar­poq. (Judasi 9) Oqaaseq ‘in­ngiliuneq’ Biibilimi ator­neqaraangami tamatigut ataasersiutaasar­poq, qas­seersiutaan­ngisaan­narluni.