1. Guutip nunarsuaq sumik siuner­taqarfigaa?

GUUTIP nunarsuarmut siuner­taa ilumut nuan­ningaar­poq. Kis­saatigaa nunarsuaq inun­nik pil­luar­tunik peq­qis­sunil­lu ulik­kaas­sasoq. Biibilimi oqalut­tuarineqar­poq Jehova ‘Guuti Edenimi naatsiivilior­toq’, tas­sa paratiisilior­toq, aam­ma ‘nunamit naalersik­kai or­piit tamalaat takoran­nersut nerif­figiuminar­tut’. Inuit siul­liit marluk, Adami Evalu, pin­ngor­tereeramigit avatangiisinut kusanar­tunut inis­sip­pai imalu oqarfigalugit: “Kinguaas­siorlusi amerliar­toritsi nunarsuaq tamak­kerlugu ilis­sin­nul­lu naalatsigitil­lugu.” (1 Mosesi 1:28; 2:8, 9, 15) Tas­sa Guutip siuner­tarisimavaa inuit meeq­qius­sasut Paratiisilu al­lisis­sagaat nunarsuaq tamaat paratiisin­ngor­til­lugu uumasul­lu paaris­sagaat.

2. (a) Sooq up­peril­luin­narsin­naavar­put Guutip nunarsuarmut siuner­taa naam­mas­sineqarumaar­toq? (b) Inuit naas­saan­ngitsumik inuusin­naanerat pil­lugu Biibilimi qanoq al­las­simava?

² Isumaqar­pit Jehovap Guutip nunarsuarmut inun­nul­lu siuner­taa piviusun­ngorumaar­toq? Guuti ima oqar­poq: “Pilersaarutiga naam­mas­sis­savara.” (Esaja 46:9-11; 55:11) Guutip siuner­tani naam­mas­sis­saq­qaar­pai! “[Nunarsuaq] soqan­ngitsus­san­ngorlugu pin­ngor­tin­ngilaa, kisian­ni najugaqarfis­san­ngor­til­lugu,” Esajap al­lagai 45:18-imi al­las­simavoq. Inuit qanoq it­tut nunarsuarmi inuunis­saat Guutip kis­saatigaa, qanorlu sivisutigisumik inuusus­saap­pat? Taman­na Biibilimi ima akineqar­poq: “Iluartut nuna kingor­nutis­savaat najugaqassallutillu tassani naassaanngitsumik.” – Tus­siaat 37:29; Saq­qum­mersitat 21:3, 4.

3. Pis­sutsit alianar­tut suut ul­lumik­kut nunarsuarmi atuup­pat, tamatumun­ngalu tun­ngatil­lugu suut apeq­qutaaler­pat?

³ Ul­lumik­kul­li pis­sutsit taamaan­ngil­lat. Inuit suli nap­parsimaler­tar­put toqusarlutil­lu; im­min­nut akersuut­tar­put toqoraat­tarlutil­lu. Nalunan­ngilaq arlaan­nik akor­nutaasoqalersimasoq. Nunarsuarmi pis­sutsit ul­lumik­kut in­nerat­tut in­nis­saat Guutip siuner­tarin­ngivip­paa. Susoqarami? Sooq Guutip siuner­taa naam­mas­sineqan­ngila? Inuit atuak­kiaan­ni sumiluun­niit apeq­qutit taak­ku akineqan­ngil­lat. Ajor­nar­torsium­mi qilam­mi aal­lar­tip­poq.

AKEQQAP PIULERNERA

4, 5. (a) Pulateriaarsuk atorlugu kina Evamut oqalup­pa? (b) Inuk ileq­qoris­suusimagaluar­toq un­neq­qaris­suusimagaluar­torlu qanoq ilil­luni til­lin­nian­ngorsin­naava?

⁴ Biibilip atuagar­taani siul­lermi oqalut­tuarineqar­poq Guutimut akerlilersuisoq naatsiivim­mi Edenimi saq­qum­mersoq. Taan­na ‘pulateriaarsum­mik’ taaneqar­poq, uumasuun­ngilarli. Biibilip atuagar­taani kingul­lermi al­las­simavoq tas­saasoq “Diaavulumik Saatanimil­lu taaneqar­toq silarsuarmik tamarmik tam­mar­titsiniar­toq”. Aam­ma ‘pulateriaarsutoq­qamik’ taaneqar­poq. (1 Mosesi 3:1; Saq­qum­mersitat 12:9) In­ngili pis­sarsuaq taan­na, tas­sa pin­ngor­titaq anersaajusoq takus­saan­ngitsoq, pulateriaarsuk atorlugu Evamut oqalup­poq inuup inuusamik oqalutsitsisuusaar­tar­tup ilior­tar­neranut as­singupajaar­tumik. Taamani Guutip nunarsuaq inun­nit najugarineqar­tus­san­ngorlugu piareersarmagu pin­ngor­titaq anersaajusoq taan­na qular­nan­ngivis­sumik najuup­poq. – Jobi 38:4, 7.

⁵ Jehoval­li pin­ngor­titai tamarmik naam­mal­luin­nar­tutut pin­ngor­tin­neqarsimam­mata, taava kia Saatani Diaavulu pin­ngor­tip­paa? Naatsumik oqaatigalugu Guutip ernerisa anersaajusut pissarsuit ilaat taanna imminut Diaavulunngortippoq. Qanorli taamaat­toqarsin­naagami? Inuup inooriaaseris­suusimagaluar­tup un­neq­qaris­suusimagaluar­tul­lu til­lit­talersin­naasar­neratut. Qanoq ilil­luni? Im­maqa kis­saat pileris­suserluun­niit eq­qun­ngitsoq uum­mam­mini al­liar­tor­tiler­paa. Pilerigisani eqqarsaatigiinnaleruniuk sak­kor­toorujus­suarmik pileris­suseqalersin­naavoq. Periarfis­saqaler­pal­lu im­maqa pileris­sutsini nak­kaan­narfigis­savaa eq­qun­ngitsuliorlunilu. – Jaaku 1:13-15 atuak­kit.

6. Guutip er­nerisa anersaajusut pis­sarsuit ilaat qanoq ilil­luni Saatani Diaavulun­ngor­pa?

⁶ Saatanimut Diaavulumut tun­ngatil­lugu taamator­piaq pisoqar­poq. Tusaasimagunar­paa Guuti Adamimut Evamul­lu oqarmat meeq­qius­sasut kinguaamin­nil­lu nunarsuaq ulik­kaas­sagaat. (1 Mosesi 1:27, 28) Taava Saatani ima eq­qarsalersimagunar­poq: ‘Inup­pas­suit taak­kua Guuti pal­lorfiginagu uanga pal­lorfigilersin­naavaan­nga.’ Saatanip kis­saat eq­qun­ngitsoq uum­mam­mini al­liar­tor­tiler­paa. Naggataatigul­lu kis­saat taman­na nak­kaan­narfigaa Guutilu pil­lugu sal­lunik­kut Eva nakutil­lugu. (1 Mosesi 3:1-5 atuakkit). Taamaalil­luni tas­saaler­poq “Diaavulu”, oqaasermi diaavulu isumaqar­poq “mamarliisoq, eq­qun­ngitsumik un­nerluus­sisoq”. Aam­ma im­minut tas­saalersip­poq “Saatani”, oqaasermi taan­na isumaqar­poq “akerlilersuisoq”.

7. (a) Sooq Adami Evalu toqup­pat? (b) Sooq Adamip kinguaavi tamarmik utoq­qalil­lutil­lu toqusar­pat?

⁷ Sal­lu peq­qusersusaar­nerlu atorlugit Saatanip Diaavulup Adami Evalu Guutimut naalan­ngitsip­pai. (1 Mosesi 2:17; 3:6) Tamatuma kingunerisaanik naggataatigut toqup­put, Guutip oqar­neratorluin­naq. (1 Mosesi 3:17-19) Adami ajor­tuliorami naam­mal­luin­nar­tuujun­naar­poq, kinguaavisalu tamarmik ajor­ti taas­suman­nga kingor­nup­paat. (Romamiut 5:12 atuaruk). Taman­na as­sersuun­neqarsin­naavoq kaagiliorfik atorlugu if­fior­nermut. Kaagiliorfik singar­ner­taqar­pat if­fiuk­kat tamarmik qanoq is­sap­pat? If­fiuk­kat tamarluin­narmik as­sigiim­mik iluserluuteqas­sap­put, tas­sa ajoquteqas­sap­put. Taamatut­taaq inuit tamarmik “ajoqut”, tas­sa naam­mal­luin­nan­ngis­suseq, Adamimit kingor­nup­paat. Taamaat­tuminguna inuit tamarmik utoq­qalil­lutil­lu toqusar­tut. – Romamiut 3:23.

8, 9. (a) Saatani qanoq unam­mil­ler­pa? (b) Sooq Guutip pikitsitsisut ingerlaan­naq piuneerutitin­ngilai?

⁸ Saatani Adamimik Evamil­lu ajor­tulior­titsigami Guutimut pikitsitsivoq. Guutip naalak­kersueriaasia akerlilersor­paa. Toq­qaan­nan­ngik­kaluamik ima oqar­poq: ‘Guuti naalak­kersuinerlut­tuuvoq. Sal­lusar­poq pin­ngor­titanilu ajun­ngitsunik erliguut­tarlugit. Inuit Guutimit naalak­kersor­neqar­nis­sar­tik pisariaqar­tin­ngilaat. Nam­min­neq aalajangersin­naavaat suna ajun­ngitsuunersoq sunalu ajor­tuunersoq. Uanga naalak­kersuisorigunin­nga iluanaar­nerus­sap­put.’ Guutip taamatut unam­mil­ler­neqar­nini qanoq periaaseqarfigisus­saavaa? Isumaqar­toqar­poq Guutip pikitsitsisut toquin­narsimasariaqaraluarai. Taamaaliorsimagaluar­pat Saatanip oqaasiisa eq­qun­ngitsuunerat up­per­narsar­neqarsimas­sagaluar­pa? Taman­na Guutip naalak­kersueriaasiata eq­qor­tuuneranut up­per­narsaataasimas­sagaluar­pa?

⁹ Jehovap naam­mal­luin­nar­tumik naaper­tuil­luas­sutsini pis­sutigalugu pikitsitsisut ingerlaan­naq piuneerutitis­sin­naan­ngilai. Taas­suma Saatanip sal­lutuujunera up­per­narsas­saguniuk oqaasiisa eq­qun­ngitsuunerat naam­maginar­tumik up­per­narsar­tariaqar­paa, taman­nalu sivisusariaqar­poq. Taamaat­tumik Guuti aalajanger­poq inuit Saatanip takus­saan­ngitsup sun­niinerata ataani naalak­kersuinik­kut nam­mineeral­lar­tin­niarlugit. Atuak­kami matumani kapitali 11-mi nas­suiar­neqar­poq sooq Jehova taama aalajangersimanersoq aam­ma taas­suma sooq akuerineraa akerleriis­sut taman­na aalajangiif­figineqar­tin­nagu pif­fis­sap taama sivisutigisup ingerlanis­saa. Maan­nali apeq­qutit uku eq­qarsaatigis­sal­lugit pitsaas­saaq: Adami Evalu eq­qor­tumik aalajanger­pat? Saatani, im­min­nut ajun­ngitsumik iliuuseqarsiman­ngisaan­nar­toq, tatigigamik­ku eq­qor­tulior­pat? Jehova sunik tamanik tunisiser­tik sal­lunerar­neqarmat up­perigamik­ku eq­qor­tulior­pat? Il­lit qanoq iliorsimas­sagaluar­pit?

10. Saatanip unam­mil­ler­neranut tun­ngatil­lugu qanoq ersersis­sin­naavar­put Jehova tapersersorlutigu?

¹⁰ Pitsaas­saaq apeq­qutit taak­ku tamat­ta im­mik­kut eq­qarsaatigeq­qis­saarutsigit. Ul­lumik­kum­mi as­singusumik aalajangigas­saqar­pugut. Periarfis­saqar­pugut Jehovap naalak­kersuinerata toq­qar­nis­saanut, taamaalior­nik­kul­lu ersersis­sin­naavar­put taan­na naalagarerusul­lutigu. Taamaaliorut­ta taan­na tapersersus­savar­put, taamaalior­nitsigul­lu up­per­narsaaqataasin­naavugut Saatani sal­lutuujusoq. (Tus­siaat 73:28; Us­satit 27:11 atuaruk). Ajoraluar­tumik nunarsuarmi inuit mil­liardiliusut ilaminiin­nan­ngui taamatut aalajangersimap­put. Taman­na apeq­qum­mik pingaarutilim­mik pilersitsivoq. Ilumut Biibilimi ajoqersuutigineqar­pa Saatani silarsuup matuma naalagarigaa?

KINA SILARSUUP MATUMA NAALAGARAA?

11, 12. (a) Jiisusip us­ser­niar­neqar­nerisa ilaan­ni qanoq erser­pa Saatani silarsuup matuma naalagarigaa? (b) Tamatumun­nga sunik al­lanik up­per­narsaatis­saqar­pa?

¹¹ Jiisusip qularin­ngisaan­nar­paa Saatani silarsuup matuma naalagarigaa. Ilaan­ni tupin­nar­tulior­nik­kut Saatanip “silarsuarmi naalagaaf­fiit tamaasa taak­kualu alutor­nas­susiat” Jiisusimut qimerloor­tip­pai. Taava Jiisusi ima neriorsor­paa: “Tamak­ku tamaasa ilin­nut tun­niutis­savak­ka pal­lorfigigum­ma.” (Mat­thæusi 4:8, 9; Lukasi 4:5, 6) Saatani nunarsuarmi naalagaaf­fin­nut tamak­kunun­nga naalagaan­ngik­kaluar­pat neqeroorut taman­na Jiisusimut ussernartuusimassagaluarpa? Jiisusi oqan­ngilaq Saatani naalagaaf­fin­nut taak­kunun­nga naalagaan­ngitsoq. Saatanip taak­ku oqar­tus­saaf­figin­ngik­kaluar­pagit qular­nan­ngivis­sumik Jiisusip taman­na oqaatigisimas­sagaluar­paa.

¹² Soorunami Jehova Guutiuvoq ajugaqan­ngitsoq, qilam­mik nunarsuarmil­lu alutor­nangaar­tunik Pin­ngor­titsisoq. (Saq­qum­mersitat 4:11) Kisian­ni Jehova Guuti Biibilimi tas­saanerar­neqan­ngilaq “silarsuup matuma naalagaanera”, Jiisusi Kristusiluun­niim­mi aam­ma taama taaneqan­ngilaq. Jiisusil­li Saatani Diaavulu taamator­piaq taavaa. (Johan­nesi 12:31; 14:30; 16:11) Biibilimi Saatani al­laat ‘silarsuup matuma guutianik’ taaneqar­poq. (2 Korinthimiut 4:3, 4) Akerlilersuisoq taan­na, tas­sa Saatani, pil­lugu apustili kristumiu Johan­nesi ima al­lap­poq: ‘Silarsuaq tamaat Ajor­tup pis­saaneqarfigaa.’ – 1 Johan­nesi 5:19, NW.

SAATANIP SILARSUAA QANOQ PEERNEQASSAVA?

13. Sooq silarsuas­saq nutaaq pisariaqar­tin­neqar­pa?

¹³ Silarsuaq inuuf­figis­sal­lugu ukiut tamaasa navianarsigalut­tuin­nar­poq. Sak­kutoor­pas­suaqar­poq im­min­nut sorsuut­tuar­tunik, politikerer­pas­suaqar­poq un­neq­qaserlut­tunik, up­perisarsior­nik­kut siut­tor­pas­suaqar­poq pisuusaar­tunik pinerlut­tor­pas­suaqarlunilu misigit­taatsunik. Silarsuaq ataatsimut isigis­sagaan­ni iluarsivis­saqan­ngilaq. Biibilimi ersersin­neqar­poq Jehovap silarsuaq ajor­toq man­na qanit­tuk­kut sorsun­nis­samini Harmagedonimi peerumaaraa. Taman­na silarsuas­samut nutaamut naaper­tuil­luas­suseqarfiusumut aq­qutis­siuus­sis­saaq. – Saq­qum­mersitat 16:14-16.

14. Guutip naalagaaf­fim­mini qilam­miit­tumi naalak­kersuisus­satut kina toq­qarsimavaa, taman­nalu qanoq siulit­tuutigineqarsimava?

¹⁴ Jehovap Guutip naalagaaf­fim­mini qilam­miit­tumi kun­ngisut naalak­kersuisus­satut Jiisusi Kristusi toq­qarsimavaa. Itsarli Biibilimi una siulit­tuutigineqar­poq: ‘Naalungiaq uatsin­nut er­niuvoq, er­neq uatsin­nut tun­nius­saavoq, naalagaas­suserlu tuimiugis­savaa. Ateris­savaalu Eq­qis­sinermut Naalagaaneq. Naalagaas­susia angis­saqaaq eq­qis­sinerlu atajuas­sal­luni.’ (Esaja 9:5, 6) Jiisusip ajoqersuk­kani naalagaas­suseq taan­na pil­lugu ima qinunis­saan­nik ilin­niar­tip­pai: “Naalagaaf­fiit tikiul­li, piumasat qilam­misut nunamis­saaq pili.” (Mat­thæusi 6:10) Soorlu atuak­kami matumani kingusin­nerusuk­kut sam­mis­sagip­put, Guutip naalagaaf­fiata silarsuarmi matumani naalagaaf­fiit tamaasa qanit­tuk­kut peerumaar­pai nam­minerlu taarserlugit. (Danieli 2:44 atuaruk). Taava Guutip naalagaaf­fia nunarsuarmi paratiisimik pilersitsis­saaq.

SILARSUASSAQ NUTAAQ QANILLIVOQ!

15. ‘Nuna nutaaq’ suua?

¹⁵ Biibilimi ima al­las­simavoq: ‘[Guutip] neriorsuutaa naaper­torlugu ilimagisaraavut qilaat nutaat nunalu nutaaq iluas­sutsip najugarisas­sai.’ (2 Petrusi 3:13; Esaja 65:17) Biibilimi oqaatsit ‘nuna’ aam­ma ‘nunarsuaq’ ator­neqaraangata ilaatigut nunarsuup inui pineqar­tar­put. (1 Mosesi 18:25) ‘Nuna nutaaq’ iluar­toq, imaluun­niit naaper­tuil­luar­toq, tas­saas­saaq inuit Guutip akueriumaagai.

16. Guutip inuit akueriumaak­kani tunis­sum­mik nalis­saqan­ngitsumik sumik tunis­savai, tunis­sul­lu taan­na piumal­lugu qanoq ilior­tariaqar­pugut?

¹⁶ Jiisusip neriorsuutigaa inuit silarsuas­sami nutaami Guutip akueriumaagaasa inuuneq naas­saan­ngitsoq tunis­sutitut piumaaraat. (Markusi 10:30) Inuunermik naas­saan­ngitsumik tunineqas­sagut­ta qanoq ilior­tariaqar­ner­put pil­lugu Jiisusip oqaasii Johan­nesip iivangkiiliua 3:16-imi aam­ma 17:3-mi atuarsin­naavatit. Inuit tunis­sum­mut nuan­ningaar­tumut tamatumun­nga qin­ngaq­qun­nan­ngitsut pil­luaq­qusaangaarumaar­put nunarsuarmi paratiisiulersus­sami. Pil­luaq­quneqaatis­saat pil­lugit Biibilimi qanoq al­las­simasoqar­nersoq misis­soriar­tigu.

17, 18. Sooq up­peril­luin­narsin­naavar­put paratiisis­saq tamarmi toq­qis­sisimaf­fiujumaar­toq?

¹⁷ Ajussuseq, sorsunnerit, pinerluttuliornerit nakuusernerillu atuukkunnaassapput. “Iluan­ngitsoq er­niin­naq peerut­tus­saavoq ... Kisian­ni qanilaar­tut nuna kingor­nutis­savaat.” (Tus­siaat 37:10, 11) Eq­qis­sineqas­saaq, Guutim­mi “nunarsuarmi tamarmi sorsun­nerit soraarsik­kumaar­pai”. (Tus­siaat 46:10; Esaja 2:4) Taamanik­kus­samut “iluar­neq ineril­luarumaar­poq, eq­qis­sineqangaarumaarlunilu qaam­mat peerutserlugu” – tas­sa naas­saan­ngitsumut! – Tus­siaat 72:7.

¹⁸ Jehovamik pallorfiginnittut toqqissisimallutik inuussapput. Itsaq Israelik­kut Guutimut naalat­tuar­til­lutik toq­qis­sisimal­lutik inuup­put. (3 Mosesi 25:18, 19) Paratiisis­sami taamatut toq­qis­sisimasumik inuunis­sap nuan­nerunas­susia! – Esaja 32:18 atuaruk; Mika 4:4.

19. Qanoq nalun­ngilar­put Guutip silarsuas­saani nutaami naam­mat­torsuar­nik inuus­sutis­saqarumaar­toq?

¹⁹ Inuussutissaaleqisoqassanngilaq. Tus­siaasior­toq ima al­lap­poq: “Karrit naam­mangaar­tut nunami naasimas­sap­put, qaq­qat qaan­ni aalataarumaar­put.” (Tus­siaat 72:16, 1990) Jehovap inuit naaper­tuil­luar­tut pil­luaq­qujumaar­pai narsaatil­lu naatitaqarluar­nis­saat isumagalugu. – Esaja 30:23.

20. Sooq up­peril­luin­narsin­naavar­put nunarsuaq tamarmi paratiisin­ngus­sasoq?

²⁰ Nunarsuaq tamarmi paratiisinngussaaq. Sumiif­fin­ni inuit aserorsimasaan­ni nutaanik kusanar­tunil­lu il­loqalerlunilu naatsiiveqalis­saaq. (Esaja 65:21-24 atuak­kit; Saq­qum­mersitat 11:18) Pif­fis­sap ingerlanerani sumiif­fiit naggoris­sak­kat an­ner­tusiar­tus­sap­put nunarsuup tamarmi naatsiivit­tut Edenitut alianaatsigalunilu naggoritsigiler­nis­saata tungaanut. Guutil­lu naas­saan­ngitsus­samut ‘as­sani am­mar­tarumaar­pai pin­ngor­tital­lu tamaasa kis­saatigisaan­nik qaarsil­lar­tit­tarlugit’. – Tus­siaat 145:16.

21. Sumit erser­pa inuit uumasul­lu eq­qis­seqatigiik­kumaar­tut?

²¹ Inuit uumasullu eqqisseqatigiissapput. Nersutaatit uumasul­lu nujuar­tat ivigar­toqatigiis­sap­put. Uumasut ul­lumik­kut navianar­tutut isigineqar­tut meeraaq­qanil­luun­niit siooragineqar­tariaqas­san­ngil­lat. – Esaja 11:6-9 atuak­kit; Esaja 65:25.

22. Nap­paatit tamarmik qanoq pis­sap­pat?

²² Nappaatit tamarmik nungussapput. Jiisusi Guutip naalagaaf­fiani qilam­miit­tumi naalak­kersuisutut, nunamiik­kal­larami pisar­nerminin­ngar­nit an­nerungaar­tumik, tupin­nar­tulior­nik­kut ajorun­naarsitsisas­saaq. (Mat­thæusi 9:35; Markusi 1:40-42; Johan­nesi 5:5-9) Taamanik­kus­samut “in­nut­taasoq kinaluun­niit oqas­san­ngilaq: ‘Nap­parsimavunga!’” – Esaja 33:24; 35:5, 6.

23. Toqungasut Guutip eq­qaamasai qanoq pineqas­sap­pat?

²³ Toqungasut makititaassapput naassaanngitsumillu inuunissaminnut periarfissaqassallutik. Toqumi sinit­tut Guutip eq­qaamasai tamarmik makititaas­sap­put. Aap, ‘toqusut makik­kumaar­put – iluar­tut iluaatsul­lu’. – Apustilit Suliaat 24:15; Johannesi 5:28, 29 atuakkit.

24. Nunarsuarmi paratiisis­sami inuunis­samut periarfis­saq qanoq isumaqarfigaajuk?

²⁴ Pin­ngor­titsisorsuatsin­nik, Jehovamik Guutimik, ilisarisiman­nilerlutil­lu taas­sumun­nga kif­far­tor­niarlutik aalajanger­tut nunarsuarmi paratiisiulersus­sami siunis­saq nuan­ningaar­toq qilanaarisin­naavaat. Jiisusip paratiisis­saq taan­na in­nersuus­sutigaa pinerlut­toq kikiat­tugaaqatini ima neriorsoramiuk: “Paratiisimeeqatigiumaar­parma.” (Lukasi 23:43) Aam­mali Jiisusi Kristusi pil­lugu ilin­niar­nerunis­saq uagutsin­nut pingaaruteqar­poq, taan­na aq­qutigalugu tamak­kunin­nga tamanik pil­luaq­qusaanis­samut periarfis­saqalersin­neqarat­ta.

1. Qin­nut ilisimaneqarluar­toq suna maan­na sam­mis­savar­put?

NUNARSUARMI tamarmi inuit mil­lionil­lit qin­nut inup­pas­suar­nit ataatar­puumik taaneqar­tar­toq nalun­ngilaat. Taan­na tas­saavoq qin­nut ilisimaneqarluar­toq Jiisusip Guutimut qinunermut najoq­qutas­siaa. Qin­nutaavoq isumalerujus­suaq, tas­sanilu qin­nutigineqar­tunik siul­ler­nik pingasunik eq­qarsaatigin­nil­luar­neq Biibilimi sor­piaat ajoqersuutigineqar­neran­nik paasin­nin­nerunis­samut iluaqutigisin­naavat.

2. Jiisusip ajoqersuk­kaminut qin­nutigisaq­qul­lugit ilin­niar­titsis­sutigisaasa ilaat pingasut taak­kit.

² Qin­num­mut najoq­qutas­saasumut tamatumun­nga aal­lar­niutitut Jiisusip tusar­naar­tini ima oqarfigai: “Taamaat­tumik ilis­si ima qinus­saasi: Ataatar­put qilan­niit­tutit! Aq­qit il­ler­nar­titaali, naalagaaf­fiit tikiul­li, piumasat qilam­misut nunamis­saaq pili.” (Mat­thæusi 6:9-13) Qin­nutigineqar­tut pingasut taak­ku qanoq isumaqar­pat?

3. Guutip naalagaaf­fia pil­lugu suut ilisimasariaqar­pavut?

³ Guutip aqqa, Jehova, pil­lugu paasisaqangaatsiareer­pugut. Aam­ma eq­qar­tul­latsiareer­par­put Guutip piumasaa suunersoq – inuian­nut qanoq iliuuseqareer­nersoq siunis­samilu qanoq iliuuseqarumaar­nersoq. Jiisusil­li suna pivaa oqarami ima qinusas­sasugut: “Naalagaaffiit tikiul­li”? Guutip naalagaaf­fia suua? Naalagaaf­fiup tamatuma tikiun­nera Guutip aq­qanik qanoq il­ler­narsisitsiumaar­pa? Guutil­lu naalagaaf­fiata tikiun­nera Guutip piumasaata pinis­saanut qanoq atas­suteqar­pa?

GUUTIP NAALAGAAFFIA SUUNERSOQ

4. Guutip naalagaaf­fia suua, tas­sanilu kina kun­ngiua?

⁴ Guutip naalagaaf­fia naalagaaf­fiuvoq Jehovap Guutip pilersitaa kun­ngimik taas­suma toq­qagaanik siulersuisulik. Guutip naalagaaf­fiani kina kun­ngiua? Jiisusi Kristusi. Nunarsuarmi naalak­kersuisunit tamanit oqar­tus­saas­suseqar­neruvoq taaneqar­tarlunilu ‘kun­ngit kun­ngian­nik naalak­kal­lu naalagaan­nik’. (1 Timotheusi 6:15) Nunarsuarmi naalak­kersuisumit pitsaaner­paamil­luun­niit ajun­ngin­nerungaar­tunik iliuuseqar­nis­saminut pis­saaneqar­poq.

5. Guutip naalagaaf­fia sumin­ngaan­niit sumul­lu naalak­kersuiva?

⁵ Guutip naalagaaf­fia sumin­ngaan­niit naalak­kersuis­sava? Jiisusi maan­na sumiik­kami? Eq­qaaneqareersutut nap­pak­kami an­niar­titaaf­fim­mi toqutaavoq kingor­nalu toqusunit makititaal­luni. Ul­lut 40-t tamatuma kingor­na qilaliar­poq. (Apustilit Suliaat 2:33) Tas­sa Guutip naalagaaf­fia tas­saniip­poq – qilam­mi. Taamaat­tumik naalagaaf­fik taan­na ‘naalagaaf­fim­mik qilam­miit­tumik’ Biibilimi taaneqar­poq. (2 Timotheusi 4:18) Guutip naalagaaf­fia qilam­miip­poq, nunarsuarmul­lu naalak­kersuisus­saavoq. – Saqqummersitat 11:15 atuaruk.

6, 7. Sooq Jiisusi kun­ngiua as­seqan­ngil­luin­nar­toq?

⁶ Sooq Jiisusi kun­ngiua as­seqan­ngil­luin­nar­toq? Siul­lermik, toqun­ngisaan­nas­saaq. Biibilimi al­las­simavoq Jiisusi nunarsuarmi kun­nginut naleq­qiul­lugu ‘kisimi toqujuis­susermik pigisaqar­toq najugaqar­torlu qaamasumi pal­lis­saan­ngitsumi’. (1 Timotheusi 6:16) Tas­sa imaap­poq, Jiisusip iliuuserisas­sai ajun­ngitsut tamarmik ataavar­tuus­sap­put. In­nut­taminul­lu iluaqutaasunik sor­pas­suar­nik iliuuseqarumaarpoq.

⁷ Jiisusi pil­lugu siulit­tuut una eq­qarsaatigeriaruk: “Najus­savaa Naalak­kap [Jehovap, NW] anersaavata, anersaap ilisimanar­tup paasisimasaqar­nar­tul­lu, anersaap siun­nersuisup pis­saasul­lu, anersaap ilisimasaqalersitsisup Guutimil­lu mianerin­nitsitsisup. Kajungeris­savaa Naalak­kamik mianerin­nin­neq; eq­qar­tuus­sis­san­ngilaq isimi isigisaat najoq­qutariin­narlugu, aalajangiis­sananilu siutimi tusagaat maliin­narlugu. Nikanar­tut eq­qar­tuutis­savai eq­qor­tumik pineqar­til­lugit, nunamilu ikior­tarial­lit naaper­tuil­luar­tumik iliorfigalugit.” (Esaja 11:2-4) Oqaatsinit taak­kunan­nga erser­poq Jiisusi inun­nut nunarsuarmiit­tunut kun­ngiujumaar­toq naaper­tuil­luar­toq misigit­tar­torlu. Taama it­tumik naalak­kersuisoqarusus­sin­naavit?

8. Kik­kut Jiisusi naalak­kersueqatigis­savaat?

⁸ Jiisusili Guutip naalagaaf­fiani naalak­kersuisutuaas­san­ngilaq. Naalak­kersueqateqas­saaq. As­sersuutigalugu apustili Paulusi Timotheusimut ima al­lap­poq: “Nikal­lujuik­kut­ta kun­ngioqatigis­savar­put­taaq.” (2 Timotheusi 2:12) Aap, Paulusi, Timotheusi kristumiul­lu aalajaatsut al­lat naalagaaf­fim­mi qilam­miit­tumi Jiisusip naalak­kersueqatis­saatut Guutimit toq­qar­neqar­put. Pisin­naatitaaf­fik im­mik­korluin­naq it­toq taan­na qas­sit pisin­naatitaaf­figis­savaat?

9. Jiisusi qas­sinik naalak­kersueqateqas­sava, qangalu Guutip taak­kunin­nga toq­qar­tuinini aal­lar­tip­paa?

⁹ Atuak­kami matumani kapitali 7-imi eq­qaaneqareersutut apustili Johan­nesi takorruuisin­neqarluni takuaa ‘Savaaraq [Jiisusi Kristusi] qaq­qami Zionimi [kun­ngisut naalak­kersuisoqarfim­mini qilam­miit­tumi] qeqar­toq, najor­tigigaalu inuit 144.000-t qaamik­kut al­las­simasoqar­tut Savaaq­qap aq­qanik Ataataatalu aq­qanik’. 144.000-t taak­ku kik­kuup­pat? Taak­ku pil­lugit Johan­nesi ima al­lap­poq: “Savaaraq sumul­luun­niit aal­laraangat malit­tar­paat, inun­nil­lu im­mik­koor­tin­neqarsimap­put inereq­qaataasutut Guutimut Savaaq­qamul­lu akiliun­neqarlutik.” (Saq­qum­mersitat 14:1, 4) Aap, tas­saap­put Jiisusip Kristusip ajoqersugai aalajaatsut taas­suma qilam­mi naalak­kersueqatis­saatut im­mik­kut toq­qagaasut. Qilam­mi inuunermut makititaareerunik Jiisusi peqatigalugu nunarsuarmut kun­ngius­sap­put. (Saq­qum­mersitat 20:6) Guuti apustilit nalaan­niil­li kristumiunik aalajaatsunik toq­qaasarsimavoq toq­qak­kami 144.000-n­ngor­nis­saat siuner­taralugu.

10. Jiisusip 144.000-l­lu naalak­kersuisun­ngor­tin­neqar­nerat sooq inun­nut asan­nit­tulior­nerua?

¹⁰ Guuti asan­nit­tuliungaar­poq Jiisusi 144.000-l­lu inun­nut naalak­kersuisus­san­ngor­tik­kamigit. Jiisusi nam­mineq inut­tut inuusimavoq, nalun­ngilaalu naal­liuuteqarluni qanoq in­nersoq. Jiisusi pil­lugu Paulusi ima al­lap­poq: “Palasiuneqan­ngilagum­mi qajan­nas­sutsitsin­ni naak­kigin­nis­sin­naan­ngitsumik, kisian­ni tamatigut uagutsitut us­ser­neqarsimasumik, ajor­teqan­ngitsumil­li.” (Hebræerit 4:15; 5:8) Jiisusip naalak­kersueqatai aam­ma nunarsuarmi maani naal­liuuteqar­tarsimap­put. Tamatumalu saniatigut naam­mal­luin­nan­ngis­suser­tik akior­tariaqarsimavaat nap­paatil­lu as­sigiin­ngitsor­pas­suit naam­magalugit ator­tariaqarsimal­lugit. Ajor­nar­torsiutinik inuit nalaat­tagaan­nik paasin­nil­luarsin­naas­sap­put.

GUUTIP NAALAGAAFFIA SUNIK NAAMMASSISAQASSAVA?

11. Sooq Jiisusi oqar­pa ajoqersuk­kami Guutip piumasaata qilam­mi pinis­saa qin­nutigisas­sagaat?

¹¹ Jiisusi oqarami ajoqersuk­kami Guutip naalagaaf­fiata tikiun­nis­saa qin­nutigisas­sagaat aam­ma oqar­poq Guutip piumasaata “qilam­misut nunamis­saaq” pinis­saa qin­nutigisas­sagaat. Guuti qilam­miip­poq, in­ngilil­lu aalajaatsut tas­saniit­tut taas­suma piumasaatut ilior­tuaan­narsimap­put. Kapitali 3-mili paasivar­put in­ngili ajor­toq Guutip piumasaatut ilior­tarun­naarluni Adamimik Evamil­lu ajor­tulior­titsisoq. In­ngili taan­na, Saatanimik Diaavulumik taaneqar­toq, in­ngilil­lu taas­sumin­nga malin­nit­tut pil­lugit Biibilimi qanoq al­las­simasoqar­nersoq kapitali 10-mi sam­minerus­savar­put. Saatani taas­sumalu in­ngilii – anersaapiluit – qilam­mii­gin­na­ral­lar­sin­naa­titaa­simap­put. Tas­sa pif­fis­sami kil­lilim­mi tamatumani qilam­miit­tut ilaan­naat Guutip piumasaatut ilior­put. Guutil­li naalagaaf­fiata naalak­kersuiler­nerani pis­sutsit al­lan­ngor­tus­saasimap­put. Jiisusi Kristusi kun­ngisut iver­tin­neqaq­qam­merluni Saatanimut sorsut­tus­saasimavoq. – Saqqummersitat 12:7-9 atuakkit.

12. Pisus­sat pingaaruteqar­tut marluk suut Saq­qum­mersitat 12:10-mi al­laatigineqar­pat?

¹² Susoqarumaar­nera oqaatsini siulit­tuutaasuni ukunani al­laatigineqar­poq: ‘Tusar­para qilam­mit nipi nipitoqisumik tutsiut­toq: Maan­na an­nas­sut pis­saanerlu Naalagaaf­fil­lu Guutit­ta pigiler­pai, naalagaas­suserlu tanitaata pigiler­paa qatan­ngutit­ta un­nerluutigin­nit­taat [Saatani] igitaam­mat, taan­na ul­luk­kut un­nuak­kul­lu taak­kunin­nga Guutimut un­nerluutigin­nit­tar­toq.’ (Saq­qum­mersitat 12:10) Pisus­sat pingaaruteqar­tut marluk versimi Biibilimiit­tumi tamatumani al­laatigineqar­tut malugaagit? Siul­leq tas­saavoq Guutip naalagaaf­fiata Jiisusi Kristusi kun­ngigalugu naalak­kersuiler­nis­saa. Aap­paa tas­saavoq Saatanip qilam­mit nunamut igitaanis­saa.

13. Saatanip qilam­mit igitaanera qanoq kinguneqar­pa?

¹³ Soorlu atuak­kami matumani sam­mineqar­nerus­sasoq pisus­sat taak­ku marluk pereer­put. Qanoq kinguneqar­pat? Qilam­mi qanoq pisoqar­nera pil­lugu ima al­las­simavoq: “Taamaat­tumik qiim­mat­taritsi qilaat ilis­silu taak­kunani ineqar­tusi!” (Saq­qum­mersitat 12:12) Tap­pavani eq­qis­sineqarluin­nar­poq. Saatanip anersaapiluil­lu peersitaanerat maan­nalu qilam­miit­tut tamarmik Jehovamut aalajaatsuunerat in­ngilit aalajaatsut nuan­naarutigaat. Maan­na Guutip piumasaa qilam­mi pivoq.

14. Saatanip nunamut igitaanerata kingunerisaanik tas­sani qanoq pisoqar­pa?

¹⁴ Nunarsuarmimi? Biibilimi ima al­las­simavoq: ‘Eq­qanaq nuna imarlu Diaavulu ilis­sin­nut aq­qarmat kamat­torsuul­luni, pif­fis­sakis­sutsi nalun­ngin­namiuk.’ (Saq­qum­mersitat 12:12) Saatanip qilam­mit igitaanini pif­fis­sakin­ninilu kamaatigai. Kamangaarami nunarsuarmi ‘eq­qanar­tunik’ pilersitsivoq, tas­sa an­nikil­lior­titsiler­poq. Taman­na kapitalimi tul­liut­tumi sam­minerus­savar­put. Taavami Guutip piumasaata nunami pinis­saa Guutip naalagaaf­fiata qanoq isumagisin­naavaa?

15. Guutip nunarsuarmut tun­ngatil­lugu piumasaa suua?

¹⁵ Guutip nunarsuarmut tun­ngatil­lugu piumasaa suua? Taman­na kapitali 3-mi nas­suiar­neqar­poq. Naatsiivim­mi Edenimi Guutip ersersip­paa piumasarigini nunarsuaq inun­nik naaper­tuil­luar­tunik toqun­ngisaan­nar­tus­sanik ulik­kaarluni paratiisin­ngus­sasoq. Saatanip Adami Evalu Guutimut ajor­tulior­tip­pai, taman­nalu Guutip nunarsuarmut tun­ngatil­lugu siuner­taata naam­mas­sineqar­nis­saanut sun­niuteqar­poq. Siuner­taanil­li al­lan­ngor­titsin­ngilaq. Guutip suli siuner­taraa ‘iluar­tut nuna kingor­nutis­sagaat najugaqas­sasul­lu tas­sani naas­saan­ngitsumik’. (Tus­siaat 37:29) Guutil­lu naalagaaf­fiata taman­na naam­mas­siumaar­paa. Qanoq?

16, 17. Danielimik al­lak­kat 2:44-mi Guutip naalagaaf­fia pil­lugu qanoq paasitin­neqar­pugut?

¹⁶ Danielimik al­lak­kat 2:44-mi siulit­tuut misis­soriar­tigu. Ima al­las­simavoq: “Kun­ngit taak­kua inuutil­lugit qilaap Guutiata naalagaaf­fik qaqugumul­luun­niit atasus­saq pilersik­kumaar­paa, kingor­nalu inuiaat al­lat kun­ngius­sutsimik pilersitsisin­naas­san­ngil­lat. Guutip naalagaaf­fiata kun­ngeqarfiit al­lat tamaasa aseror­tis­savai suujun­naarsil­lugil­lu, nam­minerli soraajuitsumik atas­saaq.” Guutip naalagaaf­fia pil­lugu versimi tamatumani qanoq paasitin­neqar­pugut?

¹⁷ Siul­lermik, al­las­simavoq Guutip naalagaaf­fia pilersin­neqarumaar­toq “kun­ngit taak­kua inuutil­lugit”, tas­sa nunarsuarmi suli al­lanik naalagaaf­feqar­til­lugu. Aap­pas­saanik, al­las­simavoq Naalagaaf­fik taan­na naas­saan­ngitsumik atas­sasoq. Naalagaaf­fin­nit al­lanit ajugaaf­figineqar­nanilu taarser­neqas­san­ngilaq. Pingajus­saanik, siulit­tuum­mi ersersin­neqar­poq Guutip naalagaaf­fia silarsuul­lu matuma naalagaaf­fii sorsuutilerumaar­tut. Guutip naalagaaf­fia ajugaas­saaq. Naggataatigul­lu naalagaaf­fituaalis­saaq. Taamanik­kus­samut inuit naalagaaf­fik maan­namut nalun­ngisamin­nit tamanit pitsaanerusoq nuan­naarutigis­savaat.

18. Guutip naalagaaf­fiata silarsuul­lu matuma naalagaaf­fiisa inaarutaasumik sorsuun­nis­saat qanoq taaneqar­tar­pa?

¹⁸ Guutip naalagaaf­fiata silarsuul­lu matuma naalagaaf­fiisa inaarutaasumik sorsuun­nerat taman­na Biibilimi sam­mineqarluar­poq. As­sersuutigalugu al­las­simavoq anersaapiluit sorsun­nis­saq taan­na qanil­liar­tor­til­lugu ‘silarsuarmi tamarmi kun­nginut aal­lar­tut’ taak­ku tam­mar­tin­niarlugit. Suna siuner­taralugu? Kun­ngit taak­ku “Guutip Ajugaqan­ngitsup ul­lus­sarsuani sorsun­nis­samut katersorumal­lugit”. Nunarsuarmi kun­ngit katersor­neqarumaar­put “najuk­kamut hebræerisut Harmagedonimik taaneqar­tumut”. (Saq­qum­mersitat 16:14, 16) Versini taak­kunani marlun­ni al­las­simasut pis­sutigalugit nunami naalak­kersuisut Guutil­lu naalagaaf­fiata inaarutaasumik sorsuun­nerat Harmagedonimik taaneqar­tar­poq.

19, 20. Guutip piumasaata nunarsuarmi maan­nak­kut pinis­saanut suut akor­nutaap­pat?

¹⁹ Guutip naalagaaf­fiata sorsun­nermi Harmagedonimi ajugaanermigut sunik naam­mas­sis­saqas­sava? Eq­qarsaatigeq­qeriaruk nunarsuarmut tun­ngatil­lugu Guutip piumasaa suunersoq. Siuner­taraa nunarsuaq paratiisin­ngus­sasoq inun­nik naaper­tuil­luar­tunik naam­mal­luin­nar­tunil­lu im­minut kif­far­tor­tunik ulik­kaar­toq. Sooq siuner­taq taman­na maan­nak­kut anguneqarsin­naan­ngila? Siul­lermik, ajor­tiliuner­put pis­sutigalugu. Nap­parsimaler­tar­pugut toqusarlutalu. Kapitali 5-imili paasivar­put Jiisusi uagut pil­luta toqusoq naas­saan­ngitsumik inuunis­samut periarfis­saqar­nias­sagat­ta. Johan­nesip iivangkiiliuani ima al­las­simavoq: ‘Guutip silarsuaq ima asatigaa er­nituani tun­nius­simal­lugu taas­sumun­nga up­per­toq kinaluun­niit tam­maq­qunagu naas­saan­ngitsumil­li inooq­qul­lugu.’ – Johan­nesi 3:16.

²⁰ Akor­nutaasoq al­la tas­saavoq inup­pas­suit ajor­tumik ilior­tar­nerat. Sal­lusar­put, peq­quserlut­tar­put inuunerlut­tuul­lutil­lu. Guutip piumasaatut iliorusun­ngil­lat. Inuil­li ajor­tumik ilior­tar­tut Guutip sorsun­nis­saani Harmagedonimi piuneerus­saajumaar­put. (Tussiaat 37:10 atuaruk). Guutip piumasaata maani nunarsuarmi pin­ngin­neranut pis­sutaasoq al­la tas­saavoq nunarsuarmi naalak­kersuisut Guutip piumasaatut ilior­nis­samik inun­nik kajumis­saarin­ngin­nerat. Pif­fis­sap ingerlanerani naalak­kersuisuusar­tut ilar­pas­sui san­ngiitsuup­put, naak­kit­taatsuup­put akilersil­lutil­luun­niit atorfim­min­nik ator­nerluisar­put. Biibilimi ima al­las­simavoq: “Ilaan­nik­kut inuit ilaat ataaseq inoqatiminut ajoqutaasumik pis­saaneqar­pal­laar­tar­poq.” – Oqaluus­sisar­tup oqaasii 8:9.

21. Guutip piumasaata nunami pinis­saa Naalagaaf­fiup qanoq isumagis­savaa?

²¹ Sorsun­nerup Harmagedonip kingor­na inuit ataasiin­narmit naalagaaf­figineqas­sap­put, tas­sa Guutip naalagaaf­fianit. Naalagaaf­fiup tamatuma Guutip piumasaa naam­mas­siumaar­paa nuan­ningaar­tunil­lu pil­luaq­qus­sutis­siiumaarluni. Saatani anersaapiluil­lu peersis­savai. (Saq­qum­mersitat 20:1-3) Jiisusip pil­liutaata nalinga ator­neqarumaar­poq inuit aalajaatsut tamarmik nap­parsimasarun­naar­nias­sam­mata toqusarun­naar­nias­sam­matalu. Guutip naalagaaf­fiata naalak­kersuinerani naas­saan­ngitsumik inuusin­naas­sap­put. (Saqqummersitat 22:1-3 atuakkit). Nunarsuaq paratiisin­ngor­tin­neqarumaar­poq. Taamaalil­luni Guutip naalagaaf­fiata isumagis­savaa Guutip piumasaata nunami pinis­saa taas­sumalu aq­qata il­ler­narsisin­neqar­nis­saa. Naggataatigut Guutip naalagaaf­fiata aqutsinerani inuusut tamarmik Jehovap aq­qanik ataq­qin­nis­sap­put.

GUUTIP NAALAGAAFFIA QAQUGU AKULIUTISSAVA?

22. Qanoq nalun­ngilar­put Guutip naalagaaf­fia Jiisusi nunamiitil­lugu makititaanerataluun­niit kingunin­ngua tikius­siman­ngitsoq?

²² Jiisusip ajoqersuk­kani ima qinusaq­qul­lugit ilin­niar­tim­magit “Naalagaaf­fiit tikiul­li”, erseq­qip­poq Guutip naalagaaf­fia suli tikius­siman­ngitsoq. Jiisusi qilaliarmat tikiup­pa? Aam­ma taamaas­simanavian­ngilaq. Tas­sami Petrusip Paulusil­lu oqaatigaat Tus­siaat 110:1-imi siulit­tuut una Jiisusip makititaanerata kingorna taas­sumun­nga eq­quutitin­neqar­toq: “Naalagaq [Jehova, NW] naalak­kan­nut oqar­poq: ‘Taler­pim­ma tungaanut ingin­niarit akeq­qatit uan­nit tum­marfiliun­neqarserlugit il­lit isik­kan­nut!’” (Apustilit Suliaat 2:32-35; Hebræerit 10:12, 13) Tas­sa Jiisusi utaq­qigal­lar­tariaqarsimavoq.

23. (a) Qanga Guutip naalagaaf­fia naalak­kersuiler­pa? (b) Kapitalimi tul­liut­tumi suna sam­mineqar­pa?

²³ Qanoq sivisutigisumik utaq­qiva? 1800-k­kut 1900-k­kul­lu ingerlaneran­ni Biibilimik atuaq­qis­saar­tar­tut pimoorus­sisut paasiar­tuaarsimavaat pif­fis­saq kil­lilik taman­na 1914-imi naas­sasoq. (Takuuk tapilius­sami nas­suiaat “1914 – ukioq Biibilimi siulit­tuutinut tun­ngatil­lugu pingaarutilik”). 1914-imi tamatumalu kingor­na silarsuarmi pisar­tut Biibilimik atuaq­qis­saar­tar­tut paasisimasaata eq­qor­tuuneranut up­per­narsaataap­put. Biibilimi siulit­tuutit eq­quun­neran­nit erser­poq 1914-imi Kristusi kun­ngin­ngor­toq Guutil­lu naalagaaf­fia qilam­miit­toq naalak­kersuilersoq. Taamaat­tumik maan­na Saatanip ‘pif­fis­sakif­figisaani’ inuuvugut. (Saq­qum­mersitat 12:12; Tus­siaat 110:2) Taman­nalu pis­sutigalugu up­peril­luin­nar­par­put Guutip naalagaaf­fia qanit­tuk­kut akuliuk­kumaar­toq Guutil­lu piumasaata nunarsuarmi maani pinis­saa isumagalugu. Nutaarsias­sap nuan­nis­susia, ilaa? Taama pisoqarumaar­nera up­peraajuk? Kapitali tul­liut­toq Biibilimi tamak­kor­piaat ajoqersuutigineqar­neran­nik paasin­nin­nis­san­nut iluaqutigis­savat.