“Sophialua ukiut 39-t sinnerlugit aappareereerluta sivisuumik napparsimareerluni toquvoq. Ikinngutima tapersersorluarpaannga, aamma arlaannik ulapputeqarniartarpunga. Ukiorli ataasersuaq assut anniarpunga. Misigissutsikka allanngoraannavipput. Allaat massakkut, toquneraniit ukiut pingasungajaat qaangiuttut, misigissutsikkut tassanngaannaq anniangaalertarpunga.” – Kostas.

Asasan­nik toquk­kut an­naasaqar­nikuuit? Taamaap­pat Kostasitut misigisimas­saatit. Aap­parmik, qanigisamik ikin­ngutigil­luak­kamil­luun­niit toquk­kut an­naasaqar­neq inuunermi ajor­ner­paat ilagaat. Ilisimatuut aliasun­nerup an­ner­nar­tuanik misis­sueq­qis­saarsimasut taman­na isumaqatigaat. The American Journal of Psychiatry-mi al­laaserisami al­las­simavoq “[ersarit­toq] toqu tas­saasoq qaqugorsuarmut an­naasaqar­nerit an­ner­nar­ner­paar­taat”. Taamatut alianar­tumik an­naasaqar­toq im­maqa ima eq­qarsar­tar­poq: ‘Qanoq sivisutigisumik taamatut misigis­saanga? Pil­lualeq­qis­sin­naavunga? Qanoq iluaal­las­sin­naavunga?’

Apeq­qutit taak­kua akis­sutaat Iteritsi!-mi matumani sam­mineqar­put. Al­laaserisami tul­liut­tumi qimagaaq­qam­mersimaguit suut ilimagisin­naagitit sam­mineqas­saaq. Al­laaserisani al­lani aliasun­nerit sak­kor­tual­laarun­naarsik­kumal­lugu qanoq iliorsin­naasutit eq­qar­tor­neqas­saaq.

Neriuutigingaar­par­put sam­mineqar­tut an­naasaqar­nerup an­ner­nar­tuanik misigisaqar­tumut kimul­luun­niit tup­pal­lersaataal­lutil­lu atoriaan­naas­sasut.

Ilisimatuut ilaasa aliasun­neq im­mik­koor­tunut tul­leriiaar­taraluaraat inuit tamarmik im­mik­kut as­sigiin­ngitsumik aliasut­tar­put. An­naasaqar­nermi aliasoriaatsit as­sigiin­ngim­mata taava imaap­pa ilaat aliasun­ngin­nerusar­tut misigis­sutsimin­nil­luun­niit “nunusisar­tut”? Taamaat­tariaqan­ngilaq. Aliasun­nermik akuerin­nin­neq ersersitsinerlu iluaal­latsitsisin­naagaluar­tut “eq­qor­tumik” aliasoriaaseqan­ngilaq. Inuup kulturia, kinaas­susia, inuunermi misilit­tagai toqunermul­lu pis­sutaasoq apeq­qutaasin­naasar­put.

QANOQ SAKKORTUTIGISSAVA?

Qimagaasut asasamik toquk­kut an­naasaqar­nermik kingor­na suut ilimagisin­naal­lugit im­maqa nalus­savaat. Misigis­sutsil­li unam­miniar­nar­tul­lu aalajangersimasut nalingin­naasar­tut ilimagineqarsin­naasar­put. Uku eq­qarsaatigik­kit:

Misigissutsikkut nanertisimangaarneq. Qiarujus­suar­neq, toqusumut kipin­neq isum­mal­lu al­lan­ngorar­nera ilimagineqarsin­naap­put. Misigis­sutsit aam­ma eq­qaamasanit sin­natunil­lu ilumoor­pasit­tunit sak­kor­tusisin­neqarsin­naap­put. Aal­laq­qaam­mul­li tupaq­qaneq up­periuminaatsitsinerlu amerlasuut misigisar­paat. Tiinap uini, Timo, tas­san­ngaan­naq toqum­mat qisuariar­nini ima oqalut­tuaraa: “Aal­laq­qaam­mut misigis­suseqan­ngilanga. Qiasin­naan­ngilangaluun­niit. Ar­torsar­nermik anersaar­tor­nis­sara saper­nar­tit­tar­para. Pisut up­periuminaatseqaak­ka.”

Tassanngaannaq annilaangalerneq, kamalerneq imminullu pisuutinneq aamma nalinginnaapput. Ivan ima oqar­poq: “Er­nit­ta Eriup 24-nik ukioqarluni toqunerata kingor­na nuliaralu, Yolanda, as­sut kamap­pugut! Sior­natigut inut­tut kamas­saqar­tutut im­mitsin­nut isigin­ngisaan­narat­ta taman­na tupaal­laatigaar­put. Aam­ma er­ner­put ikior­nerusimasariaqar­nerlugu im­mitsin­nut aperisarat­ta im­minut pisuutip­pugut.” Alejandro nuliani sivisuumik nap­parsimareerluni toqum­mat aam­ma im­minut pisuutit­tar­poq: “Aal­laq­qaam­mut misigivunga Guutip taama naal­liutsiginis­sara akuerisimap­pagu inut­tut ajor­tuusimas­sal­lunga. Taama misigereerama Guutimik pisuutitsisutut in­nera pil­lugu im­minut pisuutiler­punga.” Aam­ma Kostas, al­laaserisap siuliani is­suar­neqar­toq, ima oqar­poq: “Ilaan­nik­kut al­laat Sophia toqum­mat kamaat­tar­para. Taava taama misiginera pil­lugu im­minut pisuutiler­tar­punga. Nam­minermi pisuun­ngilaq.”

Iluamik eqqarsarsinnaannginneq. Pif­fis­sap ilaani eq­qarsaatit al­lan­ngorarsin­naal­lutil­luun­niit paasiuminaas­sin­naap­put. As­sersuutigalugu qimagaasup takorloorsin­naavaa toqusoq tusaaneqarsin­naasoq, malugineqarsin­naasoq takuneqarsin­naasorluun­niit. Qimagaasup aalajangersimasumik aal­lus­sinis­sani eq­qaamasaqar­nis­saniluun­niit saper­nar­tis­sin­naavaa. Tiina oqar­poq: “Ilaan­nik­kut oqaloqateqar­til­lunga eq­qarsaatik­ka al­lamut saariataar­tar­put. Timop toqunerani pisut eq­qarsaatigiin­naler­tar­pak­ka. Aal­lus­sisin­naan­ngin­neq ilungersunar­poq.”

Immikkoorusunneq. Aliasut­toq al­lanik ilagisaqar­til­luni uumisulerluniluun­niit akun­nat­tuungaler­tar­poq. Kostas oqar­poq: “Aap­pariin­nik ilagisaqaraangama al­laanerusutut misigisar­punga. Kisian­ni aam­ma kisimiit­tunik ilagisaqaraangama taamatut misigisar­punga.” Ivanip nulia, Yolanda, oqalut­tuar­poq: “Uagut ajor­nar­torsiutitsin­nut naleq­qiul­lugu suun­ngip­pasit­tunik inuit ajor­nar­torsiutitik pil­lugit naam­magit­taal­lior­tut sapingajat­tar­pak­ka! Aam­ma meeq­qamik ingerlal­luar­neran­nik oqalut­tuar­tut qutsak­kaluarlugit tusar­naar­nis­saat saper­nar­tit­tar­para. Uigalu paasivar­put inuuneq ingerlaq­qit­tar­toq, taman­nali kis­saatiginagulu akueriuminaatsip­par­put.”

Peqqiilliorneq. Nererusus­sutsip, oqimaas­sutsip sinit­tar­nerul­lu al­lan­ngor­nerat nalingin­naap­put. Aaron ataatami toqunerata kingor­na ukioq siul­leq pil­lugu ima oqalut­tuar­poq: “Sinin­naveer­tar­punga. Un­nuit tamaasa pif­fis­sami aalajangersimasumi iter­tar­punga ataatama toqunera eq­qarsaatigalugu.”

Alejandro eq­qumiitsumik peq­qiil­lior­tar­nini pil­lugu ima oqalut­tuar­poq: “Arlaleriarlunga nakorsamit misis­sor­tip­punga paasitin­neqarlungalu peq­qit­tunga. Ilimagaara aliasun­nera pis­sutigalugu nap­parsimasutut misigisunga.” Pif­fis­sap ingerlanerani nap­parsimasutut misigiun­naar­poq. Taamaak­kaluar­toq Alejandro nakorsiarami silatusaar­poq. Aliasun­nerup timip nap­paam­mut akiuus­sutis­saa an­nikil­lisis­sin­naavaa, peq­qiil­liuutit ajor­nerulersis­sin­naavai al­laal­lu nap­paateqalersitsisin­naal­luni.

Pisariaqartunik suliaqarnissamik sapernartitsineq. Ivan oqalut­tuar­poq: “Eriup toqunerata kingor­na ilaqutaasa ikin­ngutaasalu saniatigut arlal­lit, soorlu sulisitsisua inimil­lu at­tar­tor­titsisua, ilisimatit­tariaqar­pavut. Aam­ma inatsisitigut al­lak­kiat arlal­lit im­mersor­tariaqar­pavut. Taava Eriup pigisai misis­sor­pavut. Isumak­kut, timik­kut misigis­sutsik­kul­lu qasoq­qangaar­nermi tamak­ku isumagisariaqar­pavut.”

Ilaal­li asasamik pigisimasaat isumagisus­san­ngoraangamik­kit aatsaat ar­torsangaaler­tar­put. Tiinap taman­na misigaa. Ima nas­suiaavoq: “Timop aningaasaqar­nermut tun­ngasut isumagiuaan­nar­pai. Maan­na akisus­saaf­figiler­pak­ka, taman­nalu uip­pakajaar­nerulis­sutigiin­nar­para. Ilumut tamak­ku tamaasa kuk­kunanga isumagisin­naas­savak­ka?”

Qulaani misigis­sutsik­kut, isumak­kut timik­kul­lu naal­liun­nar­tutut eq­qaaneqar­tunit ersersin­neqar­poq aliasun­neq erloqinangaar­pasis­sin­naasoq. Asasamik toquk­kut an­naasaqar­nerup an­ner­nar­tua sak­kor­tungaarsin­naavoq, tamatumali ilisimareer­nera qimagaaq­qam­mersut piner­tusaar­nis­samut iluaqutigisin­naavaat. Aam­ma eq­qaamajuk kikkut tamarmik aliasun­nerup sun­niutigisin­naasai tamaasa misigineq ajormatigit. Tamatuma saniatigut qimagaasut ilaasa aliasun­nermi misigis­sutsit taama sak­kor­tutigisar­nerisa pissusissamisoornerannik ilisiman­nin­ner­tik tup­pal­lersaatigisin­naavaat.

PILLUAQQILERSINNAAVUNGA?

Suut ilimagisinnaagitit: Aliasun­neq qaqugorsuarmut taama sak­kor­tutiginavian­ngilaq; sak­kukil­liar­tulerumaar­poq. Imaan­ngilarli tamak­kiisumik “aaq­qis­sasutit” imaluun­niit asasat puius­sagit. Aliasun­nerul­li an­ner­nar­tui sak­kukil­liar­tulis­sap­put. Pisimasut aalajangersimasut eq­qaariataaruk­kit ul­luniluun­niit aalajangersimasuni, soorlu katif­fis­siorfin­ni, toqusoorfin­ni al­lanilu, sak­kor­tuseriataarsin­naap­put. Naggataatigul­li inuit amerlanerit misigis­sutsik­kut naner­tisimarujus­suarun­naarlutil­lu ul­luin­nar­ni sulias­sat isumageq­qilersin­naasar­paat. Pingaar­tumik taman­na qimagaasunut ilaqut­tamin­nit ikin­ngutimin­nil­lu tapersersor­neqar­tunut piner­tusaarumal­lutil­lu sapin­ngisaminik iliuuseqar­tunut atuut­tar­poq.

Qanoq sivisutigissava? Ilaasa qaam­matialuit qaangiuk­kaangata ajor­nersaa qaanger­tar­paat. Amerlasuut ukioq ataaseq marlul­luun­niit qaangiuk­kaangata aliasun­ngin­nerusutut misigiler­tar­put. Ilaasalu al­laat pif­fis­saq sivisunerusoq pisariaqar­tit­tar­paat.a Alejandro oqalut­tuar­poq: “Uanga ukiut pingasut mis­saan­ni aliasus­suataar­tar­punga.”

Erinitsajuigit. Ul­lunik ataasiak­kaarigit, ilin­nut naleq­qut­tumik siumukarit ilisimal­lugulu aliasun­nerit qaqugorsuarmut taama sak­kor­tutiginavian­ngitsoq. Aliasuk­kun­naaminiarlutil­li iliuuseqarsin­naavit imaluun­niit aliasun­nerit pisariaqan­ngitsumik sivitsor­tin­naveersaarsin­naaviuk?

Aliasun­nermi piner­tusaar­nis­samut siun­nersuutinik ujar­tuiguit ilimanar­poq isum­mat amerlasoor­pas­suit – ilaat al­lanit iluaqutaanerusut – siumus­sagitit. Eq­qaaneqareersutut kik­kut tamar­mik assigiin­ngitsumik aliasut­tarnerat tamatumani peq­qutaagunar­poq. Inum­mut iluaqutaasoq al­lamut im­maqa iluaqutaas­san­ngilaq.

Taamaak­kaluar­toq tun­ngaviusunik najoq­qutas­siaqar­poq amerlasuunit iluaqutigineqarsimasunik. Taak­ku aliasun­neq pil­lugu siun­nersor­tinit is­suar­neqar­tar­tut qaqugorsuarmut iluaqutigineqarsin­naasut Biibilimi najoq­qutas­sianut naaper­tuup­put.

1: ILAQUTTANNIT IKINNGUTINNILLU TAPERSERSORNEQARNISSAT AKUERIUK

• 

  Ilisimatuut ilaasa taman­na aliasun­nerup naam­magalugu ator­nis­saanut pingaar­ner­paanerar­tar­paat. Ilaan­nik­kul­li im­maqa kisimiik­kusut­tar­putit. Al­laat im­maqa ikiuiniar­tut uumitsaat­tarsin­naavatit. Taman­na nalingin­naavoq.

• Misigis­san­ngilatit al­lat ilagiuaan­nas­sal­lugit, kisian­ni aam­ma ajat­tus­san­ngilatit. Taak­kuami tapersersuinis­saat siunis­sami pisariaqar­tis­sagunar­pat. Inus­siar­nersumik al­lat ilisimatit­tak­kit sunik pisariaqar­titsil­lutit sunil­lu pisariaqar­titsinak.

• Pisariaqar­titatit naaper­torlugit al­lanik ilagisaqar­tar­nermik kisimiit­tar­nermil­lu oqimaaqatigiis­saarigit.

NAJOQQUTASSIAQ: “Marluugaan­ni ataasiin­naanermit pitsaaneruvoq ... Arlaat orlup­pat aap­paata nikuitit­tar­paa.” – Oqaluus­sisar­tup oqaasii 4:9, 10.

2: PEQQINNARTUNIK NERISARLUTILLU TIMERSORTARIT

• Peq­qin­nar­tunik as­sigiin­ngis­sitaar­tunil­lu nerineq aliasun­nermik aal­laaveqar­tumik misigis­sutsik­kut naner­tisimanerup qaanger­nis­saanut iluaqutaas­sap­put. Naatitanik proteinitalin­nil­lu naam­mat­tumik nerisarit.

• Imermik al­lanil­lu imeruarsaatinik peq­qin­nar­tunik imerluar­tarit.

• Nererusus­suseqar­pian­ngik­kuit akulikitsumik an­nikitsunik nerisarit. Aam­ma nakorsaq inuus­sutis­sanut akus­sat pil­lugit aperisin­naavat.a

• Suk­kalaar­tumik pisut­tuar­neq al­latul­lu timersor­neq misigis­sutsinik nikal­lor­nar­tunik an­nikil­lisitsisin­naap­put. Timersor­neq an­naasamik eq­qarsaatigin­nin­nis­samut eq­qarsaatil­luun­niit al­lamut saatsin­nis­saan­nut iluaqutaasin­naavoq.

NAJOQQUTASSIAQ: “[Inuup] timini uumis­sun­ngisaan­nar­paa, kisian­ni inuus­sutis­sit­tar­paa paaq­qisarlugulu.” – Efesosimiut 5:29.

3: SINILLUARTARIT

• 

  Aliasun­neq qasoq­qanerulersitsisin­naam­mat sinin­neq ingam­mik aliasut­tunut pingaaruteqar­poq.

• Kof­feinital­lit aalakoor­nar­tor­tal­lil­lu sinin­nin­nut sun­niuteqarsin­naam­mata mianersuutigik­kit.

NAJOQQUTASSIAQ: “Pitsaaneruvoq itum­map ataasiin­naap imaanik peqaraan­ni qasuersaarsin­naal­lunilu itum­mat il­lut­tut suleruloor­nik­kut ulik­kaar­neran­nit anorimil­lu tigusiniarsarinermit.” – Oqaluus­sisar­tup oqaasii 4:6.

4: NALEQQUSSARTARIT

• 

  Kik­kut tamarmik as­sigiin­ngitsumik aliasut­tar­tut eq­qaamajuk. Taamaat­tumik ilin­nut suna pitsaanerusoq paasiniar­tariaqar­pat.

• Amerlasuut aliasun­ner­tik al­lanut ersersis­sal­lugu iluaqutigisar­paat, al­lal­li ersersik­kusun­neq ajor­paat. Ilisimatuut misigis­sutsinik ersersitsineq aliasun­nerup naam­magalugu ator­nis­saanut pingaaruteqar­nersoq as­sigiin­ngitsor­pas­suar­nik isumaqarfigaat. Misigis­sutsin­nik aniatitsinis­sat pisariaqar­tik­kuk­ku, taamaalior­nis­sarli tunuarsimaarfigalugu, im­maqa aal­lar­niutigalugu ikin­ngutigil­luak­kan­nut misigis­sutsivit ilaasa eq­qar­tor­nis­saat ajor­nan­ngin­nerutis­savat.

• Ilaasa qianeq aliasun­nerup naam­magalugu ator­nis­saanut iluaqutigisar­paat, al­lal­li qiaval­laan­ngik­kaluarlutik aliasun­ner­tik naam­magalugu ator­pasit­tar­paat.

NAJOQQUTASSIAQ: “Uum­matip narrutsaatigisani nam­mineq ilisimasar­paa.” – Us­satit 14:10.

5: AJOQUTAASUNIK ILEQQOQARNAVEERSAARIT

• 

  Ilaat imigas­sat aalakoor­nar­tor­tal­lit, aan­ngajaar­niutit nakorsaatil­lu ator­nerlul­lugit aliasup­pal­laarun­naar­niar­tar­put. Taamaalior­neq ajoqutaavoq. Tamatumani iluaal­lan­nar­tutut misiginarsin­naasoq sivikitsuin­naasar­poq as­sul­lu kingunerlutsitsisin­naal­luni. Misigis­sutsik­kut naner­tisimanerit ajoqutaan­ngitsumik pitsan­ngorsar­niar­taruk.

NAJOQQUTASSIAQ: “Minguk tamaat piias­savar­put.” – 2 Korinthimiut 7:1.

6: PIFFISSAT OQIMAAQATIGIISSUMIK ATORUK

• Amerlasuut aliasun­ner­tik puiulaar­niarlugu arlaan­nik sam­misaqar­tar­neq iluaqutigisar­paat.

• Al­lanik ikin­ngutitaar­neq ikin­ngutigisanul­luun­niit qanin­neruler­neq, arlaan­nik ilik­kagaqar­neq aliik­kutaqar­nerluun­niit iluaal­las­sutigisin­naavatit.

• Pif­fis­sap ingerlanerani im­maqa malugilis­savat akulikin­nerusumik sivisunerusumil­lu aliasut­tarun­naarsimal­lutit, taman­nalu aliasup­pal­laarun­naariar­tor­nerup ilagiin­nar­paa pis­susis­samisoor­toq.

NAJOQQUTASSIAQ: “Suut tamarmik aalajangersimasumik pif­fis­saligaap­put ... Qiaf­fis­saqar­poq il­larfis­saqarlunilu. Kap­pialaf­fis­saqar­poq qit­taserfis­saqarlunilu.” – Oqaluus­sisar­tup oqaasii 3:1, 4.

7: AALAJANGERSIMASUNIK ILEQQULIUSSIGIT

• 

  Sapin­ngisamik piaar­ner­paamik ul­luin­nar­ni isumagisar­tak­katit aal­lar­teq­qik­kit.

• Pif­fis­sat aalajangersimasut sinin­nermut, sulinermut al­lanil­lu sam­misaqar­nermut ator­taruk­kit ilimanar­poq misigis­sasutit pis­sutsit nalingin­naasumik ingerlaq­qilersut.

• Sam­misas­sat nuan­nersut ulap­putigisaruk­kit misigis­sutsit an­ner­nar­tut an­nikil­lisin­naap­put.

NAJOQQUTASSIAQ: “Ul­lut inuuf­figisatik eq­qarsaatigival­laas­san­ngilaat, Guutim­mi uum­matimik­kut nuan­naarutis­sis­simam­matik.” – Oqaluus­sisar­tup oqaasii 5:19.

8: SIUSIPPALLAAMIK PINGAARUTILINNIK AALAJANGIINAVEERSAARIT

• Amerlasuut asasamin­nik toquk­kut an­naasaqaq­qam­mer­nermik kingor­na aalajangius­satik pingaarutil­lit peq­qis­simis­sutigisar­paat.

• Ajor­nan­ngip­pat nuun­nis­san­nut, al­lamik sulif­fit­taar­nis­san­nut asasavil­luun­niit pigisimasaanik piiaanis­samut sivisulaamik utaq­qeq­qaarit.

NAJOQQUTASSIAQ: “Eqiasuitsup pilersaarusiai iluanaarutis­sarsisitsisar­put, tuavior­pal­laar­torli ajorsaateqalersar­poq.” – Us­satit 21:5.

9: ASASAT EQQAAMAJUK

• 

  Amerlasuut inum­mik toqusimasumik eq­qaasitsisar­tunik sam­misaqar­tar­neq iluaqutaanerar­tar­paat.

• As­sinik eq­qaasitsis­sutis­sanil­luun­niit katersineq imaluun­niit pisut misigisal­lu eq­qaamarusutatit pil­lugit ul­lorsiutilior­neq tup­pal­lersaatigisin­naavat.

• Nuan­nersunik eq­qaasitsisar­tut toq­quk­kit kingusin­nerusuk­kul­lu piareer­tutut misigiguit isigin­naarlugit.

NAJOQQUTASSIAQ: “Eq­qaak­kit ul­lut qaangiut­tut.” – 5 Mosesi 32:7.

10: ALLAMUKALAARTARIT

• Feerias­sanerlutit eq­qarsaatigiuk.

• Feeriar­nis­samut periarfis­saqan­ngik­kuit im­maqa ul­lormi ataatsimi marlun­niluun­niit nuan­nersunik sam­misaqarsin­naavutit, soorlu asimut pisut­tuarlutit, katersugaasivim­mut takor­nariarlutit angalaarlutil­luun­niit.

• Al­laat al­lamut saalaar­neq aliasun­nivit naam­magalugu ator­nis­saanut iluaqutigisin­naavat.

NAJOQQUTASSIAQ: “Inoqan­ngitsumut ilagisinga; taak­kuin­naal­lusi tas­sani qasuersaatsiarsin­naavusi.” – Markusi 6:31.

11: ALLANIK IKIUIGIT

• 

  Eq­qaamajuk al­lanik ikiuinerit nammineq iluaqutigisarak­ku.

• As­sersuutigalugu aal­lar­niutitut ikin­ngutit ilaqut­tal­luun­niit il­lit asasan­nik an­naasaqar­nermik aliasuutigin­nit­toq oqaloqateqar­nis­samil­lu pisariaqar­titsisoq ikiorsin­naavat.

• Al­lanik tapersersuineq tup­pal­lersaanerlu nuan­naalis­sutigalugulu inuunermi siuner­taqaq­qiler­tutut misigilis­sutigisin­naavat.

NAJOQQUTASSIAQ: “Tunisineq pil­luar­nar­neruvoq tigusinermit.” – Apustilit Suliaat 20:35.

12: PINGAARNERSIUERIAATSIT NALILERSOQQIGUK

• Aliasun­neq sor­piaat pingaar­neruneran­nik paasin­nin­nis­samut iluaqutigisin­naavat.

• Periarfis­sat atorluarlugu inuunerit qanoq ator­nerlugu eq­qarsaatigiuk.

• Pisariaqar­pat pingaar­nersiueriaatsit al­lan­ngor­tiguk.

NAJOQQUTASSIAQ: “Il­lumut aliasuf­fim­mukar­neq pitsaaneruvoq il­lumut nal­liut­torsiorfim­mukar­nermit, inuit tamarmik inuunerat il­lumi aliasuf­fim­mi naggateqar­tarmat. Inuusut tamarmik taman­na eq­qaamasariaqar­paat.” – Oqaluus­sisar­tup oqaasii 7:2.

Soorunami aliasuk­kun­naavis­sin­naan­ngilatit. Amerlasuul­li asasamin­nik toquk­kut an­naasaqarsimasut misilit­tak­kamin­nit up­per­narsarsin­naavaat al­laaserisami matumani eq­qaaneqar­tunik maleruaaneq tup­pal­lersaataasar­toq. Una aliasup­pal­laarun­naar­nis­samut al­lat­torsimaf­fiun­ngilaq tamak­kiisoq. Siun­nersuutil­li ilaat malik­kuk­kit im­maqa paasis­savat taak­kor­piaat iluaal­laatigis­sal­lugit.

ASASAMIK TOQUK­KUT AN­NAASAQAR­NERUP AN­NER­NAR­TUA UKIUNI KINGUL­LER­NI ILISIMATUUNIT MISIS­SOR­NEQANGAATSIARSIMAVOQ. Taamaak­kaluar­toq siusin­nerusuk­kut sam­mineqar­tutut ilisimatuut siun­nersuutaat pitsaaner­paaq amerlaner­tigut Biibilimut naaper­tuut­tar­poq. Biibilimi siun­nersuutit pisoqalin­ngisaan­nar­nerat tamatuman­nga ersersin­neqar­poq. Biibilimi tutsuiginar­tunik siun­nersuuteqaan­nar­nani al­lami atuar­neqarsin­naan­ngitsunik paasis­sutis­saqar­poq aliasut­tunut tup­pal­lersaataangaarsin­naasunik. Tas­sani up­per­narsar­neqar­poq ...

• asasavut toqusimasut naalliunngitsut

  “[Toqungasut] sun­nguamil­luun­niit ilisimasaqan­ngil­lat,” Oqaluus­sisar­tup oqaasii 9:5-imi al­las­simavoq. Taak­kua ‘pilersaarutaat maangaan­nar­put.’ (Tus­siaat 146:4) Tamatuma saniatigut Biibilimi toqu eq­qis­sil­luni sinin­nermut as­sersuun­neqar­poq. – Johan­nesi 11:11.

• Guuteqartoq asannittumik

  Tus­siaat 34:16 naaper­torlugu Jehovapa “isaasa sam­mivigaat iluar­tut, ikioq­qul­lutik nil­lianerat siutaasa tusartarpaat”. Misigis­sutsit­ta Guutimut qinunik­kut oqalut­tuarinerat tup­pal­ler­nis­samut imaluun­niit eq­qarsaatit­ta aqun­nis­saanut iluaqutigiin­nar­nagu Pin­ngor­titsisit­ta, pis­saanini atorlugu uagutsin­nik tup­pal­lersaasin­naasup, qanimut at­taveqarfigiler­nis­saanut iluaqutigisar­par­put.

• siunissaq nuannersoq qilanaarisinnaagipput

  Takorlooruk siunis­sami ilivermiit­tut nunarsuarmi inuunis­samut makitin­neqar­tut. Taman­na Biibilimi arlaleriarluni eq­qar­tor­neqar­poq. Nunarsuarmi pis­sutsit qanoq ik­kumaar­nerat al­laatigineqarmat eq­qaaneqar­poq Guutip ‘qul­liit tamaasa isitsin­nit al­lar­terumaarai, toqulu peeruk­kumaar­toq, aliasut­toqarun­naarlunilu nil­liasoqarun­naarlunilu an­niar­toqarun­naas­sasoq’. – Saq­qum­mersitat 21:3, 4.

Jehovamut Guutimut up­per­tut amerlasuut asasamik toqusimasut takoq­qin­nis­saat up­peril­luin­naramik­ku aliasun­nerup naam­magalugu ator­nis­saanut nakus­satsin­neqangaar­tar­put. As­sersuutigalugu An­n, uini ukiuni 65-ini aap­parereerlugu uil­lar­nin­ngor­toq, ima oqar­poq: “Biibilimi neriorsoq­qis­saar­neqar­punga asasavut toqusimasut naal­liun­ngitsut Guutil­lu toqusimasut eq­qaamasani tamaasa makitis­sagai. An­naasaqarsimanera eq­qaagaangak­ku taman­na eq­qaasar­para, taamaat­tumil­lu inuunin­ni pisoq ajor­ner­paaq naam­magalugu atorsin­naaler­tar­para.”

Tiina, al­laaserisat siuliini eq­qaaneqar­toq, oqar­poq: “Timo toqum­mal­li Guutimit tapersersor­neqar­nera misigaara. Erloqingaar­nin­ni Jehovamit ikior­neqar­nera ersarip­poq. Biibilimilu makititsinis­samik neriorsuut up­peril­luin­nar­para. Timop takoq­qin­nis­saata tungaanut taman­na piner­tusaar­nis­samut nakus­satsis­sutigisar­para.”

Inuit mil­lionil­lit aam­ma Biibilimi neriorsuutit piviusun­ngor­nis­saat up­peril­luin­nar­paat. Al­laat Biibilimi al­las­simasut piviusorsiun­ngitsutut takorluugaan­nar­tul­lu isigigaluarlugit tamatumani siun­nersuutit neriorsuutil­lu tutsuigineqarsin­naanersut misis­sor­tariaqar­patit. Im­maqa paasis­savat aliasut­tunut Biibili iluaqutaasoq pitsaaner­paaq.

MAKITITSISOQARNISSAANIK NERIUUT PILLUGU PAASINIAAGIT

Filmit jw.org-imi takuk­kit

TOQUSIMASUT ARLAANNUT INGERLAQQITTARPAT?

Toqugut­ta qanoq pisoqas­sava? Akis­sut Biibilimeersoq ersaris­soq tup­pal­ler­narlunilu qiim­maal­lan­nar­poq

Tuukkit BIIBILILERSAARUTIT > ISIGINNAAGASSIAT (Im­mik­koor­tut: Biibili)

NUANNERSUNIK TUSAGAQARUSUPPIT?

Nutaarsias­sat nuan­nersut sumi tusar­neqarsin­naap­pat?

Tuukkit BIIBILIP ATORIAANNAANERA > TOQQISSISIMANEQ PILLUARNERLU