“Qatanngutigiissuit tamaasa asasigik”

Oqaatsit issuarneqartut Guutimit isumasarsiarititaasut ukiut 2000-tingajaat matuma siornatigut allataapput. (1 Petr 2:17, NW) Oqaatsit taakku maleruassallugit ullumikkut aatsaat taama pisariaqartitsigilerpavut. Silarsuarmi taama isorartutigisumi qatanngutigiissuarnik qanoq asannittoqarsinnaagami? Silarsuarmi asannissuseqanngitsumi asanninnitta nillertunngunnginnissaa qanoq qulakkeersinnaavarput? (Matt 24:12) Filmi Vort brodersamfund isiginnaartillugu apeqqutit tulliuttut akisinnaavigit?

(1) Qaqugukkut qatanngutigiissuarnut kristumiunut ilaalerluta oqarsinnaavugut? (2) Suut pingasut silarsuarmi qatannguterpassuavullu assigiissutigaavut? (3) Qanoq ilillutik qatanngutitta oqaluusserusussuseqarnertik takutippaat (a) Alaskami nunaqarfinni, (b) Europap umiarsualivissuini aamma (c  Perup orpippassuaqarfiini? (4) Sooq oqaluussineq suliffittut nalinginnaasutut isumaqarfigissanngilarput? (5) Jehovap Nalunaajaasuisa tuppallersaasarnerannik tapersersuisarnerannillu assersuuteqarit (a) nunamik sajuttoqarsimatillugu, (b) ulussaarsuup kingornatigut aamma (c) inuiaqatigiinni sorsuuttoqartillugu? (6) Kristumiutut qatanngutigiissuartut ilisarnaaterput tamatta qanoq iliorluta takutissinnaavarput? (Joh 13:35) (7) Naalagaaffilersaarfitsinnik sanalluta suleqatigiittarnerput qanoq iluaqutigisarparput? (8) Suliniarnerput inerteqqutaammat qanoq ilillutik qatanngutivut Europap Kangisissuaniittut Ruslandimiittullu Jehovamut qanittuarsinnarsimappat? (9) Nalunaajaasorpassuit ataatsimeersuarnermut peqataarusullutik qanoq ilungersortigisarpat, aamma sooq? (10) Aalajangiussisimaninnut filmi qanoq nakussatsinneqaatigaajuk (a) qatanngutitit peqatigalugit Jehovamik pallorfiginninninnut, (b) ikiortariallit ikiornissaannut aamma (c)  periarfissatit tamaasa sumiluunniit aalajaallutit oqaluussinissannut? (11) Qanoq aamma qaqugukkut oqaluussinermi filmi atorsinnaavarput?

Jehovamut asanninnerput kristumiutut qatanngutigissuarnut ilaanitsinnut pissutaasut pingaarnerpaartaraat. Taamaattumik ilinniarnerussallugu allallu taassuminnga ilinniartissallugit nuannaraarput. Jehovap asasai uagut aamma asavavut. Pisariaqartitsisut ikioraangatsigit Guutimit qutsavigineqarnissarput naatsorsuutigineq ajorparput. Akerlianilli Guuti qutsavigisarparput qatanngutigiissuit kristumiut Guutimit tunissutaammata naleqangaartut. Silarsuarmi asannissuseqanngitsumi ullut kingulliit naangajalermata silarsuarmi qatanngutigiissuarnut asanninnerput ersersittuartariaqarparput!