Jobi misilinneqarnermini assuarnaattuarpoq

Israelikkut Egyptenimi inussiaataaneranni Jobi Usimi najugaqarpoq. Israelikkuunngikkaluarluni Jobip Jehova ilumoorfigalugu pallorfigaa. Ilaqutarpassuaqarlunilu pigissaarlunilu inuiaqatigiinni nuimasuuvoq. Siunnersuisartuuvoq ataqqisaangaartoq, aamma eqqartuussisuuvoq kinaassusersiortuunngitsoq. Piitsunut pisariaqartitsisunullu tukkortuuvoq. Jobi angutaavoq assuarnaatsoq.

Jobip ersersippaa Jehova inuunermini pingaarnerpaatillugu

1:8-11, 22; 2:2-5

• Jobip assuarnaatsuunera Saatanip maluginiarpaa. Jobip Jehovamut naalannera miserratiginagu pissutiginiagai apeqquserpai

• Saatanip Jobi namminissarsiorluni Jehovamut kiffartornerarpaa

• Saatanip unnerluussutaa akineqarniassammat taassuma angummik aalajaatsumik saassussinissaa Jehovap akueraa. Saatanip Jobi sutigut tamatigut ajunaaruteqartippaa

• Jobi assuarnaattuarmat Saatanip inuit tamarmik assuarnaattuarsinnaanersut apeqquserpaa

• Guuti eqqunngitsuliortutut unnerluutiginagulu Jobi ajortuliunngilaq