Utertitsissut – Guutip tunissutaa pingaarnerpaaq

1, 2. (a) Tunis­sut qaquguk­kut ilin­nut pingaarutilerujus­suusar­pa? (b) Sooq oqar­toqarsin­naava uter­titsis­sut tunis­sutisiarisin­naasavit naleqar­ner­paar­tarigaat?

TUNIS­SUTISIARISIMASAT pitsaaner­paaq suua? Tunis­sut pitsaasoq akisuujusariaqan­ngilaq. Imaan­ngilaq tunis­sutip nalivia aningaasan­ngorlugu tamatigut naatsorsor­neqarsin­naasar­toq. Tas­sa tunis­sutisiat nuan­naarutigigaangak­ku pisariaqar­tivik­kaangak­kuluun­niit ilin­nut naleqangaar­tar­poq.

² Tunis­sutisiarerusus­sin­naasar­pas­suavit ilaat ataaseq al­lanit tamanit pingaar­neruvoq. Tas­saavoq Guutip inuian­nut tunis­sutaa. Uagutsin­nut tunis­sutai amerlaqaat, taak­kuali pingaar­ner­paar­taraat er­nerata Jiisusip Kristusip pil­liutaa uter­titsis­sutaasoq. (Matthæusi 20:28 atuaruk). Soorlu kapitalimi matumani ersersin­neqas­sasoq, il­lit tunis­sutisiarisin­naasat naleqar­ner­paaq tas­saavoq uter­titsis­sut taan­na. Taan­na pis­sutigalugu ataavar­tumik pil­luangaalersin­naavutit pisariaqar­titatil­lu pingaar­ner­paat matus­sutis­sis­sin­naal­lugit. Uter­titsis­sut Jehovap ilin­nik asan­nin­neranut ersiutaasut pingaar­ner­paar­taraat.

UTERTITSISSUT SUUA?

3. Uter­titsis­sut suua, tunis­sul­lu taman­na pingaar­til­luarsin­naajumal­lugu suna paasisariaqar­par­put?

³ Naatsumik oqaatigalugu uter­titsis­sut tas­saavoq Jehovap inun­nik ajor­timit toqumil­lu aniguisitsis­sutaa, imaluun­niit an­naas­sis­sutaa. (Efesosimiut 1:7) Ajoqersuutip Biibilimeersup tamatuma isumaa paasis­sagutsigu eq­qarsaatigisariaqar­par­put naatsiivim­mi Edenimi qanoq pisoqarsimanersoq. Adamip ajor­tuliorami an­naasaa suunersoq aatsaat paasigutsigu, uter­titsis­sutip uagutsin­nut sooq taama naleqar­tiginera paasis­savar­put.

4. Adamip inut­tut naam­mal­luin­nar­tuunini qanoq iluaqutigaa?

⁴ Jehovap Adami pin­ngor­tik­kamiuk erlin­nangaar­tumik tunivaa – inuunermik naam­mal­luin­nar­tumik. Taman­na Adamip qanoq iluaqutigaa? Timik­kut isumak­kul­lu naam­mal­luin­nar­tuul­luni pin­ngor­titaagami nap­parsimalin­ngisaan­nar­tus­saal­lunilu utoq­qalin­ngisaan­nar­tus­saal­lunilu toqun­ngisaan­nar­tus­saavoq. Inut­tut naam­mal­luin­nar­tuugami Jehovamut im­mik­kut it­tumik at­taveqar­poq. Biibilimi al­las­simavoq Adami ‘Guutip er­nerigaa’. (Lukasi 3:38) Tas­sa Adamip Jehovamut qanit­tumik at­taveqar­neq, er­nerup ataataminut asan­nit­tumut at­taveqar­neratut it­toq, nuan­naarutigisin­naavaa. Jehovap er­nini nunarsuarmiu taan­na oqaloqatigisar­paa, nalerisimaar­nar­tunik sulias­saqar­tit­tar­paa qanorlu piumasaqarfiginerlugu ilisimatit­tarlugu. – 1 Mosesi 1:28-30; 2:16, 17.

5. Biibilimi al­las­simam­mat Adami “Guuti as­silil­lugu” pin­ngor­tin­neqar­toq suna pineqar­pa?

⁵ Adami “Guuti as­silil­lugu” pin­ngor­tin­neqar­poq. (1 Mosesi 1:27) Imaan­ngilaq Adamip isik­kumigut Guuti as­sigigaa. Soorlu atuak­kami matumani kapitali 1-imi paasigip­put Jehova anersaajuvoq takus­saan­ngitsoq. (Johan­nesi 4:24) Tas­sa Jehova inuit timaat­tut it­tumik timeqan­ngilaq. Adami Guuti as­silil­lugu pin­ngor­titaam­mat imaap­poq Guutip pis­susiinut as­singusunik pis­suseqarluni pin­ngor­titaasoq, ilaatigut asan­nis­suseqarluni, ilisimas­suseqarluni, naaper­tuil­luas­suseqarluni pis­saaneqarlunilu. Adamip aam­ma pingaarutilik al­la Ataataminut as­singus­sutigaa, tas­sa nam­mineq piumasamisut iliorsin­naagami. Maskiinatut program­merer­neqarsimanermisuin­naq iliorsin­naasutut in­nani Adami im­minut tun­ngasunik aalajangiisin­naavoq, aam­ma eq­qor­tulius­sanerluni eq­qun­ngitsulius­sanerluniluun­niit aalajangersin­naavaa. Guutimut naalak­kumal­luni aalajangersimasuuguni paratiisimi nunarsuarmiit­tumi naas­saan­ngitsumik inuusin­naas­sagaluar­poq.

6. Guutimut naalan­ngik­kami Adamip suna an­naavaa, taman­nalu kinguaavinut qanoq kinguneqar­pa?

⁶ Taamaat­tumik Adami Guutimut naalan­ngik­kami toqumul­lu eq­qar­tuus­saagami akisunaarerujus­suar­poq. Unioq­qutitsinini pis­sutigalugu inuunini naam­mal­luin­nar­toq erlin­nar­toq inuunerul­lu taamaat­tup pil­luaq­qus­sutis­sar­tai tamaasa an­naavai. (1 Mosesi 3:17-19) Alianaraluar­tumik Adamiin­naan­ngitsoq inuuneq naam­mal­luin­nar­toq an­naavaa – aam­mat­taarli kinguaas­saasa tamarmik an­naavaat. Guutip oqaasiani ima al­las­simavoq: “Soorlu inuk­kut ataasiin­nak­kut [Adamik­kut] ajor­ti silarsuarmut tikiut­toq ajor­tik­kul­lu toqu tikiul­luni, taamatut toqu inun­nut tamanut an­ngup­poq tamarmik ajor­tuliormata.” (Romamiut 5:12) Tas­sa inuit tamarmik ajor­ti Adamimit kingor­nup­paat. Biibili naaper­torlugu Adami im­minut kinguaas­sani ilan­ngul­lugit ajor­timut toqumul­lu inus­siaanermut ‘akigivoq’. (Romamiut 7:14) Adami Evalu piaaralutik Guutimut naalan­ngin­niarlutik aalajangeramik neriuutis­saqan­ngil­lat. Kinguaavimi, ilaatigut uagut?

7, 8. Biibilimut tun­ngatil­lugu oqaatsimi uter­titsis­sum­mi suut marluk pineqar­pat?

⁷ Jehovap inuiaat ikior­pai uter­titsis­sum­mik pilersitsinermigut. Uter­titsis­sut suua? Biibilimut tun­ngatil­lugu oqaaseq taan­na marlun­nik isumaqar­poq. Siul­lermik, tas­saavoq aniguisitsinermi imaluun­niit pigisarisimasaraluaq uter­til­lugu pisiareq­qiinermi akiliutigineqar­tar­toq. Sorsun­nermi tiguak­kamik aniguisitsiniarluni aningaasanut akiliutigineqar­tar­tunut as­sersuun­neqarsin­naavoq. Aap­pas­saanik, uter­titsis­sut akiliutaasoq matus­sutis­siil­luin­nar­tariaqar­poq. As­sersuun­neqarsin­naavoq ajoquser­nermi taarsiif­figitin­nermut. Inuk ajunaar­nermut pisuusimaguni akiliisariaqar­tar­poq an­naasap aseruk­kal­luun­niit nalinganik.

⁸ An­naasaq angingaar­toq, Adamip kinguaaminut tamanut kingor­nutsitaa, qanoq matus­sutis­sin­neqarsin­naava ajor­timut toqumul­lu inus­siaataanermit uter­til­luta? Uter­titsis­sut Jehovap pilersitaa tamatumalu ilin­nut qanoq iluaqutaasin­naanera misis­soriar­tigit.

JEHOVA UTERTITSISSUMMIK QANOQ PILERSITSIVA?

9. Uter­titsis­sut qanoq it­toq pisariaqar­pa?

⁹ An­naasaq tas­saavoq inuuneq naam­mal­luin­nar­toq. Taamaat­tumik inuuneq naam­mal­luin­nan­ngitsoq akiliutigalugu qaqugumul­luun­niit uter­tin­neqarsin­naan­ngilaq. (Tus­siaat 49:8, 9) Uter­titsis­sut an­naasap nalingatut nalilik pisariaqar­poq. Naaper­tuil­luaq­qis­saar­nermut Guutip oqaasiani ima najoq­qutas­siaqar­poq: “Inuuneq naleqar­tin­neqas­saaq inuunermik.” (5 Mosesi 19:21) Inuunerup naam­mal­luin­nar­tup Adamip an­naasaata suna naligaa? Uter­titsis­sut tamatuma nalinga tas­saavoq inuup al­lap inuunera naam­mal­luin­nar­toq. – 1 Timotheusi 2:6.

10. Jehovap uter­titsis­sut qanoq pilersip­paa?

¹⁰ Jehovap uter­titsis­sut taan­na qanoq pilersip­paa? Er­nimi anersaajusut naam­mal­luin­nar­tut ilaat nunarsuarmut aal­lar­tip­paa. Pin­ngor­titaq anersaajusoq Jehovap maanga aal­lar­titaa im­mik­kut it­tuuvoq. Qaniginer­paasanimi, er­nituani, aal­lar­tip­paa. (1 Johan­nesi 4:9, 10 atuak­kit). Er­nerup anersaajusup taas­suma qilam­mi inigisani kajumil­luni qimap­paa. (Filip­pimiut 2:7) Soorlu kapitalip matuma siuliani paasigip­put Jehovap er­nituami inuunera niviarsiap juutiusup Mariap il­liaanut tupin­nar­tulior­nik­kut nuup­paa. Taava Guutip anersaavata il­ler­nar­tup ikiuineratigut Jiisusi inut­tut naam­mal­luin­nar­tuul­luni inun­ngor­poq ajor­ti pil­laatisias­sar­taalu atugas­sarinagit. – Lukasi 1:35.

11. Inuk ataaseq qanoq inun­nut mil­lionilik­kuutaanut uter­titsis­sutaasin­naava?

¹¹ Inuk ataaseq qanoq inup­pas­suar­nut, al­laam­mi mil­lionilik­kuutaanut, uter­titsis­sutaasin­naava? Tamatuma akis­sutaa inuit tamarmik qanoq ilil­lutik ajor­tilin­ngorsimanerisa nas­suiaataanut at­tuumas­suteqar­poq. Adami ajor­tuliorami erlin­nangaar­tumik an­naasaqar­poq, tas­sa inuunerminik naam­mal­luin­nar­tumik. Taamaam­mat inuunermik naam­mal­luin­nar­tumik qitor­naminut ingerlatitseq­qis­sin­naan­ngilaq. Kinguaaminut ingerlateq­qis­sin­naasatuai tas­saap­put ajor­ti toqulu. Jiisusip, Biibilimi ‘Adamimik kingul­lermik’ taaneqar­tup, inuunera naam­mal­luin­nar­tuuvoq, taan­nalu ajor­tuliorsiman­ngisaan­nar­poq. (1 Korinthimiut 15:45) Taamaat­tumik Adamimut taar­taasin­naavoq uter­til­luta, imaluun­niit an­naal­luta. Jiisusip Guutimut naalal­luin­narluni inuunermi naam­mal­luin­nar­tup pil­liutigineratigut, imaluun­niit isumak­keer­neratigut, Adamip ajor­tuliaa akiler­paa. Taamaalil­luni Adamip kinguaavi neriuutis­saqalersip­pai. – Romamiut 5:19; 1 Korinthimiut 15:21, 22.

12. Jiisusip naal­liuutimi naam­magalugit ator­nerisigut suna up­per­narsar­paa?

¹² Jiisusip toqun­ngin­nermini naal­liuutit ator­tariaqagai Biibilimi sukumiisumik al­laaserineqar­put. Iperar­tor­neqar­poq, nap­pak­kamut an­niar­titaaf­fim­mut kikiat­tugaavoq naal­liungaarlunilu toqul­luni. (Johan­nesi 19:1, 16-18, 30; tapilius­sami nas­suiaat “Kristumiut ilumoor­tut pal­lorfigin­nin­nermin­ni san­ningasulim­mik atuisus­saap­pat?”) Sooq Jiisusi taama naal­liutsigisariaqar­pa? Saatanip apeq­qusersimam­magu inum­mik ilungersunar­tumik misilin­neqar­nermini Guutimut aalajaat­tuar­toqas­sanersoq, taman­nalu nas­suiar­neqar­poq atuak­kami matumani kapitalit tul­liut­tut ilaan­ni. Naal­liungaaraluaqaluni aalajaal­luni piner­tusaar­nermigut Jiisusip apeq­qut taman­na pitsaaner­paamik akis­sutis­saqalersip­paa. Jiisusip up­per­narsar­paa inuk naam­mal­luin­nar­toq piumasamisut iliorsin­naatitaasoq, Diaavulumit qanorluun­niit iliorfigineqaraluarluni, Guutimut as­suar­naal­luin­nar­tuaan­narsin­naasoq. Jehovap er­nermi asasami aalajaatsuunera nuan­naarutigisimas­saqaa! – Us­satit 27:11.

13. Uter­titsis­sut qanoq akiler­neqar­pa?

¹³ Uter­titsis­sut qanoq akiler­neqar­pa? Er­nermi naam­mal­luin­nar­tup ajor­teqan­ngitsul­lu toqutaanis­saa Guutip akueraa. Taman­na pivoq ukiumi 33-mi, juutit qaam­matisiutaat malil­lugu nisanip ul­luisa 14-ian­ni. Jiisusip taamaalil­luni inuunini naam­mal­luin­nar­toq “ataasiaam­mik” pil­liutigaa. (Hebræerit 10:10) Jiisusip toqunerata kingor­na ul­lut pingajuan­ni Jehovap taan­na anersaajulerseq­qil­lugu makitip­paa. Kingusin­nerusuk­kut qilam­mi Jiisusip inut­tut inuunermi naam­mal­luin­nar­tup nalinga sas­saap­paa Adamip kinguaavisa uter­tin­neqaatis­saat­tut. (Hebræerit 9:24) Jiisusip pil­liutaata nalinga Jehovap uter­titsis­sutitut inuit ajor­timut toqumul­lu inus­siaajun­naarsitaas­sutis­saat­tut akueraa. – Romamiut 3:23, 24 atuak­kit.

UTERTITSISSUT ILINNUT QANOQ ILUAQUTAASINNAASOQ

14, 15. Ajor­titsin­nik isumak­keerfigineqas­sagut­ta qanoq ilior­tariaqar­pugut?

¹⁴ Ajor­tiliugaluarluta uter­titsis­sut tun­ngavigalugu pil­luaq­qusaangaarsin­naavugut. Guutip uter­titsis­sum­mik tunis­sutaa angingaar­toq pis­sutigalugu maan­nak­kut siunis­samilu ajun­ngitsorsias­sarisin­naasat­ta ilaat misis­soriar­tigit.

¹⁵ Ajortinik isumakkeerfigineqarneq. Naam­mal­luin­nan­ngis­suseq kingor­nus­sar­put pis­sutigalugu eq­qor­tulior­niarluta tamaviaar­tariaqar­pugut. Oqaatsik­kut iliuutsik­kul­lu tamat­ta ajor­tulior­tar­pugut. Jiisusil­li uter­titsis­sutitut pil­liutaa iluaqutigalugu ‘ajor­titsin­nik isumak­keerfigineqarsin­naavugut’. (Kolos­semiut 1:13, 14) Isumak­keerfigineqas­sagut­tali ilumoorluta peq­qis­simisariaqar­pugut. Aam­ma maniguul­luta Jehova qin­nuigisariaqar­par­put er­nerata uter­titsis­sutitut pil­liutaanik up­perin­nin­ner­put tun­ngavigalugu isumak­keerfigeq­qul­luta. – 1 Johannesi 1:8, 9 atuakkit.

16. Sooq ilerasuuteqarata Jehovamut pal­lorfigin­nis­sin­naavugut, ilerasuuteqan­ngin­nerlu qanoq pingaaruteqar­tigaa?

¹⁶ Guutimut ilerasuuteqannginneq. Ilerasuuteqar­neq pis­sutigalugu nikal­loriaan­naasin­naavugut atorsin­naan­ngitsutul­lu misigaluta. Uter­titsis­sul­li iluaqutigalugu isumak­keerfigineqarsin­naaler­nitsigut Jehovap naam­mal­luin­nan­ngitsuugaluarluta ilerasuuteqarata im­minik pal­lorfigin­nis­sin­naatip­paatigut. (Hebræerit 9:13, 14) Ilerasuuteqan­ngin­nat­ta “nakimanata” Jehovamut sas­sarsin­naavugut. Qinunik­kut saaf­figeriaan­naavar­put. (Hebræerit 4:14-16) Ilerasuuteqan­ngit­tuar­neq qamuuna eq­qis­sinar­poq, im­minut ataq­qineruler­nar­poq nuan­naar­neruler­narlunilu.

17. Jiisusip uagut pil­luta toqunera pis­sutigalugu sunik pil­luaq­qus­sutisisin­naavugut?

¹⁷ Nunami paratiisiusumi naassaanngitsumik inuunissamik neriuut. Romamiunut al­lak­kat 6:23-mi ima al­las­simavoq: ‘Ajor­tip akis­sarsiarititaa tas­sa toqu.’ Nangin­neralu imaap­poq: “Guutil­li saam­maan­nermit tunis­sutaa tas­saavoq inuuneq naas­saan­ngitsoq Kristusi-Jiisusimi Naalak­katsin­ni.” Nunami paratiisiulersus­sami pil­luaq­qus­sutisias­sat atuak­kami matumani kapitali 3-mi sam­mivavut. (Saq­qum­mersitat 21:3, 4) Ajun­ngitsorsias­sat tamak­ku tamaasa, ilaatigut peq­qil­luin­narluni naas­saan­ngitsumik inuuneq, angusin­naaler­pavut Jiisusip uagut pil­luta toqunera pis­sutigalugu. Tamak­kunin­ngali pil­luaq­qus­sutisis­sagut­ta uter­titsis­sum­mik tunis­sutaasumik pingaar­titsineq ersersit­tariaqar­par­put.

PINGAARTITSINERIT QANOQ ERSERSISSINNAAVIUK?

18. Sooq uter­titsis­sut pil­lugu Jehovamut qujamasut­tariaqar­pugut?

¹⁸ Sooq uter­titsis­sut pil­lugu Jehova qujamasuf­figingaar­tariaqar­par­put? Tunis­sutisiaq im­mik­kut erligineqar­tar­poq tunisisumut aningaasatigut, ilungersor­nik­kut pif­fis­sar­tor­nik­kul­luun­niit akisusimagaangat. Tunis­sut tunisisup uagutsin­nut ilumoorluni asan­nin­neranut ersiutaasoq malugigaangatsigu qamuuna at­tor­tit­tar­pugut. Uter­titsis­sut tunis­sutinit tamanit erlin­nar­ner­paavoq, tamatumin­ngami pilersitsiniarluni pil­liutigineqarsimasut an­ner­paar­taan­nik Guuti pil­liuteqar­poq. ‘Guutip silarsuaq ima asatigaa er­nituani tun­nius­simal­lugu,’ Johan­nesip iivangkiiliua 3:16-imi al­las­simavoq. Uter­titsis­sut tas­saavoq Jehovap uagutsin­nik asan­nin­neranut up­per­narsaatit erseq­qarin­nersaat. Aam­mat­taaq Jiisusip asan­nin­neranut up­per­narsaataavoq, taas­sumami uagut pil­luta inuunini kajumil­luni tun­niup­paa. (Johan­nesi 15:13 atuaruk). Uter­titsis­sut tunis­sutaavoq Jehovap taas­sumalu er­nerata uagutsin­nik inut­tut ataasiak­kaatut asan­nin­neran­nik qularun­naas­sutigisariaqagar­put. – Galatiamiut 2:20.

19, 20. Uter­titsis­sum­mik pingaar­titsinerit sutigut ersersis­sin­naaviuk?

¹⁹ Uter­titsis­sum­mil­li tamatumin­nga, Guutip tunis­sutaanik as­seqan­ngitsumik, pingaar­titsinerit qanoq ersersis­sin­naaviuk? Siul­lermik, utertitsissummik tunisisitta Jehovap ilisarisimalerneratigut. (Johan­nesi 17:3) Atuagaq una atorlugu Biibilimik misis­suineq taamaalior­nis­san­nut iluaqutigisin­naavat. Jehova ilisarisimanerujar­tor­til­lugu asanerujar­tus­savat. Taas­sumun­ngalu asan­nin­nerit taas­suma piumasaatut iliorusulis­sutigis­savat. – 1 Johan­nesi 5:3.

²⁰ Jiisusip utertitsissutitut pilliutaanik upperinninnerit ersersiguk. Jiisusimut tun­ngatil­lugu ima al­las­simavoq: “Er­nermut up­per­toq naas­saan­ngitsumik inuuneqar­poq.” (Johan­nesi 3:36) Jiisusimut up­per­ner­put qanoq ersersis­sin­naavar­put? Oqaasiin­nak­kut pin­nani, aam­mali suliatigut ersersin­neqar­tariaqar­poq. Jaakup al­lagai 2:26-mi al­las­simavoq ‘up­per­neq sulianik ilaqan­ngitsoq toqungasoq’. Jiisusimut up­per­ner­put ersersis­sin­naavar­put sapin­ngisar­put tamaat taas­sumin­nga ilaarsinitsigut – oqaatsik­kuin­naan­ngitsoq, aam­mali iliuuseqar­nik­kut. – Johan­nesi 13:15.

21, 22. (a) Sooq Jiisusip toquneranik eq­qaaniaal­luni ukiumoor­tumik nal­liut­torsior­nermut najuut­tariaqar­pugut? (b) Kapitali 6-imi 7-imilu suna nas­suiar­neqar­pa?

²¹ Jiisusip toquneranik eqqaaniaalluni ukiut tamaasa nalliuttorsiortarneq najuuffigisaruk. Ukiumi 33-mi nisanip 14-ian­ni un­nuk­kut Jiisusi nal­liut­torsior­nermik im­mik­kut it­tumik pilersitsivoq Biibilimi ‘Naalak­kap nerliutaanik nereqatigiin­nermik’ taaneqar­tumik. (1 Korinthimiut 11:20; Mat­thæusi 26:26-28) Aam­ma Jiisusip Kristusip toquneranik eq­qaaniaal­luni nal­liut­torsior­nermik taaneqar­tar­poq. Jiisusip nal­liut­torsior­neq taman­na pilersip­paa apustilini taak­kualu kingor­na kristumiut ilumoor­tut tamaasa ikior­niarlugit inut­tut naam­mal­luin­nar­tutut toqunermigut inuunerminik pil­liutitut uter­titsis­sutitut tun­nius­sinerminik eq­qaaman­nin­nis­saan­nut. Eq­qaaniaal­luni nal­liut­torsior­neq taman­na pil­lugu Jiisusi ima peq­qusivoq: “Taamaalior­taritsi uanga eq­qaaniarlunga!” (Lukasi 22:19) Nal­liut­torsior­neq najuuf­figigaangatsigu uter­titsis­sum­mut tun­ngatil­lugu Jehovap Jiisusil­lu uagutsin­nut asan­nit­tuliungaarsimaneran­nik eq­qaasin­neqar­tar­pugut. Jiisusip toquneranik eq­qaaniaal­luni ukiumoor­tumik nal­liut­torsior­tar­nerup najuuf­figisar­neratigut tunis­sum­mik tamatumin­nga pingaar­titsiner­put ersersis­sin­naavar­put.a

²² Uter­titsis­sut tas­saavoq Jehovap uagutsin­nut tunis­sutaa nalis­saqan­ngitsoq. (2 Korinthimiut 9:14, 15) Tunis­sut erlin­nangaar­toq taan­na al­laat toqungasut iluaqutigilersin­naavaat. Taman­na qanoq paasisariaqar­nersoq kapitali 6-imi 7-imilu nas­suiar­neqar­poq.