Naalakkap nerliutaanik nereqatigiinneq – Guutimut ataqqinaataasumik nalliuttorsiorneq

KRISTUMIUT peq­quneqar­put Jiisusip toquneranik eq­qaaniaal­lutik nal­liut­torsior­taq­qul­lugit. Eq­qaaniaal­luni nal­liut­torsior­neq taman­na aam­ma ‘Naalak­kap nerliutaanik nereqatigiin­nermik’ taaneqar­tar­poq. (1 Korinthimiut 11:20) Sooq pingaaruteqangaar­pa? Qaquguk­kut qanorlu nal­liut­torsiutigineqar­tar­tus­saava?

Ukiumi 33-mi un­num­mi juutit poorskisiorfian­ni Jiisusip nal­liut­torsior­neq taman­na pilersip­paa. Poorski nal­liut­torsiutigineqar­tar­poq ukiumut ataasiaan­narluni, juutit qaam­mataasa nisanip ul­luisa 14-ian­ni. Juutit ul­lup tamatuma nal­liun­nis­saa naatsorsor­niarlugu uper­naleq­qaarfia, ul­lup un­nual­lu takeq­qatigiif­fiat, tun­ngavigisar­paat. Qaam­mat nisani aal­lar­tit­tar­poq qaam­mat qaam­man­nit­toq uper­naleq­qaarfim­mut qanin­ner­paasoq takuneqarsin­naaleraangat. Ul­lut 13-it tamatuma kingor­na poorski aal­lar­tit­tar­poq.

Jiisusip apustilini poorskisioqatigai, Judasi Iskarioti aneq­quaa Naalak­kal­lu nerliutaanik nereqatigiin­neq pilersil­lugu. Nal­liut­torsior­neq taman­na juutit poorskian­nut taar­taavoq taamaat­tumil­lu ukiumut ataasiaan­narluni nal­liut­torsiutigineqar­tar­tus­saal­luni.

Mat­thæusip iivangkiiliuani ima al­las­simavoq: “Jiisusip timiusaq tiguaa pil­luaq­qusil­lunilu aggor­paa, ajoqersuk­kaminul­lu tun­niup­paa oqarlunilu: ‘Tigusiuk neril­lugulu; tas­sa timiga.’ Ermuserlu tiguaa qujal­lunilu taak­kunun­nga tun­niup­paa oqarlunilu: ‘Tamas­si tas­san­nga imeritsi, taan­na tas­sa aaga, angerutsip aava, amerlasuut pil­lugit kuineqar­tus­saq ajor­tit isumak­keer­neqaatis­saan­nik.’” – Mat­thæusi 26:26-28.

Ilaat isumaqar­put Jiisusip timiusaq viin­nilu al­lan­ngor­tik­kai tas­saalersil­lugit nam­mineq uinini aan­nilu. Jiisusil­li timiusamik tamatumin­nga ajoqersuk­kani neqeroorfigim­magit taas­suma uinik­kut timaa ajoquteqan­ngilaq. Ajoqersuk­kat ilumut Jiisusip uinia nerivaat aavalu imerlugu? Naamik, taamaaliorsimasuugunik inut­torsimas­sagaluar­put Guutil­lu inatsisaanik unioq­qutitsis­sagaluarlutik. (1 Mosesi 9:3, 4; 3 Mosesi 17:10) Lukasip iivangkiiliua 22:20 naaper­torlugu Jiisusi ima oqar­poq: “Ermuseq man­na tas­sa angerusisaaq uanga aak­kut pil­lusi kuineqar­tuk­kut.” Ermuseq taman­na tas­saaler­pa “angerusisaaq”? Taamaas­sin­naan­ngilaq, angerusermi tas­saavoq isumaqatigiis­sut tigus­saasuun­ngitsoq.

Taamaat­tumik timiusaq viin­nilu as­sersuutaap­put. Timiusaq Kristusip timaanut naam­mal­luin­nar­tumut as­sersuutaavoq. Jiisusip timiusaq poorskisium­mik nereqatigiin­nermi nerisamin­nit sin­nerut­toq ator­paa. Timiusaq taan­na seer­narsaat qapul­lu (pul­las­saatit) ator­nagit if­fiugaavoq. (2 Mosesi 12:8) Biibilimi seer­narsaat ajor­timut ajor­tun­ngorsimanermul­luun­niit as­sersuutaagajup­poq. Taamaat­tumik timiusaq timimut naam­mal­luin­nar­tumut Jiisusip pil­liutigisaanut as­sersuutaavoq. Timi taan­na ajor­teqan­ngivip­poq. – Mat­thæusi 16:11, 12; 1 Korinthimiut 5:6, 7; 1 Petrusi 2:22; 1 Johan­nesi 2:1, 2.

Viin­ni aap­palut­toq Jiisusip aavanut as­sersuutaavoq. Jiisusip aavata angerusisaaq atuutilersip­paa. Jiisusi oqar­poq aan­ni “ajor­tit isumak­keer­neqaatis­saan­nik” kuineqar­toq. Taamaalil­luni inuit Guutip isaani minguitsuulersin­naap­put angerusisaamul­lu Jehovamik angerfigeqatigin­nis­sutaasumut ilaalersin­neqarsin­naan­ngorlutik. (Hebræerit 9:14; 10:16, 17) Angeruseq, tas­sa isumaqatigiis­sut, taman­na pis­sutigalugu kristumiut aalajaatsut 144.000-t qilaliar­nis­samut periarfis­saqaler­put. Qilam­mi kun­ngisut palasitul­lu kif­far­tus­sap­put inuiaat tamarmik pil­luaq­qus­sutis­saan­nik. – 1 Mosesi 22:18; Jeremia 31:31-33; 1 Petrusi 2:9; Saq­qum­mersitat 14:1-3; 20:6.

Kik­kut eq­qaaniaal­luni nal­liut­torsior­nermi as­sersuutinik, timiusamik viin­nimil­lu, pis­sap­pat? Paasinar­poq angerusisaamut ilaasut – tas­sa qilaliar­nis­samik neriugisal­lit – kisimik pis­sasut. Guutip anersaavanit il­ler­nar­tumit qularun­naarsin­neqar­put qilam­mi kun­ngiusus­satut toq­qar­neqarsimanermin­nik. (Romamiut 8:16) Aam­ma Naalagaaf­fik pil­lugu angerutsimut Jiisusimik angerfigeqatigin­nis­sutaasumut ilaap­put. – Lukasi 22:29, 30.

Taavami nunarsuarmi paratiisiusumi naas­saan­ngitsumik inuunis­samik neriugisal­lit? Taak­ku Jiisusip peq­qus­sutaa naalal­lugu Naalak­kap nerliutaanik nereqatigiin­nermut najuut­tar­put, timiusamil­li viin­nimil­lu pinatik, ataq­qin­nit­tumik isigin­naar­tuul­lutik. Jehovap Nalunaajaasui ukiumut ataasiarlutik, nisanip 14-ian­ni seqer­nup tarrin­nerata kingor­na, eq­qaaniaal­lutik taamatut nal­liut­torsior­tar­put. Naak nunarsuaq tamak­kerlugu tuusintialuin­naat qilaliar­nis­samik neriugisaqaraluar­tut nal­liut­torsior­neq taman­na kristumiunut tamanut pingaaruteqangaar­poq. Jehovap Jiisusil­lu asan­nin­neran­nik nalis­saqan­ngitsumik eq­qarsaatigin­nin­nis­samut periarfis­saavoq. – Johan­nesi 3:16.