Guutip asanninneraniittuarit

1, 2. Ul­lumik­kut sumi isuman­naatsumik qimar­nguis­sarsisin­naavugut?

TAKORLOORUK anorersuar­toq aq­qusinik­koorlutit. Qilak taarsigalut­tuin­nar­poq. Sialus­sualermal­lu oq­quif­fis­sarsiupal­lap­putit. Aarim­mi, aq­quser­nup sinaani oq­quif­figil­luarsin­naasan­nik takusaqaler­putit. Sunaana or­nigas­saq taama qujanar­tigisoq!

² Ul­lut inuuf­figisavut anorersuarsiorfit­tut ip­put. Silarsuarmi pis­sutsit ajorsigalut­tuin­nar­put. Isuman­naatsumil­li oq­quiar­torfigisin­naasatsin­nik or­nigas­saqar­poq aaq­qin­neqarsin­naan­ngitsumik ajoqutigilersin­naasatsin­nut il­lersuutaasumik. Qimar­nguik suna pineqar­pa? Malugiuk Biibilimi Jehova ima al­laatigineqar­toq: “Qimar­nguf­figa pal­lit­taalisaralu, Guutiga tatigisara.” – Tus­siaat 91:2.

3. Qanoq ilil­luta Jehova qimar­nguigisin­naavar­put?

³ Takorloorias­sagit! Jehova, qilam­mik nunarsuarmil­lu Pin­ngor­titsisoq taak­kunanilu Kisimi Oqar­tus­saasoq, il­lersor­tis­satut qimar­nguigisin­naavar­put. Taas­sumani isuman­naatsumiis­saagut, taan­nami kimil­luun­niit sumil­luun­niil­lu uagutsin­nik navianar­torsior­titsisin­naasumit pis­saaneqar­nerungaar­poq. Ajoquser­neqas­sagaluarut­talu Jehovap ajorun­naarsil­luin­narsin­naavaatigut. Qanoq Jehova qimar­nguigisin­naavar­put? Tatigisariaqar­par­put. Aam­ma Biibilimi ima kajumis­saar­neqar­pugut: “Guutip asan­nin­neraniit­tuin­naritsi.” (Judasi 21) Aap, Guutip asan­nin­neraniit­tuar­tariaqar­pugut, Ataatatsin­nut qilam­miusumut qanit­tumik asan­nit­tumil­lu at­taveqar­tuarluta. Taamaaliorut­ta qularis­san­ngilar­put taan­na qimar­nguigalugu. Qanorli taas­sumun­nga qanit­tumik at­taveqalersin­naavugut?

GUUTIP ASANNITTULIAI MALUGINIAKKIT AJUNNGITSUMILLU QISUARIARFIGALUGIT

4, 5. Jehovap uagutsin­nut asan­nit­tuliaasa ilaan­nik eq­qaasaqarit.

⁴ Guutip asan­nin­neraniit­tuarumal­luta taas­suma qanoq asan­nit­tuliorsimanera maluginiar­tariaqar­par­put. Biibilimi ajoqersuutit atuagaq man­na iluaqutigalugu paasisimasavit ilaat eq­qarsaatigeriak­kit. Jehovap sunik tamanik Pin­ngor­titsisuugami nunarsuaq angerlarsimaf­fis­satsitut nuan­nersutut tun­nius­simavaa. Naam­mat­torsuar­nik nerisas­saqar­titsil­lunilu imigas­saqar­titsil­lunilu ator­tus­saqar­titsivoq, aam­ma uumasor­pas­suar­nik pin­ngor­titsil­lunilu alianaatsorsuar­nik nunas­saqar­titsivoq. Biibilimik atuak­kior­tutut aq­qi qanorlu it­tuunini uagutsin­nut paasinarsisis­simavai. Aam­ma paasitin­neqar­pugut taas­suma er­nituani Jiisusi Kristusi nunarsuarmut aal­lar­tis­simagaa uagut pil­luta an­niarlunilu toqunis­saa akueralugu. (Johan­nesi 3:16) Taman­na uagutsin­nut qanoq pingaaruteqar­tigaa? Siunis­samik nuan­ningaar­tumik neriuuteqalis­sutigaar­put.

⁵ Siunis­samut neriuutitsin­nut aalajangiisuuvor­taaq Guutip iliuuserisimasaa al­la. Guuti qilam­mi naalagaaf­fim­mik Mis­siarsimit kun­ngiuf­figineqar­tumik pilersitsisimavoq. Naalagaaf­fiup tamatuma naal­liuutit tamaasa qanit­tuk­kut nungutis­savai nunarsuar­pul­lu paratiisin­ngor­til­lugu. Tas­sani eq­qis­sil­luta pil­luarlutalu naas­saan­ngitsumik inuusin­naas­saagut! (Tus­siaat 37:29) Guutil­lu siun­nersor­paatigut taman­na nal­liutserlugu qanoq pitsaaner­paamik inuusin­naaner­put pil­lugu. Aam­ma qinusin­naatip­paatigut qaquguk­kul­luun­niit taas­suma at­taviginis­saanut periarfis­sil­luta. Tamak­kor­pas­suit Jehovap inun­nut tamanut, aam­ma ilin­nut, asan­nit­tuliar­pas­suisa ilaan­naminin­nguaraat.

6. Guutip asan­nin­nera qanoq qisuariarfiginiar­piuk?

⁶ Taamaam­mat im­minut ima aperisariaqar­putit: “Jehovap asan­nin­nera qanoq qisuariarfiginiar­para?” Amerlasuut ima oqas­sap­put: “Soorunami asan­nin­nera akisariaqar­para.” Aam­ma il­lit taama misigivit? Jiisusi oqar­poq inas­sutit pingaar­nersaat unaasoq: “Naalagaq Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit.” (Mat­thæusi 22:37) Jehovap asanis­saanut pis­sutis­sar­pas­suaqar­pugut. Taamatul­li asan­nis­suseqar­tutut misiginissaq naam­map­pa? Taamatut misigineq uum­matik­kut, tar­nik­kut isumak­kul­lu iluun­ngarluni Jehovamik asan­nin­nerua?

7. Guutimik asan­nin­neq taas­sumin­nga asan­nit­tutut misiginerin­naava? Nas­suiaruk.

⁷ Biibili naaper­torlugu Guutimik asan­nin­neq misigis­sutsinut tun­ngasuin­naan­ngilaq. Soorunami Jehovamik asan­nit­tutut misiginis­saq pingaaruteqar­poq, taamatul­li misigineq asan­nin­nivim­mut aal­laq­qaataagin­nar­poq. Soorlu iipilip kigutaa iipilip ilivitsup ilaminiin­narigaa, taamatut­taaq Jehovamik Guutimik asan­nit­tutut misigineq Guutimik asan­nin­niviup ilaminiin­naraa. Biibilimi ima al­las­simavoq: ‘Guutimut asan­nin­neq tas­saavoq inas­sutai maleruaratsigit, inas­sutaalu ar­tor­nar­tuun­ngil­lat.’ (1 Johan­nesi 5:3) Guutimik asan­nin­nivik ajun­ngitsunik inerititaqar­tar­poq. Iliuutsitigut ersersit­tariaqar­poq. – Mat­thæusi 7:16-20 atuak­kit.

8, 9. Guutimik asan­nin­ner­put qujamasun­ner­pul­lu qanoq ersersis­sin­naavavut?

⁸ Guutimik asan­nin­ner­put ersersit­tar­par­put taas­suma peq­qus­sutaanik najoq­qutas­siaanil­lu maleruaanitsigut. Taman­nalu saper­nar­pal­laan­ngilaq. Jehovam­mi inas­sutai ar­tor­nar­tuun­ngil­lat, iluaqutis­saap­pul­li nuan­nersumik, pil­luar­nar­tumik nalerisimaar­nar­tumil­lu inuunis­samut. (Esaja 48:17, 18) Jehovap siun­nersuutaanut naaper­tuut­tumik inuunitsigut ersersit­tar­par­put uagut pil­luta iliuuserisimasai tamaasa ilumut qujamasuutigalutigit. Ajoraluar­tumik silarsuarmi inuuf­figisatsin­ni inuit ikit­tuin­naat taamatut qujamasup­put. Jiisusi nunamiik­kal­larmat inuit qujasuitsut as­sigerusun­ngilavut. Jiisusip pupis­sut qulit ajorun­naarsip­pai, taak­kuali ilaat ataasiinnaq uter­poq Jiisusi qutsavigiar­torlugu. (Lukasi 17:12-17) Soorunami qujamasut­toq taan­na as­sigerusus­savar­put, qujasuitsut qulingiluat pin­nagit.

⁹ Taavami Jehovap peq­qus­sutai suut maleruas­savavut? Arlal­lit atuak­kami matumani sam­mineqareer­put, ilaal­lu uteq­qilaariar­tigit. Guutip peq­qus­sutaanik maleruaaneq taas­suma asan­nin­neraniit­tuar­nis­samut iluaqutigis­savar­put.

JEHOVAMUT QANILLIARTUINNARIT

10. Jehova Guuti pil­lugu ilisimasaqar­neruler­tuar­nis­saq sooq pingaaruteqar­nersoq nas­suiaruk.

¹⁰ Jehovamut qanil­liumagaan­ni taan­na pil­lugu ilisimasaqar­neruler­nis­saq pingaaruteqar­poq. Taman­na unitsin­nagu sulis­sutigiuagas­saavoq. Un­nuk­kut qiianaqisoq silamiit­tuuguit ikumatitamik uun­nas­saateqarlutit ikumatitaq ikumanikil­liar­tuin­nar­tis­sagaluar­piuk naggataatigul­lu qamitil­lugu? Soorunami naamik. Navianar­torsiulerumanak ikumatitaq qisut­tor­tuas­savat ikum­maris­sarlugu. Soorlu ikumatitaq qisut­tor­neqar­nermigut ikum­maris­sar­neqarsin­naasoq, taamatut­taaq Jehova pil­lugu ilisimasaqar­neq taas­sumin­nga asan­ningaar­tuas­sutigisin­naavar­put. – Us­satit 2:1-5.

11. Jiisusip ilin­niar­titsinera ajoqersugaanut qanoq sun­niuteqar­pa?

¹¹ Jiisusip kis­saatigaa ajoqersuk­kami Jehovamik asan­nin­ner­tik taas­sumalu oqaasiinik sal­lusuis­sutaasunik naleqaqisunik nuan­narin­nin­ner­tik ‘ikum­maris­sar­tuas­sagaat’ taamalu ineriar­tor­tit­tuarlugit. Jiisusip makititaanermi kingor­na ajoqersuk­kami ilaat marluk siulit­tuutit Al­lak­kani Hebræerisuuniit­tut im­minut eq­quutitin­neqarsimasut ilaat pil­lugit ajoqersor­pai. Taman­na sun­ner­neqaatigalugu ima oqar­put: “Uum­mativut kis­salersiman­ngin­ner­pat aq­qutitsin­ni oqaluf­figim­matigut Al­lak­kanil­lu nas­suiaal­luta?” – Lukasi 24:32.

12, 13. (a) Guutimik asan­nin­neq Biibilimil­lu nuan­narin­nin­neq inun­ni amerlaner­ni qanoq pisimava? (b) Asan­nin­ner­put qanoq ilil­luta nil­lor­tin­naveersaarsin­naavar­put?

¹² Il­lit Biibilimi sor­piaat ajoqersuutigineqar­nersut paasilerak­ku nuan­naar­nermik Guutimil­lu asan­nin­nermik uum­matit kis­saler­pa? Asan­ningaar­nerit taman­na aal­lus­sil­luarlutit inuit al­lat Jehova pil­lugu oqalut­tuun­nis­saan­nut kajumis­sutigigaajuk? Taman­na qular­nan­ngilaq. Inup­pas­suaqar­poq taama misigisimasunik. Taamatul­li asan­ningaar­tuar­nis­sar­put tamatumin­ngalu ineriar­tor­titsinis­sar­put sulis­sutis­saraar­put imaan­naan­ngitsoq. Silarsuarmi inuuf­figisatsin­ni nalingin­naasoq maleruutiin­narfigerusun­ngilar­put. Jiisusi ima siulit­tuivoq: “Asan­nin­neq amerlaner­ni nil­ler­tun­ngorumaar­poq.” (Mat­thæusi 24:12) Jehovamik asan­nin­nerit Biibilimilu sal­lusuis­sutinik nuan­narin­nin­nerit qanoq ilil­lutit nil­lor­tin­naveersaarsin­naavigit?

¹³ Jehova Guuti aam­ma Jiisusi Kristusi pil­lugit ilin­niar­tuarit. (Johan­nesi 17:3) Guutip oqaasianit paasisimasatit eq­qarsaatigeq­qis­saar­tak­kit im­minut ima aperalutit: ‘Taman­na Jehova pil­lugu sumik paasisaqarfigaara? Taas­suma uum­matik­kut, tar­nik­kut isumak­kul­lu iluun­ngarlunga asanis­saanut pis­sutis­saqar­nerulis­sutigaara?’ (Tussiaat 143:5 atuaruk). Taamatut eq­qarsaatigin­neq­qis­saar­tar­nerit Jehovamik asan­ningaar­tuas­sutigis­savat.

14. Qinuneq Jehovamik asan­ningaar­tuar­nis­satsin­nut qanoq iluaqutigisin­naavar­put?

¹⁴ Aam­ma Jehovamik asan­ningaar­tuar­toqarsin­naavoq taas­sumun­nga qinujuar­nik­kut. (1 Thes­salonikamiut 5:17) Kapitali 17-imi paasivar­put qinusin­naaneq Guutimit tunis­sutaasoq erlin­nar­toq. Soorlu inuit am­masumik at­taveqatigiit­tuar­nermik­kut im­min­nut at­taveqarluar­nerusar­tut, taamat­taaq Jehovamut qinujuar­tarut­ta taas­sumun­nga at­taveqarluar­tuas­saagut. Qin­nutivut eq­qarsaatiginagit, misigis­suseqarfiginagit isumaqarfiginagil­lu uteqat­taariin­narluta qinusalin­ngisaan­nar­nis­sar­put pingaaruteqarluin­nar­poq. Jehova oqaluf­figisariaqar­par­put meeq­qap ataataminut asan­nit­tumut oqalut­tar­neratut. Soorunami ataq­qin­nit­tumik, am­mal­lutali un­neq­qaril­lutalu uum­mam­mil­lu pisumik, oqaluf­figisariaqar­par­put. (Tus­siaat 62:9) Aap, nam­mineq Biibilimik atuaq­qis­saar­tar­neq qaman­ngalu pisumik qinusar­neq pal­lorfigin­nin­nitsin­ni pingaaruteqar­put Guutip asan­nin­neraniit­tuar­nis­samut iluaqutaasut.

PALLORFIGINNINNERIT NUANNAARUTIGIUK

15, 16. Sooq Guutip naalagaaf­fia pil­lugu oqaluus­sineq im­mik­kut pisin­naatitaaf­fit­tut erlin­nar­tuutitul­lu isigisin­naavar­put?

¹⁵ Biibilimik atuaq­qis­saar­tar­neq qinusar­nerlu pal­lorfigin­nin­nermut ilaap­put kisimiil­luta iliuuserisin­naasavut. Maan­nali sam­mis­savar­put pal­lorfigin­nin­nerup ilaa tamanut am­masumik ingerlan­neqar­tar­toq, tas­sa up­perisar­put pil­lugu inun­nik al­lanik oqaloqateqar­neq. Biibilimit paasisimasavit ilaat inun­nut al­lanut oqalut­tuarereer­pigit? Taamaaliorsin­naaneq im­mik­kut pisin­naatitaaf­fiuvoq nuan­ningaar­toq Jehovap tun­nius­saa. (Lukasi 1:74) Jehova pil­lugu paasisatsin­nik inuit al­lat oqalut­tuuk­kaangatsigit kristumiunut ilumoor­tunut tamanut sulias­siis­sutigineqar­toq pingaarutilerujus­suaq suliarisar­par­put – tas­sa Guutip naalagaaf­fia pil­lugu nutaarsias­saq nuan­nersoq oqaluus­sis­sutigisar­par­put. – Matthæusi 24:14; 28:19, 20 atuakkit.

¹⁶ Apustilip Paulusip nalunaajaasar­nini nalilerujus­suar­tut isigaa, erlin­nar­tuum­mik taal­lugu. (2 Korinthimiut 4:7) Guuti taas­sumalu siuner­taa pil­lugit inun­nut al­lanut oqalut­tuar­nis­saq suliarisin­naasavit pitsaaner­paar­taraat. Iluanaar­nar­ner­paavoq, aam­ma pitsaaner­paamik sulisitsisoqas­saatit. Oqaluus­seqataanik­kut inuit eq­qor­tuliorusut­tut ikius­savatit Ataatatsin­nut qilam­miusumut qanil­linis­saan­nut aq­qutik­kul­lu inuunermut naas­saan­ngitsumut sam­misuk­kuuler­nis­saan­nut. Al­lamik nalerisimaar­nar­nerusumik sulias­saqar­ner­pa? Aam­mat­taaq Jehova taas­sumalu oqaasia pil­lugit nalunaajaaneq il­lit up­per­nin­nut Guutimil­lu asan­nin­nin­nut nakus­satsis­sutigis­savat. Aam­ma suliniar­nitit Jehovap pingaar­tit­torujus­suuai. (Hebræerit 6:10) Eqiasuil­lutit oqaluus­seqataaniar­tuar­nerit Guutip asan­nin­neraniit­tuar­nis­san­nut iluaqutigis­savat. – 1 Korinthimiut 15:58 atuaruk.

17. Sooq kristumiutut oqaluus­sineq maan­na nukingin­nar­pa?

¹⁷ Guutip naalagaaf­fianik oqaluus­sis­sutigin­nin­nerup nukingin­nar­tuunera eq­qaamas­sal­lugu pingaaruteqar­poq. Biibilimi ima al­las­simavoq: “Oqaaseq oqaluus­sis­sutiguuk, qanoq ilisuk­kul­luun­niit sas­sar­tarit.” (2 Timotheusi 4:2) Sooq taman­na taama nukingin­nar­tigaa? Guutip oqaasiani ima nas­suiar­neqar­poq: “Qanil­livoq Naalak­kap [Jehovap, NW] ul­lus­sarsua; qanil­liar­tuler­toqaaq!” (Sefania 1:14) Aap, qanit­tuk­kut Jehovap silarsuaq ajor­toq man­na suujun­naarsis­savaa. Inuit mianersoq­quneqar­tariaqar­put! Ilisimatin­neqar­tariaqar­put Jehova Naalak­kamis­sut mas­sak­kut qiner­tariaqaraat. Taas­sumami akuliun­nis­saa ‘ilumut nal­lius­saaq kingoq­qutsis­sananilu’. – Habak­kuki 2:3, 1900.

18. Sooq kristumiut ilumoor­tut Jehovamik pal­lorfigin­neqatigisariaqar­pavut?

¹⁸ Jehovap kis­saatigaa kristumiut ilumoor­tut peqatigalugit pal­lorfigis­sagitsin­ni. Biibilimimi ima al­las­simavoq: “Im­mitsin­nut isumageqatigiin­niar­ta asaqatigiin­nermut ajun­ngitsulior­nermul­lu kajumis­saaqatigiit­tarluta, ilagiit­tut katisimasar­nivut tamatigut peqataan­ngitsoorfigisar­natigit, soorlu ilaat taama ileq­qoqar­tut, oqaaq­qis­saaqatigiit­tar­niar­tali taamaalior­nis­saq suli pisariaqar­nerulermat nalun­ngin­nas­siuk ul­lus­saq qanil­lisoq.” (Hebræerit 10:24, 25) Up­peqativut kristumiut ataatsimiin­nerinut katersuuteqatigigaangatsigit Guutit­ta asan­nit­tup un­nersiutiginis­saanut pal­lorfiginis­saanul­lu periarfis­saqarluar­tar­pugut. Aam­ma ineriar­tor­teqatigiil­lutalu kajumis­saaqatigiit­tar­pugut.

19. Ilagiin­ni asaqatigiin­neq qanoq nakus­satsis­sin­naavar­put?

¹⁹ Jehovamik pal­lorfigin­nit­tunik al­lanik peqateqaraangat­ta ilagiin­ni ikin­ngutigiin­neq asaqatigiin­nerlu nakus­satsit­tar­pavut. Up­peqatit­ta pis­susii nuan­nersut isiginiar­nerus­savavut, soorlut­taaq Jehovap uagut pis­sutsivut nuan­nersut isiginiar­nerusarai. Up­peqativit naam­mal­luin­nar­tuunis­saat naatsorsuutigis­san­ngilat. Eq­qaamajuk anersaak­kut ineriar­tor­nitsin­ni as­sigiin­ngitsunik kil­lif­feqar­tugut aam­ma tamat­ta kuk­kusar­tugut. (Kolossemiut 3:13 atuaruk). Jehovamik asan­nivis­sunik qanimut ikin­nguteqaler­niarsarigit. Taman­na il­lit nam­mineq anersaak­kut ineriar­tuutigis­savat. Aap, anersaak­kut qatan­ngutitit peqatigalugit Jehova pal­lorfigisaruk­ku taas­suma asan­nin­neraniit­tuar­nis­san­nut iluaqutigis­savat. Jehovap pal­lorfigin­nitsini aalajaatsut taamalu asan­nin­nerminiit­tuar­tut qanoq akis­sarsisis­savai?

“INUUNIVIK” ANGUNIARSARIUK

20, 21. “Inuunivik” suua, aam­ma sooq taama qilanaar­nar­tigaa?

²⁰ Jehovap kif­fani aalajaatsut inuunermik akis­sarsisis­savai, inuunerli qanoq it­toq pineqar­pa? Maan­nak­kut inuun­ngin­nat­ta? Anersaar­tor­pugum­mi aam­ma nerisarlutalu imer­tar­pugut. Iluarusuum­meraangat­talu ima oqarsin­naasar­pugut: “Aatsaat tassa inuuneq!” Biibilimili ersersin­neqar­poq ul­lumik­kut inuusut arlaan­naataluun­niit “inuunivik” pigin­ngik­kaa.

²¹ ‘Inuunivik pigileq­qul­lugu’ Guutip oqaasiani kajumis­saar­neqar­pugut. (1 Timotheusi 6:19) Oqaatsini taak­kunani erser­poq ‘inuuniviup’ siunis­sami pinis­saa neriuutigisin­naagip­put. Aap, naam­mal­luin­nar­tun­ngorut­ta oqaatsip ‘inuunerup’ isumavia naaper­torlugu, Guutip aal­laq­qaam­mul­li siuner­tarisimasaatut, inuulis­saagut. Nunami paratiisiusumi eq­qis­sineqarfiusumi peq­qil­luin­narluta pil­luarlutalu inuulerut­ta kiisami “inuunivik” – “inuuneq naas­saan­ngitsoq” – angus­savar­put. (1 Timotheusi 6:12) Neriuut nuan­ningaarami, ilaa?

22. Qanoq ilil­lutit ‘inuunivik pigilersin­naaviuk’?

²² Qanoq ilil­luta ‘inuunivik pigilersin­naavar­put’? Tas­sunga atatil­lugu Paulusip kristumiut kajumis­saar­pai “ajun­ngitsulioq­qul­lugit ajun­ngitsulianil­lu pisuus­suteqaq­qul­lugit”. (1 Timotheusi 6:18) Erseq­qip­poq apeq­qutaasorujus­suusoq sal­lusuis­sutit Biibilimeersut paasisimasavut qanoq ator­nerivut. Paulusil­li pivaa uagut ajun­ngitsulior­nitsigut “inuunivik” pisassarilersinnaagipput? Naamik. Taamatut nuan­ningaar­tumik siunis­saqas­sagut­ta apeq­qutaavoq Guutip saam­maatis­saneraatigut, tas­sa pisas­sarin­ngisaraluatsin­nik ajun­ngitsuliorfigis­saneraatigut. (Romamiut 3:24) Jehoval­lu kif­faminik aalajaatsunik akis­sarsisitsisar­nini nuan­narisar­paa. Kis­saatigaa “inuunivik” pigilis­sagit. Inuuneq pil­luar­nar­toq, eq­qis­sinar­toq naas­saan­ngitsorlu taman­na inuit Guutip asan­nin­neraniit­tuar­tut siunis­saraat.

23. Guutip asan­nin­neraniit­tuar­nis­saq sooq pingaaruteqarluin­nar­pa?

²³ Im­minut ima aperisariaqar­pugut: ‘Guuti pal­lorfigaara Biibilimi peq­qus­sutigisaatut periaaseqarlunga?’ Apeq­qut taman­na ul­lut tamaasa angersin­naagutsigu aq­qutik­kut eq­qor­tuk­koorsimas­saagut. Taava qularis­san­ngilar­put Jehova qimar­nguigalugu. Taas­suma in­nut­tani aalajaatsut silarsuatoq­qap ul­luini kingul­ler­ni atugarliungaarfiusuni isuman­naatsumik siulersorumaar­pai. Aam­mat­taaq silarsuas­samut nutaamut nuan­ningaar­tumut maan­na qanil­lisumut siulersorumaar­paatigut. Pis­sanganaq! Qanorlu nuan­naarutigitigis­savar­put ul­luni kingul­ler­ni mak­kunani eq­qor­tumik aalajanger­tarsimaner­put! Maan­na eq­qor­tumik aalajanger­taruit “inuunivik”, Jehovap aal­laq­qaam­mul­li siuner­tarisimasaatut naas­saan­ngitsumik inuuneq, angus­savat.