Kristumiutut inuunerput kiffartornerpullu – Najoqqutassaq-mut innersuussutit

JANUAARIP 7-13

GUUTIP OQAASIANI ERLINNARTUUTIT | APUSTILIT SULIAAT 21-22

Anersaakkut erlinnartunik ujarlerneq

nwtsty ApS 22:16-imut nassuiaatit

ajortitit piiarneqartillugit Naalakkallu aqqa torlorfigalugu: Imaluun­niit: “Taas­suma aq­qanik torlorfigin­nin­nik­kut ajor­titit piiarlugit.” Kuisin­nerin­nak­kut ajor­tit piiar­neqar­neq ajor­put, Jiisusil­li aq­qa torlorfigalugu inuup ajor­tini piiar­tar­pai. Taamaalius­sagaan­ni Jiisusimut up­per­tuusariaqar­poq up­per­nerlu kristumiutut iliuuseqar­nik­kut takutil­lugu. – ApS 10:43; Jaak 2:14, 18.

JANUAARIP 14-20

GUUTIP OQAASIANI ERLINNARTUUTIT | APUSTILIT SULIAAT 23-24

Anersaakkut erlinnartunik ujarlerneq

nwtsty ApS 23:6-imut nassuiaatit

farisiiariuvunga: Tusar­naar­tut ilaasa Paulusi ilisarisimavaat. (ApS 22:5) Farisiiarinit naggueqarnerarmat siuaasaqaqatigiin­ner­tik miserratigin­ngik­kaa paasivaat. Nalun­ngilaat Paulusi kuk­kusumik im­minut ilisaritin­ngitsoq, farisiiarim­mi Kil­lisiuisoqatigiin­nut ilaasor­taasut nalun­ngilaat taan­na kristumiun­ngorsimasoq aal­lus­sil­luar­toq. Uanili Paulusip farisiiariunerar­nera oqaatsip isumaviatut paasineqas­san­ngilaq; Paulusi farisiiariunerar­poq saddukiiariunerar­nani toqusunit makititaanis­saq farisiiarit aam­ma up­perim­mas­suk. Taamaalior­nermigut farisiiaril­lu najuut­tut isumaqatigiis­sutigisin­naasamin­nik taasaqar­poq. Neriuutigigunar­paa isumaqatigiin­ngis­sutaasoq taman­na eq­qar­toruniuk Kil­lisiuisoqatigiin­ni ilaasor­taasut ilaasa tun­ngavilersuutini isumaqatigis­sagaat, iluatsip­porlu. (ApS 23:7-9) ApS 23:6-imi Paulusip oqaasii kingusin­nerusuk­kut kun­ngimut Agrip­pamut im­minut il­lersor­til­luni nam­mineq pil­luni oqaasiinut naaper­tuup­put. (ApS 26:5) Romamiitil­luni up­peqatiminut Filip­pimiit­tunut al­lak­kami Paulusip farisiiarinit naggueqar­nini eq­qaavaa. (Fil 3:5) Aam­ma maluginiar­nar­poq kristumiut al­lat farisiiariusimagaluar­tut ApS 15:5-imi qanoq al­laatigineqar­nerat.

nwtsty ApS 24:24-mut nassuiaatit

Drusilla: Herodesip ApS 12:1-imi eq­qaaneqar­tup, tas­sa Herodesi Agrippa I-p, paniisa pingasuusut nukarlersaat. Kr.in.king. ukiumi 38-mi inun­ngor­poq qatan­ngutigaalu Agrippa II aam­ma Berenike. (ApS 25:13) Naalagaatitaq Felixi uineq­qiutigaa. Uia siul­leq tas­saavoq Emesami kun­ngi Azizus Syriamiu, taan­nali averiarlugu ukiup 54-ip mis­saani 16-inik ukioqarluni Felixilu katip­put. Imaas­sin­naavoq Paulusip Felixi “iluar­neq pinaveersaar­nerlu eq­qar­tuus­sinis­sarlu pil­lugit” oqaluum­magu Drusilla najuut­toq. (ApS 24:25) Felixip naalagaatitatut Festusimit kingoraar­neqarami Paulusi par­naarus­saaq­qatiin­nar­paa “juutinut iluareq­qusaar­niarluni”, isumaqar­toqar­porlu nuliaminut inuusut­tumut, juutiusumut, iluareq­qusaarluni taamaalior­toq. – ApS 24:27.

JANUAARIP 21-27

GUUTIP OQAASIANI ERLINNARTUUTIT | APUSTILIT SULIAAT 25-26

Anersaakkut erlinnartunik ujarlerneq

nwtsty ApS 26:14-imut nassuiaatit

Suugaq tukkartussallugu: Imaluun­niit: “Ajaap­piaq in­ngigis­soq isim­mit­tas­sal­lugu.” Ajaap­piaq in­ngigis­soq taamaat­toq uumasunik ungooris­sutaasar­poq. (Eqq 3:31) Oqariar­taaseq “suk­kamik tuk­kar­tuineq” us­sataavoq grækerit atuagaataan­ni ator­neqar­tar­toq. Us­satip tamatuma aal­laavigaa nersus­suup angutivis­sap ajaap­piaq in­ngigis­soq im­minut toor­taatigisaq isim­mit­tarlugu im­minut ajoqusiin­narluni akiuun­nera. Saulusi kristumiun­ngun­ngik­kal­larami taamatul­lusooq pis­susilersor­tarsimavoq. Jiisusip ajoqersugaanik, Jehovamit Guutimit il­lersor­neqar­tunik, akiuinermigut Paulusi im­minut ajoquserujus­suarsin­naagaluar­poq. (ApS 5:38, 39; 1 Tim 1:13, 14 naleq­qiuk­kit). Oqal 12:11-mi “suk­katut kikis­satul­lu” it­tut as­sersuutitut ator­neqar­put inuup ilisimas­susil­lip oqaasii tusar­naar­tuata siun­nersuum­mik maleruaanis­saminut kil­litsis­sutigisai pil­lugit.

nwtstg oqaatsit nassuiaataat

Ajaappiaq inngigissoq. Tas­saavoq ajaap­piaq saviminermik in­ngigis­sumik nuulik nersutaatil­lit uumasunik toor­taatigisar­tagaat. Inuup ilisimas­susil­lip oqaasii tusar­naar­tuata siun­nersuum­mik maleruaanis­saminut kil­litsis­sutigisai pil­lugit as­sersuutitut ator­neqar­poq. Oqariar­taaseq “suk­kamik tuk­kar­tuineq” aal­laaveqar­poq nersus­suup angutivis­sap ajaap­piaq in­ngigis­soq im­minut toor­taatigisaq isim­mit­tarlugu im­minut ajoqusiin­narluni akiuun­neranit. – ApS 26:14; Eqq 3:31.

JANUAARIP 28-FEBRUAARIP 3

GUUTIP OQAASIANI ERLINNARTUUTIT | APUSTILIT SULIAAT 27-28

Anersaakkut erlinnartunik ujarlerneq

nwtsty ApS 27:9-mut nassuiaatit

Ulloq Iisinnginniarfik: Imaluun­niit: “Ul­lormi saam­maan­nar­titsivim­mi iisin­ngin­niarfik; ukiak­kut iisin­ngin­niarfik.” Oqaaseq grækerisooq “iisin­ngin­niarfik”-mik nutser­neqar­toq tas­saavoq Mosesip inatsisaani peq­qus­sutituaq iisin­ngin­niar­nis­samut, ul­lormi saam­maan­nar­titsivim­mi, aam­ma Yom Kippur-imik taaneqar­tar­tumi, ukiumut ataasiarluni pisar­tumut. (hebræerisut: yohm hakkippurim, “ul­loq saam­maas­sivik”). (3 Mos 16:29-31; 23:26-32; 4 Mos 29:7) Oqaatsini hebræerisuuni “iisin­ngin­niar­nermik” nutser­neqar­tuni ul­lormut saam­maan­nar­titsivim­mut tun­ngatil­lugu ator­neqar­tuni pineqar­tar­poq pinaveersaar­neq, pinaveersaar­ner­nilu pingaar­ner­paavoq iisin­ngin­niar­neq. (3 Mos 16:29) Septembarip naaler­nerani oktobaril­luun­niit aal­lar­tin­nerani ul­lormi saam­maan­nar­titsivim­mi iisin­ngin­niarfiusar­poq.

nwtsty ApS 28:11-mut nassuiaatit

Marlulissat: Imaluun­niit: “Zeusip er­neri.” Grækerit Romamiul­lu guutisior­nerat naaper­torlugu “Zeusip er­neri” (grækerisut: Dioskouroi) tas­saap­put Castor aam­ma Pol­lux, guutip Zeusip (Jupiterip) dron­ningil­lu Ledap Spar­tamiup er­neri marlulis­sat. Ilaatigut umiar­tor­tunik il­lersuisutut, imaani navianar­torsior­tunik an­naas­sisin­naasutut, isigineqar­put. Umiarsuup siuani taamatut inuusaliaqar­neranik al­laatigin­nin­neq taman­na al­lat­tup isigin­nit­tuusimaneranut up­per­narsaataavoq.