Ilinniagassat Biibilimik tunngavillit qanoq iluaqutigilluarsinnaagitit
Ilinniartitsisussarsiorit: Quppersakkamik matuminnga tunniussisumut ikioqqugit, imaluunniit nittartakkatsinni jw.org-imi immersuigit.
ILINNIAGASSANI AALLAQQAASIUT
Immikkoortut tamaasa atuakkit, apeqqutit (A) allassimaffiillu (B) pingaarnernik erseqqissaasut ilanngullugit. Allassimaffiit ilaannut atatillugu ima allassimasoqartarpoq: “atuarsiuk” imaluunniit “atuarsigit”.
ITISILIINEQ
Itisiliineq aallarnerlugu (C) tulliullugit sammineqartussat allassimapput. Pingaarnertut sammineqartussat qulequtaaqqani (D) allassimapput. Allassimaffiit atuakkit, apeqqutit akikkit videullu isiginnaarlugit (E).
Assit oqaasertaallu misissuataakkit (F), eqqarsaatigiullu immikkoortumi Oqartoqartarpoq-mi (G) qanoq akissanerlutit.
ILINNIAGASSANI NAGGASIUT
Eqikkaaneq aamma Uteqqiineq (H) ilinniagassani naggasiutaapput. Ulloq ilinniagassamik naammassiffiit allaguk. Sulissutigisassatit Iliuuserisassatit-niipput (I). Nammineq misissugassatit-ni (J) innersuussutigineqartut atuarlugillu isiginnaarsinnaavatit.
Biibilimi allassimaffiit qanoq nanisinnaagitit
Allassimaffinnut innersuussinerni Biibilip atuagartaa (A), kapitalia (B) aamma versia imaluunniit versii (C) allassimasarput. Assersuutigalugu Johannesimit allakkani kapitali 17-imi versi 3 ima innersuussutigineqassaaq: Johannesi 17:3.