Kapitali 103

Naalaffimmut uteqqippoq

JESUS ajoqersugaalu Jerikomit tikik­kamil­li Betaniami pingasoriarlutik un­nuisimap­put. Maan­na ul­laan­nguup seqer­nata ataani, ataasin­ngor­nermi nisanip 10-ani, Jerusalemilialereer­put. Jesus kaap­poq, fiigequs­suarlu pilutalik takugamiuk or­nip­paa takuniarlugu fiiger­taqar­nersoq.

Aatsaat mar­tsip naggataata tungaaniim­mat aatsaal­lu junimi fiigeqalersarluni, fiigequt taman­na pilutaniaar­pal­laarsimavoq. Qular­nan­ngitsumik or­pik pilutaqalereersimam­mat Jesusip fiigeqas­sasoraa. Pakatsivorli. Pilutai pisuul­lutik or­pik kajunger­nar­tun­ngorsimavoq. Taamaat­tumik Jesusip or­pik perloq­quaa oqarlunilu: „Kingor­na inerititan­nik nerisoqan­ngil­luin­nas­saaq.“ Jesusip fiigequs­suarmik perloq­qusinerata kinguneri as­sersuutaasumil­lu isumaa aqaguani paasinarsis­sap­put.

Jesus ajoqersugaalu ingerlaq­qip­put, sivitsun­ngitsorlu Jerusalemimut apuup­put. Tas­sani Jesus ip­pas­saam­mat ualik­kut qimerloorsimasaminut naalaf­fim­mukar­poq. Ul­lumik­kul­li ukiunik pingasunik siusin­nerusuk­kut, ukiumi 30-mi poorskimi, iliuuserisimasamisut pis­sutsit iliuuseqarfigai. Naalaf­fim­mi tuniniaasut pisiniar­tul­lu tamaasa aniatip­pai, aningaasanil­lu taarsiisut ilisivii tuinil­lu nuisitsisut is­siavii up­pitil­lugit. Al­laat ator­tumik sumil­luun­nit tigumiar­tut naalaf­fim­mi ingerlaq­qun­ngilai.

Naalaf­fim­mi aningaasanik taarsiisar­tut uumasunil­lu tuniniaasut avoq­qaaralugit oqar­poq: „Ima al­las­siman­ngila, il­luga inuiaqatigiit tamarmik qinusarfis­saan­nik taaneqas­sasoq? Ilis­sili ujajaaf­fin­ngor­tip­parsi.“ ’Ujajaasuup­put’ uumasut pil­liutis­sat inuit ilaasa maani pisiarisariaqagaat akisunaarlugit akigisaramik­kik. Taamaat­tumik niuer­neq taamaat­toq Jesusip peq­quserlut­tulior­nik­kut aningaasanik akilersuisitsiner­tut imaluun­niit til­lin­ner­tut isigaa.

Palasiunerit, al­lak­kanik ilisimasut inuil­lu nuimasor­taasa Jesusip qanoq iliorsimanera tusaramik­ku toqutaatin­niaq­qip­paat. Taamaalil­lutik ersersip­paat iluarsivis­saqaratik. Naluaal­li qanoq ilil­lutik toqun­nias­sanerlugu, inup­pas­suim­mi tusar­naarumal­lugu najor­tuarmas­suk.

Uinik­kut juutit saniatigut aam­mat­taaq juutiun­ngitsut poorskisioriarlutik tikis­simap­put. Ilasiaap­put, tas­sa juutius­sutsimik up­perisaqalersimasuup­put. Grækerit ilaat, qular­nan­ngitsumik ilasiaasut­taaq, Filipimut saaf­figin­nip­put aperalutil­lu Jesus naapis­sin­naan­ngin­nerlugu. Filip Andreasimukar­poq, qular­nan­ngitsumik aperiniarluni naapeqatigiin­neq taama it­toq naleq­qut­tuunersoq. Jesus suli naalaf­fim­miin­nguatsiar­poq, tas­sanilu grækerit naapis­sin­naavaat.

Jesusip nalun­ngilaa ul­lut inuuf­figisas­sani ikit­tuin­nan­ngor­tut, taman­nalu qajas­suar­tumik eq­qaavaa: „Inuup Er­nerata naalan­narsivis­saa nal­liup­poq. Ilumut, ilumut oqarfigaas­si: naatsiias­saq qajuusias­saq is­sup iluanut tul­lunilu toqun­ngik­kuni ataasiuin­nas­saaq.“

Naatsiias­saq qajuusias­saasoq nalikitsuin­naavoq. Qanorli pisoqas­sava is­sumut pip­pat ’toqul­lunilu’, imaluun­niit naatsiias­saajun­naar­pat? Taava put­tut­tar­poq pif­fis­sal­lu ingerlanerani ivigan­ngor­tar­poq qajuusias­sar­pas­suaqalersarlunilu. Jesus inuuvoq naam­mal­luin­nar­toq ataasiin­naq. Guutimul­li aalajaal­luni toquguni, inun­nut aalajaatsunut im­misut im­min­nut pil­liutigeriaan­naasunut inuunermik naas­saan­ngitsumik tunisisun­ngus­saaq. Taamaat­tumik Jesus oqar­poq: „Inuunermik asan­nit­tup inuunini an­naajumaar­paa; silamili matumani inuunerminik uumigin­nit­tup inuunini pigit­tuin­narumaar­paa naas­saan­ngitsumik inuus­sal­luni.“

Qular­nan­ngitsumik Jesus im­minuin­naq eq­qarsaatigin­ngilaq, imami nangip­poq: „Uan­nut kif­far­torumasup malil­linga, kif­faralu najuk­kan­niis­saaq. Uan­nul­lu kif­far­tor­toq Ataatap ataq­qis­savaa.“ Jesusip tumaanik malin­nit­tunut taas­sumun­ngalu kif­far­tor­tunut akis­sarsiap angis­susia! Kristus ilagalugu Naalagaaf­fim­miin­nermik­kut Ataatamit ataq­qisaas­sap­put.

Naal­liungaar­nis­sani an­niangaarlunilu toqunis­sani eq­qarsaatigalugit, Jesus nangip­poq: „Maan­na tar­niga siooravoq; qanorlu oqas­saanga? Ataataq, nal­liut­tumit matuman­nga an­naan­nga!“ Jesusip atugas­sai pitsaalineqarsin­naas­sagaluaramik! Naaggali, soorlu oqar­toq: „Taman­nali pil­lugu nal­liut­toq man­na tikip­para.“ Ataatami atoq­qusai Jesusip akuerai, aam­mat­taaq inuunerminik pil­liutigin­nin­nis­sani. Mattæus 21:12, 13, 18, 19; Markus 11:12-18; Lukas 19:45-48; Johannes 12:20-27.

▪ Sooq Jesusip fiiginik nas­saar­nis­sani ilimagigaluar­paa, naak fiigeqalerfis­saa suli nal­liutin­ngik­kaluar­toq?

▪ Sooq Jesusip naalaf­fim­mi tuniniaasut ’ujajaasunik’ taavai?

▪ Qanoq ilil­luni Jesus naatsiias­samut qajuusias­saasumut as­singua?

▪ Atugas­sani naal­liun­nar­tut toqunis­sanilu Jesusip qanoq isigai?

Kapitali 104

Pingajussaanik Guuti tusartippoq

JESUS naalaf­fim­miitil­luni toqunis­sani er­num­matigeqaa. Isumakuluutiginer­paasaa tas­saavoq Ataatami tusaamaneqar­neranik toqunermi qanoq at­tuinis­saa. Taamaat­tumik qinuvoq: „Ataataq, aq­qit naalan­nar­tiguk!“

Taava nipi qilam­mit tutsiup­poq: „Naalan­narsisereer­para naalan­narsiseq­qik­kumaarlugulu.“

Inuit najuut­tut paatsiveerup­put. „In­ngilip oqaluf­figisimavaa,“ ilaat oqaluler­put. Ilaasalu kal­ler­nerar­paat. Jehova Guutiliuna oqalut­toq! Jesusimul­li atatil­lugu Guuti aatsaat tusar­tilin­ngilaq.

Ukiunik pingasunik af­farmil­lu siusin­nerusuk­kut Jesusip kuisin­nerani Johan­nes Kuisisup tusarsimavaa Guuti Jesusimut oqar­toq: „Tas­sa Er­nera asanar­toq nuan­narisara.“ Ukiumi 32-mi poorskip kingunin­nguagut, Jakobip, Johan­nesip Peteril­lu tak­kuan­ni Jesusip al­lan­ngor­titaanerani tusar­paat Guuti ima nalunaar­toq: „Tas­sa Er­nera asanar­toq nuan­narisara; taan­na tusarsiuk!“ Maan­nalu pingajus­saanik, nisanip 10-ani, Jesusip toqunis­saa ul­lunik sisamanik sioq­qul­lugu, Guutip nipaa inuit tusaq­qip­paat. Tamatumuunak­kut inup­pas­suit tusaasin­naasaan­nik Jehova oqalup­poq!

Jesus nas­suiaavoq: „Nipi taman­na uanga pil­lunga pin­ngilaq, ilis­si pil­lusi pivoq.“ Nipip up­per­narsar­paa Jesus ilumut Guutip er­nerigaa, Mes­siasiusoq neriorsuutigisaasoq. „Maan­na silarsuaq man­na eq­qar­tuun­neqaler­poq,“ Jesus nangip­poq, „maan­na silarsuup matuma naalagaa ajat­tor­neqas­saaq.“ Aap, Jesusip aalajaal­luni inuunera up­per­narsaaqataavoq Satan Diaavulu, ’silarsuup matuma naalagaa’, ’ajat­tor­neqar­nis­saminut’ imaluun­niit suujun­naarsin­neqar­nis­saminut naleq­qut­tuusoq.

Qanit­tuk­kut toqunis­sami kingunerisas­sai Jesusip tik­kuar­pai oqarlunilu: „Uangalu nunamit qangat­tar­titaaleruma tamaasa uan­nut kajungersik­kumaar­pak­ka.“ Toqunera ajorsar­nerun­ngil­luin­nar­poq, taman­nami iluaqutigalugu inuit al­lat im­minut pisis­savai inuunermik naas­saan­ngitsumik angusisin­naalersil­lugit.

Najuut­tul­li akerliliip­put: „Inatsisinit tusar­pugut Kristus naas­saan­ngitsumik it­tuas­sasoq. Soormi taava Oqar­pit Inuup Er­nera qangat­tar­titaas­sasoq?“

Naak takus­sutis­saqaraluaqisoq, al­laat Guutip nam­mineq nipaa tusareeraluarlugu, amerlanerit suli up­perilin­ngilaat Jesus tas­saasoq Inuup Er­nera ilumoortoq, Mes­sias neriorsuutigisaasoq. Qaam­matinil­li arfilin­nik siusin­nerusuk­kut, tupiusaliorfis­sior­nermi, iliorsimanermisut Jesus im­minut ’qaamasumik’ taavoq tusar­naar­tinilu oqaatsinik mak­kunin­nga kajumis­sarlugit: „Qaamasoq ilis­sin­niik­kal­lar­til­lugu qaamasoq up­perfigisiuk qaamasumut qitor­nareq­qul­lusi!“ Taamatut oqareerami Jesus qimagup­poq toq­qorlunilu, qular­nan­ngitsumik inuunini navianar­torsiormat.

Juutit Jesusimut up­peruman­ngin­nerat Esajasip oqaasiisa eq­quun­neraat, ’tap­piitsut uum­mataal­lu misik­karlut­tut saan­niaratik nakorsar­tin­natil­lu’. Takorruuisin­neqarluni Esajasip takusimavaa Jehovap qilaa, ilaatigut Jesusip inut­tut inun­ngun­ngik­kal­larami naalan­nas­susia, Jehovalu. Jesusil­li tas­saaneranut an­naas­sisoq neriorsuutaasoq takus­sutis­sat Esajasip al­lagaasa eq­quun­nerat­tut juutit uteriil­lutik akueriuman­ngilaat.

Aam­mali amerlaqisut, al­laat pisor­taasut ilaat (im­maqa juutit eq­qar­tuus­sisuunerinut, Sanhedrinimut, ilaasor­tat) Jesusimut up­per­tun­ngor­put. Pisor­tat ilaat marluk tas­saap­put Nikodemus Josefilu Arimatæamiu. Taak­kuali up­per­ner­tik pil­lugu ul­luni mak­kunani sas­sarusun­ngik­kal­lar­put, naalaf­fim­mi atorfim­mik an­naanis­saa siooragigamik­ku. Taamaalil­lutik pin­ngitsuugaat ila an­ner­toqaaq!

Taava Jesus nangip­poq: „Uan­nut up­per­toq uan­nut pin­nani aal­lar­titsisin­nut up­per­poq; uan­nil­lu takun­nit­tup aal­lar­titsisiga takuaa. . . . Oqaatsin­nil­lu tusar­toq toq­qor­nagil­lu, taan­na uanga eq­qar­tuus­san­ngilara; tikiutin­ngilangami silamiut eq­qar­tuus­sal­lugit, kisian­ni silamiut [an­naatis­sal­lugit]. . . . Oqaatsit oqaaserisama ul­lut naggatis­saan­ni eq­qar­tuuk­kumaar­paa.“

Jehovap inuian­nut asan­nin­nini kil­lin­neqaatigalugu Jesus nunamut aal­lar­tis­simavaa taas­sumun­nga up­per­tut an­nas­sin­naaq­qul­lugit. Guutip Jesusimut oqaasereq­qusai naalak­kaan­ni aatsaat an­nat­toqarsin­naavoq. Eq­qar­tuus­sineq „ul­lut naggatis­saan­ni“, Kristusip ukiuni tuusintini naalak­kersuinerani, pis­saaq.

Jesus naggasiivoq: „Isuman­nik oqalun­ngilanga, Ataatal­li aal­lar­titsisima inap­paanga qanoq oqas­sasunga qanorlu oqalus­sasunga. Inas­sutaalu naas­saan­ngitsumik inuus­sutaasoq ilisimavara. Taamaat­tumik oqaluk­kaangama ima oqalut­tar­punga, soorlu Ataatap oqarfigigaanga.“ Johannes 12:28-50; 19:38, 39; Mattæus 3:17; 17:5; Jesaja 6:1, 8-10.

▪ Pisuni pingasuni suni Jesusimut atatil­lugu Guutip nipaa tusaaneqarsin­naasimava?

▪ Pruf­fiiti Esajasip qanoq ilil­luni Jesusip naalan­nas­susia takusimavaa?

▪ Pisor­tat kik­kut Jesusimut up­per­tun­ngor­pat, soorli up­perisar­tik pil­lugu sas­sarusun­ngil­lat?

▪ „Ul­lut naggatis­saat“ suua, suul­lu tun­ngavigalugit taamanik­kus­samut inuit eq­qar­tuun­neqas­sap­pat?