Siulittuutit eqquutereersut

Eq­qaariik­katsitut Krøsus Delfimi palasinit paasinerlutsin­neqarami Perserit kun­ngian­nit ajorsar­titaavoq. Biibilimili Perserit kun­ngian­nut tun­ngasumik maluginiar­nar­tumik siulit­tuuteqar­poq, taan­nalu eq­quuteq­qis­saar­poq.

Perserit kun­ngian­nut pisus­saq ukiunik 200-t mis­saan­nik sioq­qul­lugu – taas­suma inun­ngor­nera sioq­quterujus­suarlugu – pruf­fiitip hebræeriusup Esajap Kyrosi atia taal­lugu il­loqarfis­suarmik Babylonimik qanoq ajugaaf­figin­nis­sasoq al­laatigaa.

Esaja 44:24, 27, 28: “Ima oqar­poq Naalagaq ... ‘Tis­sorit!’ Puilasutit paq­qersis­savak­ka! Kyrosimut oqar­punga: ‘Savaatin­nik paarsisuutitara!’ Uanga piumasan­nik tamanik naam­mas­sisitsisus­saavoq. Jerusalemimut oqar­punga: ‘Il­loqarfiliareq­qin­neqas­saatit, naalaf­fil­lu tun­ngaviler­neqas­saaq.’”

Oqalut­tuarisaanermik ilisimatooq grækereq Herodot naaper­torlugu Kyrosip sak­kutuuisa Kuus­suaq Eufrati, il­loqarfik­kut Babylonik­koor­toq, sangutip­paat. Kyrosi taamaalior­titsigami sak­kutuumilu kuup kuuf­figisimasaatigut il­loqarfik iserfigisin­naaler­paat. Il­loqarfik tigusarereerlugu Kyrosip juutit Babylonimut aal­larus­saaq­qasut iperagaatip­pai Jerusalemimil­lu, ukiut 70-it tamatuma sior­na aserugaasumik, sanaq­qiijar­torlutik aal­lar­nis­saat akueralugu.

Esaja 45:1: “Ima oqar­poq Naalagaq tanitaminut, Kyrosimut. Taan­na taler­piatigut tiguara sioraani inuiaat tul­laariumal­lugit kun­ngil­lu qiterutaat qilerus­saarumal­lugit, matut taas­sumun­nga am­marumal­lugit isaaf­fiit matoq­qajun­naarsil­lugit.”

Perserit Babylonip matorsui qajan­naatsut mianersuaal­lior­nik­kut am­matiin­nar­neqarsimam­mata il­loqarfik iserfigaat. Babylonimiut Kyrosip pilersaarutaa ilisimasimasuugunik­ku il­loqarfiup isaariai kuum­mut sam­misut tamaasa matoq­qatis­simas­sagaluar­paat. Am­matiin­naramik­kil­li il­loqarfik iserfigineqariaan­naavoq.

Siulit­tuut maluginiar­nar­toq taman­na Biibilimi siulit­tuutit eq­quuteq­qis­saar­tor­pas­suit ilaan­naraat.a Siulit­tuutit Biibilimeersut inuit guutipilutik ikior­tiginerarlugit siulit­tuiniar­tar­neran­nit al­laanerup­put ima oqar­tumit pilerfeqaramik: “Pileq­qaar­neran­nit qanoq pisoqar­nis­saa nalunaarutigaara, itsaanil­li suli pin­ngitsut oqaatigaak­ka.” – Esaja 46:10.

Guuti ilumoor­toq kisimi, Jehovamik atilik, taama oqarsin­naavoq. Ateq taman­na sun­ngor­titsisin­naasumil­luun­niit isumaqarunar­poq. Pineqar­poq siunis­sami pisus­sanik ilisiman­nis­sin­naal­lunilu piumasaminut naaper­tuut­tumik ilusilersuisin­naanera. Tamatumani qularun­naarsin­neqar­pugut neriorsuutai tamarmik eq­quuk­kumaar­tut.

SIULITTUUTIT ULLUMIKKUT EQQUUTTUT

Naler­put pil­lugu Biibilimi siulit­tuutit paaserusup­pigit? Ukiut 2.000-t matuma sior­na Biibilimi siulit­tuutigineqar­poq ‘ul­lus­sani kingul­ler­ni ul­lut atugarliungaarfis­sat nal­liuk­kumaar­tut’. Suut ul­lus­saat kingul­liit? Nunarsuaq inuil­lu pineqaratik pineqar­put eq­qis­siviil­lior­nerit, naqisiman­nin­nerit ukiunilu tuusintilik­kuutaani inuit naal­liuutigisarsimasaasa ul­lus­saat kingul­liit. ‘Ul­lus­sat kingul­liit’ taak­kua ilisar­naatis­saat­tut siulit­tuutigineqar­tut ilaat ikit­tun­nguit misis­soriar­tigit.

2 Timotheusi 3:1-5: ‘Ul­lus­sani kingul­ler­ni nal­liuk­kumaar­put ul­lut atugarliungaarfis­sat. Taamanik­kus­samimi inuit tas­saalerumaar­put nam­minis­sarsior­tut, aningaaserituut, usorsitsaar­tut, an­neruniar­tut, asis­suingaar­tut, angajoq­qaamin­nut naalan­ngitsut, qujasuitsut, mital­liisut, asan­niuitsut, saam­mar­titas­saan­ngitsut, mamarliisut, naam­matsiuitsut, qiningasut, ajun­ngitsunut akeraasut, kil­luus­sisut, puf­fajasut, makitaniar­tut, inuul­luar­niutit Guutimit pingaar­nerutil­lugit. Taak­kua Guutimik mianerin­nin­neq ileq­qorisuusaagin­nar­paat pis­saanerali asigin­narlugu.’

Ul­lumik­kut inuit taama pis­susilersor­tar­tut amerliar­tuin­nar­put, ilaa? Malugisimaviuk inuit im­minut asasut, aningaaserituut makitasuul­lu akor­nan­niit­tugut? Malugaajuk inuit piumasaqar­nerujar­tuin­narlutil­lu al­lanik eq­qis­seqatigin­nik­kuman­ngin­nerulersimasut? Qular­nan­ngitsumik malugisimas­savat angajoq­qaanut naalan­ngitsuuneq nalingin­naalersimasoq im­minul­lu iluarusutsik­kusun­neq Guutimik asan­nin­nermit nuan­narineqar­nerulersimasoq. Ul­lul­lu tamaasa pis­sutsit ajorsiar­tuin­nar­put.

Matthæusi 24:6, 7: “Sorsuup­palut­tunik tusaasarumaar­pusi sorsut­tunil­lu tusaamajumaarlusi. ... Inuiaam­mi pikitsitsiumaar­put inuian­nut, naalagaaf­fil­lu naalagaaf­fim­mut.”

Mis­singer­neqarsimavoq inuit 1914-imiil­li sorsun­ner­ni sak­kuaan­ner­nilu toqutaasimasut 100 mil­lioninit amerlanerusut, nunar­pas­suit in­nut­taan­nit amerlanerusut. Takorlooruk qul­lilisut, aliasut­tut naal­liut­tul­lu qanoq amerlatigisut. Inuiaat kuk­kus­sutigisatik ilin­niarfigisimavaat sorsuut­tarun­naarlutil­lu?

Matthæusi 24:7: ‘Sumi tamani kaan­nersuaqar­tarumaar­poq.’

Ima nalunaarusiaqar­poq: “Silarsuarmi kik­kun­nut tamanut naam­mat­tunik nerisas­sanik pilersuisoqarfiusumi inuit 815 mil­lionit – qulingiluaagaangata ataaseq – nerisaqarsimanatik un­nuk­kut in­nar­tar­put. Amerlanerusul­lu – pingasuugaangata ataaseq – inuus­sutis­sar­talim­mik naam­matsil­lutik nerineq ajor­put.” (FN’s Verdensfødeprogram) Mis­singer­neqarsimavoq ukiut tamaasa meeq­qat 3 mil­lionit mis­saat perlerlutik toqusar­tut.

Lukasi 21:11: “Nunami sajun­nersuaqar­tarumaar­poq.”

Ukiut tamaasa inuit malugisin­naasaan­nik nuna sajut­tar­poq 50.000-eriarluni. 100-t mis­saat il­lunik aseruisar­put, ukiumul­lu ataasiarluni nuna sajorujus­suar­tar­poq. Mis­singiinerit ilaat naaper­torlugu 1975-imiit 2000-p tungaanut nunap sajun­nerani inuit 471.000-t ajunaarsimap­put.

Matthæusi 24:14: ‘Naalagaaf­fim­mik iivangkiiliu taan­na silarsuarmi tamarmi oqaluus­sis­sutigineqas­saaq inuian­nut tamanut nalujun­naarsil­lugu, taavalu naggatis­saq nal­liutis­saaq.’

Jehovap Nalunaajaasuisa, 8 mil­lioninit amerlanerusut, nunani 240-t mis­saan­ni Guutip naalagaaf­fia pil­lugu nutaarsias­saq nuan­nersoq oqaluus­sis­sutigisar­paat. Il­loqarfis­suar­ni il­loqarfeeq­qanilu avin­ngarusimasuni, aap, sumi tamani oqaluus­sisar­put. Suliaq Guutip naam­mas­sinerar­pagu siulit­tuum­mi al­las­simasutut “naggatis­saq nal­liutis­saaq”. Taman­na isumaqar­poq inuit naalak­kersuinerat naggaser­neqas­sasoq Guutil­lu naalagaaf­fia aqutsilis­sasoq. Siulit­tuutit suut Guutip naalagaaf­fiani eq­quutis­sap­pat? Atuagas­siap matuma sin­nera atuaruk.