Watch Tower Bible and Tract Society suua?

Watch Tower Bible and Tract Society of Pennsylvania peqatigiif­fiuvoq iluanaar­niar­nermik siunerta­qan­ngitsoq 1884-imi Pennsylvaniami Amerikamiit­tumi inatsisinut naaper­tuut­tumik pilersin­neqar­toq. Jehovap Nalunaajaasuisa peqatigiif­fik taan­na atorpaat silarsuaq tamak­kerlugu suliar­tik, ilaatigut Biibilinik Biibililer­saaru­tinillu saqqummer­sitsisar­ner­tik, tapersersor­niarlugu.

Peqatigiif­fiup malittarisas­siai naaper­torlugit peqatigiif­fimmi anguniak­kat “upperisar­sior­nermut, ilin­niar­tit­sinermut allanillu iluaqusii­nis­samut tun­ngas­su­teqarput”, immik­kullu pingaar­tin­neqarpoq “Guutip naalagaaf­fia Kristusimit Jiisusimit siulersor­neqar­toq pillugu iivangkiiliumik oqaluus­sis­su­tigin­nin­nis­saq”. Aatsaat qin­nuigi­neqarsima­tilluni ilaasor­tan­ngor­toqar­sin­naavoq, ilaasor­tan­ngoqqusallu qanoq aningaasa­liitigi­simanera ilaasor­tan­ngoq­qusinermut tunnga­vigine­qarneq ajorpoq. Peqatigiif­fimmi ilaasor­tat siulersuisullu Jehovap Nalunaa­jaasuisa Siulersuiso­qatigii­vinik taperser­suipput.

Peqatigiiffiit inatsisitigut akuerisaasut allat

Jehovap Nalunaajaasui Watch Tower Bible and Tract Society of Pennsylvania-p saniatigut peqatigiif­fin­nik inatsisitigut akuerisaasunik nunani as­sigiin­ngit­suniittunik atuisarput. Peqati­giif­fiit taak­kua taaguutaan­ni oqaatsit “Watch Tower” imaluun­niit “Watchtower” imaluun­niit oqaatsit taak­kunan­nga nutsik­kat atorneqar­tarput.

Peqatigiif­fiit inatsisitigut akuerisaasut taak­ku pilersin­neqar­matali angusar­pas­sua­qarpugut, ilaatigut mak­kunin­nga:

• Aaqqis­suineq saqqummer­sitsi­nerlu. Biibilit 253 millionit mis­saan­nittut naqiter­nikuuavut Biibililersaarutillu as­sigiin­ngitsut oqaatsinut 1.050-nit amerlanerusunut nutserlugit. Nittar­tak­kami jw.org-imi Biibili oqaatsini 300-nit amerlanerusuni akeqan­ngitsumik atuarneqar­sin­naavoq apeqqutillu Biibilimut tun­ngasut soorlu “Guutip naalagaaf­fia suua?” akis­sutis­sarsineqar­sin­naallutik.

• Ilinniar­titsineq. Biibili pillugu ilin­niar­tit­siviusunik as­sigiin­ngitsunik ilin­niar­feqarpugut. As­sersuu­tigalugu 1943-miilli Jehovap Nalunaajaasui 10.000-nit amerlanerusut Napasuliap Alapernaar­suif­fiup Biibilimik Ilin­niarfiani Gileadimi sukumiisumik ilinniar­tin­neqar­simapput ajoqersuiar­tortitatut imaluun­niit silarsuaq tamak­kerlugu suliatsin­nik arlaatigut nakus­sat­seqataa­sus­satut kif­far­tor­sin­naan­ngorlutik. Sapaatillu-akun­neri tamaasa inuit millionillit, aamma Jehovamik Nalunaajaa­suun­ngitsut, ilagiit ataatsimiin­nerini ilinniar­tinne­qar­tarput. Aamma atuf­farin­nis­samik ilin­niarfin­nik pilersitsini­kuuvugut atuak­kamillu atuarnermik allan­nermillu ilin­niummik saqqummer­sitsini­kuulluta oqaatsinut 136-nut nutserneqar­simasumik.

• Iluaqutis­siuineq. Ajunaar­nersuarmik ajor­tunilluun­niit allanik nalaataqar­toqarsimatillugu ikiuiniaqa­taanis­samut piareersima­sarpugut – as­sersuutigalugu 1994-imi Rwandami inuian­nik toqoraasoqarnerata kingorna 2010-milu Haitimi nunap sajun­nerata kingorna ikiuiniaqa­taavugut.

Peqatigiif­fiit inatsisitigut akuerisaasut ator­tak­kavut aqqutigalugit naammas­sisar­pas­suaqara­luarluta, naammas­sisaqar­sin­naa­nitsin­nut taak­ku aalajangii­suun­ngillat. Kristumiut tamarmik immik­kut Guutip uagutsin­nut sulias­siis­sutaanik suliaqarnis­samut, tassa nutaarsias­samik nuan­nersumik oqaluus­sis­sutigin­ninnis­samut, akisus­saaf­feqarput. (Matthæusi 24:14; 28:19, 20) Upperivarput Guuti suliatsin­nut tun­ngatillugu anner­toq­qusersui­sar­toq taannalu tas­saa­juas­sasoq “naajar­tor­titsisoq”. – 1 Korinthimiut 3:6, 7.