Katsorsarneqarsinnaanngitsumik nappaateqaruma Biibili iluaqutigisinnaavara?

Akissut Biibilimeersoq

Aap. Guutip kif­fani nap­parsimasut isumakuluutigisar­pai. Kif­faq aalajaatsoq pil­lugu Biibilimi ima al­las­simasoqar­poq: “Nap­parsimal­luni nal­laviani Naalak­kap ikius­savaa.” (Tus­siaat 41:4) Katsorsar­neqarsin­naan­ngitsumik nap­paateqaruit siun­nersuutit pingasut uku iluaqutigisin­naavatit:

1. Naammagit­tarsin­naanissaq qinnutigisaruk. Taava eq­qis­sineq ‘Guutimit pisoq siuneqas­suser­nit tamanit an­nerungaar­toq’ misigis­savat. Taman­na ajor­nar­torsiutivit naam­magalugit ator­nis­saan­nut iluaqutigis­savat. – Filip­pimiut 4:6, 7.

2. Isumalluar­tuugit. Biibilimi ima al­las­simavoq: “Uum­matik­kut nuan­naar­neq peq­qin­nar­tuuvoq, nikal­lunganerul­li saar­ngit is­seerutitit­tar­pai.” (Us­satit 17:22) Qiimasaar­tarit, taman­nami nikal­lunganerup nalaani iluaqutaasarmat peq­qis­sutsin­nul­lu sun­niuteqarluarsin­naal­luni.

3. Guutip nerior­suutaanik upperin­ninnerit nakus­satsiguk. Nap­paateqaraluarlutit neriuutit nuan­naar­tuar­nis­san­nut iluaqutigisin­naavat. (Romamiut 12:12) Biibilimi siulit­tuutigineqar­poq siunis­sami oqar­toqas­san­ngitsoq: “Nap­parsimavunga!” (Esaja 33:24) Nap­paatit ul­lumik­kut nakorsaatitigut ilisimatusar­tut katsorsarsin­naan­ngisaat Guutip iluarsiivigiumaar­pai. As­sersuutigalugu Biibilimi al­laatigineqar­poq utoq­qaat peq­qis­seq­qik­kumaarlutil­lu inuusus­seq­qik­kumaar­tut: “Timaa inuusuk­kal­lar­neranisut nukit­torumaar­poq inuusun­nermi ul­luinisut ileq­qil­luni.” – Jobi 33:25.

Malugiuk: Guutip ikiuinera iluaqutigisaraluarlugu Jehovap Nalunaajaasui nap­parsimaleraangamik aam­ma nakorsiar­tar­put. (Markusi 2:17) Nakorsaatit aalajangersimasut in­nersuus­sutigineq ajor­pagut. Inuup suut ator­niar­nerlugit nam­mineq aalajangigas­sarivaa.