Biibilimik atuarnissamut pilersaarutit

Inuunermi silatusaar­nis­samut iluaqutis­sat pitsaaner­paat Biibilimiip­put. Biibili atuar­tuar­taruk­ku atuak­kan­nil­lu eq­qarsaatigin­neq­qis­saar­tuaruit ilik­kak­katil­lu ator­taruk­kit “iluatsitsil­luas­saatit”. (Josva 1:8; Tus­siaatit 1:1-3) Aam­ma Guuti taas­sumalu er­nera ilisarisimal­lualis­savatit, taman­nalu an­naan­neqar­nermik kinguneqarsin­naavoq. – Johan­nesi 17:3.

Al­lak­kat Biibilimiit­tut qanoq tul­leriiaar­nilerlugit atuas­savigit? Arlalin­nik qinigas­saqar­poq. Biibilimik atuar­nis­samut pilersaarut una al­lak­kat Biibilimiit­tut tul­leriiaar­nerisut imaluun­niit sam­misak­kuutaarlugit atuar­nis­saanut iluaqutigis­savat. As­sersuutigalugu im­mik­koor­tut aalajangersimasut atuarsin­naavatit oqalut­tuarisaanerup ingerlanerani Guutip itsaq Israelik­kun­nik iliuuseqarfigin­neriaasii pil­lugit paasisaqar­nerujumal­lutit. Im­mik­koor­tut al­lat atuarsin­naavatit kristumiut siul­liit ilagiivisa qanoq tun­ngaviler­neqarlutil­lu ineriar­torsimaneran­nik paasisaqarumal­lutit. Kapitalinik marlun­nik ul­lut tamaasa atuar­taruit Biibili naal­lugu ukiup ataatsip ingerlanerani atuarsin­naavat.

Ul­lormut, ukiumut ataatsimut aal­lar­terlaatul­luun­niit Biibilimik atuar­nis­samut pilersaarutis­sarsioruit, pilersaarut una iluaqutigis­savat. Biibilimik atuar­nis­samut piler­saarut printer­neqar­sin­naasoq aajuk ul­lumilu aal­lar­til­lutit.