Guuti neriorsuivoq nunarsuarput atajuassasoq

Silap pissusiata allanngoriar­tornera pillugu ilisimatusartut nunanit tamalaaneersut nalunaarusiaanni taama inerniliisoqarpoq. Illit upperigukku inunnik isumassuisumik Pinngor­titsisoqartoq, Guutip nunarsuarmik imminut iluarsaateq­qissinnaasutut pinngor­titsisimaneranut takussutis­sarpassuit immaqa eqqarsaatigilis­savatit.

Inuilli nunarsuarmik qanoq ajoqusiitigisimanerat eqqarsaatigalugu erseqqippoq iliuuseqar­toqanngippat nunarsuaq iluarsiar­torsinnaan­ngitsoq. Sooq qularnata upperisin­naavarput Guuti aaqqiis­sutissaqartoq?

Maluginiaruk nunarsuatta siunissaris­saarnera allassimaffinni tulliuttuni uppernarsar­neqartoq.

• Guutip nunarsuarput pinngortippaa. “Pileqqaar­neranni Guutip qilak nunalu pinngortippai.” – Mosesimik 1. 1:1

• Guutip nunarsuarput pigaa. “Nuna taassumaniittullu tamaasa ... [Guutip] pigai.” – Tussiaat 24:1

• Guutip nunarsuarput atajuar­tussatut pinngortippaa. “Nuna aalajaatsumik [tunngavilerpaa] naassaan­ngitsumik patajaal­lisillugu.” – Tussiaat 104:5

• Guuti neriorsuivoq uumassusillit qaqugorsuarmut nunarsuarmiissasut. ‘Nunamik ilusiliisup soqanngitsus­sanngorlugu pinngor­tinngilaa, kisianni najugaqarfis­sanngor­tillugu.’ – Esaja 45:18

• Guuti neriorsuivoq nunarsuaq qaqugorsuarmut inunnit najugarineqassasoq. “Iluartut nuna kingornutissavaat najugaqas­sallutillu tassani naassaan­ngitsumik.” – Tussiaat 37:29

Guutip nunarsuaq pinngortippaa inuit nunarsuarmik aseruinatik inuunermik nuannaarutigin­nissinnaatillugit. Biibili naapertorlugu Jehovapa piffissarititani nalliuppat inuit nunarsuatsinnik atuipilunnerat unitsissavaa. – Saqqummersitat 11:18

Biibilimi neriorsuutigineqarpoq Guutip taamanik­kussamut nunarsuaq salillugu paratiisin­ngortissagaa ‘pinngor­titallu tamaasa kissaatigisaannik qaarsil­lartittassagai’. – Tussiaat 145:16