PISIASSAT AKITSORNERINI SUSINNAAVIT?
Siunissaq isumalluarfigiuk
Suut tamarmik akitsoriartornerat pissutigalugu aningaasatigut ajornartorsiuteqarpit? Ilaquttannik pilersuisinnaanerit isumakuluutigaajuk? Taamaappat siunissaq pillugu ernumassuteqarunarputit. Taamatut ajornartorsiuteqarnermi tutsuiginartumik neriuuteqarneq iluaqutaangaarsinnaavoq.
SOOQ PINGAARUTEQARTOQ
Inuit siunissamut neriuuteqartut eqqarsaannartanngillat suut tamarmik aaqqikkumaartut. Neriuutertilli kajumississutigalugu iliuuseqartarput pissutsillu atukkatik atorluarniartarlugit. Assersuutigalugu misissuinerit ilaannia paasineqarsimavoq inuit neriuuteqartut …
pinertusaarnerusinnaasartut
naleqqussarluarnerusinnaasartut
peqqissutsiminnut iluaqutaasunik aalajangiilluarnerusartut
SUSINNAASUTIT
Siullertut, Biibili maannakkut qanoq iluaqutigisinnaanerlugu paasiniaruk. Biibilimi siunnersuutitsialaqarpoq akit qaffakkiartorneranni iluaqutigisinnaasannik. Taakku iluaqutigalugit inuuninni suut iliuuseqarfigisinnaanerlugit paasisinnaavat siunissamilu ajornartorsiuteqarnissamut piareersimanerusinnaallutit.
Aappaattut, siunissaq pillugu Biibilimi qanoq allassimasoqarnersoq misissoruk. Siunnersuutit Biibilimeersut iluaqutaanerat paasigukku immaqa tassani siunissaq pillugu qanoq allassimasoqarnersoq misissorusulissavat. Paasissavat Guutip ‘siunissaqartikkusukkaatigut neriuutissaqartillutalu’. (Jeremia 29:11) Taamatut kissaateqaannarnani piviusunngortinnissaanut aaqqissuussisimavoq – tassa Kunngeqarfimmik pilersitsisimavoq.
GUUTIP KUNNGEQARFIA SUUA, QANORLU NAAMMASSISAQASSAVA?
Guutip naalagaaffiani, tassa kunngeqarfiani, naalakkersuisut qilamminngaanniit nunarsuarmi inunnut tamanut naalakkersuilissapput. (Danieli 2:44; Matiusi 6:10) Naalliuutit piitsuussuserlu atuukkunnaarsissavaat kikkullu tamarmik toqqissisimanissaat amigaateqannginnissaallu isumagalugu. Tamannalu allassimaffinni tulliuttuni ersersinneqarpoq:
Inuit millionillit neriorsuutit taakku ‘Guutimit sallusinnaanngitsumeersut’ upperilluinnarpaat. (Tittusi 1:2) Aamma illit Biibili misissorusuppiuk? Neriuut Biibilimeersoq iluaqutigalugu aningaasaqarniarnikkut ajornartorsiuteqarneq naammagalugu atorsinnaavat siunissarlu isumalluarfigisinnaallugu.
a Tigusiffigisaq: “Hope and Optimism as an Opportunity to Improve the ‘Positive Mental Health’ Demand”, Frontiers in Psychology, Vol. 13, februaarip 23-iat, 2022.